عملية الزرارعة الثانيه في مركز ماجك & ستار هير ..

السلام عليكم ورحمة الله وبركاته ..

اتشرف ان اضيف تجربتي البسيطه لزراعة الشعر في المركز الرائع ماجيك هير ..

كان لي تجربه سابقه لزراعة الشعر اجريتها في مركز العالميه لزراعة الشعر في مايو 2011 وكانت بتقنية الشريحه وللمنطقه الاماميه حتى منتصف الشعر اي بدون زراعة منطقة التاج .. وبعد العمليه استخدمت حبوب بربيشيا وبخاخ الريجين لحماية منطقة التاج من السقوط وبالضبط هذا اللي حصل الى نهاية الكورس اللي هو 6 اشهر كانت منطقة التاج متغطيه بالشعر ووضعها نوعا ما مقبول جدا ..

لكن بعد ما توقفت عن الحبوب والبخاخ اي انتهى الكورس 6 اشهر بدأت الهوايل وبدأ وضع الشعر يسوووء جدا جدا الى ان قررت ان اجري عمليه ثانيه .. وقررت اني اجريها ايضا في مركز العالميه وحجزت بتاريخ 3 اكتوبر ..

لكن في العيد الماضي وفي احد الاجتماعات مع ابناء العم اجتمعت مع ابن عمتي الغالي ابو نواف وجاء حديث عن الزراعه لانه هو زارع مؤخرا وتجاذبنا اطراف الحديث عن هالموضوع .. وجزاه الله الف خير نصحني اني القي نظره على هذا المنتدى لتقييم عمليات تركيا ونتائجها وتجارب الناس ..

ولله الحمد بعد ان اطلعت على المنتدى قررت ان اذهب الى تركيا وقررت ان اجريها في مركز ماجيك & ستار هير و اتصلت على المنسق خالد و وقالي ارسل الصور عشان نقيمها .. رد علي بعدها بيوم وقالي ان منطقتك المانحه جيده وراح تكفي لجلسه واحده اكيد والثانيه باذن الله بنحاول لانهم لازم يشوفونها على الطبيعه ..

توكلنا على الله وقررنا وقت العمليه في 5 سبتمبر وحولت لهم 250 يورو والامور تمام التمام ..

حجزت على الخطوط السعوديه انا وصديقي واقلعنا صباح 4 سبتمبر متوجهين الى تركيا .. وصلنا بحمد الله الى تركيا استنبول مطار اتاترك تحديدا في تمام الساعه الثانيه الى ربع .. على طول وجدنا السائق الرائع عبدالله في انتظارنا .. على طول سيده الى العياده شفت خالد المنسق المهذب الرائع وهذي صوره له :

جلست بالانتظار وكان لي حديث مع اخ سعودي توه مخلص الجلسه الثانيه وجاي عن طريق اخ له وكذلك احد اقاربه كلهم اجروا العمليه في مركز ماجك هير ومدح لي بالنتائج اللي تحصلوا عليها وحمسني اكثر اني ادخل للدكتوره واسوي جلستين ..

على طول دخلنا على الدكتوره ييليز وبدا النقاش وقالت لي ان منطقتك المانحه جيده بس مو ماره وبنحاول نسوي لك جلستين وبيوضح معانا كل شي في ساحة العمليه وقالت لي كيف تبي يكون شعرك قلت لها مثل ما تشوفين انتي الدكتوره وانتي ابخص .. شرحت لي قلت اوكي بس يا ليت تبدون من منطقة التاج عشان سبحان الله لو ماكفا يكون غطيت منطقه مهمه ومتدهوره بالنسبه لي .. قالت لي اوكي وكانت رائعه جدا معي .. هذي صور لراسي قبل العمليه :



توجهت بعدها للفندق بعد ما اتفقت مع المنسق خالد ان السائق بيمرني بكره الساعه 8 .. بالفعل مرني السائق وخالد كان معاه صباحا وتوجهنا للعياده سويت تحليل الدم وعلى طول على غرفة العمليه ..

ما قصروا المركز وخالد عطوني فريق متميز في استخراج اكبر عدد من البصيلات بدينا وطبعا بدوا بالبنج اللي كان مزعج نوعا ما ثم تسلسلت العمليه ببساطه ولله الحمد وكانت حصيلة الجلسه الأولى 2710 بصيله ..
وهذي صوره لي اثناء الجلسه الأولى والشكر موصول للرجل الرائع اللي قاعد يشتغل براسي :



ونفس الوضع صار في الجلسه الثانيه لكن كانت اخف شوي من ناحية البنج ولله الحمد الحصيله كانت 2045 بصيلة ..

وهذي صوره لي مع الفريق الرائع اللي اجرالي العمليه :



بعد العمليه كذلك كان لي لقاء بشخص سعودي وتناولنا انا وهو ساندويتش خفيف بالكافتريا وقالي انه ثاني ماره يزرع في ماجك هير وما جا ثاني ماره الا هو راضي تمام الرضا عن العمليه الاولى لكن جا يبحث عن البيرفكت او المثاليه .. اهنيه والله حلو الواحد يبحث عن شي جميل وكامل .. وهالشخص جا عن طريق قريب له زرع بالعياده قبل فتره ..

بعد يومين وتحديدا يوم السبت الموافق 8 سبتمبر جيت للعياده لغسيل الراس والتقطوا لي هذي الصوره :



وبعد الغسيل اعطوني الادويه وشرح لي خالد كل شي عن الادويه وتوكلت على الله للفندق ..

وبعدها بيوم توجهنا للمطار وعالسعوديه .. الحمد لله كانت تجربه مرضيه ورائعه وان شالله راح اوافيكم بصور للراس بعد كل فتره .. الف شكر للجميع ..​