bnr1 bnr1
bnr1 bnr1 bnr1 bnr1
bnr1 bnr1 bnr1 bnr1

بعد دراسه وتردد .. اخيراً تجربتي في زراعه شعري في تركيا (تحديث الشهر العاشر)

وليد وبس

متميز
صاحب تجربة
إنضم
20 يوليو 2013
المشاركات
147
مستوى التفاعل
0
النقاط
16



السلام عليكم ورحمه الله وبركاته
كل عام والجميع بخير..

راح اشرح كل ماحدث معي بتفصيل ممل .. ;)
........
..



من 6 شهور وانا ابحث بحث عميق في الانترنت عن العيادات الناجحه في زراعه الشعر
اعجبتني طريقه hts في زراعه الشعر
والتي ثبتت انك تستعيد 80% من المنطقه المانحه
لكن نظرا لارتفاع التكاليف هالشي ماكان يهمني تقريبا
لكن المشكله ان الشخص يحتاج جلسات عديده ومده طويله
فكنسلت الفكره


بحثت الى ان اوصلني قوقل اليكم
وبعد عقد صداقات مع كثير من الاعضاء واللي فعلا دعموني
ابتداءا من اخي مجنونها وصديقي البلوشي وعبدالعزيز ايضا والكثير ..
واللي ماقصروا معي ابد


..........


عند بحثي عن دكتور او عياده
كنت اواجه مشكله في النتايج الكامله
وهي اللي خلتني اتردد
يعني مثلا بعض التجارب عملوا عند دكتور ممتاز
لكن المنطقه المانحه او نوعيه الشعر لم تساعد على ظهور نتايج مأموله
وبعض التجارب الاخرى عملوا عند او عياده جيده لكن نوعيه المنطقه المانحه متموجه والشعره تكون كثيفه فالنتيجه تكون رائعه حتما
فهالشي اشوف فيه ظلم لعيادات وعدم وضوح :(
واوقات ممكن ترتاح لمنسق جدا لكن للاسف عياده ليست بالمستوى المطلوب !
بالاضافه ان الشعب العربي مايحب يبحث كثير
بل يعتمد على نصيحه صديق فقط بدون ان يهتم بالنتايج!

بالاضافه لبعض التجارب المشكوك بها واللي خلتني احتار بدال الحيره حيرتين
والمراكز التجاريه اللي وضعها يكون سيء جدا وياكثرها

كنت بالبدايه محتار بين عياده شيفر و ستار هير ومحمد جوتشلوا
وبعد جذب وشد مع عيادات اخرى مثل نوفيتا وادم وحواء وترانسميد

مع العلم ان اللحظه الاخيره
كنت بروح عياده الاخ ابراهيم اللي كان بعياده شيفر
لانه قالي انه فتح عياده وجاب طاقم من ستار هير ومحمد جوتشلوا ومن شيفر ايضاً !!
وصاروا معه في عيادته الخاصه ! هالشي حمسني لكن مالله كتب :)
استقريت على محمد جوتشلو مره اخرى بما اني شفت كم نتيجه طيبه


......................................


حجزت في تاريخ 7 اكتوبر
واتصلت على المنسق وخبرته اني ابي العمليه في تاريخ 11
واني راح اسكن في منطقه تقسيم مابي الفندق
لاني حاب اتمشى واغير جو واستفيد من جيتي
لم اتوقع ان تركيا ساحره لهالدرجه
( شارع الاستقلال - جوله في بحر البسفور - قصر توبكابي - ومنطقه السلطان احمد )
حرام الواحد يروح تركيا ومايمر هالاماكن ;)
وانصح ان اللي مو متعود على السفر لايروح تركيا لحاله
وينسق مع مركز يكون عليه كل شي سكن وتنقلات
لان الشعب التركي !! لاتعليق !

.................


في تاريخ 10 اكتوبر
مرني السائق في سياره خاصه من نوع اودي

jMq21.jpg


وقابلت الدكتور محمد
رسملي الخط الامامي واتفق معي ان بكره العمليه

GOK3e.jpg


وتم اخذ التحاليل
وهي تخثر الدم وتحاليل امراض اخرى

سألت الدكتور كم قرافت ممكن انك تاخذ من شعري
قال فوق 3 الاف ومقدر احددلك الرقم التقريبي :confused:

جا اليوم الثاني والموعود
طبعا قبل كل شي اتفقت مع المنسق سعيد على اشياء وفهمته:

1- ابي الخط الامامي يكون ممتاز :rolleyes:
2- ابي افضل طاقم موجود عندك ;)
3- وهالله هالله بالوصايه فيهم لاني شخص اعلامي وهالعمليه مهمه عندي


دخلت غرفه العمليات وسالتي اذا بغيت دوره المياه
طبعا اليوم كنت لابس قميص وملابس مريحه وهالشي مهم تسويه بيوم العمليه

jmWLY.jpg


تمت حلاقتي وبخ بخاخ على راسي وكان مره بارد
طلبت حبه مهدىء وكان لونها ازرق واتوقه انها ماسوت شي :D

بدت عمليه التبنيج وبصراحه كانت مؤلمه في بعض المناطق
وكنت متقرف جدا جدا منها :(
ابره بالراس ! جديده علي
كنت ماسك يد سعيد بكل قوه واشد نفسي وهو يقول لا تشد :D

بعد ماخلصنا البنج قالي الحين نهيء المنطقه للزراعه وبعدها رفض يقولي بالزبط وش صاير
بس اللي متاكد منه ان راسي قاعد ينلعب فيه لعب مو طبيعي :D اعتقد انها ماده حقنوا فيها الراس او شي زي كذا ّ ّ!! ماني عارف
اتمنى من الخبراء التعقيب


بعد ما نمت على بطني
قعدت تقريبا ساعه ونصف
تم اخذ فيها 3800 بصيله على كلامهم !
ماكنت مقتنع انهم عدوها
عدد الطاقم هنا 3 ولا عرفت وظيفتهم

7v9Fd.jpg


بعدها اكلت وجبه خفيفه
وجا الدكتور محمد لاجراء الثقوب على كلام سعيد انه راح يقعد ساعه ونص
بنظري احسه ماكمل 45 دقيقه !
هالوضعيه عظهري كانت

بعدها جا الطاقم لارجاع البصيلات وعدد الطاقم هنا 2 الثالثه مادري هل هي معهم تضع البصيلات ام لها شغله ثانيه !
هالوضعيه عظهري كانت ايضا

R5YYr.jpg


صورتي هنا بعد الانتهاء

aqukF.jpg


مده العمليه تقريبا كانت 5 ساعات ونصف
من 2 ظهرا حتى السابعه

والسعر كان 2200 يورو بدون فندق ومواصلات المطار فقط
شامله العلاجات والتحاليل والمنسق

بعد ماخلصت العمليه
حصيت بغثيان ودوخه شوي
طبعا هالكلام الساعه 8 الليل فطلبت من الدكتور محمد انه يخليني
في العياده كم ساعه لين اصحصح
ماقصر اخي سعيد جابلي العشا وخلاني بالعياده لين اليوم الثاني
وفك الشاش ورجعني الفندق

............

سالت الدكتور عن فيتامينات او شي استخدمه
ومدحلي هذا

jZHu1.jpg


ولاتقل استخدامك لها 3-4 شهور
وتبدا فيها بعد الشهر الاول


وشامبو هاركس اللي كثيير سمعته طيبه
وفي زباين كثير كانوا يطلبونه من المنسق سعيد ويشحنه لهم بفدكس
سعر الشامبو الواحد تقريبا 80 ليره
ويستخدمه اخي البلوشي ايضا

COs5C.jpg


العلاجات

ZeihK.jpg



صوره المحروسه قبل الزراعه

uugH9.jpg


KG39m.jpg


وهذي بعد فك الشاش باليوم التالي


PgZjq.jpg


hinjw.jpg




وهذا الغسيل الاول
Xup92.jpg



UI1ts.jpg


وهذا بعد الغسيل الاول بيومين وانا بالطايره :D


TUQaW.jpg





التحديث الاول
بعد شهرين ونصف - 10 اسابيع



www.hairarab.comaeee26c825.jpg




www.hairarab.comb9ffab76c8.jpg






.........................................





^ من ملاحظاتي خلال رحلتي هذي :
1- اغلب الشعب الخليجي اللي قابلتهم كانت زراعتهم عن د سركان
كل اللي اشوفهم حاطين ربطه د سركان المشهوره
2- سألت د محمد جوتشلو عن عدد العمليات اللي تجرونها باليوم
واخبرني بأنه صار يجري باليوم الى 5 عمليات !!
3- ماقصر اخي الدكتور محمد كان دايم يسأل عن حالتي والمنسق ابراهيم
4-الى الان انا غير مقتنع باللي يزرع اكثر من 3 الاف بصيله في 5 ساعات وانا اشوف ان الاعداد مبالغ فيها في جميع العيادات تقريبا
والدليل ان اللي يزرعون عند دكاتره معروفين 2000 الى 3000 بصيله تطلع النتيجه رائعه
وافضل من نتايج الزراعه ببعض العيادات اللي تقولك انها زرعت 4000 بصيله !!
5-انطباعي الان ماراح اقوله لين اشوف النتايج شهر بشهر راح نشوفها سوا
وان شاء الله تكون مرضيه والله يكتب اللي فيه الخير


بالنهايه ..

ان شاء الله يكون هالتقرير مفيد للكل
والتحديثات راح نشوفها مع بعض وتقررون هل تجربتي كانت ناجحه ام لا !
بالنسبه لي انا سويت اللي علي واجتهدت :D
والله يكتب اللي فيه الخير :eek:






@@@@@@@@@@@@@@@@@@@@@@@@@@@@@@@@


تحديث الشهر الساااااادس



عذرا للانقطاع 3 شهور عن المنتدى
بس تعرفون الواحد خلاص ودعت الصلع وشاف نفسه شوي هههههههههههههه :D :D

طبعا الصور كانت سريعه
ورأيي بالنتيجه بصراحه عالطبيعه افضل بكثير من الصور بنظري
بالصور طالع الشعر قليل بينما عالطبيعه لا اكثر شوي












سبحان الله شكلي اختلف كثير بعد الزراعه
صغر عمري وطلعت ملامحي يكفي ان فيه سواد فوق راسي يغطي الصلعه البيضا اللي قبل :(
وهذي نعمه بحد ذاتها الحمد لله لك يارب
عيب الزراعه بنظري ان النتيجه تطلع وانت مانت حاس لان النتيجه تطلع بعد مده طويله جدا
وتفقد الاهتمام بالنظر للمرايه كل فتره سبحان الله :D



اتمنى من المشرفين تحديث العنوان


انتظروا التحديث الاخييير بعد شهرين ان شاء الله
وعقبال ماتختفي صلعاتكم وماقول غير الله يوفقك يا محمد جوتشلوا :eek: ;)




..............


التحديث الاخير والنتيجه الاخيره للشهر العاشر

شعري قبل الزراعه

في منصف اكتوبر

www.hairarab.com1c406cc54c.jpg



النتيجه الاخيره بعد 10 شهور ونصف

www.hairarab.com3a7c5d7f8c.jpg


www.hairarab.com083aad686a.jpg


الشعر ترتب اكثر من اول بكثير
ملامحي تغير ووجهي صار للاحسن بكثيييييييير
والله مو مدح بالدكتور محمد جوتشلو بس فعلا ابدع
الشعر اللي يزرعه يطلع
حتى الحلاق حقي يجونه ناس كثير زارعين بتركيا يقولون اغلب عملياتهم نتايجها جدا سيئه
والحلاقين المصلعين اللي ببالمحل اخذو رقم الدكتور مني يقولون النتيجه رائعه



الحمد لله من جد مبسوط انا
المشكله الوحيده ان الشعر شوي خشن وبالصور طالع شكلي مو حلو عالطبيعه مرررررررررره احسن

والحل انك تشتري كريم من بودي شوب للشعر بجوز الهند
وتحط شوي منه بيدك وتحط السيروم حق بودي شوب كمان بيدك وااخلطه بيدك
وحطه عالشعر ينعمه كثيير ويخليه للاحسن


مثل ماستفدت من المنتدى وعدت الاعضاء اني اوريهم النتيجه الاخيره
وصدفوني احلى من الطبيعه بكثير للمره الثانيه اقولها


انا الان باستراحه
وصورت قلت اخاف انسى
ادري الصور مو واضحه
وبعض الصور مانزلتها لان فعلا بعضها ضلمت النتيجه اللي اشوفها عالطبيعه




 

B.KSA

Member
إنضم
20 سبتمبر 2013
المشاركات
81
مستوى التفاعل
0
النقاط
6
الف مبروك العملية ويارب تتكلل بالنجاح والنتائج اللي تفوق تطالعاتك ،،، استمر بالتحديثات الشهرية ،،، بالتوفيق ;)
ياليت لو ترفق صور للمنطقة المانحة والمنطقة المزروعة قبل العملية والحلاقة عشان نقدر نقييم
 

aljabure

Member
إنضم
28 يوليو 2013
المشاركات
199
مستوى التفاعل
0
النقاط
16
مبروك العملية وان شاء الله نتائجك تعجبك واهم شي اخ وليد التحديثات
 

أصلع ملعلع

متميز
صاحب تجربة
إنضم
18 مايو 2011
المشاركات
2,574
مستوى التفاعل
1
النقاط
36
مبروك اخوي وليد
نتمنى لك النتائج المرضية انشاء الله
كما نتمنى متابعة تحديثاتك معنا
لكن لم تزودنا بصور قبل الزراعه للمقارنه بين العدد والمساحة
نتمنى إضافة صور ما قبل الزراعه ونشكر لك ذلك
تحياتي
 

وليد وبس

متميز
صاحب تجربة
إنضم
20 يوليو 2013
المشاركات
147
مستوى التفاعل
0
النقاط
16
الف مبروك العملية ويارب تتكلل بالنجاح والنتائج اللي تفوق تطالعاتك ،،، استمر بالتحديثات الشهرية ،،، بالتوفيق ;)
ياليت لو ترفق صور للمنطقة المانحة والمنطقة المزروعة قبل العملية والحلاقة عشان نقدر نقييم


يبارك فيك ربي

تم ارفاق صوره للمنطقه قبل الحلاقه
اما المانحه فكانت جيده الى جيده جدا من ناحيه نوعيه الشعر
 

وليد وبس

متميز
صاحب تجربة
إنضم
20 يوليو 2013
المشاركات
147
مستوى التفاعل
0
النقاط
16
مبروك اخوي وليد
نتمنى لك النتائج المرضية انشاء الله
كما نتمنى متابعة تحديثاتك معنا
لكن لم تزودنا بصور قبل الزراعه للمقارنه بين العدد والمساحة
نتمنى إضافة صور ما قبل الزراعه ونشكر لك ذلك
تحياتي


منور اخي اصلع ملعلع
تم تحديث الموضوع بشكل عام

عندي استفسار مهم جدا
واعتقد اني بلقى عندك جواب وافي
قبل زراعه شعري كانت المنطقه المانحه فيها تساقط كل يوم اتحسسه بيدي
كأني سمعت ان البصيلات المأخوذه تحتفظ بصفاتها الوراثيه حتى بعد زرعها بمكان اخر !!
يعني اللي افهمه ان احتمال كبير بعد كم سنه شعري اللي زرعته بيتساقط اكثر واكثر !!
 
إنضم
31 أغسطس 2013
المشاركات
14
مستوى التفاعل
0
النقاط
1
مبروك العملية يابطل وياريت ترد على رسالتي عل خاص وتمنياتي بالنجاح لكل الزارعين
 

اللهيب

New Member
إنضم
13 سبتمبر 2013
المشاركات
29
مستوى التفاعل
0
النقاط
1
مبروك ياخي وليد وسؤال هل يستخدم جوتشيلو الابر الدقيقه جدا للزراعه واحس من زراعتك ان الشعر المزروع متباعد مو قريب عند بعض
 

حيران

New Member
إنضم
14 فبراير 2013
المشاركات
8
مستوى التفاعل
0
النقاط
1
اخ وليد ألف ألف مبروك الزراعة وإنشاء الله تحصل النتائج الممتازة وماعليك امر ياليت تزودني برقم المنسق
 

PANORAMA

Member
إنضم
25 أكتوبر 2012
المشاركات
487
مستوى التفاعل
2
النقاط
18
الف مليون ترليون مبرووك .. وأخيراً زرعت ياوليد .. إن شاء الله تشوف نتائج ترضيك .. ومعاك بالمتابعة شهر بشهر
 

جبهة حرب

متميزة
صاحبة تجربة
إنضم
26 أكتوبر 2011
المشاركات
614
مستوى التفاعل
1
النقاط
18
الإقامة
المملكه العربيه السعودية , الرياض
مبروك اخ وليد .. مبدئياً رسم الشعر وتوزيع البصيلات جميله جداً

سؤالك عن التساقط في المنطقة المانحه

الدكتور الجيد يعرف من أين يأخذ البصيلات التي لا تتأثر بالصلع وهي بالغالب تكون في المنطقة الخلفية من الرأس


نتمنى لك نتائج مبهره


تحياتي
 
إنضم
25 يناير 2013
المشاركات
105
مستوى التفاعل
1
النقاط
18
و الله شي يفرح و انا و الله متردد و لكن جالس الحين احدد العيادة الممتازه و الله يوفقك اخي
 

كوك

Member
إنضم
14 أبريل 2013
المشاركات
34
مستوى التفاعل
0
النقاط
6
انا حاط عيني على محمد لكن شكله طنخ وكثرة الزباين خلت الجودة تتراجع خاصة من اسلوب المنسق وسرعة العملية والغرس

هل تنصحني فيه او بمكان ثاني
 

bazrat

Member
إنضم
7 أبريل 2013
المشاركات
50
مستوى التفاعل
0
النقاط
6
مبروك أخي على عملية و نشالله تكون ناجحة حبيت أسألك كم سؤال
١/ مافهمت شو قصدك شعب تركي بدون تعليق هل صارتلك مشاكل في تركيا
٢/ حسيت من كلامك إنك مو مقتنع بالعملية هل حسيت إن في تحيل صار أو عدم أمانة وصدق في كلامهم لأني أنا والله كنت ناوي أروح أسوي عند محمد بس بعد كلامك ترددت شوية
٣/ هل حسيت إن في تميز في طريقة إل معاملة بينك و بين ناس ثانين أو هيا نفسها معاملة لكل ناس
مشكور أخي و نشالة تكون عمليتك ناجحة
 

وليد وبس

متميز
صاحب تجربة
إنضم
20 يوليو 2013
المشاركات
147
مستوى التفاعل
0
النقاط
16
مبروك ياخي وليد وسؤال هل يستخدم جوتشيلو الابر الدقيقه جدا للزراعه واحس من زراعتك ان الشعر المزروع متباعد مو قريب عند بعض

هذي الابر اعتقد ان عياده ابراهيم الجديده تستخدمها
ماسالت الدكتور محمد عنها بس اعتقد انه لا يستخدمها
بخصوص الفراغات يمكن الاضائه لها دور
ولا تنسى ان عندي شعر خفيف جدا بين الشعر المزروع
 

وليد وبس

متميز
صاحب تجربة
إنضم
20 يوليو 2013
المشاركات
147
مستوى التفاعل
0
النقاط
16
مبروك اخ وليد .. مبدئياً رسم الشعر وتوزيع البصيلات جميله جداً

سؤالك عن التساقط في المنطقة المانحه

الدكتور الجيد يعرف من أين يأخذ البصيلات التي لا تتأثر بالصلع وهي بالغالب تكون في المنطقة الخلفية من الرأس

نتمنى لك نتائج مبهره


تحياتي

اشكرك اختي وداد
المفروض ان الدكتور يشوف نوعيه الشعر قبل ان لاتتم الحلاقه
ويحدد المنطقه لان المنطقه الخلفيه عندي وسعهااكثر من المطلوب
والمفروض ان يضيقها اكثر
مع اني عقبت وقلت ركز عالجوانب لان الشعر فيه جيد ولم يصله التساقط
وماقرب من الجوانب ابد ! :(
 

وليد وبس

متميز
صاحب تجربة
إنضم
20 يوليو 2013
المشاركات
147
مستوى التفاعل
0
النقاط
16
انا حاط عيني على محمد لكن شكله طنخ وكثرة الزباين خلت الجودة تتراجع خاصة من اسلوب المنسق وسرعة العملية والغرس

هل تنصحني فيه او بمكان ثاني

هالشي ضايقني صراحه
ولن احكم الا بعد ما ارى النتايج
 

وليد وبس

متميز
صاحب تجربة
إنضم
20 يوليو 2013
المشاركات
147
مستوى التفاعل
0
النقاط
16
مبروك أخي على عملية و نشالله تكون ناجحة حبيت أسألك كم سؤال
١/ مافهمت شو قصدك شعب تركي بدون تعليق هل صارتلك مشاكل في تركيا
٢/ حسيت من كلامك إنك مو مقتنع بالعملية هل حسيت إن في تحيل صار أو عدم أمانة وصدق في كلامهم لأني أنا والله كنت ناوي أروح أسوي عند محمد بس بعد كلامك ترددت شوية
٣/ هل حسيت إن في تميز في طريقة إل معاملة بينك و بين ناس ثانين أو هيا نفسها معاملة لكل ناس
مشكور أخي و نشالة تكون عمليتك ناجحة

1- لمن تكون لحالك في الغالب التعامل راح يكون سيء معك
وخاصه اذا كنت خليجي
مهما اكرمته او تعاملت بطيب فسترى وجه اخر وخاصه منطقه تقسيم
يعني اكرمه ومايرجع الباقي ! يقول مايحتاج !!

سكنت فندق مره ممتاز وواكتشفت انه سرق اغراض
ونقل اغراضي بدون علمي غرفه ثانيه !
وفتح السيفتي بوكس !!
وليتهم عوضوني بشي ! مع اني قلبت الفندق فوق روسهم
وهالسالفه يبيلها موضوع لحاله صراحه

2- تحايل مثل شو ! انا نقلت الواقع بالتمام وبدون أي تحيز لاني حاب اعرف النتايج قبل ان اعطي انطباعي

3- لا اعتقد ان هناك تميز بصراحه
 
أعلى