مـقـهـى الاعــضــاء (( محطة سوالف الاعــضــاء ) )

[متحمسه]

بااااك

هلا بكم جميع واهلين زايد يالله حيه
كيف الحال ان شاء الله طيبين
وانا ايضا بعد رجوعي للدوام انشغلت ايضاً
ولا ابشركم شاريه كاميرا واتعلم التصوير
>> فاضيه خخخخ
ان شاء الله انكم كلكم طيبين وبخير

 

[Zayed]

صباح الورد

متحمسه الحمد لله على السلامه وش اخبارك وين الغيبه الطويله ؟؟ عسى المانع خير ان شاء الله

زين انك رجعتي للدوام لا يفصلونك هههههه ماشاء الله عليك ماخذه اجازه اكثر من طلاب المدارس ههههه

فيه سؤال محيرني كثير هاليومين اشوف كثير من الجنس اللطيف صايرين مصورين محترفين مدري وش السر شكله مرض التصوير انتشر عندنا مثل انفلونزا الخنازير و الوادي المتصدع هههههه و شكلك من كثر الحماس صادك الفيروس و شريتي الكاميره على طول بس عسى ما تكون باهضه الثمن لانك بتطفرين فيها كم يوم بعدين بترمينها وبتغبر و بتصير من ذكريات الطفوله

تحياتي لك شخصيا و سعيد لانك رجعتي للمنتدى ولدوامك وان شاء الله ربي يعطيك الصحه والعافيه

تحياتي لجميع الاعضاء بدون استثناء و اتمنى لكم يوم سعيد وممتع

زايد​

 

[متحمسه]

اهلين زيود ازيك وعامل ايه

ابشرك بخير ونعمه واليوم ساحبه ع الدوام عندي موعد
والكاميرا مره ادمن بس والله وانا اختك لو تدخل اليوتيوب وتشوف التعليم
وكيف تتعلم اشياء رهييييبه من جد التصوير متعه
بس مافيه وقت له خخخخ
وحتى بلدنا الله يخليها لا جو ولا طبيعه ولا اماكن يمديك تصورها كل التصوير بالبيت خخخ
حياك الله
والله يخليك
ويسلمك ويعافيك
وانت عاد اللي يشوفك يقول مرابط بالمنتدى حتى انت مختفي

 

[Zayed]

صباح الورد

متحمسه اسعد الله صباحك و صباح الشعب السعودي قاطيبتا (حلوه قاطيبتا ههههه) وما انسى اصبح على خادم الحرمين اطال الله في عمره بمناسبه اليوم الوطن لبلدي الحبيب الله لا يحرمنا منه ان شاء الله

متحمسه الحمد لله انك بخير و صحتك زينه وهذا اهم شي و بعد ما شاء الله عليك اشوف النفسيه احسن شكلك متحمسه مع موهبه التصوير الي طلعت لك فجاه يالنابغه ههههههه بس الي اعرفه ان الموهبه تبدا من الصغر و تترعرع مع الواحد لين يكبر لكن الي يدخل في الموهبه عرض مثل بعض الناس يطفرون فيها كم يوم بعدين ينخفض الحماس عندهم شوي شوي لين ما ينسون الموضوع لكن يمكن انتي لاتك متحمسه خلقه يمكن تكسرين القاعده و بنشوف الايام القليله القادمه و على ذكر الموهبه ياليت تنزلين لنا كم صوره خلينا نقيمها لك و نقول اذا بتكونين مشروع مصور محترف قادم الى الساحه او سحابه صيف هههههه

بالنسبه للمناضر الخلابه عندنا كثيره ههههههههه من جد انا اشوف ان صحراء الدهنا و انتي طالعه من الرياض على طريق الشرقيه منضر اجمل من ما تتصور خصوصا الطعوس الحمرا لو يشوفونها الاجانب كان تلقينهم مسنترين يصورن فيها 24 ساعه في اليوم و بعد عندك بيوت الطين الاثريه القديمه و النخيل لو تزورون القرى في المنطقه الوسطى بتشوفين اشياء كثيره تستاهل الواحد يصورها و بعد عندك الاطفال الصغار صوريهم في جميع الاوضاع و بتشوفين صور روعه يمكن تضرب معك صوره او صورتين و تبيعينها بكم مليون و تصيرين من الاثرياء بس اهم شي لا تكبرين علينا و تصيرين مغروره هههههههه

مشكوره على دعواتك الطيبه و الله يحقق لك كل امنياتك ويسعدك في الدنيا والاخره وبالنسبه لدخول المنتدى انتي عارفه نحن معشر الرجال في المجتمع السعودي مكروفين كرف مثل الشمعه الي تحترق لتضيئ للاخرين ههههههه كثر منها .. و يعلم الله اني ما انقطع الا لكثره الانشغالات واذا ان شاء الله حصلت فرصه بكون سعيد اني اشارك في هذا المنتدى الهادف

تحياتي للجميع

زايد​

 

[باحث استكشاف]

؟؟؟؟؟؟؟؟؟؟؟؟؟؟؟؟؟؟؟؟؟؟

 

[متحمسه]

السلام عليكم ورحمة الله وبركاته هلا بك زايد لا ابشرك الموهبه قديمه من الصغر كنت اشتري كاميرات واقعد اصور يمين ويسار لدرجة انه اذا استرجعنا صورنا القديمه اشوف كل اخواني لهم صور الا انا ليييييييييه ؟؟ انا المصور طبعاً ماكنت اهتم في تجميع الصور ولا الاحتفاظ فيها والحين ان شاء الله اني انميها مو ع شان اشتهر بس ع شان اعرف اصور اللقطات با احترافيه كلنا نشتغل مو بس انتم الرجال وكلنا ك الشمعه وكلنا مكروفين انت مادخلت عالم النساء ودواماتهم المراءه العامله كـ الرجل ع العموم بالتوفيق للجيمع وكل عام ووطني بخير طبعاً اجتماعنا اجتماع عائلي بالاستراحه واحتفلنا في اليوم الوطني بعيد عن ضوضاء الرياض

 

[Zayed]

صباح الورد

وطني الحبيب صباح الخير مليكنا المحبوب ابو متعب اسعد الله صباحك بكل خير اختي العزيزه متحمسه صباحك و رد وجميع الاعضاء في هذا المنتدى العزيز على قلوبنا جميعا

على ذكر اليوم الوطني كنت حاضر زواج في الرياض و طلعت متاخر شوي حوالي الساعه ثنتين ومسكت طريق الملك فهد و دخلت في زحمه و شباب يترقصون و الشارع تقريبا واقف يمكن اخذت اكثر من ساعه عشان اوصل طريق الثلاثين في العليا المشكله توهقت و دخلت في الزحمه و كل شوي اقول خلاص بتفرج لكن الحمد لله وصلت بسلام

بالنسبه لعالم النساء انا اشوفهم عندنا في العمل خصوصا المواطنات بصراحه و من غير زعل اكثرهم ماجو يشتغلون وانتاجيتهم ضعيفه جدا و ويرمون اشغالهم على غيرهم ولو تكلف وحده بعمل كنك ظالمها مع انها المفروض جايه تؤدي عمل لكن مع الاسف كل اغلبهم سوالف في التلفونات و استعراض و العمل والانتاجيه اخر اهتماماتهم انا قلت اغلبهم يعني فيه نسبه قليله ممتازه وتعمل بجد لكن الغالبيه مع الاسف العمل اخر اهتماتهم ويزعلون اذا عطوهم تقييم سيئ و يحسون انهم مجرد الحضور للعمل هذا مجرد انجاز وما يعرفون ان العمل يقاس بالانتاجيه وليس الحضور فقط مع انهم حتى الحضور لك عليه كل شوي استاذان هههههه

اسف على صراحتي لكن هذي ملاحظاتي و اتوقع ملاحظات الكثير يشوفون الي اشوفه لكن اتمنى من الله ان الجنس اللطيف تتغير نظرتهم للعمل و يقومون بواجباتهم بكل جد واجتهاد وياليت ما تزعلين يا اختي متحمسه انا ما اقصدك شخصيا انا اقصد مناظر اشوفها قدام عيني يوميا واتمنى تتغير للافضل ان شاء الله

بالنسبه لموضوع التصوير طلعتي مصوره محترفه وانا ما ندري عنك منذو نعومه اضافرك هههههههه حلوه كلهم طالعين في الصوره الا انتي ههههههههه يعني مافيه اختراع اسمه مؤقت او تايمر و تطلعين معهم في الصوره هههههههه وين محترفه معه يا حسره ههههههه لكن من جد فيه مصورين محترفين يبهرونك في بعض المناضر خياليه ما تعرف شلون يصورنها و انا عندي بعض الاصدقاء من هواه التصوير بحاول ادور بعض صورهم الحلوه و انزلها لك في الموضوع هذا عشان تاخذين منها عبره و تصورين مثلها او افضل منها

تحياتي للجميع

اخوكم زايد​

 

[lonly]

سلام عليكم
ياولد ياولد
طق طق طق طق
ياهل البيت طق طق فيه احد
طاااااااااااااااااااااااااااااااااااااااااااااااااااااااااااااااااااااااط
وين راحو الناس

 

[متحمسه]

بااااااااااااااك

السلام عليكم ورحمة الله وبركااااااااااااااااااااته

وحشتوني اوي اوي اوي

اخباركم يا جماعه
وكيف القذيله معاكم
يالله بالتوفيق للكل

و زايد وربي لو نبي نرجع للانتاجيه والعمل ان المراءه احسن وافضل من الرجل في العمل
احنا دوامنا زي دوام االرجل من 8 الى 2
الرجال اتوقع صلاة الظهر يطلعون يصلون ولا يرجعون للدوام
واحنا ياحبت عيني مكروفين الين 2
انا عني وعن الموظفات اللي اشوفهم قدام تعب وشغل وكرف
وربي ماتدرون عن النساء وعن شغلهم



لونلي ياهلا بك ارحب وشرفت معنا

 

[ابو بدر]

انا اشهد ان التصوير متعه <<<<< اقول اركد بس قال متعه قال الله يرحم الحال بس طيرت عشرين فلاش كلها تصوير بهالصلعه من كل زاويه اصور ومن الفضاوه صرت اصور الحواجب ( فوق البيعه ) اتابعهن هن يطولن من المنكسديل ولا لا هههههه


ولااااكم متحمسه من طول افغيبات جاب الغنايم

الا ع فكره ترا المقهى بفترة غيابك اجرناه عمال هنود وحاسوا اوووم امه يالله الله لايهينك اقحصي شوفي شغلك خخخخ

 

[متحمسه]

هلا وغلا بك ابو بدر

اخبارك وعلومكم
وحشتوني اوي اوي
اجل للحين تنتظر هذا والله حالاً
انا رحت للدكتور والنتجيه 30 بالميه
يقول بعد 4 شهر تطلع النتيجه
وهذاني الحين بنتظر 4 شهور نشوف
بس شكله ماهيب ذيك النتيجه المبهره
اجل انت صرت تستخدم بخاخ !!!


يعين الله وانا اختك

 

[متحمسه]

اي صح ع طاري عزبة الهنود
انا وانا داخله اشم روايح اثاريكم مأجرينه افا يا ذا العلم

يالله يالله همتكم معي وتنظيف تايم

 

[ابو بدر]

الله يوفقك لاتستعجلي بتشوفي نتيجه افضل مع الوقت

 

[الاسطوري]

اشوف المقهى مافيه زباين

هالايام صاير نشيط بعد ان قررت ان اقوم بالزراعه في ماجيك هير باسطنبول بعد بحث يتعدى الـ 5 سنين وان شاء الله تنجح العملية.

على العموم متملل وشفت المقهى ناشف مافيه احد قلت على وعسى يرجع من اول وجديد

 

[ابو بدر]

هههههههه ياساااااااتر اكثر من خمس سنين ونت تبحث والله لو بتغير راسك كله يمديك غيرت


لكن دعواتي لك بالتوفيق اخوي وبشرنا بعد مارتجع بالسلامه ان شاء الله

 

[hayam47]

سلام على أحلى ناس المنتدى الجميل

 

[الاسطوري]

هههههههه ياساااااااتر اكثر من خمس سنين ونت تبحث والله لو بتغير راسك كله يمديك غيرت


لكن دعواتي لك بالتوفيق اخوي وبشرنا بعد مارتجع بالسلامه ان شاء الله

هلا اخوي بوبدر السبب الرئيسي انني قمت بزراعة سابقة فاشله وتعقدت وتلعمت الدروس انني يجب ان لا انجرف وراء الدعايات وانما يجب ان اتيقن و ان ارى شخصياً نتائج سابقة للمركز او الدكتور الذي سأقوم بالعملية عندة

خلاص اتخذت القرار و اتوكلت على الله وفي تقريري راح اشرح كل شيء من عمليتي الفاشلة الاولى الى النتائج النهاية لعمليتي الثانية ان شاء الله

 

[تـركـــي]

الله يوفقك اخوي " الأسطوري " بعمليتك

وان شاء الله يارب تشوف النتايج اللي تسرّك

أسأل الله أن يوفقك ويسهّل عليك

بس بيني وبينك فترة الإنتظار مُمله خصوصاً انك تعد الأيام

أنا حددت موعد العمليه بعد 19 يوم وأحس عمري خلص وما صار موعد العمليه @:

يالله بالتوفيق حبيبي وان شاء الله أمورك تزين

 

[الاسطوري]

الله يوفقك اخوي " الأسطوري " بعمليتك

وان شاء الله يارب تشوف النتايج اللي تسرّك

أسأل الله أن يوفقك ويسهّل عليك

بس بيني وبينك فترة الإنتظار مُمله خصوصاً انك تعد الأيام

أنا حددت موعد العمليه بعد 19 يوم وأحس عمري خلص وما صار موعد العمليه @:

يالله بالتوفيق حبيبي وان شاء الله أمورك تزين

مشكور يالغالي ويوفقك ربي ان شاء الله وتشوف النتيجة التي تسرك يارب

اما بخصوص الانتظار فإنني من هذه الناحية مرتاح بكل امانة لانني انتظرت 5 سنين لكي اطمان ان المركز او الدكتور الذي سيجري لي العملية يكون محترف لذلك كلما طال الوقت قليلاً كلما اطمأن قلبي من خلال متابعة مواضيع الاعضاء خاصتاً الاخ العزيز احمد50 و saudsaeed و الاخ صلعاوي لذلك انا مرتاح ان موعد العملية في شهر 4

الي خايف منه شيء واحد مدة العملية و الدواء الخاص بالانتفاخ حيث انني عرفت من خلال الاعضاء انه يسبب الحموضة وانا الحموضة لدي في الاساس مرتفعه

 

[تـركـــي]

الاسطوري

حبيبي لا تحاتي الإنتفاخات مع انها والله أعلم راح تصير لك إنتفاخات

لأن حسب كلام الدكتور إذا عدد الغرافت أكثر من 2000 طبيعي الإنتفاخات

يعني عد ابر البنج والمواد المغروسه براسك من الطبيعي لها أعراض " إنتفاخات "

تقدر تتجنبها بطريقة سهله خل راسك أول الأيام مرفوووووع ولا تنزله أبد

أنا غلطة عمري اني كنت دايم أنزل راسي لأني كنت ماخذ إجازه وفاضي وعلى طول مع اللاب توب

وحتى بالنوم كنت انام على جنبي وراسي تحت لين بعد يومين صار انتفاخ بالجبهة ونزل للعين والخد

ما راح إلا بعد اسبوع بس الدكتور كتب لي كيرتزون عشان أتجنب الإنتفاخات خذيته فترة 4 أيام وقطعته لما اختفت الإنتفاخات

بس بيني وبينك الإنتفاح لما نزل على الخد كان شكله كووول لأني وجهي نحيف وكان طالع شكلي حلو

مادري امي تقول روح اتفخ خدك شكلك أحلى صاير

والله يوفقك ولا تشيل هم شي