زراعتي في مصر د. شادي المغربي بتاريخ 19-5-2015

[ya RP]

الاسلوب شيق وممتع وان شاء الله تكون النتائج مثل ما تتمني واكثر

امييين يارب
شكرا جدا علي الدعوات الطيبه

 

[rehamkhaled]

اولا اسفة جدا علي التاخير في الرد
ثانيا بالنسبة للعملية النتيجه عندي كانت غريبة شوية يعني هو الشعر موقعش هو كان بيطول طول الفترة اللي فاتت من ساعة ما شيلت القشور
لحد الشهر التالت كان خفيف جدا ومكنتش بعرف اقعد بيه كان لازم انزل قصة اوي اي حاجة تغطي المكان
دلوقتي عدي عليا 5 شهو ونص تقريبا
الحمدلله المساحة كلها متغطية بحيث لو قعدت بيه قدام اي حد مبيقدرش يفرق بينه وبين شعري العادي ولا بيلاحظ ان في حاجة غريبة بالعكس
يعني اخيرا بقيت اعرف اقعد رافعه شعري لورا
الحمد لله
بالنسبة لطوله تقريبا بقي 5 سم بس طبعا المنطقة المانحه بتطول اسرع
مشكلتي الوحيدة ان شعري الاساسي تقيل جدا وكثافة الشعر المزروع لسه موصلتش للدرجة اللي نفسي فيها يعني انا عارفة احس الفرق ده لكن اي حد قدامي مش بيعرف يفرق بينه وبين شعري الاصلي وبيحس انها كثافة طبيعيه(بس انتي عارفه الانسان طماع )
بس الدكتور اكدلي انه لسه بدري علي النتايج النهائية خصوصا اني مكملتش ال6 شهور وكل شهر بحس بفرق في الصور عن الشهر اللي قبله الحمد لله

بالنسبالي النتيجة النهائية لسه بدري عليها علي حسب كلام الدكتور بس اختيار دكتور شادي كان اختيار صائب جدا الحمدلله انا مختارتوش ومكنتش اعرف حد عمل عنده بس كنت بصلي استخارة كتير جدا جدا والحمدلله ربنا هداني اني اروحله ولما رحت وراني اكتر من حالة عنده وشفت فيديو لواحد عنده كان بيتكلم بنفسه وظاهر بوشه وبيحكي قبل وبعد ووالدتي شافت الولد ده بنفسها بعدها يوم العملية بتاعتي وانا جوا
الحاجات دي ريحتني اكتر
ان شاء الله عندي زيارة قريب للمتابعه
بصراحه بعد مارحت حسيت انها مكانتش مستاهله ابدا اروح تركيا خصوصا اني دلوقتيي اقل حاجة بتحصل بكلم الدكتور وبساله وبحدد معاد معاهم وان النتايج لحد دلوقتي الحمدلله مريحة وان شاء الله تبقي مريحة اكتر الفترة الجاية
بالنسبالي مكنتش مقتنعه بالزراعه في مصر او ملاقيتش تجارب تطمن قبل كده(يمكن يكون في وانا مشفتش) بس هو كان استثناء في رايي واعتقد ده لان ده تخصصه يعني المركز مفتوح لزراعة الشعر بس .. انما معظم الدكاترة هنا بيبقو دكاترة جلدية وممكن في النص يعملو عملية زراعة شعر فبالنسبالي اكيد التخصص (ال subspeciality) بيكون احسن
كفاية كده علشان محدش يفتكر اني بعمل دعاية :d

انا نفسي اساعدك اكتر لاني مقدرة والله الحيرة اللي انتي فيها و مريت بكل ده وكان نفسي بس اسمع من اي حد اي حاجة او اشوف اي تجربة لبنت بالصور .. لو ينفع بعد اذن الادارة تكتبيلي ايميليك اتواصل معاكي عليه واوريلك الصور

واهم حاجة بجد صلي استخارة كتييييييييييييييييير جدا علي اد ماتقدري دي اهم حاجه هتلاقي ربنا هيوفقك للصح ان شاء الله
ربنا يتمهالك علي خير يارب ان شاء الله

شكرا لردك وربنا يتمملك علي خير بس عايزة اعرف مكان الحلاقة كبير وقلقانة منو يعني بيشيل الشعر كلو من منطقة و انا مش محجبة عايزة افهم اكتر ولايميل

يمنع وضع الايميلات (الادارة)

 

[ya RP]

العفو علي ايه
لا مكان الحلاقة بيكون متغطي كله بيكون في اسفل الراس من ورا وبيسيب خصل تحت الشعر ومن الجنبين وباقي شعرك فوقه
حطي صوابعك الاربعه ورا راسك هي دي تقريبا المساحه المحلوقة او اقل من كدا
هكلمك علي الايميل ان شاء الله

 

[karim Emad]

اولا الف مبروك ع زراعه الشعر وان شاء الله تكون النتائج مرضيه ليكى
ثانيا انا سمعت عن المركز دا وسمعت انه ماشاء الله حلو بس عايز اعرف هو ممكن يزرع اللحيه ولا لا ؟ والتكلفه بتكون برضه زى تكلفه حضرتك ولا بتختلف ؟؟
ثالثا واخيرا معلش لو ممكن اتواصل مع حضرتك لانى عايز رقم الدكتور او المركز ضروورى

 

[ya RP]

اولا الف مبروك ع زراعه الشعر وان شاء الله تكون النتائج مرضيه ليكى
ثانيا انا سمعت عن المركز دا وسمعت انه ماشاء الله حلو بس عايز اعرف هو ممكن يزرع اللحيه ولا لا ؟ والتكلفه بتكون برضه زى تكلفه حضرتك ولا بتختلف ؟؟
ثالثا واخيرا معلش لو ممكن اتواصل مع حضرتك لانى عايز رقم الدكتور او المركز ضروورى

اولا اسفه جدا عالتاخير ... بصراحة مش عارفة موضوع زراعة اللحية اعتقد بتتعمل بس مش متاكدة ممكن تتواصل معاهم احسن هم هيفيدوك اكتر مني وبيردو علي كل استفساراتك
بالنسبة للتواصل ممكن تبعت ايميلك هنا وانا هبعتلك عليه ارقامهم ان شاء الله
بالتوفيييق يارب

 

[سهير]

الف مبروك على الزراعه ياجميل:emoji40: انا كمان عملتها عن دكتور شادى من 3 ايام وكلمنه عنك وشفت صورك الله اكبر النتجه جميله عقبالى يارب
انا زرعت 1000 جرافت فى المقدمه ادعيلى وياريت الكل يدعيلى
دكتور شادى ممتاز بجد :emoji40:

 

[تبارك زياد]

زراعة الشعر

طيب انا عندى اجزاء معينة خفيفة ف شعري واجزاء تانية تقيلة دا يستاهل عمل زراعة شعر ولاممكن يتعالج بطرق تانية ؟

 

[ya RP]

الف مبروك على الزراعه ياجميل:emoji40: انا كمان عملتها عن دكتور شادى من 3 ايام وكلمنه عنك وشفت صورك الله اكبر النتجه جميله عقبالى يارب
انا زرعت 1000 جرافت فى المقدمه ادعيلى وياريت الكل يدعيلى
دكتور شادى ممتاز بجد :emoji40:

حبيبتي الله يبارك فيكي يارب تشوفي النتايج اللي تتمنيها وترضيكي
فعلا دكتور شادي ممتاز الحمدلله
مستنيين نشوف تقرير عن تجربتك
بالتوفيق يارب هدعيلك كتير

 

[ya RP]

طيب انا عندى اجزاء معينة خفيفة ف شعري واجزاء تانية تقيلة دا يستاهل عمل زراعة شعر ولاممكن يتعالج بطرق تانية ؟

اعتقد انها ممكن تكون محتاجة علاج بس ..بس انتي احسن تروحي وتسالي وهو د شادي لما بتكون الحالة مش مستاهلة عملية بيقولها بصراحه انها مش محتاجة فانتي احسن تسالي وتتاكدي
ربنا يوفقك ان شاء الله

 

[تبارك زياد]

الف مبروووووووووووووووووووووووووك يا قلبي ربنا يتمهالك ع خيييييييييييييييييييييييير

 

[احمد عبد الخالق]

رد: زراعتي في مصر د. شادي المغربي بتاريخ 19-5-2015

طب ممكن تكتبى رقم الوتس بتاع الدكتور شادى عاسان انا من مصر وبفكر فى الموضوع

 

[ya RP]

رد: زراعتي في مصر د. شادي المغربي بتاريخ 19-5-2015

هو تقريبا كتابة الارقام هنا ممنوعه ممكن تكتبي ايميلك وابعتلك رقم العيادة عليه
وممكن كمان تجيبي رقم العيادة من علي النت هما ذوق وبيردو علي كل استفساراتك

 

[delphyfmf]

رد: زراعتي في مصر د. شادي المغربي بتاريخ 19-5-2015

انتي قولتي ان الشعر المزروع موقعش ، وده غريب، طب هل فضل يطول ولا كان ثابت علي وضعه اول ثلاث اشهر ثم بدأ النمو بعد ذلك،؟ لان المعروف ان الشعر المزروع بيتساقط بعد شهر تقريبا من الزراعه ثم يبدأ النمو التدريجي ابتداءآ من الشهر الثالث ، وهل في فروق فرديه في الموضوع ده؟
وكنا عايزين نعرف اخر التطورات وانتي داخله علي سنه تقريبا من الزراعه وياراب تكون النتيجه اكتملت علي خير وتكون احسن من المتوقع،،،، وبالتوفيق ان شآء الله

 

[ya RP]

رد: زراعتي في مصر د. شادي المغربي بتاريخ 19-5-2015

انتي قولتي ان الشعر المزروع موقعش ، وده غريب، طب هل فضل يطول ولا كان ثابت علي وضعه اول ثلاث اشهر ثم بدأ النمو بعد ذلك،؟ لان المعروف ان الشعر المزروع بيتساقط بعد شهر تقريبا من الزراعه ثم يبدأ النمو التدريجي ابتداءآ من الشهر الثالث ، وهل في فروق فرديه في الموضوع ده؟
وكنا عايزين نعرف اخر التطورات وانتي داخله علي سنه تقريبا من الزراعه وياراب تكون النتيجه اكتملت علي خير وتكون احسن من المتوقع،،،، وبالتوفيق ان شآء الله

اولا اسفة جدا عالتاخير في الرد
انا فعلا الشعر موقعش معايا
الطبيعي ان الدكتور بيزرع البصيلة نفسها والشعر الي فيها بيقع في اول ايام ويطلع بعدها شعر خفيف جدا اسمه baby hair ويقع بعد اول شهر وبعد كدا يطلع الشعر الي بيكمل
اللي حصل معايا ان الشعر الي طلع هو اللي كمل
هو كثافته خفت حاجة بسيطة لكن موقعش كان بيطول بس وكان بدا يدي منظر طبيعي جدا الحمدلله
وومكن يكون زي مالدكتور قاللي ان ممكن الشعر الي وقع كان بيقع بالتبادل مش كله في نفس الوقت فانا محستش بوقوعه
فعلا في فروق فردية في الموضوع دا انا شفت حالة عند د.شادي الشعر موقعش برده بس هو النتيجة اكتملت عنده بعد 6 شهور
من ساعتها فضلت ادعي ان دا يحصل معايا لاني نفسيا مكنتش هستحمل فترة الشعر الي هيقع .. الحمدلله والنتيحة كملت بعد 9 شهور
دلوقتي مر سنة وشهرين شعري طبيعي الحمدلله ولسه بيطول ..
بالتوفيق ان شاء الله في اي قرار واي استفسار تاني انا موجودة

​

 

[Hob]

رد: زراعتي في مصر د. شادي المغربي بتاريخ 19-5-2015

اولا الف مبروك
معلش عندى استفسار .. حضرتك ليه مفكرتيش فى البلازما مثلا بدل الزرع .. هل البلازما مبتجبش نتيجه والحل فقط هو الزرع؟

بعد اذنك عاوزه رقم اتواصل بيه مع العياده او الدكتور

 

[Hob]

رد: زراعتي في مصر د. شادي المغربي بتاريخ 19-5-2015

اولا الف مبروك
معلش عندى استفسار .. حضرتك ليه مفكرتيش فى البلازما مثلا بدل الزرع .. هل البلازما مبتجبش نتيجه والحل فقط هو الزرع؟

بعد اذنك عاوزه رقم اتواصل بيه مع العياده او الدكتور

 

[ahmed moustafa]

رد: زراعتي في مصر د. شادي المغربي بتاريخ 19-5-2015

هو الدكتور بيستخدم موتور فالاقتطاف ولا الجهاز اليدوي

 

[ya RP]

رد: زراعتي في مصر د. شادي المغربي بتاريخ 19-5-2015

اولا الف مبروك
معلش عندى استفسار .. حضرتك ليه مفكرتيش فى البلازما مثلا بدل الزرع .. هل البلازما مبتجبش نتيجه والحل فقط هو الزرع؟

بعد اذنك عاوزه رقم اتواصل بيه مع العياده او الدكتور

الله يبارك فيك
البلازما بيلجأولها لما بيكون في تساقط شعر او في شعر بس خفيف ودي مكانتش حالتي
انا كان عندي جبهة عريضة مفيش اي بصيلات تماما
الفرق بالظبط زي مايكون عندك ارض فيها بذور هتديلها سماد عشان تطلع النبات
لكن لو الارض مفيهاش بذور السماد مش هيعمل معاها اي نتيجة
غير اني بروح لدكاترة من زمان جدا وجربت الطريق العلاجي سنين طويلة مجابتش نتيجة
زائد اني دايما مؤمنة بالطرق الجراحية اكتر لان مشوارها اقصر ونتايجها بتبان بسرعه
بس طبعا كل حالة وليها ظروفها
------------
بالنسبة للرقم هو ممنوع نكتب ارقام هنا في المنتدي بس ممكن حضرتك تلاقيه عالنت بسهولة او تسيب ايميلك هنا وابعتهولك

 

[ya RP]

رد: زراعتي في مصر د. شادي المغربي بتاريخ 19-5-2015

هو الدكتور بيستخدم موتور فالاقتطاف ولا الجهاز اليدوي

بصراحة مش عارفة الفرق وبرده انا مكنتش شايفه كويس
بس اعتقد الالة اللي الدكتور كان بيعمل بيها الاقتطاف كانت متوصلة بجهاز تاني جمب السرير وبتعد البصيلات حسب ما انا فاكرة

 

[مهندس مصرى]

رد: زراعتي في مصر د. شادي المغربي بتاريخ 19-5-2015

هو بيحدد سعر الزراعه بناء على ايه ؟

انا بغكر أروحله قريبا بإذن الله

أكشف الأول وأشوف التكلفة

بس ياريت اعرف التكلفة بناء على ايه ؟