زراعة بطريقة الاقتطاف مركز cevre 2011/11/1

زراعة بطريقة الاقتطاف مركز cevre 2011/11/1 تحديث اضافة صور

بسم الله الرحمن الرحيم.

الحمد لله وحدة. والصلاة والسلام على من لا نبي بعده.

اولاً : الحمد لله كما ينبغي لجلال وجهه وعظيم سلطانه على تيسيره لهذا الامر.

ثانياً: كل الشكر لهذا المنتدى ، ادارة واعضاء واخوة واخوات.

انا طبعاً عضو قديم في نادي الصلعان لكن من فترة بسيطة فقط انضميت لهذا المنتدى.
وبعد الاطلاع على صفحات المنتدى وتجارب الاعضاء وآرائهم، قررت اني اتوكل على الله واسوي العملية في تركيا.
تواصلت مع الاخ ( نعيم ) الله يجزاه خير وييسر له امره. ما قصر عطاني معلومات عن المستشفى وعن العملية.

طبعاً جيت على تركيا وقابلت السيد بهاء. بصراحة الرجل راقي جداً في تعامله وما قصر في شي ابد.

الحمد لله أمس الثلاثاء الموافق 2011/11/1 اجريت العملية في مركز cevre في اسطنبول.
العملية بدأت الساعة الثانية عشراً ظهراً وانتهت الساعة السابعة مساءاً.

عدد القرافتس كان حوالي 3600
يعتبر زين نوعاً ما. رغم ان المطار عندي دولي

الصور بأمر الله راح انزلها اول ما ارجع.
انا ما زلت في المستشفى. وجالس اكتب من الاي باد.

ملحوظه بسيطة.
انا طبعاً سويت العملية نص بنج. لانه حسيت انه ابداً ما راح اتحمل الابر.

كل شي تمام ولله الحمد. بس بعد العملية استمر معايه دوار واستفراغ الله يكرمكم لين صباح اليوم.

الحمد لله الوضع الحين طيب.
وبأمر الله الصور قريباً. واي سؤال او خدمة انا حاضر


اليكم الصور كما وعدت.... واعتذر عن التأخير

اخر صورتين بعد 10 ايام من العملية










صور بعد مرور اربعة اشهر على الزراعة
انتم الحكم عن مدى نجاح العملية للآن
آمل سماع اراؤكم













السلام عليكم ورحمة الله وبركاته.
كما وعدتكم.... اليكم الصور بعد مضي ستة اشهر بالتمام.
آمل سماع اراؤكم












صور بعد مضي ثمانية أشهر










بعد سنه من الزراعة

مبروووك وان شاء تكون خرجت من نادي الصلعان وعقبالي وجميع اعضائنا ان شاء الله

الحمد للة علي سلامتك وربي يسعدك في النتائج ,
حبيت اسال عن عمرك لما سويت الزراعة , وفي اي عمر بدأ عندك التساقط ؟

عسي ربي يهنيك ويفرحك ,

هلاا اخوي عقبال النتائج اللي تسرك والف مبرروك. حبيت اعررف التكالفة وودرجة الصلع

ألف مبروك
أن شاءالله تنول مرادك

الله يبارك فيك اخوي اعذروني..... وعقبا لك ان شاء الله

اخوي f2000h. هم رسموا خط المقدمة وناسبني بصراحة. عشان كذا ما ثلت لهم عدلوا ولا شي.

اخوي سام.... الله يسلم قلبك ويجزاك خير يا غالي.
عمري الان ٣٥ سنه... بدأ التساقط عندي من عمر ٢٤ سنه.

اخوي wqqd. شاكر مروروك يا غالي. وان شااء الله راح اضع الصور بين ايديكم اول ما ارجع لارض الوطن بامر الله.

اخوي ابو عبدالعزيز. الله يجزاك خير يا غالي.
العملية كلفتني ٢٠٠٠ يورو.
درجة الصلع عندي والله ما اعرفها بالضبط. بس بامر الله انزل الصور وتشوف بنفسك وتحكم.

كيف تقييمك للوضع العام با العيادة
انا ان شاء الله زراعتي بنفس هالعياده بتاريخ 20 ديسمبر و معي شخصين

ان شاء الله تشوف النتائج اللي تسرك

الف مبروك والله
يتمم عليك وتشوف النتايج اللي ترضينا وترضيك

الاخوة .... اسير اهات....بندر..... صلعة ونص.
شاكر مروركم الله يجزاكم خير. عسى الله يكتب لنا ولكم ما فؤه الخير.

اخوي اسير حلم.
الوضع في المستشفى جداً مريح من ناحية العناية والاهتمام.
يومياً اشوف ناس تتم لهم زراعة. عاد المهم النتائج. انا قابلت اخ عراقي زرع قبل سنة في نفس المستشفى. جاي هذي المرة هو واخوه عشان يسوي له زراعة.
بصراحة ...... نتائج زراعته هو جداً طيبة ورفعت من معنوياتي كثير الحمد لله.
أسأل الله انه ييسر لك الامر. بس انتبه. الان ترى الجو باااااارد جداً. وتوقيتك انت راح يكون في عز الشتا. عاد سبع نفسك بملابس شتوية مضبوط مضبوط مضبوط. *

هلا وغلا اخوي sun
اعتذر عن التأخر في الرد لانه والله ما كان عندي اتصال نت في الايام الماضية.
بالنسبة لأسئلتك.
انا اشوف انك توفر على نفسك الوقت والجهد وبلاش من مسألة استشارة اطباء عندنا بالسعودية.

بالنسبة للسكن. هم يعطونك غرفة بالمستشفى. انا سألت بهاء عن شخص بيجي هو وزوجته. قال عادي بنعطيه غرفة سريرين.
بالنسبة لولدك الله يحفظه ما اعتقد انه بيرتاح او يريحكم.
رقم بهاء ارسله لك خاص ان شاء الله.
سعر العملية عادة ٢٤٠٠ يورو. عاد انت وشطارتك. شوف لين فين توصل معاهم.
ونعم العملية في الشتاء احسن ان شاء الله.

اي خدمة انا حاضر ان شاء الله يا غالي

ماشاء الله عقبال ما تسكر المطار وتحوله حديقه
ان شاء الله بسويها قريب في مركز لدكتور مشهور لان عندي حوش صغير بزرعه

تم اضافة اصور

وين الجديد يا ابر لايت

لا تحرمنا من صورة بعد الـ 4 شهور