الحجامة وتساقط الشعر (تجربتى الشخصية مع الصور)

[nassim]

السلام عليكم ورحمة الله
​

اولا اعتزر لو فى اى غلطات إملائية لوحة المفاتيح عندى المانى ومفيش عربى والدنيا ظالمه
ثانيا انا مقدرش اجزم ان التجربة هتفيد كل الناس كل الحكاية انا بنقلكم تجربتى الخاصة


بسم الله الرحمن الرحيم هبدأ



اولا القصة باختصار انا بدأت افقد شعر فجأة بسبب فترة طويلة من الضغك النفسى والإحباط اكيد كل المصريين حسيين بيا , لاحظة الموضوع فشهر مارس 2012 وابتدى التساقط فى الجانب الشمال الامامى روحت لدكتور ومكنش عندى اى فكرة عن الصلع الوراثى وانه ملهوش علاج جزرى وان العلاجات المثبته مجرد تعامل مع عرض
المهم كتبلى هى مونيجسدول minoxidil بخاخ اسمه بريفورما وحبوب اسمها بورهاير prohair عبارة عن فايتامينز معينه مستخلصة من التوابل لتنشيط الدورة الدموية فى فروة الرأس وكمان كتيلى على شاميو طبى
استمريت على العلاج شهر ومشوفتش نتيجة خالص وقولت لنفسى دى حالة عرضية خصوصا انى كنت فحالة احباط وضغط وكمان خسيت حوالى 8 كيلوجرام فاقل من 3 شهور قولت يمكن ضعف من قل الاكل
بعد حوالى 6 شهور الحالة بقيت ملحوظة اوى وانشرت , روحت حالق شعرى خالص وقولت اكرر العلاج
وبدأت اعمل بحث على النت عن حل وطبعا صدمت من حقيقة الصلع الوراثى ونفسيتى اتنيلت اكتر
خصوصا ان المونيكسدول كان بيوقع شعرى اكتر وده طبيعى حسب ما فهمت من تجارب الناس
المهم طبعا قولت يا رب ودعيت ربنا انه يشفين من الصلع خصوصا انه خاله نفسيتى اسوأ من الاول بكتير
ومرة وحدة جيه فبالى موضوع الحجامة وانها سنه عن الرسول عليه افضل الصلاة والسلام
قولت اما ادور عنها وابحث اذا كانت بتعالج تساقط الشعر وبالفعل لاقيت فيديوهات على اليويتوب وكمان احد الاعضاء هنا كان بيتكلم عن الفكرة وبياخد اراء الاعضاء فيها من خيث المبدا
اخدت القرار انى اجرب قولت مش هخسر حاجة اتوكلت على الله وصلية صلاة استخارة وعملتها


دلوقتى هقلكم تجربتى مع الحجامة بس لازم تفهموا كويس الجزئية دى



من اهم الحاجات اللى لازم تفهموها ,ان انا كنت متوكل على الله وكنت مؤمن بان ربنا هيجعل فالحجامة الشفه وفالوقت نفسة كنت محضر نفسى لاحتمال انه متجبش نتيحة وكنت مقرر انى هقبل الوضع وهجرب طريقة علاج تانيه , اعتقد دى حاجة مهم فاى علاج انت ممكن تستخدمة ديما توكل على الله وحضر نفسك لاسوء الاحتمالات وان شاء الله طالما بتعمل اللى عليك ربنا هيكرم


اول حاجة حابب اقولها المواضع اللى عملتها انا عملت مواضع السنه عن الرسول علية الصلاة والسلام

1-الاخدعين......... على الرقبة تحت الاذن بشوية

2-الكاهل............على الظهر اول فقرات الرقبه

3-اليافوخ............ منطقة قمة الرأس

الحجام اللى عملى الحجامة هو امام جامع فالمنطقة اللى انا ساكن فيها وبيعملها من غير مقابل ربنا يجزيه خير , اما كنت بعملها طلبت منه يعملها كمان على الاماكن اللى ادام والشعر كان بيقع منها بكثافة رد قالى الافضل نعملها على الجنبين من الجبها (طبعا انا كنت فحالة صدمة شوية اثناء الجلسة عشان اول مرة وكمان الشيخ ربنا يديله الصح كان قوى اوى والشفت كان شوية زيادة عن اللزوم ومقدردش اناقش)

الموضوع ماخدش وقت طويل اقل من نص ساعة و بالنسبة للألم لا يذكر اى حد ممكن يتحمله

ثانيا عايز ادى ملاحظات عشان اى حد بيفكر يخوض التجربة

1- الافضل لو تلاقى حجام فاهم شوية ويكون ممارس(خصوصا انك هتعملها فالرأس لازم يكون متمرس انا لى اصاحبى كتير بيعملوها رفضوا يعملوهالى فالراس عشان هما مش متمرسين اوى)

2-طبعا لازم هتحلق شعرك بالموس يعنى تعمل حسابك تحلق يوم الجلسة او بالكتير قبلها ب 24 ساعة

3-متعملش الحجامة فمواضع كتير يعنى لو هتعملها بس فالرأس مش اكتر من 4 مواضع بشكل عام على مستوى الجسم كله الافضل متزيدش عن 6 مواضع

4- طبعا حضر مع الحجام قبل ما تعملها اعرف منه هتجيب اية واعرف كل التفصيل قبل ما تعمل اى حاجة واكيد مش محتاج اأكد على النظافة

ثالثا حابب اكلم على الاحساس بعد الحجامة لان ده الشئ الوحيد اللى ممكن يضايف فيها

1-بعد الجلسة ممكن تلاقى نفسة متوتر وحاسس شوية بارهاق هو فاعتقاد مش من الحجام على قد ما هو من التجربة اول مرة ,الواحد بيبقى خايف من اى حاجة جديدة خصوصا لو فيها دم وتشريط

2-بعد الحجامة خصوصا فمنطقة الرأس هتلاحظ بروز فالجلد (شبه الورم) ممكن يستمر ليوم او اتنين وهيبقى ظاهر جدا فاول كام ساعة من بعد الحلسة متقلقش خالص من الموضوع ده طبيعى جدا لان الكاسات بتشفط الجلد عشان تجمع الدم تحته ,انا فضل البروز عندى حوالى يوم ونص او يوم واختفى

3-مكان مواضع الكاسات لون الجلد بيتغير حسب قوة الشفط اللى حصلت وكمان حسب طبيعة الدم ,فحالتى انا الحجام كان شافط بقوة كبيرة فكان اللون بنفسيجى , طبعا اللون بيفضل فترة من يومين لاسبوع او 10 ايام بتختلف من شخص للتانى , عشان كده اعمل حسابك فكاب او طقيه تلبسها المدة دة ,واستعمل من اول تانى يوم زيت زيتون ادهن بيه الجلد مكان الحجامة هيساعد الجلد انه يستعيد لونه بسرعة

4- الافضل بمجرد ما توصل البيت تاخد دش دافى من غير صابون او حاجة ماية فاترة دافيه بس (انا اخدت دش ونمت كام ساعة), و لازم تستريح يوم كامل (طبعا اعملوا حسبكم على يوم اجازة من الشغل او اعمولها اخر يوم شغل فالاسبوع)وتاكل كويس و فى نصايح على المواقع المتخصصة فالحجامة على نوعية اكل معينه بعد الحجامة ونواهى عن اللحوم والفراخ و بس انا بصراحة كنت باكل عادى اى حاجة تيجى ادامى ملتزمتش باى قواعد بس كنت باكل كويس وبشرب عصاير

بردوا حابب اقول انى بستخدم مونيكسدول مرة فاليوم كوسيلة لتنشيط فروة الرأس مش كا علاج

انا كده خلصة معلش لو الموضوع طويل ومش مترتب كويس ولو اى حد عنده استفسار انا تحت الامر وبالشفاء ليكم كلكم ان شاء الله ولكل مريض قولوا امين



ودى الصورة (ملحوظة الصورة البعد شعرى فيها اقصر من القبل)

 

[أُسيم]

أرجو التنبه جميعًا هكذا تُكتب: إن شاء الله

 

[Fgh]

بالشفاء انشاء الله , بص بقى نصيحتى متعملش اى بحث على النت عن تساقط الشعر, او حتى تفتح المنتدى لا لضرورة ,طلع الموضوع من دماغك وخليك واثق ان الحجامة هتجيب نتيجة ان شاء الله , وابتدى بص على النتيجة بعد اسبوعين على الاقل ,مش كل يوم تبص فالمراة والكلام ده :d ,خليك ريلكس وعيش ايامك عادى وان شاء الله تشوف نتيجى ترضيك وبالتوفيق والشفاء مرة تانية

* إن شاء الله

 

[Fgh]

رد: الحجامة وتساقط الشعر (تجربتى الشخصية مع الصور)

الله يكتب الي فيه الخير انا عانية من الصلع من يوم عمري 18 وذحين 22 حلقة موس وبحلق مره ثانيه للحجامه وانشاء الله تنفعني*

* إن شاء الله

 

[حبيبة عبدالله]

إن شاء الله تكون في أحسن حال وأحب أن أؤكد على كلامك بخصوص الحجامة ولا أحد يستطيع الحديث أو المناقشة فيها. ولكن حابب أزيد أن ربما تكون الموضوع ناتج عن استخدام دواء خاطئ أو ذات جودة سيئة.
وممكن كنت فكرت في تغيير الشامبو والزيوت، وجربت أكثر من منتج، فربما وجدت من هو ذو جودة.

وممكن تعرفي عن موضوع “العلاج من الداخل”، يعني:

• فحص فيتامين د والحديد.
• تحسين التغذية والبروتين.
• استخدام مكمل غذائي مخصص للشعر لو فيه نقص في العناصر.

أو سألت أهل التجربة هنا:

1. هل فعلاً لما ركزوا على الأكل والفيتامينات والمكملات لاحظوا فرق حقيقي في التساقط؟ ولا كل الكلام ده نظري؟
2. هل في أحد عمل تحاليل وطلع عنده نقص معيّن، وبعد ما عالجه التساقط بدأ يخف؟
3. لو أحد جرّب مكملات شعر معيّنة، هل حسّ فعلاً بفرق بعد ٣ أشهر مثلاً؟

جربي تضبط الأكل شوية وحاولي تنام أفضل، وانتظري رأي الخبرة عن المكملات.

أي نصيحة أو تجربة شخصية هتكون مفيدة جدًا، وربنا يشفي ويعافي الجميع