عمري 19 وبديت اصلع ومحتار

السلام عليكم

انا عمري 19 وبديت اصلع وزي ما انتو عارفين الصلع بالعمر ذا يجيب الاكتئاب و الحزن بشكل غير طبيعي

لدرجة اني نقصت وزن من الهم

وانا قريت عن كل الادوية الحالية وحتى قريت عن الادوية الي جالسين يشتغلون عليها من الغم

قريت عن الفنيسترايد و المينوكسدل و ابر البلازما والفيتامينات و الكيتوكيرتزول تقريبا كل شي

وحجزت لي موعد جلدية بعد اسبوع

ومن خلال بحثي الي يوميا اجلس فوق ال 3 ساعات استنتجت ان الفيناسترايد هو الافضل لعلاج الصلع

ولكني خايف جدا جدا من الاعراض الجانبية و الاجانب ماقصروا خلو الدواء حكم اعدام

ابغى نصايحكم هل ابدا فيه ام لا

رد: عمري 19 وبديت اصلع ومحتار

khaled000000 قال:

السلام عليكم

انا عمري 19 وبديت اصلع وزي ما انتو عارفين الصلع بالعمر ذا يجيب الاكتئاب و الحزن بشكل غير طبيعي

لدرجة اني نقصت وزن من الهم

وانا قريت عن كل الادوية الحالية وحتى قريت عن الادوية الي جالسين يشتغلون عليها من الغم

قريت عن الفنيسترايد و المينوكسدل و ابر البلازما والفيتامينات و الكيتوكيرتزول تقريبا كل شي

وحجزت لي موعد جلدية بعد اسبوع

ومن خلال بحثي الي يوميا اجلس فوق ال 3 ساعات استنتجت ان الفيناسترايد هو الافضل لعلاج الصلع

ولكني خايف جدا جدا من الاعراض الجانبية و الاجانب ماقصروا خلو الدواء حكم اعدام

ابغى نصايحكم هل ابدا فيه ام لا

أنقر للتوسيع...

و عليكم السلام
اول شيء شوف ايش اسباب التساقط عندك وراثي او نقص تغذية بالنسبة لمعرفة اذا كان وراثي فتعرف عن طريقة المنطقة الي اعلى الرقبة لا يتساقط فيها الشعر بكثرة مثل الي من الامام في من اهلك من عنده صلع الشيء الثاني بعد معرفة السبب تبداء خطة العلاج اذا نقص تغذية تاخذ فيتامينات لتعويض النقص و اذا وراثي ففي كذا طريقة للعلاج اما عن طريق الزراعة و هذا للصع المتقدم اما بالنسبة لحالتك و عمرك فاشوف ما ينفع لك لانه بداية صلع .


انصح تبداء خطة العلاج بالمنوكسيديل مرة وحدة استخدمه يوميا في اول شهرين او 3 اشهر راح تحس شعرك بيتساقط بكثرة و هنا ناس كثير توقفه و هذا خطاء استمر فيه الى 6 اشهر و بعدها تقرر اذا العلاج ناسبك او لا في حال انه الشعر وقف يتساقط و شفت نتايج لازم تستمر عليه يوميا بدون توقف لانه الخطاء الثاني الي يوقعو فيه النس انه بمجرد يشوفو النتيجة طيبة خلال 4 اشهر - 6 اشهر يوقفو استخدامه هنا الشعر راح يرجع يتساقط مرة ثانية اهم شيء الاستمرارية في حال انه جاب نتيجة


العلاج الثاني الفيناسترايد في حال انه المينوكسيديل ما جاب نتيجة معاك ابداء فيه عادي اهم شيء استخدامك له يكون 1 ميلي جرام و استمر قرابة ال 4 اشهر الين ما تشوف في نتيجة او لا ؟ اذا جاب نتيجة استمر اما اذا لا فوقفه و بالنسبة الاعراض الجانبية تروح بمجرد ما توقف الحبوب ماهي اعراض دائمة و ممكن تجيك الاعراض و ممكن ما تجيك تختلف من شخص لي اخر و اي دواء بالعالم له اعراض جانبية حتى الباندول له اعراض جانبية لكن الفيناسترايد في عالم استخدمته و جاب نتيجة ابحث بالنت لعلك تطمن عن الموضوع .

https://www.google.com/search?q=bef...V2RBUIHcdvDwEQ_AUoAXoECA0QAw&biw=1242&bih=597 .

رد: عمري 19 وبديت اصلع ومحتار

هلا اخوي

انا بدأ التساقط عندي مثلك لما كان عمري 19 وكانت صدمه قويه وكرهت كل شيء وجاني اكتئاب ، ومثلك بحثت عن كل شيء وشفت كل التجارب للزراعه في المنتدى والادويه ومتى تأسست ...الخ ، مثلك بالضبط كأنه انا اللي كاتب هذا الموضوع


بعد 6 شهور من التساقط قررت استخدم مينوكسيدل هير جرو اللي موجود في الصيدليات بعد ماكنت اتهرب منه من كثر ما اقرا عنه ، بعد شهر سبب لي حساسيه في الآذان وتركته


بعدها بشهرين قلت بستخدم مينوكسيدل النوع الثاني الموجود افوجين ونفسه بعد شهر سبب لي حساسيه


وهنا قلت خلاص بحاول ما افكر فشعري كثير واعيش حياتي واحاول اقنع نفسي ان الصلع مو مشكله ، وفعلا جلست مده طويله ما اركز كثير في شعري مثل بدايتي


الان عمري 22 و5 اشهر ، شعري صار خفيف من الامام والصنادح وكل شعري يتساقط مو بس من الامام ، وقلت بما ان شعري طايح طايح قررت استخدم مينوكسيدل الرغوه - روجين- اللي يقولون مايسبب حساسيه وهذا مو متوفر فالصيدليات عندنا ، طلبته من موقع نون مع كود الخصم تقريبا ب280 ريال يجي 3 علب كل علبه تكفيك شهر تقريبا ، فالبدايه التساقط زاد شوي بس مو مثل ماقرأت عنه ، بعد شهر من الاستعمال ماجاتني حساسيه وفرحني هالشي والتساقط خف بشكل كبير .


الآن الحمدلله ما شاء الله بعد 5 شهور من استخدامه شعري صار مايتساقط ابدا مثل قبل يتساقط بمعدل طبيعي ، وصرت اغير قصة شعري وانا مرتاح وما احاول اخفي الفراغات وشعري من الامام بعد ماكان تقريبا واضح اني في بداية صلع رجع مثل قبل التساقط الحمدلله .
استخدمه فقط من الامام وكل الشعر وقف تساقط مايحتاج اتروش فيه بس بخات خفيفه من الامام حتى يوصل لجذور الشعر .


اذا خايف من سالفة استخدامه طول العمر 3 دقايق فاليوم ما اشوفها مشكله اذا بترجع لي شعري وبتوقف تساقط .


واذا على سعره بيكفيك 3 شهور يعني كأنك فالشهر تدفع 90 ريال فقط عشان يرجع يوقف التساقط وهذا اشوفه مبلغ تافه اذا بيسوي كذا




ماكان لي نيه اشارك فالموقع بس شفت موضوعك وحبيت اشاركك تجربتي


موفق اخوي

رد: عمري 19 وبديت اصلع ومحتار

السلام عليكم ورحمه الله

يعطيك العافيه على وقتك انا تقريبا نفسك تساقط من راسي كله وصرت اقدر اشوف راسي من خلال الشعر وانا والله ودي ابدا بالرغوه وانا قد استخدمته للدقن ونفع معي والمشكله مو من الاستخدام انا ماعندي اي مشكله اني استخدمه طول عمري لكن الدواء هذا من قرايتي عنه انه يؤجل الصلع ل٣ او ٤ سنين فقط لانك مو جالس يحارب السبب الرئيسي الي هو الهرمون.
هل فكرت انت تستخدم فيناسترايد ؟
لاني افكر جديا باني اجربه

رد: عمري 19 وبديت اصلع ومحتار

شكرا جزيلا لك

رد: عمري 19 وبديت اصلع ومحتار

انا مثلكم في عمركم بدأ يتساقط ويبين علي لدرجة جاتني ازمة ما اسبح في برك و دايم اطول شعري عشان اغطي المكان وغير القبعات بس خلاص حاول تأقلم نفسك اذا السبب وراثي وخطط لزارعة الشعر بعمر 23 سنة و في في الصيدليات الياف للعشر مع مثبت استخدمه للمناطق اللي الشعر فيها خفيف راح يخفي كل العيوب لين ما تغسله بالشامبو ابدأ يسهل امورك حيل حاس بمعانتك مربت فيها