(تحديث بعد تسعة أشهر من الزراعة) ...ستار هير
اسم المستشفى وعنوانه : عيادة ستار هير اسطنبول
----------------------------------------
اسم الدكتوره : يليز
----------------------------------------
عدد الفريق المساعد : العمليه الاولى اربعه بالتناوب العمليه الثانيه ممرضتين
-----------------------------------------
تاريخ العمليه : الاولى 13 -7-2012 الثانيه 15-7-2012
------------------------------------------
مدة العمليه: الاولى تقريبا 10ساعات _ الثانيه 8 ساعات
------------------------------------------
طريقة الزراعه : اقتطاف
-------------------------------------------
عدد البصيلات : العمليه الاولى 2200 قرافت _ الثانيه 2600 قرافت
---------------------------------------------
الفحوصات قبل العمليه : لايوجد وماطلبت منهم لاني قبل فتره سويت فحص دم.
--------------------------------------------
قيمة الجلستين : 4200 يورو شامله المواصلات من والى المطار ذهاب وعوده ومن الفندق الى العياده مع المترجم طبعا خالد المغربي.
--------------------------------------------
مدى الرضا عن العياده : الحمدلله ان الله وفقني واخترت العياده هذي الفضل لله ثم للاعضاء الي سبقونا بالتقارير عن هذا المركز الاخ الاسطوري واصلع ملعلع واحمد 50 والدكتور سعيد وباقي الاعضاء وبصراحه عياده تفتح النفس نظافه وشغل دقيق واهتمام بالمريض وانصح اي واحد متردد اقوله توكل على الله واحجز عندهم.
----------------------------------------------
التفاصيل والصور
طبعا التنسيق من البدابه كان مع الاخ مجدي مع انه كان في تونس بس حجزت عن طريقه وحولت 250 يورو عن طريق الويسترن ينيون باسم السائق عبدالله داغستان وتم تاكيد موعد العمليه يوم الجمعه 13-7 بس صادفتني مشكله بسيطه ماحصلت حجوزات طيران بيوم العمليه كلمت مجدي اني اجل العمليه سالنى متى الوصول يوم العمليه قلتله الصباح قالي تقدر تسويها بنفس اليوم ماعندك مشكله المهم تمينا على اليوم ذا .... وصلنا يوم الجمعه اتصلت بالاخ خالد مغربي باكثر من مره ومارد وانا اعذره بصراحه لكثرة الاتصالات عليه كلمت الاخ مجدي هوا في تونس رد علي على طول قلي الحين السواق عندك كيا برتقالي اطلع عند البوابه بتحصله طلعت وقابلت السائق حسين وعلى طول رحنا على العياده قابلت ثلاث من اهل الخليج واحد اماراتي والثاني قطري المهم انتظرت شوي دخلنا على الدكتوره شافت الصلعه قالتلي الصلعه عندك كبيره وانت توك صغير عمرك 25 حطمتني بصراحه ماراح نقدر نزرع المنطقه كامله راح تبقى منطقة التاج قلت تكفين يادكتوره شوفي شعر صدري طيب اي شي قالت وريني شافت الصدر قالت ممكن بعد تسع شهور من العمليه ناخذ من صدرك لان المنطقه المانحه احتمال ماتتحمل عمليه ثالثله قلنا يالله ماعندك مشكله رسمت خط المقدمه وكان مرتفع عن المنبت الطبيعي عن الشعر الاول تقريبا سنتي طلبت منها تنزله شوي قالت اذا نزلنا شوي ماراح نقدر نغطي المنطقه قبل التاج وانا اشوف انه المناسب لك كذاقلتلها انتي الدكتوره وابخص وتوكلنا على الله والان نروح نشوف الصور .....
بعد الجهاز يشلون البصيله بالملقاط
بعد الاقتطاف راحه وبريك للغداء
بعدها فتح القنوات مع الدكتوره يليز طبعا في البدايه جات وحده تخرم قلتلها وين الدكتوره يليز اتصلت على خالد وكلمته قلتله ابي الدكتوره يليز هي الي تخرم قالي حتى ذي دكتور وفاهمه قلتله لا ابي يليز قال خلاص الحين تجيك وهذي يليز مع صلعتي
بعد العمليه الاولى وزراعة خط المقدمه مع التكثيف طبعا اليوم الاول في العمليه كان متعب لاني وصلت من المطار على طول العمليه وكنت مواصل ومانمت والم البنج كاان فضييع ماقدرت اتحمله طبعا بعد ماخلصنا العمليه الاولى الساعه 8.30 المغرب قلي خالد بكره موعدنا الصبح الساعه 8 لا يخوي خاالد وين والله مواصل ومانمت وتبيني اجييك الصباح لا والله مقدر راح وبعدين جاني مره ثانيه قالي خليها بكره الساعه 2 الظهر قلك اوكيه ماعندك مشكله اتصلت عليه من اليوم الثاني قلي اويكه انتظرت الى الساعه 4 اتصلت عليه قالي السائق في الطريق لك بس اذا حبيت تعملها راح يتاخر الوقت وماتطلع الا الساعه 2 بالليل وراح يكون الطاقم الي معاك مرهق طيب كيف قال خليها بكره الصباح 7.30 اوكيه ماعندك مشكله وتمت العمليه في صباح يوم الاثنين الموافق 15-7
بعد العمليه الثانيه
طبعا بعد العمليه الثانيه بيوم نزعت الشاش ووضعت كريم على المنطقه المانحه واليوم الي بعده غسيل الشعر في العياده وقابلت الاخ مجدي بعد وصوله بيوم واحد من تونس وكان معاه اخوه محمد و تعرفنا عليه وسولفنا معاه ووقت الغسيل قابلت واحد من السعوديه جاي يزرع مره ثانيه عندهم ... احب اشكر كل من خالد المغربي والاخ مجدي والسائق حسين والسائق عبدالله والله يفتحون النفس ودايما يقابلونك بابتسامه حلووه ونفس طيبه..... الحين عندي بعض الاستفسارات واتمنى من اخواني المصلعين
سابقا يفيدوني طبعا الحين لي اليوم الثاني بعد العمليه الثانيه اليوم غسلت شعري والكريم حق ابو ساعه يوم غسلته مو راضي ينزل غثني وبعدين غسلته بالشامبو وباقي شوي ماراح خفت اضغط زياده وتروح بصيلاتنا بلاش وشفت شعريتن في بصيله واحده لونها ابيض نزلت في يدي والله خفت واتحطمت نفسيتي واشوف قشور صغيره وقت الغسيل تتساقط بعضها فيها شعرات صغيره مع اني امسح مسح خفيف بيدي هالحين الشعرتين ذوليك راحو خلاص مايطلعو مرره ثانيه وبالنسبه للشامبو اغسل المنطقه المانحه فيه وسلامتكم ..... اتمنى من الاعضاء ابداء رايهم عن الزرااعه اذا فيها اي ملاحظات..
________________________________________________________________________
اعطوني ارائكم وانطباعكم عن الزراعة
بسم الله الرحمن الرحيم
اسم المستشفى وعنوانه : عيادة ستار هير اسطنبول
----------------------------------------
اسم الدكتوره : يليز
----------------------------------------
عدد الفريق المساعد : العمليه الاولى اربعه بالتناوب العمليه الثانيه ممرضتين
-----------------------------------------
تاريخ العمليه : الاولى 13 -7-2012 الثانيه 15-7-2012
------------------------------------------
مدة العمليه: الاولى تقريبا 10ساعات _ الثانيه 8 ساعات
------------------------------------------
طريقة الزراعه : اقتطاف
-------------------------------------------
عدد البصيلات : العمليه الاولى 2200 قرافت _ الثانيه 2600 قرافت
---------------------------------------------
الفحوصات قبل العمليه : لايوجد وماطلبت منهم لاني قبل فتره سويت فحص دم.
--------------------------------------------
قيمة الجلستين : 4200 يورو شامله المواصلات من والى المطار ذهاب وعوده ومن الفندق الى العياده مع المترجم طبعا خالد المغربي.
--------------------------------------------
مدى الرضا عن العياده : الحمدلله ان الله وفقني واخترت العياده هذي الفضل لله ثم للاعضاء الي سبقونا بالتقارير عن هذا المركز الاخ الاسطوري واصلع ملعلع واحمد 50 والدكتور سعيد وباقي الاعضاء وبصراحه عياده تفتح النفس نظافه وشغل دقيق واهتمام بالمريض وانصح اي واحد متردد اقوله توكل على الله واحجز عندهم.
----------------------------------------------
التفاصيل والصور
طبعا التنسيق من البدابه كان مع الاخ مجدي مع انه كان في تونس بس حجزت عن طريقه وحولت 250 يورو عن طريق الويسترن ينيون باسم السائق عبدالله داغستان وتم تاكيد موعد العمليه يوم الجمعه 13-7 بس صادفتني مشكله بسيطه ماحصلت حجوزات طيران بيوم العمليه كلمت مجدي اني اجل العمليه سالنى متى الوصول يوم العمليه قلتله الصباح قالي تقدر تسويها بنفس اليوم ماعندك مشكله المهم تمينا على اليوم ذا .... وصلنا يوم الجمعه اتصلت بالاخ خالد مغربي باكثر من مره ومارد وانا اعذره بصراحه لكثرة الاتصالات عليه كلمت الاخ مجدي هوا في تونس رد علي على طول قلي الحين السواق عندك كيا برتقالي اطلع عند البوابه بتحصله طلعت وقابلت السائق حسين وعلى طول رحنا على العياده قابلت ثلاث من اهل الخليج واحد اماراتي والثاني قطري المهم انتظرت شوي دخلنا على الدكتوره شافت الصلعه قالتلي الصلعه عندك كبيره وانت توك صغير عمرك 25 حطمتني بصراحه ماراح نقدر نزرع المنطقه كامله راح تبقى منطقة التاج قلت تكفين يادكتوره شوفي شعر صدري طيب اي شي قالت وريني شافت الصدر قالت ممكن بعد تسع شهور من العمليه ناخذ من صدرك لان المنطقه المانحه احتمال ماتتحمل عمليه ثالثله قلنا يالله ماعندك مشكله رسمت خط المقدمه وكان مرتفع عن المنبت الطبيعي عن الشعر الاول تقريبا سنتي طلبت منها تنزله شوي قالت اذا نزلنا شوي ماراح نقدر نغطي المنطقه قبل التاج وانا اشوف انه المناسب لك كذاقلتلها انتي الدكتوره وابخص وتوكلنا على الله والان نروح نشوف الصور .....
هذي الصلعه المصونه
اثناء الاقتطاف بالجهاز
بعد الجهاز يشلون البصيله بالملقاط
بعد الاقتطاف راحه وبريك للغداء
بعدها فتح القنوات مع الدكتوره يليز طبعا في البدايه جات وحده تخرم قلتلها وين الدكتوره يليز اتصلت على خالد وكلمته قلتله ابي الدكتوره يليز هي الي تخرم قالي حتى ذي دكتور وفاهمه قلتله لا ابي يليز قال خلاص الحين تجيك وهذي يليز مع صلعتي
بعد عمل الفتحات
اثناء وضع البصيلات
بعد العمليه الاولى وزراعة خط المقدمه مع التكثيف طبعا اليوم الاول في العمليه كان متعب لاني وصلت من المطار على طول العمليه وكنت مواصل ومانمت والم البنج كاان فضييع ماقدرت اتحمله طبعا بعد ماخلصنا العمليه الاولى الساعه 8.30 المغرب قلي خالد بكره موعدنا الصبح الساعه 8 لا يخوي خاالد وين والله مواصل ومانمت وتبيني اجييك الصباح لا والله مقدر راح وبعدين جاني مره ثانيه قالي خليها بكره الساعه 2 الظهر قلك اوكيه ماعندك مشكله اتصلت عليه من اليوم الثاني قلي اويكه انتظرت الى الساعه 4 اتصلت عليه قالي السائق في الطريق لك بس اذا حبيت تعملها راح يتاخر الوقت وماتطلع الا الساعه 2 بالليل وراح يكون الطاقم الي معاك مرهق طيب كيف قال خليها بكره الصباح 7.30 اوكيه ماعندك مشكله وتمت العمليه في صباح يوم الاثنين الموافق 15-7
بعد العمليه الثانيه
طبعا بعد العمليه الثانيه بيوم نزعت الشاش ووضعت كريم على المنطقه المانحه واليوم الي بعده غسيل الشعر في العياده وقابلت الاخ مجدي بعد وصوله بيوم واحد من تونس وكان معاه اخوه محمد و تعرفنا عليه وسولفنا معاه ووقت الغسيل قابلت واحد من السعوديه جاي يزرع مره ثانيه عندهم ... احب اشكر كل من خالد المغربي والاخ مجدي والسائق حسين والسائق عبدالله والله يفتحون النفس ودايما يقابلونك بابتسامه حلووه ونفس طيبه..... الحين عندي بعض الاستفسارات واتمنى من اخواني المصلعين
سابقا يفيدوني طبعا الحين لي اليوم الثاني بعد العمليه الثانيه اليوم غسلت شعري والكريم حق ابو ساعه يوم غسلته مو راضي ينزل غثني وبعدين غسلته بالشامبو وباقي شوي ماراح خفت اضغط زياده وتروح بصيلاتنا بلاش وشفت شعريتن في بصيله واحده لونها ابيض نزلت في يدي والله خفت واتحطمت نفسيتي واشوف قشور صغيره وقت الغسيل تتساقط بعضها فيها شعرات صغيره مع اني امسح مسح خفيف بيدي هالحين الشعرتين ذوليك راحو خلاص مايطلعو مرره ثانيه وبالنسبه للشامبو اغسل المنطقه المانحه فيه وسلامتكم ..... اتمنى من الاعضاء ابداء رايهم عن الزرااعه اذا فيها اي ملاحظات..________________________________________________________________________
تحديث بعد تسعة أشهر من الزراعة
ماشاء الله
اعطوني ارائكم وانطباعكم عن الزراعة
