استفسار عن جرعه الفانيسترايد

ahmad sami قال:

بسم الله الرحمن الرحيم ​

السلام عليكم ورحمه الله وبركاته

اهلا بكل الاخوه ف المنتدي يارب تكونو بصحه وخير

الموضوع باختصار اني كنت باخد نوبيشيا من حوالي سنتين بس تركتها وعاوز ارجع اخدها من تاني بس مش فاكر الجرعه بالظبط ممكن اي حد يساعدني !!

الجرعه اد ايه ؟ واخدها امتي ؟ ولمده اد ايه !! ​

أنقر للتوسيع...

mr_happy قال:

اخي الكريم .....

الجواب عندك ...... وليس نحن

حيث ان كل منتج يكتب طريقه استخدامه في العلبه

https://www.hairarab.com/vb/images/toolbox/color.gif
تقبل تحياتي

أنقر للتوسيع...

mxm2011 قال:

أحمد: الجرعه كبسوله واحدة يوميا...لكن أرجع للموضوع السابق للأخ الجزائرى ..
فاينسترايد ( البروبيشيا) لم يعد ضمن العلاجات التى ينصح بها للصلع عالميا..لأضراره الخطيرة على الذكوره.. وطبعا النوبيشيا المصرى نفس الشيىء ...

عليك فقط بالروجين الأمريكى..وبما أنه أرتفع سعره مؤخرا فى مصر..فأمرنا لله ممكن إستخدام البيرفورما وأحذر من إستخدام نوع آخر للمينوكسيديل وخاصه الهير باك فهو سمعه جيده على الفاضى... وهذه نصيحتى لك بكل أمانه..ودعواتكم بظهر الغيب..تحياتى’’

أنقر للتوسيع...

ahmad sami قال:

[overline]الف شكر mxm بالنسبه للنوبيشيا الدكاتره لحد دلوقتي بيكتبوه !! ومعترف من منظمه الصحه !! وانا اساسا كنت ناوي اخده اربع شهور واوقفه 6 شهور خصوصا ان الشعر بيبدا ف التساقط بعد 12 شهر من التوقف ع حسب كلام الشركه وارجع اخده تاني وهكذا ...
اما بالنسبه للمينوكسيديل
انا بستخدم هيرباك دلوقتي 5 %
بس انتا كلامك بناء علي ايه ان الهيرباك مش حلو جربته قبل كده ؟؟؟ او تعرف حد جربه !!
وايه رايك ف البيرفورما بما انك بتستخدمه وبكام [/overline]

أنقر للتوسيع...

mxm2011 قال:

ياأحمد::

بعد كلام بانوراما والله هقول إيه تانى...ياعم أحمد صدقنا ..النوبيشيا والله العظيم خطر جداااا وفعلا كان الواحد بياخد الكبسوله وهو قاعد يفكر وكل شويه بيراقب الحاجات التانيه ويقول ربنا يستر...لكن بعد كلام قرأته هنا منذ سنه تقريبا تركته لأنى لم أستمر عليه كثيرا بالرغم من تجريبى للكثير من العلاجات خلال 7 سنين لكن لم أرتاح أبداااا للنوبيشيا... أما موضوع أن الأطباء يكتبوه والله ضحكتنى..ياحبيبى أصلا مافيش فى مصر طبيب متخصص لعلاج مشاكل الشعر ومؤخرا فقط ظهرت عيادات متخصصه وكثير منها تحت مستوى الشبهات...ولى تجربه مع أحدهم..أحدى الطبيبات الشهيرات جدااااا كل ماأفتح موقع كنت أقرأ أسمها وأنها معجزة و و و وكان لها برنامج تلفزيونى ..وذهبت للعياده ودفعت الكشف الغالى ..وأكتشفت أنها لاتتعدى 25 سنه بلامبالغه...فمن أين أذن جائت بكل هذه الخبره المكتوب عنها...والكشف كان لدقيقه ثم أدخلت الممرضه ووقفت بجانبى حتى انتهى من كلامى وأنصرف وهو ماحدث..كل الموضوع أنها دلتنى على حقن عضل فرنسيه ولم تفعل شيىء...مجرد طبيبه تعطى للمريض الأمل أو الوهم بكتابه علاجات غير منتشره لاشيىء أكثر ولا أقل...
وبعد أكثر من 7 سنين..وآلاف الجنيهات صرفتها بجانب أعراض مثل سرعه ضربات القلب وضعف النظر والضغط المنخفض من إستخدام المينوكسيديل لمده طويله...ومع ذلك دخلت تقريبا أخر المرحله الثالثه للصلع رغم كل هذه العلاجات والمصاريف..
إسمع كلامى وبلاش عناد...أنا بوفر عليك الكثير ولكل من يقرأ كلامى هذا لو تعلم... بعد التأكد من سلامه التحاليل إذن هو الصلع الوراثى وليس له حل سحرى... الحلول المتاحه المينوكسيديل مدى الحياه وهو يؤخر فقط الصلع..والزراعه وحتى هذه يعيبها أنها لايستمر مفعولها مدى الحياه بجانب أن نتائجها متفاوته من شخص لآخر وطبعا عيبها الأكبر تكلفتها العاليه فالزراعه لن تقل فى أضيق الحدود عن 25 ألف جنيه كما قرأت عن أسعارها...
أما موضوع منظمه الصحه جايب الكلام ده منين؟؟ مافيش حاجة كده قصدك الجمعيه الأمريكيه fda ودى الجهه الوحيده اللى كانت بتنصح بالبروبيشيا ثم قرأت من شهور أنها منعت ذلك..ويمكن البحث على النت على موقعها...
أما الهير باك كنت أستخدمه منذ سنتين وأستخدمته لأكثر من 5 سنوات لما كان ب75 جنيه.... وكنت ببحث عنه فى الصيدليات كأنى ببحث عن مخدرات لأن كل شويه الشركه المنتجه له تعطش السوق عشان تزيد من سعره ووالله سمعته أكذوبه كبرى..مجرد الأطباء بيستسهلوا ويكتبوه مع أنه نسبه الكحول فيه مرتفعه وده واضح بأنه بينشف الشعر جداااا وبيجيب قشره أكثر من أى نوع أخر...بجانب لون السائل الأخضر اللى بيخلي الشعر لونه مجرب...البيرفورما أفضل ب52 أو 55 تقريبا...سأرجع له قريبا خصوصا أن الروجين وهو الأفضل على الأطلاق بقى سعره تقريبا 250 للواحده وده كثير...كان من قريب ب200 جنيه..
دى كل تجربتى الله يشفى الجميع,,

أنقر للتوسيع...