خذ كلامي
New Member
- إنضم
- 2 أبريل 2012
- المشاركات
- 19
- مستوى التفاعل
- 0
- النقاط
- 1
[overline]
السلام عليكم جميعا
تجربتي مع زراعة الشعر في تركيا دخلت هذا المنتدى الطيب بهله وشفت التجارب والصور وقعدت أسئل وبالصدفة صديقي يعرف واحد سوى العملية بتركيا وتم الاتصال به و وصاني على مستشفى شيفري وعطاني تلفون الأخ بهاء الدين
بدأ الفلم أتصلت على الأخ بهاء الدين وكلمته طبعا يتكلم إنجليزي وطقطق عربي قليل ما علينا شرحت له الوضع وقالي دز الصور و دزيت له الصور وشافها واتفقنا على السعر بس عدد البصيلات ما قالي شي يقول لاجيت نشوف و نقولك
فكرت وكلمت عيادات أخرى كان فيه فارق بالسعر المهم انا كأني ارتحت لعيادة ثانية غير عيادة شيفري يمدحونها شباب في المنتدى بس أغلا من سعر شيفري ونسقت معاهم ولاكن طريقتهم تسكن فندق مو مستشفى وبعد إسبوعين تقريبا ونويت على الزراعه قمت وصليت إستخارة والله ثم والله أول ماسلمت ولا بهاء يتصل فيني ( سحر ) أخر علمي فيه يمكن قبل إسبوعين كلمته هلا بهاء أخبارك من الأخر قلت له حبيبي متى أقدر أجيك قالي كيفك قلت له بعد يومين يصادف 3/10/2012 الوصول والعملية 4/10/2012 و 5/10/2012 على مرحلتين قالي اوكي دز لي صورة التذكرة عشان التكسي يجيك أوكي باي باي طبعا عقب الأستخارة ودق علي بهاء قلت الله كاتب لي عنده وتوكلت على الله رحت وحجزت ودزيت له صورة التذكرة وبالفعل يرحب وسهل
طرت من الكويت الساعة 7 صباحا 3/10/2012 والله المعلومات الي عندي بسيطة جدا وصلت تركيا 11.30 طلعت من المطار والسايق قدامي خذا الشنط رجل محترم تركي وداني للمستشفى وأول ما وصلت ولا بهاء قدامي على الباب سلمت علية وداني للمكتب فوق شربت شاي وعبيت الطلب وشرح لي بعض الشغلات وقالي أمش للغرفة حطيت الأغراض والشنط قلت له فيه ناس مسوين العملية موجودين قالي فية 3 كويتيين وسعودي وأجانب قلت له وين الكويتيين قالي واحد مقابل غرفتك و2 تحت قلت ممكن أشوفهم قالي يالله طبعا أنا مستانس أبي أشوف لو واحد أبي أعرف شنو صار معاه مالكم بالطويله دشيت غرفة ولا فيها 2 كويتيين قاعدين يتغدون السلام السلام أخباركم قالوا والله الحمدلله كل شي زين والأمور طيبة تحسون بشي قالو لا والله بس نفاخ بسيط من البنج متى سويتو العملية قالو قبل أمس والله الشغل عدل عجبني طلعت منهم رحت للسعودي مو موجود طالع رحت للكويتي الي بنفس الدور ولا مسوي العملية أمس أخبارك أعلومك يمدح فاله يقول كل شي تمام توكل على الله
والله ياجماعة عجبني الوضع قلت لبهاء فيه مجال أسويها اليوم قالي ليش أقعد لبكره قلت له خلني أخلص قالي معزم قلت له توكل على الله قال عطني شوي وبلغك روح للغرفة وأجيك رحت الغرفة صليت الظهر والعصر جمع الساعة ألحين حول 1.30 الظهر جاتني سستر خذت مني دم وراحت شوي طلعت لبهاء فوق أبي المخلاص قلت له هاه اليوم ولابكره قال لحضة كلم تلفون قالي إنشالله اليوم بس بعد نتيجة الدم يعني على الساعه 4 بس انت ماكل ولا جوعان قلت له على اكل الطيارة قالي خلاص لاتاكل شي اوكي اوكي رحت للغرفة
الساعة 3.30 جاني البطل الرجل المحترم خالد العراقي والله محترم وفزاع عرفني على نفسه كشيت منه في البداية ولاكن مع الوقت طلع ابن حلال وراعي فزعه ويخدمك بلي تبي الله يجزاه خير المهم نزلنا تحت ولا فيه فلسطيني شباب معاي نازل بسوي العملية سألتهم كلنا في نفس الغرفة قالو لا انت بغرفة وهو بغرفة بس الحين بنصوركم ونخطط لكم قعدنا بغرفة كلنا وصورونا وشرحو لنا الوضع وهو راح لغرفة وأنا لغرفة وبدات العملية طبعا أنا والله متوكل على الله ماسألت عن البنج ولا شي الجماعة عطوني بنج ماحسيت بشي إلا أخر شي قمت لقيتهم يشتغلون في منطقة التاج قلت لهم وش العلم قالوا خلصنا بس نص ساعة وتروح للغرفة كملوا شغلهم هاه كم شعرة قالوا 4412 شعرة لفوا راسي من الخلف ودوني لغرفتي الساعة ألحين الله وعلم 9 مساء قعدت شوي ونمت الصبح رحت تحت شالوا للفه الخلفة وحطولي مرهم وقالوا روح للغرفه حسيت بعوار ولاكن مو واجد عطوني حبوب 3 أنواع وجلست عندهم 4 أيام واليوم الرابع كلمت بهاء من أمس ماشفته وينك يابهاء قالي أنا في مدينة يلوا طبعا هو قايلي من أول يوم أنا بالويكند بروح لهلي بيلوا وكان يمدح المنطقة قلت له أنا خلصت ودي أطلع من المستشفى وأبي أقعد كم يوم نقاهه شرايك أجيك في يلوا قالي مرحبا ومسهلا طبعا بالانجليزي ههههه قالي أخذ أغراضك وركب تكسي وخله يكلمني ركبت التكسي وكلمة قالة وده للعبارة ورحت قصيت التذكرة قالو الرحلة بعد 45 دقيقة جلست بالقهوه شوي نادونا للركوب وساعة ونص في يلوا إستقبلني بهاء في الميناء ووداني فندق محترم على المارينا يرد الروح وقالي ريح وبعد ساعتين أمرك تروح معاي للبيت إنتعشا طبعا حلفت علية وقلت بزورك بس شاي لأني تعبان ولا أبي أكلف علية أبن الحلال ماقصر والله بعد ساعتين مريت محل تحت الفندق وخذيت له هدية للبيت وجاني ورحنا وقعدنا في بيته على البلكونة وتعرفت على زوجتة إنسانة خلوقة جدا وثاني يوم بهاء رجع لسطنبول وأنا قعدت يومين عقبة تمشيت الديرة حلوه وبعدها رجعت تقسييم وكلمت بهاء قلت له بكرة طيارتي وأنا في تقسييم قالي خلاص تعال المستشفى العصر نغسل لك راسك ونسلم عليك ونوديك بتكسي المستشفى وبالفعل صار كل شي ورجعت الكويت 9/10/2012 بالليل
وسلامتكم جميعا
حبيت أحط صورة الأخ العزيز بهاء الدين
بعد العملية 4/10/2012
تحية لكم جميعا وللأخ بهاء الدين والأخ خالد العراقي المحترمين
بعد العملية 27/10/2012
شباب إلي يبي إستفسار أنا حاضر على الخاص أو الأيميل لأني مقل بالدخول على المنتدى
الأيميل ham.ad@hotmail.com
هلا وغلا بالجميع كيف حالكم إليكم التحديث طبعا صبغت الشعر بالحنى الأسود لأن الشيب طغى مع إنهم محذريني بعدم الصبغ إلا بعد أربع أشهر ولاكن أندور الزين هذي الصور بعد العملية ب 40 يوم 12/11/2012
شرايكم صار لي 3 أيام أستخدم الشانبو مع البخاخ
تحديث 28/01/2013
أسف على الإنقطاع ياشباب كل التوفيق لكم جميعا
بس على فكرة ترى صبغت شعري مع أن الدكتور مانعني بس ندور الزين
الله المستعان
السلام عليكم جميعا
تجربتي مع زراعة الشعر في تركيا دخلت هذا المنتدى الطيب بهله وشفت التجارب والصور وقعدت أسئل وبالصدفة صديقي يعرف واحد سوى العملية بتركيا وتم الاتصال به و وصاني على مستشفى شيفري وعطاني تلفون الأخ بهاء الدين
بدأ الفلم أتصلت على الأخ بهاء الدين وكلمته طبعا يتكلم إنجليزي وطقطق عربي قليل ما علينا شرحت له الوضع وقالي دز الصور و دزيت له الصور وشافها واتفقنا على السعر بس عدد البصيلات ما قالي شي يقول لاجيت نشوف و نقولك
فكرت وكلمت عيادات أخرى كان فيه فارق بالسعر المهم انا كأني ارتحت لعيادة ثانية غير عيادة شيفري يمدحونها شباب في المنتدى بس أغلا من سعر شيفري ونسقت معاهم ولاكن طريقتهم تسكن فندق مو مستشفى وبعد إسبوعين تقريبا ونويت على الزراعه قمت وصليت إستخارة والله ثم والله أول ماسلمت ولا بهاء يتصل فيني ( سحر ) أخر علمي فيه يمكن قبل إسبوعين كلمته هلا بهاء أخبارك من الأخر قلت له حبيبي متى أقدر أجيك قالي كيفك قلت له بعد يومين يصادف 3/10/2012 الوصول والعملية 4/10/2012 و 5/10/2012 على مرحلتين قالي اوكي دز لي صورة التذكرة عشان التكسي يجيك أوكي باي باي طبعا عقب الأستخارة ودق علي بهاء قلت الله كاتب لي عنده وتوكلت على الله رحت وحجزت ودزيت له صورة التذكرة وبالفعل يرحب وسهل
طرت من الكويت الساعة 7 صباحا 3/10/2012 والله المعلومات الي عندي بسيطة جدا وصلت تركيا 11.30 طلعت من المطار والسايق قدامي خذا الشنط رجل محترم تركي وداني للمستشفى وأول ما وصلت ولا بهاء قدامي على الباب سلمت علية وداني للمكتب فوق شربت شاي وعبيت الطلب وشرح لي بعض الشغلات وقالي أمش للغرفة حطيت الأغراض والشنط قلت له فيه ناس مسوين العملية موجودين قالي فية 3 كويتيين وسعودي وأجانب قلت له وين الكويتيين قالي واحد مقابل غرفتك و2 تحت قلت ممكن أشوفهم قالي يالله طبعا أنا مستانس أبي أشوف لو واحد أبي أعرف شنو صار معاه مالكم بالطويله دشيت غرفة ولا فيها 2 كويتيين قاعدين يتغدون السلام السلام أخباركم قالوا والله الحمدلله كل شي زين والأمور طيبة تحسون بشي قالو لا والله بس نفاخ بسيط من البنج متى سويتو العملية قالو قبل أمس والله الشغل عدل عجبني طلعت منهم رحت للسعودي مو موجود طالع رحت للكويتي الي بنفس الدور ولا مسوي العملية أمس أخبارك أعلومك يمدح فاله يقول كل شي تمام توكل على الله
والله ياجماعة عجبني الوضع قلت لبهاء فيه مجال أسويها اليوم قالي ليش أقعد لبكره قلت له خلني أخلص قالي معزم قلت له توكل على الله قال عطني شوي وبلغك روح للغرفة وأجيك رحت الغرفة صليت الظهر والعصر جمع الساعة ألحين حول 1.30 الظهر جاتني سستر خذت مني دم وراحت شوي طلعت لبهاء فوق أبي المخلاص قلت له هاه اليوم ولابكره قال لحضة كلم تلفون قالي إنشالله اليوم بس بعد نتيجة الدم يعني على الساعه 4 بس انت ماكل ولا جوعان قلت له على اكل الطيارة قالي خلاص لاتاكل شي اوكي اوكي رحت للغرفة
الساعة 3.30 جاني البطل الرجل المحترم خالد العراقي والله محترم وفزاع عرفني على نفسه كشيت منه في البداية ولاكن مع الوقت طلع ابن حلال وراعي فزعه ويخدمك بلي تبي الله يجزاه خير المهم نزلنا تحت ولا فيه فلسطيني شباب معاي نازل بسوي العملية سألتهم كلنا في نفس الغرفة قالو لا انت بغرفة وهو بغرفة بس الحين بنصوركم ونخطط لكم قعدنا بغرفة كلنا وصورونا وشرحو لنا الوضع وهو راح لغرفة وأنا لغرفة وبدات العملية طبعا أنا والله متوكل على الله ماسألت عن البنج ولا شي الجماعة عطوني بنج ماحسيت بشي إلا أخر شي قمت لقيتهم يشتغلون في منطقة التاج قلت لهم وش العلم قالوا خلصنا بس نص ساعة وتروح للغرفة كملوا شغلهم هاه كم شعرة قالوا 4412 شعرة لفوا راسي من الخلف ودوني لغرفتي الساعة ألحين الله وعلم 9 مساء قعدت شوي ونمت الصبح رحت تحت شالوا للفه الخلفة وحطولي مرهم وقالوا روح للغرفه حسيت بعوار ولاكن مو واجد عطوني حبوب 3 أنواع وجلست عندهم 4 أيام واليوم الرابع كلمت بهاء من أمس ماشفته وينك يابهاء قالي أنا في مدينة يلوا طبعا هو قايلي من أول يوم أنا بالويكند بروح لهلي بيلوا وكان يمدح المنطقة قلت له أنا خلصت ودي أطلع من المستشفى وأبي أقعد كم يوم نقاهه شرايك أجيك في يلوا قالي مرحبا ومسهلا طبعا بالانجليزي ههههه قالي أخذ أغراضك وركب تكسي وخله يكلمني ركبت التكسي وكلمة قالة وده للعبارة ورحت قصيت التذكرة قالو الرحلة بعد 45 دقيقة جلست بالقهوه شوي نادونا للركوب وساعة ونص في يلوا إستقبلني بهاء في الميناء ووداني فندق محترم على المارينا يرد الروح وقالي ريح وبعد ساعتين أمرك تروح معاي للبيت إنتعشا طبعا حلفت علية وقلت بزورك بس شاي لأني تعبان ولا أبي أكلف علية أبن الحلال ماقصر والله بعد ساعتين مريت محل تحت الفندق وخذيت له هدية للبيت وجاني ورحنا وقعدنا في بيته على البلكونة وتعرفت على زوجتة إنسانة خلوقة جدا وثاني يوم بهاء رجع لسطنبول وأنا قعدت يومين عقبة تمشيت الديرة حلوه وبعدها رجعت تقسييم وكلمت بهاء قلت له بكرة طيارتي وأنا في تقسييم قالي خلاص تعال المستشفى العصر نغسل لك راسك ونسلم عليك ونوديك بتكسي المستشفى وبالفعل صار كل شي ورجعت الكويت 9/10/2012 بالليل
وسلامتكم جميعا
حبيت أحط صورة الأخ العزيز بهاء الدين
بعد العملية 4/10/2012
تحية لكم جميعا وللأخ بهاء الدين والأخ خالد العراقي المحترمين
بعد العملية 27/10/2012
شباب إلي يبي إستفسار أنا حاضر على الخاص أو الأيميل لأني مقل بالدخول على المنتدى
الأيميل ham.ad@hotmail.com
هلا وغلا بالجميع كيف حالكم إليكم التحديث طبعا صبغت الشعر بالحنى الأسود لأن الشيب طغى مع إنهم محذريني بعدم الصبغ إلا بعد أربع أشهر ولاكن أندور الزين هذي الصور بعد العملية ب 40 يوم 12/11/2012
شرايكم صار لي 3 أيام أستخدم الشانبو مع البخاخ
تحديث 28/01/2013
أسف على الإنقطاع ياشباب كل التوفيق لكم جميعا
بس على فكرة ترى صبغت شعري مع أن الدكتور مانعني بس ندور الزين
الله المستعان
