طيب نصيحتي لك اخوي سويها وقول له حبيبي عمري كبير وماتوقع في صلع اكثر من هالصلع
ووزع لي الشعر على كامل الرأس وبعدين اكثف بعد 8 شهور.. وبالفعل سويها واتوكل على الله لامريكا وهناك بيكون مضالك 10 شهور وبانت النتائج معاك .. ابدا عاد بمسألة انك تزرع مره ثانيه وزور الدكاترة وشوف ايش المقترحات وانت تحتاج تكثيف تحتاج بسش افضل من زراعة نص وتخلي نص قول له يا اخي وزع لي هالعدد على كامل الرأس لان فبالي نية زراعة اخرى بعد 10 شهور او سنه برجع لك وتزرع لي وبس.. عموما لما يزرع لك ويوزعه لك ويبقى قصير يعني نص سم او اكثر شوي صدقني بيغطي الفراغات مو زي لما يطول واجد ويقولون لك غطي اللي ورى
وانا نصيحتي ازرع ووزع لاتخلي المنطقه اللي ورى ازرعها وماعليك من كلامهم
انا قال لي الدكتور الباكستاني تحتاج 5000 تقريبا تسوي 2500 الى 3000 اول مره وبعدين تسوي البقية بعد فترة
كلام سليم وقال على الخلف بوزعه لك لان اخاف تكبر المنطقه لذلك ماتمر عليك الفترة الثانيه الا نزرع ونكثف ونعبي اللي المنطقه اللي ورى
انت قول له مسألة انك تغطي التاج مستحيلة لكن صغرها لي بمعنى عبيها وخليها اصغر عشان الزراعه القادمة اكثف الاماكن قدام وازرع بقية التاج
بالتوفيق اخوي
أنا أوافق أخوي كاركتير تماما ً برأيه ، حاول تكثف قدام 70 % مثل ما انت تبي ، ووراء على الأقل تكثفه لو 30% في الزراعة الأولى ، شوف النتيجة شلون تصير معاك اذا كان شعرك قصير واذا كان شعرك طويل ، وبعدين روح استشارة مرة ثانية للزراعة شوف شنو يقولون لك ، بس ترى في أمريكا مو مثل العيادات هني خرطي ، هناك لازم يسوي لك الدكتور خطة للزراعة على مدى سنوات طويلة ، شلون ؟ أولا يشوف اقصى عدد من البصيلات انته تقدر تزرعه على مدى السنوات القادمة ، ويقولك المرة الاولى بزرع لك هالمناطق هالكثر بصيلة ، والمرة الثانية بعد هالكثر سنة بزرع لك هالكثر بصيلة ، وانت تقدر تناقشه في عدد الشعرات وعدد السنوات بين الزراعة والثانية.
بس أهم شي نصيحة لا تخلي المنطقة الخلفية بدون زراعة ، ازرعها ولو حتى بكثافة قليلة . واستخدم في نفس الوقت بروبيشيا بحيث لو ان جاب وياك نتيجة تكون من الزراعة شوي ومن البروبيشيا شوي وتزيد الكثافة.
ودكتور بسام أنا شخصيا لما زرته قال لي المنطقة الخلفية ما بزرعها استخدم ليها بروبيشيا ، قلت له بروبيشيا اذا نفع وياي ما أعتقد يقدر يغطي المنطقة لان كبيرة وهو حاول يقنعني ولا اقتنعت. شكله الدكتور ما عنده خبرة في زراعة المنطقة الخلفية لان كل اللي راحوا له ما زرع ليهم.
عيادات أمريكا ما عليهم كلام ، لكن ألحين خبرك التجارة دخلت بكل شي ، فنصيحتي في اختيار العيادة حاول تكلم أشخاص سووا زراعة في نفس العيادة اللي تختارها وتكلمهم وتشوف مدى رضاهم عن العيادة والزراعة ، لا تقط روحك وبس .
الله يكتب لك اللي فيه الخير والصلاح .