الاخوان المصابين بالصلع الوراثي هل تعانون من نفس مشكلتي

السلام عليكم

بدأ التساقط عندي من 3 سنوات وبعد الفحص تبين انه وراثي للاسف مع ان العائلة مافيها صلع

وبديت استخدم الافوجين وحبوب مقوية للشعر والتساقط خف عن الاول في فروة الراس ولازم استعمله مدى الحياه

الي مستغرب منه ياخوان عندي تساقط من خلف الراس ( المنطقة المانحة ) والجوانب ( ماقصد جوانب مقدمة الراس ) اقصد الجانب الايمن والايسر ان شاء الله فهمتوني المناطق كثيفة الحمدالله بدون فراغات بس لو استمر هلى هالحالة شعري بيصير خفيف بعد سنين وحتى زراعة ماراح اقدر ازرع !

وحسب ماقريت ان التساقط الوراثي يكون في فروة الراس والتاج سويت تحاليل للغدة الدرقية والحديد والنتيجة سليمه

في احد مثلي وهل الصلع الوراثي يأثر على هذي المناطق مثل المنطقة المانحة ؟


وهل في تحاليل احتاجها غير الي سويتها لاني قريت ان فيتامين د له علاقة

طمنوني الله يجزاكم خير والله يشفي الجميع​

قبل ماستخدم الادوية يتساقط شعري في ذي الاماكن اخي بس تساقط خفيف مو مثل فروة الراس

الي ابغى اعرفه الي عندهم صلع وراثي هل شعرهم يتساقط في ذي المناطق تساقط بدون فراغات
​

192 مشاهدة ورد واحد ! :emoji28:

ياخوان كلها نعم عندي المشكلة او لا عشان اعرف اذا فيني خلل او احتاج تحاليل غير الغدة والحديد​

يعطيك الف عافية اخوي لاني اعرف ناس عندها نفص فيتامين د وفوق ذا فوق الاربيعين وماشاء الله شعرهم كثيف

انا مايرفع ضغطي الا الطب متقدمين في اغلب المجالات وزراعة اجهزة في القلب وكلى واجهزة في الاذن للسمع والجسم يتقبلها وماهم قادرين يخترعون شعر صناعي ينزرع ويتقبله الجسم عجيب ! وكأنهم متعمدين ذا الشيء


​

ولد نجد 1 قال:

الا متعمدين ونص اكبر واكر شركات بالعالم شركات ادوية وشامبوات العناية بالشعر والجسم واذا اخترعوا شي للشعر يوقف التساقط راح تقفل شركات كبيرة وتقلب تبيع فول بدال ماتصنع هالكذب علينا بخاخات وشامبوات وخرط فاضي فكل مايطلع واحد فاهم يقرب لابتكار حل نهائي للصلع تجيك تركض هالشركات والهوامير ويحاولون يرشونه بفلوس الين ماياجل او يوقف مشروعه العالم للاسف صار عالم مادي والطب انحدر خصوصا طب التجميل رايح فيها واصلا ترى دكاترة الجلد والشعر خصوصا العرب الي عندنا كلهم سباكين حنا هنا بالمنتدى اكثر منهم علم وقافه ونعرف احسن منهم والله ماعندهم ماعند جدتي

أنقر للتوسيع...

للاسف هذا الي حاصل وماتوقع الشركات بتطلع علاج خلال السنوات الجاية والدكاترة الي عندنا يفضل قبل لاتروح لدكتور يكون استشاري جلدية لان اغلبهم للاسف فاشلين مثل ماقلت ويكتبلك على طول مينوكسديل بدون مايسوي تحاليل الشغلة تجاره

الي مستغرب منه انهم يقولون المنطقة المانحة مايطيح منها شعر عشان كذا يزرعون منها وانا عندي يطيح بس بدون فراغات طيب كيف الناس تزرع دام فيه تساقط في المنطقة المانحة وهم يقولون مهي معرضة للتساقط على كذا حتى الشعر الي بزرعه بيطيح بعد فترة والله احترت

سيد المعرفة قال:

موجود الشعر الصناعي وهو نفسه المادة اللي يخيطون فيها جروح العمليات

لكن يسبب التهابات

وفيه صناعي مصنوع من الكيراتين والجسم ما يرفضه لان الكيراتين احد مكونات الشعر الاساسية


وكلهم فيهم مشكلة انك ما تقدر تحلق شعرك


انت بس ادعي ربك انهم يحلون مشكلة الخلايا الجذعية وبعدها تقدر تزرع الى ما لانهاية

أنقر للتوسيع...

يارجال لو ماحلق راسي لمدة قرن ماعندي مشكلة اقصره على حسب الشعر الصناعي المزروع ونتهينا
اما الكيراتين اول مره اعرف في صناعي اتوقع تقصد الايطالي للاسف نفس الصناعي العادي مستحيل مايسوي التهاب كان شفت الناس زرعت صناعي من زمان ونتهت المشكلة

الحل الوحيد تزرع من المنطقة المانحة ومن شعر الجسم تصير عندك كثافة المشكلة الزراعة من شعر الجسم غالية والي يعرفولها دكاترة محدودين

بس ياخوي ماقلتلي هل عندك نفس مشكلتي الي كتبتها في الموضوع ؟
​