بسم الله الرحمن الرحيم
وصل اللهم على خير خلقك محمد وعلى آله الطيبين الطاهرين كما صليت على ابراهيم وآل ابراهيم انك سميع مجيب
احب اشكر اخواني في المنتدى ماقصروا تحملونا بكثر اسإلتنا واستفساراتنا وفوق هذا تواصلوا معانا حتى برى المنتدى علشان يفيدونا الله يجزاكم جميعاً خير. بعرض تجربتي باختصار لكنّه اختصار مفيد
اسم الدكتور: تايفون
المكان: تركيا ميدستيت هوسبتل
عدد القرافتس: حول 5300
السعر: رغم انهم قالوا لي لا تقول لأحد لان عطيناك سعر خاص الا اني احس ان في ناس سوت بنفس هالسعر وممكن اقل خصوصاً في بدايات العمليات مع تايفون كانت اسعارهم ارخص
عموماً سعر العملية كان 2750 شامل الاقامة 4 ليالي فندق خمس نجوم يبعد عن العيادة دقيقتين مع المواصلات ووجبة الافطار
تاريخ الرحلة شهر جانوري
اول يوم وصلته كان راحة, اليوم الثاني الساعة 9 مرت علي الاخت منال مع السائق ورحنا للعيادة وبعد الانتظار كم دقيقة دخلت على تايفون
شاف شعري وقال لي المنطقة المانحة عندك جيدة وبعدها رسم لي الخط الامامي. راواني الخط في المرايا , قلت له رايك ما انزله اكثر قال لي بالعكس كذا شكله طبيعي جداً وانت تبي شي طبيعي ماتبيه فوق او تحت . وبيني وبينكم انا اول مارسمه عجبني وبهرني بخبرته ماشاء الله بس حبيت اخذ واعطي معاه علشان اقتنع اكثر.
بعدها دفعت الفلوس واللي استلمته اللي كانت تراسلني بالايميل من مكتب تايفون سكرتيرتهم الظاهر وللأمانة حتى ماعدت الفلوس قدامي انا اللي طلعت الفلوس وقلت له هذا اللي اتفقنا عليه واخذتهم وقالت لي 2750 يورو وحطتهم في الدرج على طول فكانت لفتة جميلة منها.
خلصت منها ورحت لغرفة العمليات علشان نبدأ, قبل غرفة العمليات في زي الممر فيه كبت علشان تبدل القميص فقط .
عطتني الممرضة القميص علشان افصخ فقلت لها: تأبى المروءة انّي اخلع القميص امام امرأة لا اعرفها. فتركتني لحالي وفصخت قميصي ولبست قميصهم الازرق مال العمليات
بدينا العملية اللي كسرت ظهري من 9 ونص تقريبا الى 9 بالليل مع استراحة نصف ساعة للغداء
اليوم الاول اخذو 3100 قرافت وزرعوا لي المنطقة الامامية. بعد ماخلصت كان جسمي متكسر وجت ممرضة مسكينة تساعدني وطلعت قميصي من الكبت وهنا عاد لا بقى فيها مروءة ولا هم يحزنون لو قالت لي افصخ البنطلون فصخت من التعب فلبست قميصي ورجعنا الفندق
اليوم الثاني نفس الموعد الساعة 9 جتني منال بالسواق واقتطفوا 2200 قرافت تقريباً للمنطقة الخلفية
اليوم الثالث سوو لي تغيير للرباط (الشاش) اللي عالراس
اليوم الرابع سوو لي غسيل بالشامبو ومنه عالمطار دايركت
هذا باختصار الرحلة والآن اجي لأهم الاشياء اللي كتبت عنها الموضوع وبحطها بشكل نقاط:
1) من اهم السلبيات بل واخطرها اللي لاحظتها هو ان الدكتور للأسف راح يعتبرك فاهم في التعليمات وحتى منال تعليماتها بتكون مختصرة وسريعة فلا تتردد ابداً في سؤال الدكتور او منال عن اي صغيرة وكبيرة وهم ماراح يقصروا معاك يعني في الأول والأخير لا تلوم الا نفسك اذا ما سألت ولا استفسرت لا تقول ماحد قال لي. بالإضافة لهذا بعد العملية بأربع ايام ارسلت ايميل للدكتور والمساعدة اللي اتفقت معاها وكانت تراكض وراي عالعملية ببعض الاستفسارات و محد رد علي منهم وهذي لفتة سيئة تحسب ضدهم.
2) ابر البنج مؤلمة واعتبرها مؤلمة جدا بدون مبالغة واذا حسيت اثناء العملية ان في الم في الاقتطاف او الزراعة لا تسكت قول لهم على طول علشان يبنجوا لك مكان الالم ويختفي الالم وترتاح لان سكوتك يعني راح تتألم ويستمر معاك الالم لبعدين في الفندق
3) الطاقم الله يهديه هدرته ماتخلص سوالفهم كثيرة مع بعض بالتركي وفوق هذا حاطين لك قناة اغاني تركية يعني بتشعر بالملل وان الوقت مايمشي فخل معاك الجوال اذا كنت على ظهرك تقدر تستخدمه او قول لهم يحطون لك قناة مسلسلات او افلام وهو صحيح بالتركي بس اقلا تعيش جو بالاكشن اللي يصير ويضيع الوقت
4) اوضاع الزراعة متعبة جداً مثل اللي على بطنك او احيانا ظهرك وتاخذ بالساعات فاذا حسيت بتعب اطلب بريك دقيقة او دقيقتين حرك فيها جسمك
5) الفندق لما تطلع منه روح يسار امشي وبيجيك مفترق طرق خذ يسار واركب على طول في هناك زي البقالة اشتر منها اللي تبيه وجنبه عاليسار مكان يبيع شوارما على كيف كيفك ورخيص من قوة لغتي التركية اشّرت له عالشوارما الدجاج واللحم على اساس سندويش وحدة كذا ووحدة كذا قام عطاني صحن كذا وصحن كذا وخبز يكفي قبيلة بس اشوة الحساب كله 18 ليرة يا بلاش فكذا ما تتعطل من ناحية الاكل واكل الفندق انا عنّي ماعجبني
6) عدم المامك باللغة الانجليزية بيحطك في ثلاث مشاكل: الأولى ماراح تقدر تفاصل في السعر لان الوحيدة اللي بتتعامل معاها الأخت منال ومنال شغلتها تجيب زباين وتاخذ نسبة فإنت كأنّك رايح تشتري بس مو من الوكيل فلا تعتقد ان السعر بيكون نفس الوكالة (مدري شلون جبت المثل بس احسه ضابظ سلكو لي يشباب) , الثاني انّ لو تورطت مثلاً منال انشغلت او ماردت عليك واتصلوا عليك العيادة يكلموك بالانجليزي فلو ماتعرف هذي ورطة ثانية, الامر الثالث لو حصل لك طارئ لا سمح الله
واعطيكم مثال يجمع الثلاث امور بالاعلى:
اليوم اللي قبل الاخير حق تغيير الضمادات وغسيل خفيف منال ماكانت تقدر تجيني فاتصلوا علي العيادة علشان اجي مع شخص ثاني بيمرنا السواق, رحت معاه ورجعت معاه ومع السوالف سألني بكم سويت العملية وانا قلت له المبلغ فمسكين انحرج وانا ماكنت اقصد , طلع مسويها بحول 800 يرورو فرق اكثر مني لانه مايعرف انجليزي وتواصله بس مع منال ولا عرف يكاسر هذا وكان بيتورط يوم الغسيل لان منال ماردت عليه والعيادة كلمته ولا فهم عليهم. على عكسي انا ارسلت لتايفون مباشرة وتواصلت مع مساعدته وامليت شروطي قبل وبعد العملية
7) الممرضات محترفات في عملهن فلا تشيل هم من هذي الناحية بالاضافة للدكتور اللي مبين عليه الخبرة الطويلة في هالمجال وهذا مو كلامي هذا كلام الاعضاء اللي قبلي وشهاداته والمقابلات التلفزيونية ومشواره الطويل يشهد له بهالشي
8) في يوم الغسيل بالشامبو حصلت تناقضات ! مثلا قالوا لي المفروض الكريم يظل من نص ساعة لساعة بينما خلوه علي ربع ساعة لا اكثر. شي ثاني المفروض بعد الغسيل مايستخدمو اي شي يتركو الراس ينشف بحاله او يستخدمو هوا الاستشوار بينما هم جففوه لي بالورق الخشن وهذا فعلا امر سلبي المفروض مايصير منهم حتى لو مستعجلين
9) خل في بالك ان ممكن تخسر لك كم قرافت سواء بشكل ارادي او غير ارادي فلا تحط في خاطرك هو صحيح شي يكسر القلب بس شر لابد منه سواء بيدك او تخبط لك في شي او بطريقة الغسيل او ممكن حتى وانت نايم ويمكن حتى من طريقة تثبيت الجرافت ماكانت جيدة يعني الجرح ماكان عميق كفاية او ماوضعها الدكتور او الممرضة بشكل جيد. الدراسات اثبتت ان بعد 9 ايام يعتبر الجرافت ثابت في رأسك وحتى لو طاح الشعر فالبوصيلة موجودة خلاص. عادة سقوط الجرافت في بداية الايام يلازمه خروج دم ومثل ما اسلفت توقع ان تخسر كم جرافت واعتبرها صدقة ودفعة بلا عنك
10) اذا بتروح عالخطوط التركية انتبه لان اسعارهم ترتفع بشكل مفاجئ فاذا عزمت وقررت وحجزت موعد مع الدكتور احجز عليها على طول دام انها رخيصة وميزتها انها دايركت لتركيا. انا رفعوا التذكرة قبل ما احجز بيوم كنت أاجل على اساس ماراح يرفعون التذاكر بس الظاهر كل ما عدد الكراسي تقلّص يرفعون التذكرة واضطريت اغير ورحت عالاتحاد صحيح ارخص بحول 200 ريال من التركيّة بس فيها ترانسيت في ابو ظبي للي مايحب الترانزيت واللي ماعجبني في الاتحاد أكلهم جداً سئ صراحة.
11) اسئلة قد تخطر على بال الاعضاء لي:
لو رجع بي الزمن هل راح اسويها مع تايفون؟ الاجابة نعم
هل تنصح بتايفون؟ نعم لكن راح انصح اللي بيروح ان يعرف التعليمات ويتثقف بشكل كبير عن زراعة الشعر قبل العملية
في النهاية حبيت اوضح ان انا كنت فوق حيادي لأقصى درجة وانا شخص دقيق فحاولت اكتب كل ملاحظاتي تقريباً وانا رايح بفلوسي يعني ما في احد متصدق علي بالعملية علشان امدح الدكتور او اذمه بل اقيمه بما شفت منه ومن طاقمه بكل امانة علشان الاعضاء يستفيدوا لأقصى درجة ممكنة
اتمنى اني افدتكم ولو بشي بسيط واتمنى لكم جميعاً دوام الصحة والعافية
وصل اللهم على خير خلقك محمد وعلى آله الطيبين الطاهرين كما صليت على ابراهيم وآل ابراهيم انك سميع مجيب
احب اشكر اخواني في المنتدى ماقصروا تحملونا بكثر اسإلتنا واستفساراتنا وفوق هذا تواصلوا معانا حتى برى المنتدى علشان يفيدونا الله يجزاكم جميعاً خير. بعرض تجربتي باختصار لكنّه اختصار مفيد
اسم الدكتور: تايفون
المكان: تركيا ميدستيت هوسبتل
عدد القرافتس: حول 5300
السعر: رغم انهم قالوا لي لا تقول لأحد لان عطيناك سعر خاص الا اني احس ان في ناس سوت بنفس هالسعر وممكن اقل خصوصاً في بدايات العمليات مع تايفون كانت اسعارهم ارخص
عموماً سعر العملية كان 2750 شامل الاقامة 4 ليالي فندق خمس نجوم يبعد عن العيادة دقيقتين مع المواصلات ووجبة الافطار
تاريخ الرحلة شهر جانوري
اول يوم وصلته كان راحة, اليوم الثاني الساعة 9 مرت علي الاخت منال مع السائق ورحنا للعيادة وبعد الانتظار كم دقيقة دخلت على تايفون
شاف شعري وقال لي المنطقة المانحة عندك جيدة وبعدها رسم لي الخط الامامي. راواني الخط في المرايا , قلت له رايك ما انزله اكثر قال لي بالعكس كذا شكله طبيعي جداً وانت تبي شي طبيعي ماتبيه فوق او تحت . وبيني وبينكم انا اول مارسمه عجبني وبهرني بخبرته ماشاء الله بس حبيت اخذ واعطي معاه علشان اقتنع اكثر.
بعدها دفعت الفلوس واللي استلمته اللي كانت تراسلني بالايميل من مكتب تايفون سكرتيرتهم الظاهر وللأمانة حتى ماعدت الفلوس قدامي انا اللي طلعت الفلوس وقلت له هذا اللي اتفقنا عليه واخذتهم وقالت لي 2750 يورو وحطتهم في الدرج على طول فكانت لفتة جميلة منها.
خلصت منها ورحت لغرفة العمليات علشان نبدأ, قبل غرفة العمليات في زي الممر فيه كبت علشان تبدل القميص فقط .
عطتني الممرضة القميص علشان افصخ فقلت لها: تأبى المروءة انّي اخلع القميص امام امرأة لا اعرفها. فتركتني لحالي وفصخت قميصي ولبست قميصهم الازرق مال العمليات
بدينا العملية اللي كسرت ظهري من 9 ونص تقريبا الى 9 بالليل مع استراحة نصف ساعة للغداء
اليوم الاول اخذو 3100 قرافت وزرعوا لي المنطقة الامامية. بعد ماخلصت كان جسمي متكسر وجت ممرضة مسكينة تساعدني وطلعت قميصي من الكبت وهنا عاد لا بقى فيها مروءة ولا هم يحزنون لو قالت لي افصخ البنطلون فصخت من التعب فلبست قميصي ورجعنا الفندق
اليوم الثاني نفس الموعد الساعة 9 جتني منال بالسواق واقتطفوا 2200 قرافت تقريباً للمنطقة الخلفية
اليوم الثالث سوو لي تغيير للرباط (الشاش) اللي عالراس
اليوم الرابع سوو لي غسيل بالشامبو ومنه عالمطار دايركت
هذا باختصار الرحلة والآن اجي لأهم الاشياء اللي كتبت عنها الموضوع وبحطها بشكل نقاط:
1) من اهم السلبيات بل واخطرها اللي لاحظتها هو ان الدكتور للأسف راح يعتبرك فاهم في التعليمات وحتى منال تعليماتها بتكون مختصرة وسريعة فلا تتردد ابداً في سؤال الدكتور او منال عن اي صغيرة وكبيرة وهم ماراح يقصروا معاك يعني في الأول والأخير لا تلوم الا نفسك اذا ما سألت ولا استفسرت لا تقول ماحد قال لي. بالإضافة لهذا بعد العملية بأربع ايام ارسلت ايميل للدكتور والمساعدة اللي اتفقت معاها وكانت تراكض وراي عالعملية ببعض الاستفسارات و محد رد علي منهم وهذي لفتة سيئة تحسب ضدهم.
2) ابر البنج مؤلمة واعتبرها مؤلمة جدا بدون مبالغة واذا حسيت اثناء العملية ان في الم في الاقتطاف او الزراعة لا تسكت قول لهم على طول علشان يبنجوا لك مكان الالم ويختفي الالم وترتاح لان سكوتك يعني راح تتألم ويستمر معاك الالم لبعدين في الفندق
3) الطاقم الله يهديه هدرته ماتخلص سوالفهم كثيرة مع بعض بالتركي وفوق هذا حاطين لك قناة اغاني تركية يعني بتشعر بالملل وان الوقت مايمشي فخل معاك الجوال اذا كنت على ظهرك تقدر تستخدمه او قول لهم يحطون لك قناة مسلسلات او افلام وهو صحيح بالتركي بس اقلا تعيش جو بالاكشن اللي يصير ويضيع الوقت
4) اوضاع الزراعة متعبة جداً مثل اللي على بطنك او احيانا ظهرك وتاخذ بالساعات فاذا حسيت بتعب اطلب بريك دقيقة او دقيقتين حرك فيها جسمك
5) الفندق لما تطلع منه روح يسار امشي وبيجيك مفترق طرق خذ يسار واركب على طول في هناك زي البقالة اشتر منها اللي تبيه وجنبه عاليسار مكان يبيع شوارما على كيف كيفك ورخيص من قوة لغتي التركية اشّرت له عالشوارما الدجاج واللحم على اساس سندويش وحدة كذا ووحدة كذا قام عطاني صحن كذا وصحن كذا وخبز يكفي قبيلة بس اشوة الحساب كله 18 ليرة يا بلاش فكذا ما تتعطل من ناحية الاكل واكل الفندق انا عنّي ماعجبني
6) عدم المامك باللغة الانجليزية بيحطك في ثلاث مشاكل: الأولى ماراح تقدر تفاصل في السعر لان الوحيدة اللي بتتعامل معاها الأخت منال ومنال شغلتها تجيب زباين وتاخذ نسبة فإنت كأنّك رايح تشتري بس مو من الوكيل فلا تعتقد ان السعر بيكون نفس الوكالة (مدري شلون جبت المثل بس احسه ضابظ سلكو لي يشباب) , الثاني انّ لو تورطت مثلاً منال انشغلت او ماردت عليك واتصلوا عليك العيادة يكلموك بالانجليزي فلو ماتعرف هذي ورطة ثانية, الامر الثالث لو حصل لك طارئ لا سمح الله
واعطيكم مثال يجمع الثلاث امور بالاعلى:
اليوم اللي قبل الاخير حق تغيير الضمادات وغسيل خفيف منال ماكانت تقدر تجيني فاتصلوا علي العيادة علشان اجي مع شخص ثاني بيمرنا السواق, رحت معاه ورجعت معاه ومع السوالف سألني بكم سويت العملية وانا قلت له المبلغ فمسكين انحرج وانا ماكنت اقصد , طلع مسويها بحول 800 يرورو فرق اكثر مني لانه مايعرف انجليزي وتواصله بس مع منال ولا عرف يكاسر هذا وكان بيتورط يوم الغسيل لان منال ماردت عليه والعيادة كلمته ولا فهم عليهم. على عكسي انا ارسلت لتايفون مباشرة وتواصلت مع مساعدته وامليت شروطي قبل وبعد العملية
7) الممرضات محترفات في عملهن فلا تشيل هم من هذي الناحية بالاضافة للدكتور اللي مبين عليه الخبرة الطويلة في هالمجال وهذا مو كلامي هذا كلام الاعضاء اللي قبلي وشهاداته والمقابلات التلفزيونية ومشواره الطويل يشهد له بهالشي
8) في يوم الغسيل بالشامبو حصلت تناقضات ! مثلا قالوا لي المفروض الكريم يظل من نص ساعة لساعة بينما خلوه علي ربع ساعة لا اكثر. شي ثاني المفروض بعد الغسيل مايستخدمو اي شي يتركو الراس ينشف بحاله او يستخدمو هوا الاستشوار بينما هم جففوه لي بالورق الخشن وهذا فعلا امر سلبي المفروض مايصير منهم حتى لو مستعجلين
9) خل في بالك ان ممكن تخسر لك كم قرافت سواء بشكل ارادي او غير ارادي فلا تحط في خاطرك هو صحيح شي يكسر القلب بس شر لابد منه سواء بيدك او تخبط لك في شي او بطريقة الغسيل او ممكن حتى وانت نايم ويمكن حتى من طريقة تثبيت الجرافت ماكانت جيدة يعني الجرح ماكان عميق كفاية او ماوضعها الدكتور او الممرضة بشكل جيد. الدراسات اثبتت ان بعد 9 ايام يعتبر الجرافت ثابت في رأسك وحتى لو طاح الشعر فالبوصيلة موجودة خلاص. عادة سقوط الجرافت في بداية الايام يلازمه خروج دم ومثل ما اسلفت توقع ان تخسر كم جرافت واعتبرها صدقة ودفعة بلا عنك
10) اذا بتروح عالخطوط التركية انتبه لان اسعارهم ترتفع بشكل مفاجئ فاذا عزمت وقررت وحجزت موعد مع الدكتور احجز عليها على طول دام انها رخيصة وميزتها انها دايركت لتركيا. انا رفعوا التذكرة قبل ما احجز بيوم كنت أاجل على اساس ماراح يرفعون التذاكر بس الظاهر كل ما عدد الكراسي تقلّص يرفعون التذكرة واضطريت اغير ورحت عالاتحاد صحيح ارخص بحول 200 ريال من التركيّة بس فيها ترانسيت في ابو ظبي للي مايحب الترانزيت واللي ماعجبني في الاتحاد أكلهم جداً سئ صراحة.
11) اسئلة قد تخطر على بال الاعضاء لي:
لو رجع بي الزمن هل راح اسويها مع تايفون؟ الاجابة نعم
هل تنصح بتايفون؟ نعم لكن راح انصح اللي بيروح ان يعرف التعليمات ويتثقف بشكل كبير عن زراعة الشعر قبل العملية
في النهاية حبيت اوضح ان انا كنت فوق حيادي لأقصى درجة وانا شخص دقيق فحاولت اكتب كل ملاحظاتي تقريباً وانا رايح بفلوسي يعني ما في احد متصدق علي بالعملية علشان امدح الدكتور او اذمه بل اقيمه بما شفت منه ومن طاقمه بكل امانة علشان الاعضاء يستفيدوا لأقصى درجة ممكنة
اتمنى اني افدتكم ولو بشي بسيط واتمنى لكم جميعاً دوام الصحة والعافية