bnr1 bnr1
bnr1 bnr1 bnr1 bnr1
bnr1 bnr1 bnr1 bnr1

اجرمت في حق نفسي بالزراعه في طهران

نوريتا

New Member
إنضم
17 أغسطس 2016
المشاركات
2
مستوى التفاعل
0
النقاط
1
سامحوني يا جماعه ما اقدر اكتب مقدمات من شدة الالام اللي احس فيها فبكتب الموضوع بإختصار... انا واختي جينا على طهران بعد الدعايه اللي شفناها فالانستقرام لشركة تتدعي انها تقدم خدمات في اي بي و حاطين اسم دكتوره يقولون انها الوحيده تزرع بالطريقه الامريكيه الحديثه وتعطيكم كتاب ضمان اذا ما حصلتوا النتيجه المرضيه لكم الحق تستردون المبلغ كامل بالاضافه الى ادويه لمدة 6شهور و ابر بلازما... وحاطين صور مغريه لقبل وبعد الزراعه... انا اختي انغرينا وخصوصا اننا متعقدين من الجبهه .. وكنا بحاجة زراعة 1سم تقريبا .. طبعا صاحب الشركه قالنا موعدكم بعد يومين قلناله مايصير لازم استشاره قبل ..فأخذنا و ودانا عياده ودخل علينا دكتور شعره طويل ويتفلسفون علينا واحد يتكلم ايراني والثاني عأساس يترجم والله اعلم على شو كانوا يتفقون !! راوانا صور لبنات يقول هو زارعلهم وبالطريقه الحديثه الامريكيه والابره اصغر عن الابره القديمه ويمدح شغله وان مافي اي الم وبيسويلنا غرزة اطفال ولا بنحس بشي و كل وحده فينا بيكون على راسها 7مساعدات والدكتور بيحدد الرسمه وبيسوي الثقوب وبعدين المساعدات بيخلصون الزراعه وكل السالفه من4ساعات الى 5ساعات بالكثير.. دفعنا وتجهزنا اليوم الثاني رايحين مركز الزراعه والمترجم يقول انه هالمركز معروف وكل ما اسأله شو اسم الدكتور يقول الدكتور ما يشتغل باسمه يشتغل باسم المركز المعروف والمشهور عقولته..دخلنا المجزره عياده وصخه كأنها صالون نسائي وصخ بشكل الدم فكل مكان كأنها مجزره.فصلوني عن اختي وخذوا تلفوناتنا قالوا ممنوع ..والقصد معروف عشان ما نصور القرف..وكل وحده كان عندها مساعده وحده والدكتور هذاك ماشفناه وما شفنا دكتور اساسا ..يانا واحد شلع راسنا من ورا بكل وحشيه وراح وبعدين تمت المساعده هي اللي سوت كل شي..طبعا تشتغل 5دقايق وتطلع نص ساعه وتسولف ويا اللي وياها وعلى هالحاله وانا اصيح من الالم من المنطقه المانحه تألمتي بشل مب طبيعي والنزم ما يوقف كل شوي يغيرون اللي تحت راسي لين حسيت دمي تصفى .. صرت ارجف من البرد وهم ما عندهم غطا للسرير ويقولون حر بعدين ما قدرت اثبت عالسرير من كثر البرد اللي احس فيه ويابولي لحاف معفن كله شعر ودم..وعلى هالحاله من الساعه10الصبح للساعه8 ونص المساء تخيلوا وانا اتمنى الارض تنشق وتبلعني..ورطت عمري وما اعرف اختي شصاير فيها بعد..وطلعونا بعد ما لفولنا راسنا لف بسبب النزيف اللي ما يوقف .. المشكله الالم الفضيع ما اقدر اتحمله في المنطقه المانحه اخاف ما خيطوه زين والا شلعوا شي بالغلط ولا فايد لا مسكن ولا غيره..و راسي ينزف ..
فعلا لا ذمه ولا ضمير .. لو كنت اعرف ان الزراعه بتكون بهالطريقه ما زرعت والله لو باقتلي شعره وحده.. في حد صار له مثلنا ؟ والا نحن انلعب علينا ؟ تخيلوا انهم ما راووني الشكل ولا اعرف حتى شو سووا بس شفتهم حلقوا شعري من ورا وقصصوا غرتي بالمقص ..تشويه بالمختصر .. اليوم يفترض اروح يفتحون الشاش و يظربونا ابره ما اعرف شو هي وقالولنا ناخذها لين 4ايام...هالكلام صار امس وما نمت طول الليل من الالم وبروح بعد كم ساعه يفتحون الشاش والله يستر من اللي صاير ... بليز اللي عندها نصيحه تنصحني فيها راسي مفتر احس ظلمت نفسي ... ونصيحه مني لا تأمنون فالهشركات ماعندهم ضمير حتى فأرواح الناس
 
إنضم
30 أكتوبر 2012
المشاركات
42
مستوى التفاعل
0
النقاط
6
رد: اجرمت في حق نفسي بالزراعه في طهران

الله يعينك
وش وداك ايران ؟

استغرب تصدقون الانستغرام وغيره
اذا ماشفت تجارب واضحه ومقنعه لاتغامر
 
إنضم
15 مايو 2016
المشاركات
120
مستوى التفاعل
0
النقاط
16
رد: اجرمت في حق نفسي بالزراعه في طهران

لاحول يعني انتي الحين سويتي زراعه علشان الجبه كبيره!! القناعه كنز!!! كان رضيتي بخلقت ربي
 

ولد نجد 1

Active Member
إنضم
27 أغسطس 2014
المشاركات
2,704
مستوى التفاعل
0
النقاط
36
رد: اجرمت في حق نفسي بالزراعه في طهران

ايران وما ادراك ما ايران لو علاج الموت عندهم مارحت لهم هذي دولة تشوف العرب والخليجيين مثل الغنم واستغرب من العرب الي يرححون لهم اكره دولة على وجه الارض حقد دفين الله يستر عليكم هذي هي معاملتهم لنا كعرب ياليت لو صار شي غير مرضي لكم ماتسكتون لهم وههددوهم برفع قضايا عليهم مع اني ادري انهم بيضحكون وماراح يلتفتون للكلام وانتي من كلامك انك انتي واختك ما اطمئنيتي لهم ليه كلمتي معهم المفروض انسحبتي وخصوصا يوم شفتوا وضع العيادة اكيد ماراح يخطفونكم ويعملوا العملية بالغصب المهم الحين ماينفع الكلام الي صار صار قدامكم حل واحد اذا ماعجبكم الوضوع بعد فتح الشاش على طول ارفعوا اصواتكم بالتهديد واطلبوا صاحب المنشأة الي تسمى عيادة وصعدوا الموضوع وشوفوا وش قولون وتواصلوا معنا بالقروب
 

Abdulla j

New Member
إنضم
8 أغسطس 2016
المشاركات
25
مستوى التفاعل
0
النقاط
1
رد: اجرمت في حق نفسي بالزراعه في طهران

ايران شاطرين بالتجميل ، اما الشعر تركيا افضل بكثير
 

ولد نجد 1

Active Member
إنضم
27 أغسطس 2014
المشاركات
2,704
مستوى التفاعل
0
النقاط
36
رد: اجرمت في حق نفسي بالزراعه في طهران

لا شاطرين لا بتجميل ولا بغيرة ايران دولة متخلفة بكل شي هذا غير حقدعم علينا .. بعدين وين الاخت كتبت الموضوع واختفت ياليت تعلمنا وش صار عليهم الحين
 

ورده

Member
إنضم
31 يناير 2017
المشاركات
60
مستوى التفاعل
0
النقاط
6
رد: اجرمت في حق نفسي بالزراعه في طهران

طمنيني اختي وش صار عليكم
الله يعوضكم خير و ياجركم علي صار فيكم
كل بني ادم يغلط
بس ايران يمه لو يدفعون لي فلوس الدنيا كلها مارحت لهم
 
إنضم
29 أبريل 2016
المشاركات
1,706
مستوى التفاعل
7
النقاط
38
رد: اجرمت في حق نفسي بالزراعه في طهران

ممكن اسم العيادة واسم الدكتور والمنطقة الي فيها العيادة
 

ابو فارس1111

New Member
إنضم
2 نوفمبر 2016
المشاركات
26
مستوى التفاعل
0
النقاط
1
رد: اجرمت في حق نفسي بالزراعه في طهران

اذا رجعت دولتك روحي على اقرب طبيب جلدية شاطر وعالجي الموضوع هذي نصيحتي ولاعاد تلغبين باي شي حاولي انك تقفلين الموضوع معاهم واشكريهم حتى وارجعي بلدك وع المستشفى يتابعون حالتك
 
إنضم
30 يوليو 2016
المشاركات
88
مستوى التفاعل
0
النقاط
6
رد: اجرمت في حق نفسي بالزراعه في طهران

الله يخارجك انتي واختك ويصلحكم ان شاء الله تشوفون نتائج مرضيه وتزين اموركم بذن الله بس الحقيقه ايران تخوف والمفروض ماسويتي العمليه الى بتركيا على الاقل تعاملهم مع العرب ممتاز بس ايران مايشوفوننا في عيونهم شيء يساعد الاسرائيلي ولى يساعد العربي من حقدهم علينا*
 

rozeta ahmed

New Member
إنضم
9 فبراير 2017
المشاركات
1
مستوى التفاعل
0
النقاط
1
رد: اجرمت في حق نفسي بالزراعه في طهران

الف مليون سلامه عليكي. ربنا يشفيكي ويعافيكي لازم تروحي لدكتور شاطر ومتخصص عشان تعرفي تتعالجي كويس جدا ومجرب ومضمووون. ربنا يشفيكي
 

ليا علي

New Member
إنضم
14 فبراير 2017
المشاركات
2
مستوى التفاعل
0
النقاط
1
رد: اجرمت في حق نفسي بالزراعه في طهران

الله بكون معاكم
 
إنضم
18 مارس 2017
المشاركات
88
مستوى التفاعل
0
النقاط
6
رد: اجرمت في حق نفسي بالزراعه في طهران

الله يعينك يا اختاه
والله الله معك

اتركي الامور على الله
وان شاء الله النتيجه تطلع طيبه باذت الله ربي يراضيكي بالى تتمنيه
 

ولد نجد 1

Active Member
إنضم
27 أغسطس 2014
المشاركات
2,704
مستوى التفاعل
0
النقاط
36
رد: اجرمت في حق نفسي بالزراعه في طهران

بالله وين حسين الي كان يمدح عيادات ايران وينه يقرأ هالموضوع ويشوف مجازر عمليات الزراعة بايران الي يقول متقدمين بالطب قلتها واكررها ايران فقط متقدمين بالسجاد والزعفران وحتى الزعفران نبات من الارض مالهم دخل فيه والباقي الصومال احسن منهم
 

زارع الخير

موقوف
إنضم
3 يونيو 2018
المشاركات
181
مستوى التفاعل
0
النقاط
16
رد: اجرمت في حق نفسي بالزراعه في طهران

بالله فيه احد يزرع بايران الا واحد مجنووووون
 

Ra7em

Member
إنضم
13 سبتمبر 2017
المشاركات
86
مستوى التفاعل
0
النقاط
6
رد: اجرمت في حق نفسي بالزراعه في طهران

اول ظلم ظلمتيه نفسج هو كمية اليأس وانتي بأول المشوار مع الاسف مافي تشجيع اظاهر قعدتي مع اختج وشحنتوا بعض بطاقه سلبيه وتذمر

للامانه عندي ربع زرعوا وردوا يتذمرون من العياده وارفها وبعد مده شعرهم طلع احسن من اقدع مركز عياده في العالم


نعم النظافه والترتيب له دور ولكن بعضهم خدعه بصريه فقط والنتايج عكسيه وسلبيه
 

alza3eem

Member
إنضم
23 أغسطس 2015
المشاركات
631
مستوى التفاعل
0
النقاط
16
رد: اجرمت في حق نفسي بالزراعه في طهران

الله يعوضكم خير على كل الألم والطريقة البشعة اللي صارت لكم ولاكن انتبهو تكملون عندهم اي شيء واشتكو عليهم لان اللي صار مو شيء سهل وممكن تعدلين اغلاطهم عُمر كامل !
 

نوريتا

New Member
إنضم
17 أغسطس 2016
المشاركات
2
مستوى التفاعل
0
النقاط
1
رد: اجرمت في حق نفسي بالزراعه في طهران

اول ظلم ظلمتيه نفسج هو كمية اليأس وانتي بأول المشوار مع الاسف مافي تشجيع اظاهر قعدتي مع اختج وشحنتوا بعض بطاقه سلبيه وتذمر <br>
<br>
للامانه عندي ربع زرعوا وردوا يتذمرون من العياده وارفها وبعد مده شعرهم طلع احسن من اقدع مركز عياده في العالم <br>
<br>
<br>
نعم النظافه والترتيب له دور ولكن بعضهم خدعه بصريه فقط والنتايج عكسيه وسلبيه
<br>
<br>
<div><br></div><div>الحين انا راده بعد اكثر من سنتين..الشعر اللي انزرع ثلاث أرباعه طاح و صار عندنا انا وأختي التهاب في الجلد في اماكنالزراعه صارت مثل الثعلبه ‍♀ والشعر ما راضي يطلع ..اَي شحن في بعض الله يهديك اقولك مجزره وغش اللي يعرضه غير و ويوديك مكان ثاني وياخذ تلفونك وسط عالم غريب ما يتكلمون حتى انجليزي !! الارض كانت كلها دم حتىفي الممرات والزراعه من الصبح لليل ودمنا تصفى من النزيف !! انا صار عندي نقص دم اول ما رجعت و قمت اخذ جرعات حديد في الوريد !! الحمدلله اننا ما متنا هناك جان محد درى عنا ..</div><div>ربعك يمكن ساروا شيراز او يعرفون حد ثقه مب مكاتب الانستغرام النصابين..</div><div>راعي الشركه اسمه علي عراقي وشركته الاثير...والله نصب في نصب ..</div><div>اصلا خذ عنا مبلغ 1000دينار للزراعه لكل وحده!! حتى الإيرانيين في المجزرة مستغربين و يقولون حليلهم مساكين بلغتهم (انا افهم كم كلمه) حسبي الله عليه وما مسامحينه لا دنيا ولا اخره</div>
 
أعلى