شارلوك هولمز الاقرع

السلام عليكم.

مقدمه
انا انسان اقرع، والحمدلله قرعتي مو مؤثره علي ولا مضايقتني، حتى دوامي ما البس شماغ ولا اغطي راسي

والمثل يقول: الرجال مخابر مو مظاهر. يعني حط ببالك انه مو الشعر هو الشي اللي يؤثر على علاقاتك الاجتماعيه او العمليه


الموضوع

اكيد انه اي احد يفضل يكون عنده شعر على انه يكون اصلع، وانا لما شفت كثير من التجارب المرضيه بهذا الموقع

قررت جديا اني اقوم بزراعة الشعر. فعليا هي ما تشوه الراس، ونسبة النجاح كبير ومرضيه عند الكثير.

المهم اني ماخذ اجازه ولي يومين متكي بالمنتدى اقرى تجارب الاعضاء الله يعطيهم العافيه ويشوفوا نتايج ترضيهم يا رب.

لكن لاحظت انه في ناس هنا تمارس تضليل. وانا بصفتي شارلوك هولمز الاقرع جلست ادقق وادخل صفحة اي واحد

يكتب معلومه عن مركز.

وفي مركز له ثلاث مشاركات بالمنتدى بس بقسم التجارب، وكلها الصور مأخوذه من الموقع الرسمي حق المركز.

والتجارب غير مكتمله، وغالبا محتوى الموضوع يطلع مدح بالمركز من غير نتايج.

مابي اذكر اسماء حتى ما اتسرع او اظلم احد.

لكني نصيحتي لك عزيزي القارئ الاقرع اللي معه فلوس العملية، لا تتسرع.

ولا تتخذ قرارك الا بعد ما تشوف تجربة مكتمله او شبه مكتمله بعدين احكم.

مع اني قريت من مشرف كاتب انه دكتور محمد جوتشوا محد كان يعرفه، الين جاء واحد وفاجأ الجميع وسوا عملية عنده وكانت ناجحه

الزبده:
لا تتسرع، عشان ما تدخل نفسك بسالفة طويله انت بغنى عنها، واستخير ربك اولا واخيرا.

والسلام مسك الختام


​