زراعة الشعر افضل طبيب زراعة شعر في تركيا hairworldistanbul زراعة الشعر في تركيا

قديم 28-09-2010, 05:50 AM   #1
متميزة
صاحبة تجربة
 
الصورة الرمزية يآرب حقق مرآدي
 
تاريخ التسجيل: Jul 2010
المشاركات: 478
يآرب حقق مرآدي is on a distinguished road
Smile يارب لك الحمد والشكر , تمت العمليه

اللهم (ما اصبح , ما امسى )بي من نعمة او بأحد من خلقك فمنك وحدك لاشريك لك لك الحمد ولك الشكر

السلام عليكم ورحمه الله وبركاته
الشكر أولا لله تعالى وحده , ثم لهذا المنتدى الكبير , اللي لولا الله ثم هو والله ماتشجعت للعمليه
ودعواتي في ظهر الغيب لصاحب المنتدى ,ولجميع القائمين عليه.
جزاكم الله خير جميعا من اعضاء و مشرفين ومشجعين لي بأتخاذ اجراء العمليه


أنا فتاه عزباء , عمري 26 سنه ,
بصراحه كنت من 6 سنوات تقريبا حسيت بتساقط شعري وخفته . وانا بطبيعه شعري ناعم جدا وخفيف لكن الحمدلله خفته طبيعيه جدا بسبب خفه الشعر يعني ماتبين فروة الراس .!!

وكانت بدايتي عند الدكتور العيسى بعياده ديرما, بشارع الثلاثين , واعطاني بخاخ Rogaine بنسبة 5% استمريت عليه وكنت كل ما اروح له موعد يكشف على شعري ويرجع يقول لي استمري عليه فقط من دون مايعطيني اي حبوب او علاج

وبعدها تركت مراجعاته وبديت باستخدام البخااخ لمده سنتين تقريبا
شفت نتائج حلوه , لكن حسيت بظهور شعر خفيف بوجهي وهذا ازعجني بصراحه لانه اولا ماكان بوجهي اي شعر بعدها بديت بجلسات الليزر والحمدلله جابت نتيجه
لكن تعبت من استخدام البخاخ لانه بعد سنتين ماشوف تحسن اكثر يعني ظل مثل ماكان
وتركت البخاخ << وهذا اكبر غلط سويته
جلست فتره بأهمال بدون بخاخ ورجع شعري يتساقط وبشده
بعدها بدت نفسيتي صراحه تتعب من شعري وكل شوي اطالع نفسي بالمرايه مو مصدقه فروة راسي تبين وكل يوم عن الثاني يزيد هالشي


بعدها سمعت عن عياده الدكتور ابو بكر يوسف , امتداد شارع التحليه , قلت ماخاب من استشار
رحت ودخلت استشاره 300 ريال , وبعدها اعطاني علاجات من كبسولات وفيتامين وبخاخ .. الخ فوق الالف ريال مع عده تحاليل كلفتني تقريبا 1500 ريال
سويت التحاليل وكل شي تمام الحمدلله وبديت باستخدام العلاج لكن ماشفت اي نتيجه بصراحه
ولا ارتحت له وبعد حول سنه تركت كل علاجاته .!

رجعت للبخاخ Rogain وبديت استخدمه ,


وذكرو لي دكتوره جلديه نسيت اسمها بالظبط ,بعياده ايما الي على طريق الملك عبدالله , ( صرت حقل تجارب انا )
و قلت بروح استشاره لها فقط لاني سمعت انها تستخدم ابر الميزوثيرابي
وتوكلت على الله ورحت لها استشاره فقط (تطيب نفسي فيها) وقالت لي لو تبغين الابر راح يكون يوميا بالراس وانتي يبغى لك علاج لمده سنه لكن ما اظمن لك ان النتيجه راح تكون قويه
لكن نوقف تساقط الشعر ومن الكلام , وبصراحه ماقتنعت بكلامها وصرفت فكره الابر
وقالت يمكن الزراعه تكون حل لك اذا انتي مو مقتنعه لكن تراها مكلفه , مع ان الابر الي بتضربها براسي يوميا قيمتها حول 500 الوحده .!! يعني قلت براسي ازرع اصرف لي من الابر يوميا رايحه جايه لهم وانا مو مقتنعه فيهم , وطلعت من العياده ونصحتني بأستخدام بخاخ Rogain





وظليت على البخاخ واستسلمت للأمر الواقع وقلت الفرج قريب بأذن الله
يآرب حقق مرآدي غير متواجد حالياً   رد مع اقتباس
قديم 28-09-2010, 05:51 AM   #2
متميزة
صاحبة تجربة
 
الصورة الرمزية يآرب حقق مرآدي
 
تاريخ التسجيل: Jul 2010
المشاركات: 478
يآرب حقق مرآدي is on a distinguished road
افتراضي

وبعد سنه يمكن او اكثر فكرت بالزراعه من كثر ماحامت كبدي .!!

ودخلت النت قلت بشوف وش فيه وش مكتوب وهل فيه احد مجرب ومن هالكلام , وبالصدفه طحت بالمنتدى هذا وصراحه قريت كثير واعطاني حاااافز قوي جدا بالزراعه.

وقريت هنا عن الدكتور التركي والدكتور بسام ...
ورحت استشاره قبل رمضان للدكتور التركي ومثل ماقلت لكم سابقا باحد المواضيع , قال لي يتم زراعه 4 الاف شعره بقيمه 30 الف ريال و دخولي استشاره 300 ريال , وشرح لي اشياء قبل وبعد العمليه من نصايح وطريقه العمليه لكن مافيه اي تفصيل دقيق بالكلام . انا شعري من ورى خفيف لكن مو زي قدام وقال لي بزرع لك قدام وشوي ورى ,

رجعت للبيت وانا متحمسه للعمليه لكن مادري يمكن انها خيره ماحجزت على طول
قلت بدخل استشاره عند الدكتور بسام جباعي وبشوف . وتوكلت ورحت له برمضان
بصرااحه ماقصر معاي يعني حسيت برااااحه معاه لانه شرحه بالتفصيل الممل وكيف البوصيله وأنواعها واشياء صراحه كنت اجهلها و وراني ناس سو قبل عنده صور قبل و بعد العمليه يعني اقتنعت بكلامه جدا جدا لكن كان يختلف بالراي مع الدكتور التركي بالزراعه .. وهو انه راح يعمل الزراعه كاامله بالامام والي ورى يعطيني حبوب لها راح تنشطها بأذن الله
لانه قال لو باخذ مثلا 4 الاف شعره وازرع لك قدام وشوي ورى ماراح تحسين بفرق كبير من الامام لان الشعر متوزع عكس لو اخلي كلهم من الامام وراح يطول شعرك ويغطي الخلف مع العلاج
وأقتنعت برأيه وشرحه لي بالتفصيل الله يجزاه كل خير . وكانت التكلفه 16800 ريال مع الاستشاره
وجلست اشرح له تجاربي وعلاجاتي . واستغرب من استخدامي بخاخ Rogaine بنسبة 5% قالو قوي عليك مفروض تكتفين 2% فقط ,

توكلت على الله وحجزت موعد للعمليه قبل اطلع من العياده << جزمت خلاص
(( بريك .. تعبت جالسه احرك رقبتي وارفع راسي ))


ايوه .. المهم
جاء وقت العمليه وقبلها بيوم صراحه قلقانه كثير ولا نمت زين من التفكير << نصيحه نامو زين لانه مايسوى هالقلق كله (مجربه)
ودخلت العياده 9 ص وكنت بدفع عن طريق الشبكه لكن صار فيها عطل وتأخرت مادخلت للعمليه لانه لازم الدفع قبل العمليه , وبكذا بديت الساعه 10
اخذو الوزن والضغط وبدلت ملابسي ولبست اللبس الخاص للعمليه واعطوني حبه
توكلت على الله وجلست على الكرسي وبدأ الدكتور يطمني ويهديني لاني كنت خايفه
وبدينا بالتخدير من ورى وهنا حسيت بوجع الابر وهو يحطه لين بدا راسي بالتخدير ولا حسيت اي شي مجرد انهم يتشغلون براسي بدون اي احساس الحمدلله
وبعد ساعه او اكثر قال خلصنا من ورى وانا ماصدقت يعني الحمدلله ماتوقعت لهدرجه
ببالي بحس بآلام الخياطه او من هالكلام , بعدها اخذنا بريك شوي وتغديت
ورجع واعطاني ابر عشان يبدأ الزراعه من فوق وكانت الابر تحت الحاجب صراحه قوي مكانها وخفت لكن نغزتها اقل الم من مكانها
وبدأت تتخدر جبهتي وراسي من فوق وبدأ بتنغيز من فوق اول شي حسيت فيهم لانه الا الان ماتخدر بقوه لين بعد عده دقايق وبديت ماحس بشي الحمدلله
وبعد ماخلص من التخدير فوق وتفتيح عشان البوصيلات و اعطاني ابره بيدي عشان آلام الرقبه
بدأ شغل السسترات بزراعة البوصيلات بالشعر تقريبا من الساعه 1 الى 4 ونص
هنا انا حسيت بشد من الخلف وبالراس وحسيت بصداع و وجع رقبتي وكل شوي اخذ بريك واحرك رقبتي


لكن الي ازعجني صراحه (قرق) السسترات فوق راسي يعني هذا الشي الوحيد الي ماعجبني كلامهم كثير وهم فوق راسي وضحك وسوالف انا مصدعه وراسي من دونهم بس استحيت اقول لهم قلت اتحمل

يعني نصيحتي انكم قبل تبدون العمليه تقولون للدكتور هالشي ان السسترات اثناء ماهم يشتغلون بالزرع انهم يسكتون عشان ترتاحون ولا يصير لكم ماصار لي

والدكتور كل شوي جاي لي ويشوفني ويطمني ومن هالكلام الله يعطيه العافيه
بعد ماخلصت ولله الحمد والشكر الساعه 5 جاء لي الدكتور وشاف الشغل وبعدها اعطاني ابره ثانيه بيدي الاخرى للألام و نصائح و ادويه.أعطاني عده حبوب لمده 10 ايام القادمه .. وهي



شامبو ( بيبي جونسون) استخدمه خلال 10 ايام وبعدها استخدم اي شامبو ابغاه
Roxil 500 mg حبه صباحآ و مساء لمدة أسبوع
Panadol Extra حبتين كل 8 ساعات لمدة يومين
Prednisolon 5mg من اليوم الأولى الى اليوم السادس 8 حبات صباح بعد الفطور , واليوم السابع و الثامن 6 حبات صباح بعد الفطور , واليوم التاسع و العاشر 4 حبات صباح بعد الفطور , واليوم الحادي عشر 2 حبه صباح بعد الفطور ... والباقي خلاص ارميها



وأعطاني تعليمات ومنها : الصلاه خلال 24 ساعه اصلي وانا جالسه , بعدها بيوم كامل اقدر اصلي عاديه لكن حرصني بالسجود انها تكون الجبهه من اسفل الي تلامس الارض يعني على الحواجب مو من فوق جهه الشعر
المويه ماتلمس شعري .. يعني بالوضوء يكون المسح خفيف بمنطقه معينه وهي( بين المنطقه المأخوذ منها البوصيلات و المنطقه المزروعه فيها )
حذرني اني ما المس راسي ابد ولا احركه بيدي ولا انزل راسي للأسفل
و مايجيه اي ضربه (ركبت السياره وضرب راسي شوي مو كله طوول فيني بس طفاقه ) بس الحمدلله مافيه دم ولا شي وهذا طمني , لانه قال يمكن لا سمح الله تتحرك البوصيله وبيطلع دم لو جاء راسك اي ضربه او لمس , واعطاني شاش عشان لو طلع نقطه دم شرح لي كيف امسحه
وهي اني امسك الشاش واضغط بخفيف جدا على الدم الي طلع و أوخرها عشان ما احرك البوصيله من مكانه , لانه يقول البوصيله الا لان مامسكها الشعر ويبي لها يوم كامل عشان تمسكه ,
والرياضه ممنوعه لفتره محدوده والجهد الكبير , والنوم نصحني انام على ظهري وارفع راسي شوي وحذرني النوم على بطني لانه راح يطلع تورمات بوجهي,



وهذي تعليمات بورقه اعطاني الدكتور :
1- عليك بالاسترخاء .. استمر في تقليل النشاط العنيف خلال الايام العشر التاليه ويشمل الرقص والركض والعدو على السلالم وخاصه العمل بالخارج . يمكن مباشرة الجنس بعد مرور 24 ساعه
2- النوم .. تجنب النوم على بطنك لمدة 5 ايام , حيث أن ذلك قد يحسب اي انتفاخ الى وجهك
3- الادويه .. الرجاء تناول الادويه حسب التعليمات
4- لا أسبرين .. لاتستخدم الاسبرين لمده 7 ايام
5- ازاله الغرز .. تحتاج الغرز لان تزال خلال مده تتراوح من 10-14 يوم
6- القشور .. لاتحاول ان تنزع القشور فهي تتساقط طبيعيه خلال الاسابيع القادمه , ويتساقط الشعر المزروع وتبقى البصيلات الشعر موجوده ويرجع للنمو في حوالي 12 اسبوع




و بكرا بأذن الله راح اروح اغسل شعري عندهم . وبيعلموني كيف غسل الشعر
وبعد 10 ايام من العمليه لي موعد عند الدكتور بيشوف شعري ويفك الغرز ويعطيني علاجات .


شعوري الان بصداع خفيف وثقل وتنمل .. وشد براسي وألم خفيف ولله الحمد .. وهذي الاشياء طبيعيه على كلام الدكتور

وبأذن الله اي جديد أو تطورات لي راح ارجع واكتب هنا بنفس الموضع
وأي استفسار انا حاضره بالي اقدر عليه وراح افيدكم مثل ما أفدتوني

واخيرا .. دعواتي لكم جميعا بالتوفيق والشكر لله اولا ثم للدكتور بسام و لكم ...

دعواتكم ...
يآرب حقق مرآدي غير متواجد حالياً   رد مع اقتباس
قديم 28-09-2010, 06:33 AM   #3
عضو مميز
 
تاريخ التسجيل: May 2010
المشاركات: 442
ahmed.ahmed is on a distinguished road
افتراضي

حمد لله على سلامتك اختى الكريمه ... ويجب الحرص واتباع التعليمات جيدا خصوصا فى الايام الاولى من الزراعه لان عليها اكبر عامل فى نجاح العمليه باذن الله ...
حمد لله على سلامتك مره تانيه .. وان شاء الله تحصلى على ما تريدين ...
ahmed.ahmed غير متواجد حالياً   رد مع اقتباس
قديم 28-09-2010, 06:38 AM   #4
عضو مميز
 
تاريخ التسجيل: May 2010
المشاركات: 311
أ م ل is on a distinguished road
افتراضي

هنيـــــــــئا لك ..
أ م ل غير متواجد حالياً   رد مع اقتباس
قديم 28-09-2010, 08:36 AM   #5
عضو جديد
 
تاريخ التسجيل: Apr 2010
المشاركات: 26
واحد من الناس is on a distinguished road
افتراضي

الحمدلله على السلامه والف مبروك انك اجريتي العمليه
والله يهنيك يارب وتفرحي بنتايج اكثر مما تتمني

ويارب الدكتور بسام يفكون فرع لهم بجده

ياليت تساليه اذا رحتي ماودهم يجون جده
واحد من الناس غير متواجد حالياً   رد مع اقتباس
قديم 28-09-2010, 10:57 AM   #6
متميزة
صاحبة تجربة
 
الصورة الرمزية يآرب حقق مرآدي
 
تاريخ التسجيل: Jul 2010
المشاركات: 478
يآرب حقق مرآدي is on a distinguished road
افتراضي

اقتباس:
المشاركة الأصلية كتبت بواسطة ahmed.ahmed مشاهدة المشاركة
حمد لله على سلامتك اختى الكريمه ... ويجب الحرص واتباع التعليمات جيدا خصوصا فى الايام الاولى من الزراعه لان عليها اكبر عامل فى نجاح العمليه باذن الله ...
حمد لله على سلامتك مره تانيه .. وان شاء الله تحصلى على ما تريدين ...
الله يسلمك أخووي .. صحيح يجب الحرص واتباع التعليمات ومثل ماقال الدكتور هالايام هذي اهم شي
اللهم آمين يارب واياك .. جزاك الله خير





[quote=أ م ل;3642]هنيـــــــــئا لك ..
ربي يهنيك ويسلمك .. مشكوره ياخيتي




اقتباس:
المشاركة الأصلية كتبت بواسطة واحد من الناس مشاهدة المشاركة
الحمدلله على السلامه والف مبروك انك اجريتي العمليه
والله يهنيك يارب وتفرحي بنتايج اكثر مما تتمني
ويارب الدكتور بسام يفكون فرع لهم بجده
ياليت تساليه اذا رحتي ماودهم يجون جده
الله يسلمك ويبارك فيك .. اللهم آميين واياك والعقبال لك يارب
نصيحيتي لا يردك هالشي لانك بجده .. احجز وتعال كلها يوم وانت مخلص بأذن الله
وأبشر راح اسألك الدكتور ان شاء الله , وربي يوفقك ويسهل امرنا وأمرك والمسلمين آجمعين
مشكور
__________________

يارب لك الحمد والشكر
للأستفاده من تجربتي .. هنــــا

إعذروني من قلة تواجدي هنا وعدم الرد ع الرسائل الخاصه



يآربْ مِنْ عُـْمٍرْي عْطَ آمُيْ
يآرب حقق مرآدي غير متواجد حالياً   رد مع اقتباس
قديم 28-09-2010, 12:02 PM   #7
عضو مميز
 
تاريخ التسجيل: Aug 2010
الدولة: الدمام - السعودية
المشاركات: 244
أبومشعل 2007 is on a distinguished road
افتراضي

الحمد لله على السلامة وعقبال النتائج الاحلى ...


يعني زرعتي 4000 جراف وكلفك حوالي 16600 ريال بصراحة سعر حلو مره
أبومشعل 2007 غير متواجد حالياً   رد مع اقتباس
قديم 28-09-2010, 01:17 PM   #8
عضو نشيط
 
تاريخ التسجيل: Apr 2010
المشاركات: 63
bossbassam is on a distinguished road
افتراضي

حمداً لله على سلامتك .. وإن شاء الله تشوفين النتايج الي تسرك ..
bossbassam غير متواجد حالياً   رد مع اقتباس
قديم 28-09-2010, 01:31 PM   #9
عضو نشيط
 
تاريخ التسجيل: Sep 2010
المشاركات: 31
healing touch is on a distinguished road
افتراضي

الحمدلله على سلامتك ..
وان شاء الله تشوفين النتائج اللي تسعدك ..
healing touch غير متواجد حالياً   رد مع اقتباس
قديم 28-09-2010, 03:10 PM   #10
عضو مميز
 
تاريخ التسجيل: Aug 2010
المشاركات: 844
عبدالله 99 is on a distinguished road
افتراضي

الحمدالله على سلامتك ما شاء الله احسك مرتاحه نفسيا من العمليه

الله يوفقك وربي يرزقك شعر يرفرف وتتدلعين قدام زوجك

كم بصيله زرعتي تقريبا

بالنسبه للألم كلها 10 ايام تفكين الخيووط وبعدها بتصيرين مثل الطير الي اذا فتحوا له القفص كيف يطير ههههه

انا عن نفسي بعد مافكيت الخيوط ارتحت كثير واخذت راحتي بالجلسه والنوم وكل شي

الان الحمدالله مر علي شهر ونص مافيه اي الم ولاتنمل ولاحاجه كانت عندي حكه من فتره والان الحمدالله الأمور

طبيعيه جدا

الله يوفقك
عبدالله 99 غير متواجد حالياً   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة

الانتقال السريع

المواضيع المتشابهه للموضوع: يارب لك الحمد والشكر , تمت العمليه
الموضوع
واخيرا ولله الحمد سويت العمليه عند دكتور بسام جباعي
عملنا العمليه الحمد الله بتاريخ 27/12/2012
تمت العمليه ولله الحمد عند الدكتور بسام يوم الاربعاء 26\8\1432(مع الصور)


الساعة الآن 01:02 PM

خريطة المنتدى



Powered by vBulletin® Version 3.8.11
Copyright ©2000 - 2020, vBulletin Solutions Inc.
Ads Organizer 3.0.3 by Analytics - Distance Education

rss - XML - HTML

جميع الحقوق محفوظة تصميم النور اونلاين لخدمات الويب المتكاملة