اخوكم محتار. وطالب الفزعه. بين اكثر من عياده

السلام عليكم ورجنة الله وبركاته.


انا بدخل بالموضوع على طول عمري 30 سنه وعندي صلع يحتاج 4000 قرافت (بصيله) على حسب استشارة الدكتور هاكان دوقاني

ارجو نصيحتي هل اتوكل واسويها مع هاكان. أو اشوف مستشفى اخر

والله يرحم والدينا ووالديكم في هالجمعه الفضيله



(( تم نقل الموضوع الى القسم المناسب ))

اذا تقدر ع المبلغ توكل ع الله ياعزيزي وصدقني ماهي خساره ابدا

دكتور محترف وممتاز وله سمعته بالمواقع الاجنبيه

انصحك فيه وبشده

شكرا يامشرفنا على سعة صدرك ونقلك للموضوع للقسم الصحيح.


اخوي سكون انا الان متردد بين جوتشلو وهاكان تخيل الفرق تقريبا أقل شي 5 آلاف يورو حوالي 25 الف ريال ودكتور هاكان في مدينة انطاليا

مثل ماقدر اخوي أصلع ملعلع الدكتور ماشفت له تجارب بالمنتدى ولو تشوف هذي اول مشاركاتي بس انا متابع من فتره طويله جدا للمنتدى تقريبا سنه ونصف واقرارفي تجارب الأعضاء واستفدنا منهم الكثير.



1 انا مابغى أكون أول من يجرب عنده

2 إذا الفرق كبير مثل ماهو باين ماليا ونتائج جوتشلو أغلبها ممتازه الأفضل جوتشلو وابغى رقم منسق حقه

3 توفر ال

اخوي محمد جوشلو ممتاز وعاجبني شغله واغلب التجارب اللي شفتها له بالمنتدى جيده لكني افضل هاكان

بالنسبه للفرق 25 الف ريال صدقني يستاهلها تدري ليش ؟

لانه يشتغل 80 % بالمئه من العمليه وعنده طريقه جديده خاصه فيه للاقتطاف عن طريق القلم يغرس البصيله مباشره
ما اعرف اعبر هذا رابط يوضح الطريقه
http://www..com/?v=BvzJT8d9d8k

يعني اغلب الوقت هو اللي يشتغل وهذا شي يحسب للدكتور بعكس محمد جوشلو اللي الشغل اغلبه للممرضات وكأني قريت لاحد الاعضاء ان جوشلو اخصائي وليس دكتور هذا للافاده

ممكن اضيف لك اسم دكتور جيد وارخص من هاكان 1 يورو ( Dr. Erkan Demirsoy ) شفت له تجارب ممتاز وايضا اغلب وقت العمليه للدكتور بنسبه 70% والباقي للممرضات وتقدر تبحث عنه وتشوف ولك الخيار ياعزيزي ,, بالتوفيق ان شاء الله




تم التعديل على المشاركة


ابو بدر

الادارة

الله يسلمك من كل شر.
والله بعنوان تفاعلكم يثلج الصدر

انا شفت موضوع تجارب أكثر العمليات عند مستشفى شيفير تقريبا 16 عمليه وبعدها ارتحت ل جوتشلو بس على كلامك هاكان عنده طريقه جديده ودكتور مو أخصائي هذي نقاط تحسب له. انا ماراح انسى هالمنتدى بالتقرير بإذن الله

أبي اعرف أرقام المنسقين عند جوتشلو وشيفير انا من النوع الدقيق جدا. واحب اسوي بحث موسع للخروج بأفضل النتائج والماده ماتفرق كثيراإذا هاكان أفضل منهم بمراحل أما إذا كانوا حول بعضهم اعتقد اني بختار شيفير

اخوي حبيت انوه ليش تختار مركز ؟ يعني تقول اختار شيفير على اي اساس

لازم تختار (اسم الدكتور) وتشوف تجاربه والسي في حقه وخبرته بمجال زراعه الشعر ,, لا تعتمد ابدا على اسم المركز

تركيا فيها مئات المراكز والاخصائيين في زراعه الشعر ومن اكثر الدول بالعالم في زراعه الشعر تخيل

يعني لازم تكون حذر بالاختيار وتركز ع الجوده بغض النظر عن السعر

بعض المراكز ممكن يعملون عمليتين بنفس الوقت يعني يرسم لك الخط الامامي ويتوكل ع الله والباقي ع الممرضات يحفرون براسك ويجيك خمس دقايق ويمشي يروح للمريض الثاني

الحركه هاذي ماتعجبني ابدا وتأثر على جوده العمليه

بالنسبه للدكتور اللي ذكرت لك Dr. Erkan Demirsoy يسوي عمليه وحده فقط ومريض واحد ويمكن يقسم العمليه ليومين متتالين لضمان الجوده ونفس الشي بالنسبه لهاكان وهذا اكثر شي يعجبني مو مثل بعض المراكز العمليات عندهم سلق بيض وشغل اي كلام

الاخ tango

تم اعادة فتح الموضوع بناءا على طلبك بالخاص ولكن يتوجب عليك الاتي

1- الالتزام بسؤال محدد وعدم التطرق لاطباء او مراكز بالنقد الغير مبرر
2- قسم الاسئله والاجوبه وضع لطرح اسئله محدده وبعد ذلك الاستماع لاراء الاعضاء وليس لمدح او ذم مركز او طبيب معين
3- قبول التوجيه والالتزام بكل ماجاء فيه حتى لانضطر لاحقا لاغلاق الموضوع مره اخرى


ملاحظة

تم التعديل على الموضوع

الله يعطيك العافيه يابو بدر واتمنى تتقبل اخطائنا بصدر رحب.

أول شي الصلع يعتبر مرض فكل اللي موجوع انك ماتواخذ لأن المريض ليسأل عن كل شئ

وأنا شخصيا استفدت من الموقع الكثير نظرتي للزراعه في السابق ازرع وبس!!

بعد هالمرحله وصلت اني استفدت من تحذيرات صادره من ادارة الموقع عن بعض العيادات اللي كنا نسمع الكثير عنها. ومن خلال مشاركتي في هالموضوع تعرفت الآن عالكثير من مزايا الدكاتره والحمدلله لم انحرف خلف أي تجربه والسبب في مشاركات الإخوان

وكذلك تعرفت أن هناك تقنيات تختلف بين عياده وأخرى وليس الحكم من خلال التجارب التي ربما يسعى البعض الدعايه من خلالها

اخيرا قرار الزراعه عندي غير قابل للنقاش ولكن قرار التروي هو قراري الحالى واللي أبغى أعرفه من الأعضاء الفرق مثلا بين تقنيات دكتور أركان و دكتور هاكان وهل جميعهم يستخدمون نفس التقنيه الجديده عباره عن القلم اللي يحافظ عالجذور.


اخيرا اللي بعينه اننا نستفيد من بعض من النقاش ونؤيد كلام إدارتنا بعدم الانجراف خلف الدعايات بل التأكد من خلال تقييم شامل لأي عياده كانت بحصر الإيجابيات والسلبيات والمميزات

أولاً الله يسهل أمورك ويرزقك بنتائج ترضيييك كل الرضى
وانا واقع في نفس مشكلتك
ودي اسويها في اسرع وقت ممكن بس متردد جداً
من كثر التجارب هنا ماشاء الله والنتائج الحلوه
الواحد يحتاااار.