بسم الله الرحمن الرحيم
أولاً أشكر كل من طرح موضوع في هذا المنتدى لأنه كان جزأً من الدافع الكبير الذي حفزني لإجراء العملية
نبدأ
طبعًا بعد مراجعة للمواضيع للوقوف على أفضل عيادة وأفضل منسق وكذا ومخاطبتهم
صراحة وجدت راحة للأخ الغالي إبراهيم التركي عندما تكلمنا في الواتساب
وتم الحجز يوم 19-10-2013
استقبلنا شخص في المطار
اتجهنا للفندق
طبعًا إبراهيم متواصل معك رغم انشغاله الكبير
المهم وصلنا الفندق وحطينا أغراضنا طبعًا أنا ومرافق
ونزلنا نتمشى وناكل لأن الجو خورافي هناك
اليوم الثاني الصباح جا إبراهيم ورحنا المستشفى وعلى طاري المستشفى أنا كلمت إبراهيم وهو مازال في عيادة شيفير و عرفت إنه انتقل فقلت ما راح أسأله ليش انتقلت إلا إذا وصلت عشان يتكلم بكل أريحية
المهم سألته واحنا في الطرق وقلت له : شوف الرجال تعرفه من تعامله معك أول مرة وأنا صراحة إرتحت لك بس بصراحة ليش خليت شيفري وجيت أوتوجنيميد جاوبني وقالي بكل صراحة: "شيفري كانوا كويسين بس بعد ما صار عدد الأشخاص اللي بيسون عمليه كل ماله يكبر وصار ضغط عالمستشفى صاروا يقلصوا مدة العملية إلى 5 ساعات والمفروض أقل شي 7 ساعات و كذا المسألة صارت بس بيزنس وما يفكروا في الناس و أنا يهمني إنه العملية تكون تمام . وجلست مع مدير المستشفى حق شفريي طبعًا وتناقشت معاه وما وصلنا لإتفاق فجيت لأوتوجنيمد واتفقت معهم "
ارتحت جدًا بعد الكلام هذا ولما وصلت المستشفى ارتحت أكثر للتنظيم والإستقبال عندهم ماشالله ما يوقف من كثر الإتصالات
المهم طلعنا ودخلت الغرفة المخصصة لي وبعد شوي جو واخذوا دم وبعد ساعة ونص قالوا تحليلك أوكي و على الساعه 5 إلا ربع تقريبًا دخلت غرفة العمليات وطلعت الساعة 2 ونص الفجر يعني تقريبًا 9 ساعات
حسيت بششوي ملل بس و غير كذا كان طول الوقت أسولف مع الممرضات وأطقطق عليهم وضحك طول الوقت. بعد ما طلعت كنت جدًا مرهق وهم لافيين شاش ع راسي
المهم ما عرفت اتأقلم مع المخدة وجبت العيد وصحيت بعد كم ساعة إلا الدم في راسي و قلت لخويي كلم الممرضة تجي وجات الممرضة ونظفت الدم وغيرت الشات والدم اللي حول الزراعة قلت لها لا تلمسيه بكرا اذا جيت أغسل عند الممرضات اللي زرعوا بقولهم وفعلاً اليوم الثاني علمت الممرضة اللي زرعة لي ماريانا ورجعت ثبتت كل البصيلات اللي تحركت وقالت انتبه مرة ثانية.
كلمة حق : كلنا متفقين إن المنسق يدور لقمة عيشه من الشغلة هذي بس للأمانة إبراهيم غير كذا إنه يهتم فيك ويهتم إن العملية تتم بشكل ممتاز ويتابع معك ويطلع يتعشى معك ويسولف معك فتحس إنه الموضوع بالنسبة له مو يستفيد وبس بالعكس يحاول يكسبك كأخ وصديق ولمست فيه الإحترام والثقة والتقدير .
تاريخ العملية : 20-10-2013
المبلغ : 1750 يورو
المدة: 9 ساعات.
البصيلات أو القرافت المزروعة : 3528 بصيلة
الصور حسب السيناريو طبعًا من قبل العملية إلى الأخير.
.
.
.
.
.
.
.
.
.
.
.
والسلام عليكم ورحمة الله وبركاته
