تمت زراعه مسطحات زراعيه عند الدكتور تايفون

بسم الله الرحمن الرحيم

اشكر هذا المنتدى واشكر صاحب الفكره المبدع الاخ ماجد محمد على تأسيس هذا المنتدى

طبعا حتى لااطيل عليكم ندخل على الموضوع على طول ...

انا من حوالي سنتين قررت اعمل عمليه زراعه قلت اجرب ماني خسران شي وفعلا ذهبت عند دكتور وليتني

مارحت ولا ستعجلت قالي بسويلك زراعه وبسويل لك خصم بس لاتقول لاحد عن السعر هذا لك انت

وانا صار وجهي من الفرح مبسوط قال بنسوي لك عملية شريحه ولي يطلع يطلع قلت اتكل على الله لان

عندي انا اعطيه المرحله التسعين ))))) يعني راس كبيره شوي ومافيها شعر احس اني مدرج طائرات

المهم ماعلينا زرع لي الاخ يقول طلع معاه 2400 قرافت قال بحطهم لك في المقدمه لان ماراح يغي ولا 30%

الصلعه ياحليله طبعا الدكتور مصري واخوانا المصريين متعودين يطولن شعرهم ويلفون به الصلعه

زرع لي لاكن ليتني مازرعت احس شوه راسي وهذا انا للحين مااادري عن الندبه وشمسوي الاخ فيها

المهم قلت الله يعوض علينا وبعد بحث وتقصي بالنت طلع لي هذا المنتدى وقلت طلع النور وابصرنا

جلست اتابع عمليات الاخوان وبالخصوص الاخ احمد 50 الله يذكره بالخير وعجبني النتائج جدا

وفلعا خذت رقم المنسق لمجيك هير وكلمتهم لاكن الي ردني شوي ان بيزرعون المقدمه والباقي بعد

ستة شهور وقالو ان الشعر عندي خفيف في المنطقه المانحه المهم قلنا نتابع بعد شويات لين نشوف

الاوضاع ..

بعد كذا بدى لي نجم ساطع الا وهو الدكتور اغا تايفون

وجلست اتابع عملياته ودخلت على موقعه في الجمعيه ولا يخفى عليكم اني سألت عنه حتى عند الاتراك

والحمد لله الكل مدح

المهم خذت رقم المنسقه ايمان الله يجزاها خير ماقصرت معاي هي والمنسقه منال الي كانت معاي كل

لحظه وانا اعمل العمليه عند الدكتور

قررنا عمل العمليه والحجز عند الدكتور ارسلت لي ايمان المواعيد لان الدكتور ماشاء الله عليه عندو عياده

في لندن وعياده في دبي ويسافر على حسب الحجز

المهم قررت ازرع عند الدكتور ارسلت صور الصلعه المصونه من جميع جهاتها والمنطقه المانحه للمنسقه

وجاني الرد اني احتاج 6000 قرافت لاكن المنطقه المانحه عندي ماهي بذاك الزود

لاكن كنت مقرر وراكب راسي اني اروح قلت شوفي الي يطلع يطلع اهم شي ازرع واصلح شكل الزراعه

السابقه

تم الاتفاق وحجزت على الطيران التركي بتاريخ 1 / 11 2012 والرجوع بتاريخ 6 / 11

وكان موعد العمليه بتاريخ 3 و 4

ركبنا الطائره انا واحد الاصدقاء الله يجزاه خير تحملني وقت العمليه

وصلنا وكان بالانتظار السائق ولوحه مكتوب عليها اسمي وخذاني على الفندق طبعا انا دفعت زياده شوي

سرير زياده حق خويي الي معاي تقريبا 20 يورو وزياده يوم واحد لان الحجز الي يحجزه لك الدكتور لمدة

4 ايام تبي تزيد على حسابك ماعندهم مشكله في ذلك

رحنا للدكتور قبل يوم العمليه وكان عنده عمليه زراعه لواحد تركي المهم جانا الدكتور وفحص الصلعه المصون

قال المنطقه المانحه عندك ضعيفه جدا ويمكن ماراح يطلع معنا الي تبي بس قال ورني صدرك قلت له


يادكتور عيب عليك انا رجال ...... هههه امزح قلت الي تبي بوريك بس اهم شي شعر تكفى


قال خلاص راح ناخذ 4000 من الراس والباقي من الصدر بحدود 600 قلت شنو راح تسوي قال بخلي

المقدمه عندك كثيفه بالمره ومن التاج وانت نازل متوزع بس ماراح يكون بكثافتة المقدمه قلت يالله بس اهم

شي الندبه يادكتور ابيك تزرعها بس نصحني منو الحين لانها راح تاخذ قرافت كثير قال غطيها بالشعر زي


اول بس قلنا اتكل على الله

جاء اليوم الثالث من الشهر وهو يوم العمليه صحيت من النوم وتهيئت ونزلنا افطرنا بالفندق طعبا الفندق

خمس نجوم مع الافطار وهذا كله يتبع تكلفة العمليه

رحنا للدكتور مع السائق والمنسقه منال صديقتي وكانو بانتضارنا الدكتور مع الممرضات

دخلنا فصخوني التشورت ولبسوني لبس الملاكم علي كلاي وجابو ماكينت الحلاقه وانا اصيح داخل نفسي

لالالالالا تكفون تعبت وانا اربيه المهم شالو الشعر وقلت للمنسقه منال هاك جوالي صوري الندبه


وشفتها وربي بغيت ارجع للكتور السابق واشرح راسله زي ماسوى فيني

المهم بدى الشعل البنج وكان مألم في بداياته لاكن من اجل صلعه تكرم الصلعات تحملنا كان بداية الشغل

الساعه 10 صباحا اقتفو لين الساعه 3 وكان عدد الطعوم 2800 هذي كلها صارت للمقدمه بعد الاقتطاف

جاء وقت الغداء وقالو لي شنو تبي نجيب لك عاد انا قمت ادلع قلت ابي سلطه اشياء مع عصير برتقال

المهم رجعنا بعد الغداء وقام الدكتور بعمليه الغرس واستمرينا لين الساعه 7 مساء ولفو الممنطقه المانحه

وقالو يالله قوم روح بيتكم وتعال بكره

رجعت الفندق وانا حاط على راسي قبعه طبيه عشان لا تتجرثم او شي من هذا وانا اناظر الناس

بيناظروني ولا لا وانا بشكلي هذا

المهم رجعت خويي ماقصر راح جاب عشاء من بيتزا وتعشينا ونمنا عشان موعد العمليه الثانيه


صحينا الصباح ومتردد افطر جنب الناس خجلان يشوفوني وانا بالكاب الطبي لا كن قلت يارجل خلهم يقولون

الي يبون خلني اكل واشبع

وشفت وحده مااادري شنهو جنسيتها مع واحد جالسين يفطرون وكانت تناظرني قلت في نفسي هذا انا

وسيم حتى بدون شعر وبالكاب الطبي

اكتشفت بعدها انها مع اخوها وهي من انطاكيا جايه تزرع لاخوها شعرات وخايفه انو يتعور المسكين ياحرام​

بعد شويات جات المنسقه منال ام ضحكه رنانه مع السائق واتجهنا للعياده الي كانت نظيفه ومرتبه طبعا


في مجمع طبي راقي وفيه ناس كثير كانت تجي تتعالج بالمجمع الطبي


طلعنا فوق في الدور الثامن مكان عيادة الدكتور وكان الجميع بالانتظار بدينا بالاقتطاف من الجهه الثانيه

بحدود 1200 من الراس بعد ماخلصو قالو الصدر شالو حوالي 680 قرافت قلت للدكتور دور لك مكان ثاني

يادكتور قلت اخذ من البطن من الرجول من الظهر قال بشوف الي عند السره عندك كأنه يصلح قلت حاول

فعلا شال 5 شعرات منه وشافها قال تصلح 100%

لاكن هذي بعمليه ثانيه مستقله مو الحين قلنا مافي مشكله اهم شي في مجال

قام وزرع البقيه حوالي 1880 في منطقه التاج نزولا


والحمد لله على كذا تمت عملية الزراعه بكل يسر وسهوله طبعا مافي اي اعرض جانبيه مجرد دوخه

خفيفه ولا تورم في الجبهه

اتمنى اني قدمت لكم هذه التجربه عند الدكتور تايفون وتكون شامله واسمحو لي على الاطاله

وسوف انزل الصور بعد مسح الوجه بكره او بعده بالكثير


تحياتي يالصلعان ​

نسيت ماقلت لكم العمليه كلفت 4300 يورو شامله الفندق والتوصيل طعبا الاسعار هذه عشان اقتطاف من الصدر​