محتار ومتضايق نفسيا تكفون ابي الفزعة ..

عبدالله30 قال:

اخواني انا امسوي 3 عمليات بطريقة الشريحة عندي صلع من الدرجة السادسة وما اقدر اقول الا الحمد لله في تحسن مقبول بس اللي مضايقني لسة باقي المنطقة الخلفية صلعاء لم ازرعها وثانيا مضايقني جدا مسالة الندبات خلف الراس والحين ناوي اسوي زراعة لتغطية المنطقة الخلفية وزراعة الندبات صراحة خلاص تعبت من الشريحة وتعبت من الندبات خلف الراس مع اني ما شفتها للحين اخاف انصدم ممكن تجاوبوني على الاسألة

اولا
الحمدلله على السلامه اخ عبدالله
ثانيا
الندبات اللي انت ذكرتها حسب استشارتي للدكتور بسام وقت اجراء عمليتي انه يتم تكرار الزراعة من مكان الندبة لاولى اي ان وضعك هو عبارة عن ثلاث عمليات بندبة واحدة بمعنى انه يتم تكرار قص الشريحة من المكان نفسة للعمليات الثلاث وليس لكل عملية ندبة منفصلة عن الاخري والا كانت مصيبه فعلا لذا لن يكون راسك شوارع ان شاء الله كما ذكر اخونا الكريم شامان ​

1- هل تنصحوني اسوي اقتظاف او شريحة لاني عندي المنطة المانحة لازالت جيدة والدكتور احمد يقول لي ازرع شريحة افضل من ناحية الكثافة بس تعبت من الشريحة وكفاية ندبات

رايي الشخصي ان لا تقوم بتكرار الشريحة للمره الرابعة ويمكن التعويض عنها بالاقتطاف حيث انه يتم اخذ بصيلات من اماكن متباعدة واذا كانت لديك منطقة مانحة تسمح بهذا فيمكنك معالجة الندبات السابقة ولكن لابد من التاكد وذلك باستشارة طبيبك قبل الجزم واتخاذ قرار الزراعة​

2- لو فكرت ازرع اقتظاف ابي ارزع الصلع المتبقي وكذلك زراعة الندبات كم احتاج تقريبا لزراعة المنطقة الخلفية والندبات ؟؟

السؤال هنا ماهي مساحة الصلع المتبقي ؟ شدني تكرارك لكلمة ندبات فاتمنى منك تنزل صورة للمنطقة المانحة لكي نرى هل تكررت الندبات في اماكن مختلفة ام هي ندبة واحدة يتم تكرار الزراعة منها فاذا كانت تكررت الندبه على ثلاثة اماكن فهذا مع الاسف خطأ كبير من قبل الطبيب ​

3- لو سويت زراعة اقتظاف اكيد راح احلق كل شعري على الزيرو وانا موظف حكومي والبس طاقية وشماغ هل بعد العملية لازم اظل في البيت عشرة ايام ما اطلع للشارع يعني ما اقدر اغطي شعري بعد العملية بالطاقية ؟؟ لاني لو طلعت مشكلة راسي كله جروح ودم متى اقدر اطلع اللشارع لاني ما ابي احد يحس اني مسوي عملية واخاف من التعليقات ..

تحل مشكلتك باخذ اجازة لمدة 15 يوم تكون باذن الله كافيه وللعلم بعد مرور اسبوع بامكانك لبس ماتريد وذلك بما يخص تغطية الراس​

والله لا اخفيكم نفسيتي تعبانة ومتضايق ومحتار لان حتى الدكتور اللي بروح له للحين ما حددته وابي دكتور يزرع من شعر الجسم بس ما حصلت سمعت عن دكتور اسمه قيصر في تركيا بس للحين ما قررت

بالنسبة للنفسية دعواتي لك ان الله يفرج همك ويسهل امرك بما تحبه وترضاه
واسمحلي بالاضافه هذي بما يخص النفسية
نعم كل شخص يختلف عن الاخر من ناحية تأثره بما يحصل له من ضغوط حياة او باسباب اخرى ومنها ماتطرقت انت اليه بموضوعك وان مثل تلك الامور هل يكون لها تأثير سلبي على الشخص ام لا فمنهم من يتأثر ويكون مردود ذلك سلبيا عليه من جميع النواحي ومنهم من يكون قنوعا ويرى منهم في محيطه او مجتمعه وقد مروا بضروف اصعب من ظروفه وبالمناسبه اذكر ماقاله الاخ lonly بخصوص صديقه ان نصف وجهه محترق ومع ذلك النفسيه عنده لم تتأثر فاذا نظرت انا وانت لذلك الشخص هانت علينا مصيبتنا والامثله كثيره بذلك ومنها على سبيل المثال لا الحصر انظر لمن هم مصابون بالثعلبه شافاهم الله هؤلاء اناس لايملكون شعرا في كامل اجسامهم ايضا لايمكنهم الزراعة اذا اين الحل وانت ولله الحمد تملك شعرا ومازلت تتمتع بمنطقه مانحة تسمح فهذه اكبر نعمة لو تأملتها سوف تجعلك مطمئن البال وتبعدك عن الضغوط النفسية !!! فلو دققت بهذا المثال لذهبت من عندك جميع التوترات وارتفعت المعنويات فهذا وحسب ظني مااراد قوله الاخ lonly ​

افيدوني الله يعطيكم العافية اشف كثرت عليك الكلام وتحملوني شوي الله يسعدكم

أنقر للتوسيع...