أبي أزرع شنب
New Member
- إنضم
- 21 يوليو 2011
- المشاركات
- 21
- مستوى التفاعل
- 0
- النقاط
- 1
تم تحديث الصور بعد 6 أيام من العملية.
تم تحديث الصور بعد 14 يوم من العملية.
مسالخير
بختصر بصراحة ؛ مالي خلق أكتب كثير ؛ وإحمدوا ربكم إني بشاركم تجربتي
مين قدي . عمري 29 ؛ وللأسف ما عندي شنب ؛ كل الي عندي شوية وبر ( للمعلومية من بعيد ما يبين شعر أبدا والشعر الي مبين بالصور هذا لأنه يكون في فلاش قوي).
هذي صورة قديمة لي من 5 شهور أظفتها لأني حسيت إنها توصف حالتي بشكل واضح
ما حلقت ولا قصرت قبل العملية ب 4 أشهر ... شعر شنبي هذا ما مسكته بتاتا طول هالمدة.
.. شوفوا
وهذي الخطة الي كنت راسمها مع نفسي ... قبل العملية برضوا .
في البداية أتفقت معاهم على 400 جرافت للشنب فقط = 7000 ريال تقريبا.
لكني حبيت أزود فقلت أبي 700 جرافت للشنب فقط (يعني تقريبا الضعف) + 200 جرافت للسكسوكة ...
الحمدلله كنت محظوظ وطلعت الشريحة المأخوذة وقت الزراعة تحتوي على 1300 جرافت .. الدكتور تحمس وزرعهم كلهم وكلفني مبلغ وقدره 18000 ريال
زرع حوالي 750 بالشنب فقط و الباقي في السكسوكة.
ملاحظة : الدكتور حذرني من كثرة الجرافت الي راح ينزرع وقالي إنت المسؤول عن النتيجة.
هو نصحني بالإكتفاء ب 400 لمنطقة الشنب لكني أصريت على الزيادة.
وهذي بعد العملية بيومين ... لاحظوا اللون البنفسجي + كثير القشور وإنتفاخات الوخز ..
تم التحديث بعد 6 أيام
هذي صورة تساقط الشعر في اليوم السادس وإختفاء معظم النقاط السوداء.
وهذي بعد صورة (بفلاش) تساقط الشعر في اليوم السادس وإختفاء معظم النقاط السوداء.
وهذي صورة من صوري قبل العملية للمقارنة
الدكتور يقولي بعد 5 شهور راح تشوف شعر أسود كثيف وبعد سنة إكتمال الشعر بنسبة 100%.
بحدثكم كل شهر.
تم التحديث بصورة عالية الدقة ( يمكن فتح الصورة ومشاهدتها كاملة ) للمنطقة المزروعة بعد 14 يوم وظاهر فيها إستمرار تساقط الشعر.
وأي أسألة أنا حاضر ؛ بس تكون مختصرة ؛ لأني صرت إنسان مشغول مو مصدق نفسي بصراحة