تجربتي في مستشفى شيفري ceaver

a.a قال:

بإختصار راح احكي لكم التجربة

طبعا الموعد محجوز من شهر تقريبا . وبعد الدراسة والاستخاره قررت على مستشفى شيفري (الاسم الصحيح)

ما قصر معي ابو بدر والاخ ابو سلطان اصلع ملعلع

المهم رحلتي كانت يوم الاحد 25\8 العصر وصلت ولقيت السواق محمد بأستقبالي رحنا المستشفى ع طول تحليل وموعد العملية من بكره

المهم نمت زين وصحيت الفجر ورجعت نمت الى 8 المهم صحيت وكان موعد العملية 9 . تأخرو عليه شوي قلت اروح اتمشى شوي وآكل شي المهم رجعت ولقيت بهاء قدامي يدور علي . قال يالله العملية قلت أوكية لا تجيبون فطور ترى مفطر المهم ويتغير وجه وشفيك يابن الحلال قال لا ليش مافي فطور عشان البنج المهم قال اوكية تأخر لبعد الظهر يووووووووووووووووووو . المهم رجعت لغرفتي لمن الظهر ماحد جاني وعلى 3 ونص يقولون يالله
المهم دخلنا ع الدكتورة شافت شعري قالت المنطقه المانحه خفيفه وم راح يطلع معك الا 2200 الى 2500

قلت لا والله هاذي الورطة !
المهم قالت عندي لك رأي وانت ع كيفكا انو نزرع لك بجلستين الحين وبعد سنه أو تبي نوزع اللي يطلع معنا على الراس كله وهذا ما انصحك فيه لأنو بيطلع فراغات وماراح يغطي

المهم قلت شوفي المناسب وتوكلي ع الله
رسمت الخط الامامي تمام ودخلت حلقت وخططت المنطقه المانحه وع العملية في البداية جاء دكتور وحط البنج
طبعا اخوكم كان نايم ع ظهره وماحسيت بنفسي الا ع نهاية الاقتطاف وانا نايم ع بطني كيف م أدري طلع معهم 3221 قرفت قلنا تمام

المهم تجي الدكتورة وتضبط الخط الامامي بشكل نهائي وكمان بنج ونومه وسوت الدكتوره اماكن وضع البوصيلات

ولا صحيت الا ع نهاية الزراعه ..


بشكل سريع

الالم لا تذكر فقط المنطقة المانحه قليلا اليوم الاول اللي هو امس

عدد القرافت 3221 للمنطقه الامامية ويتبقى جزء بسيط لمنطقة التاج

الطاقم نسائي كامل ما عدا طبيب التخدير والمترجم ابو عبدالله من العراق

الدكتورة قمة في التعامل وكذلك الممرضات

الاخ بهاء والمترجم ابو عبدالله والنعم فيهم بصراحه قد كلامهم اللي قالو وانا بالسعودية

المترجم الاخ خالد ابو عبدالله تعب معاي كثير الله يبيض وجه كل شوي وهو ع راسي تبي شيء

المستشفى زحمة من كل مكان صادفت من بلغاريا من الكويت من لبنان من عمان من تركيا من السعودية وواحد شكله كندي يعني يويا اقل شيء سته

الحين اليوم الثاني انتهى والحمدلله كل شيء عل مايرام

الصور بصراحه ما صورت بس ااصور تنزل لكم انشاء الله


هذا تقريري بشكل سريع واتمنى افدتكم

باقي شيء الى الحين السعر ما حكو عنه ابدا ليش ما دري المتفق عليه 2400 يورو بس راح يكون فيه تخفيض ع شان الجلستين

هذا ولكم فائق تقديري

أنقر للتوسيع...