وليد وبس
متميز
صاحب تجربة
- إنضم
- 20 يوليو 2013
- المشاركات
- 147
- مستوى التفاعل
- 0
- النقاط
- 16
السلام عليكم ورحمه الله وبركاته
كل عام والجميع بخير..
راح اشرح كل ماحدث معي بتفصيل ممل ..
........
..
من 6 شهور وانا ابحث بحث عميق في الانترنت عن العيادات الناجحه في زراعه الشعر
اعجبتني طريقه hts في زراعه الشعر
والتي ثبتت انك تستعيد 80% من المنطقه المانحه
لكن نظرا لارتفاع التكاليف هالشي ماكان يهمني تقريبا
لكن المشكله ان الشخص يحتاج جلسات عديده ومده طويله
فكنسلت الفكره
بحثت الى ان اوصلني قوقل اليكم
وبعد عقد صداقات مع كثير من الاعضاء واللي فعلا دعموني
ابتداءا من اخي مجنونها وصديقي البلوشي وعبدالعزيز ايضا والكثير ..
واللي ماقصروا معي ابد
..........
عند بحثي عن دكتور او عياده
كنت اواجه مشكله في النتايج الكامله
وهي اللي خلتني اتردد
يعني مثلا بعض التجارب عملوا عند دكتور ممتاز
لكن المنطقه المانحه او نوعيه الشعر لم تساعد على ظهور نتايج مأموله
وبعض التجارب الاخرى عملوا عند او عياده جيده لكن نوعيه المنطقه المانحه متموجه والشعره تكون كثيفه فالنتيجه تكون رائعه حتما
فهالشي اشوف فيه ظلم لعيادات وعدم وضوح
واوقات ممكن ترتاح لمنسق جدا لكن للاسف عياده ليست بالمستوى المطلوب !
بالاضافه ان الشعب العربي مايحب يبحث كثير
بل يعتمد على نصيحه صديق فقط بدون ان يهتم بالنتايج!
بالاضافه لبعض التجارب المشكوك بها واللي خلتني احتار بدال الحيره حيرتين
والمراكز التجاريه اللي وضعها يكون سيء جدا وياكثرها
كنت بالبدايه محتار بين عياده شيفر و ستار هير ومحمد جوتشلوا
وبعد جذب وشد مع عيادات اخرى مثل نوفيتا وادم وحواء وترانسميد
مع العلم ان اللحظه الاخيره
كنت بروح عياده الاخ ابراهيم اللي كان بعياده شيفر
لانه قالي انه فتح عياده وجاب طاقم من ستار هير ومحمد جوتشلوا ومن شيفر ايضاً !!
وصاروا معه في عيادته الخاصه ! هالشي حمسني لكن مالله كتب
استقريت على محمد جوتشلو مره اخرى بما اني شفت كم نتيجه طيبه
......................................
حجزت في تاريخ 7 اكتوبر
واتصلت على المنسق وخبرته اني ابي العمليه في تاريخ 11
واني راح اسكن في منطقه تقسيم مابي الفندق
لاني حاب اتمشى واغير جو واستفيد من جيتي
لم اتوقع ان تركيا ساحره لهالدرجه
( شارع الاستقلال - جوله في بحر البسفور - قصر توبكابي - ومنطقه السلطان احمد )
حرام الواحد يروح تركيا ومايمر هالاماكن
وانصح ان اللي مو متعود على السفر لايروح تركيا لحاله
وينسق مع مركز يكون عليه كل شي سكن وتنقلات
لان الشعب التركي !! لاتعليق !
.................
في تاريخ 10 اكتوبر
مرني السائق في سياره خاصه من نوع اودي
وقابلت الدكتور محمد
رسملي الخط الامامي واتفق معي ان بكره العمليه
وتم اخذ التحاليل
وهي تخثر الدم وتحاليل امراض اخرى
سألت الدكتور كم قرافت ممكن انك تاخذ من شعري
قال فوق 3 الاف ومقدر احددلك الرقم التقريبي
جا اليوم الثاني والموعود
طبعا قبل كل شي اتفقت مع المنسق سعيد على اشياء وفهمته:
1- ابي الخط الامامي يكون ممتاز
2- ابي افضل طاقم موجود عندك
3- وهالله هالله بالوصايه فيهم لاني شخص اعلامي وهالعمليه مهمه عندي
دخلت غرفه العمليات وسالتي اذا بغيت دوره المياه
طبعا اليوم كنت لابس قميص وملابس مريحه وهالشي مهم تسويه بيوم العمليه
تمت حلاقتي وبخ بخاخ على راسي وكان مره بارد
طلبت حبه مهدىء وكان لونها ازرق واتوقه انها ماسوت شي
بدت عمليه التبنيج وبصراحه كانت مؤلمه في بعض المناطق
وكنت متقرف جدا جدا منها
ابره بالراس ! جديده علي
كنت ماسك يد سعيد بكل قوه واشد نفسي وهو يقول لا تشد
بعد ماخلصنا البنج قالي الحين نهيء المنطقه للزراعه وبعدها رفض يقولي بالزبط وش صاير
بس اللي متاكد منه ان راسي قاعد ينلعب فيه لعب مو طبيعي
اعتقد انها ماده حقنوا فيها الراس او شي زي كذا ّ ّ!! ماني عارفاتمنى من الخبراء التعقيب
بعد ما نمت على بطني
قعدت تقريبا ساعه ونصف
تم اخذ فيها 3800 بصيله على كلامهم !
ماكنت مقتنع انهم عدوها
عدد الطاقم هنا 3 ولا عرفت وظيفتهم
بعدها اكلت وجبه خفيفه
وجا الدكتور محمد لاجراء الثقوب على كلام سعيد انه راح يقعد ساعه ونص
بنظري احسه ماكمل 45 دقيقه !
هالوضعيه عظهري كانت
بعدها جا الطاقم لارجاع البصيلات وعدد الطاقم هنا 2 الثالثه مادري هل هي معهم تضع البصيلات ام لها شغله ثانيه !
هالوضعيه عظهري كانت ايضا
صورتي هنا بعد الانتهاء
مده العمليه تقريبا كانت 5 ساعات ونصف
من 2 ظهرا حتى السابعه
والسعر كان 2200 يورو بدون فندق ومواصلات المطار فقط
شامله العلاجات والتحاليل والمنسق
بعد ماخلصت العمليه
حصيت بغثيان ودوخه شوي
طبعا هالكلام الساعه 8 الليل فطلبت من الدكتور محمد انه يخليني
في العياده كم ساعه لين اصحصح
ماقصر اخي سعيد جابلي العشا وخلاني بالعياده لين اليوم الثاني
وفك الشاش ورجعني الفندق
............
سالت الدكتور عن فيتامينات او شي استخدمه
ومدحلي هذا
ولاتقل استخدامك لها 3-4 شهور
وتبدا فيها بعد الشهر الاول
وشامبو هاركس اللي كثيير سمعته طيبه
وفي زباين كثير كانوا يطلبونه من المنسق سعيد ويشحنه لهم بفدكس
سعر الشامبو الواحد تقريبا 80 ليره
ويستخدمه اخي البلوشي ايضا
العلاجات
صوره المحروسه قبل الزراعه
وهذي بعد فك الشاش باليوم التالي
وهذا الغسيل الاول
وهذا بعد الغسيل الاول بيومين وانا بالطايره
التحديث الاول
بعد شهرين ونصف - 10 اسابيع
.........................................
^ من ملاحظاتي خلال رحلتي هذي :
1- اغلب الشعب الخليجي اللي قابلتهم كانت زراعتهم عن د سركان
كل اللي اشوفهم حاطين ربطه د سركان المشهوره
2- سألت د محمد جوتشلو عن عدد العمليات اللي تجرونها باليوم
واخبرني بأنه صار يجري باليوم الى 5 عمليات !!
3- ماقصر اخي الدكتور محمد كان دايم يسأل عن حالتي والمنسق ابراهيم
4-الى الان انا غير مقتنع باللي يزرع اكثر من 3 الاف بصيله في 5 ساعات وانا اشوف ان الاعداد مبالغ فيها في جميع العيادات تقريبا
والدليل ان اللي يزرعون عند دكاتره معروفين 2000 الى 3000 بصيله تطلع النتيجه رائعه
وافضل من نتايج الزراعه ببعض العيادات اللي تقولك انها زرعت 4000 بصيله !!
5-انطباعي الان ماراح اقوله لين اشوف النتايج شهر بشهر راح نشوفها سوا
وان شاء الله تكون مرضيه والله يكتب اللي فيه الخير
بالنهايه ..
ان شاء الله يكون هالتقرير مفيد للكل
والتحديثات راح نشوفها مع بعض وتقررون هل تجربتي كانت ناجحه ام لا !
بالنسبه لي انا سويت اللي علي واجتهدت
والله يكتب اللي فيه الخير
@@@@@@@@@@@@@@@@@@@@@@@@@@@@@@@@
تحديث الشهر الساااااادس
عذرا للانقطاع 3 شهور عن المنتدى
بس تعرفون الواحد خلاص ودعت الصلع وشاف نفسه شوي هههههههههههههه
طبعا الصور كانت سريعه
ورأيي بالنتيجه بصراحه عالطبيعه افضل بكثير من الصور بنظري
بالصور طالع الشعر قليل بينما عالطبيعه لا اكثر شوي
سبحان الله شكلي اختلف كثير بعد الزراعه
صغر عمري وطلعت ملامحي يكفي ان فيه سواد فوق راسي يغطي الصلعه البيضا اللي قبل
وهذي نعمه بحد ذاتها الحمد لله لك يارب
عيب الزراعه بنظري ان النتيجه تطلع وانت مانت حاس لان النتيجه تطلع بعد مده طويله جدا
وتفقد الاهتمام بالنظر للمرايه كل فتره سبحان الله
اتمنى من المشرفين تحديث العنوان
انتظروا التحديث الاخييير بعد شهرين ان شاء الله
وعقبال ماتختفي صلعاتكم وماقول غير الله يوفقك يا محمد جوتشلوا
..............
التحديث الاخير والنتيجه الاخيره للشهر العاشر
شعري قبل الزراعه
في منصف اكتوبر
النتيجه الاخيره بعد 10 شهور ونصف
الشعر ترتب اكثر من اول بكثير
ملامحي تغير ووجهي صار للاحسن بكثيييييييير
والله مو مدح بالدكتور محمد جوتشلو بس فعلا ابدع
الشعر اللي يزرعه يطلع
حتى الحلاق حقي يجونه ناس كثير زارعين بتركيا يقولون اغلب عملياتهم نتايجها جدا سيئه
والحلاقين المصلعين اللي ببالمحل اخذو رقم الدكتور مني يقولون النتيجه رائعه
الحمد لله من جد مبسوط انا
المشكله الوحيده ان الشعر شوي خشن وبالصور طالع شكلي مو حلو عالطبيعه مرررررررررره احسن
والحل انك تشتري كريم من بودي شوب للشعر بجوز الهند
وتحط شوي منه بيدك وتحط السيروم حق بودي شوب كمان بيدك وااخلطه بيدك
وحطه عالشعر ينعمه كثيير ويخليه للاحسن
مثل ماستفدت من المنتدى وعدت الاعضاء اني اوريهم النتيجه الاخيره
وصدفوني احلى من الطبيعه بكثير للمره الثانيه اقولها
انا الان باستراحه
وصورت قلت اخاف انسى
ادري الصور مو واضحه
وبعض الصور مانزلتها لان فعلا بعضها ضلمت النتيجه اللي اشوفها عالطبيعه
