استفسار حول الميزوثيرابي

السلام عليكم ورحمة الله
انا اول مرة اشارك بهدا المنتدي وابدا مشاركتى بالسلام عليكم
واستفسار ادا سامحتو لي انا لا اعانى من صلع بشعري ولكن اعانى من خفة بشعري نظرا لانه عندي اظطربات هرمونية سببها تكيس .فا الاستفسار هنا تنصحونى انى اعمل ابرالميزو ثيرابي بمركز اوباجي الموجود بطرابلس لانى انا ترددت عليهم من قبل وصرفت لي الدكتوراة منيوكسيديل تركيز 5 فأرجو انكم تفيدوني
تقبلو تحياتى

وعليكم السلام ورحمة الله اهلين بيكي أختى , ابر الميزو ثرابي كويسه بكل وفي دكتور اسمه عادل المدير في بنغازي في عيادة الهرم وعيادة المروة وعنده نتائج كويسة وعندة زحمه هلبا وطرابلس مش عارف لكن من قبل سمعت بمركز الدولي للتجميل وشفت حلقة في صباح الشبابية زمان جايبيين دكتور منهم وشكلهم كويسين وموفقة

تسلم صحيت يابرقاوى انا بنتوكل علي الله وبنديرهم وانااول مره كشفت عند الدكتورة مريم بريون ووصفتلي مينوكسيديل وقلتلى علي الميزو بس انا خفت من الابر فقلت خلى نشوف ونسال المجربين والدكتورة هذي فى مركز اوباجى و في مستشفى شارع الزاوية ........................................................................بس معليش بنسألك هل ممكن عادي انه الواحد يشرى الابر الميزو بروحه ويعطيهم لدكتور المختص ام لا وادا ممكن من وين؟ وشكرا الله يبارك فيك

انا كنت اندير جلسة كل شهر عند الدكتور عادل المدير والجلسة تكلف 50 دينار والعقار المحقن صناعته فرنسي عبارة عن فيتامينات وبعض المعادن زي الزنك وعمليتي الاولى في مصر المستشفى ععرضوا عليا ناخذ منهم كمية تكفى لمدة كورس كامل 6 أشهر ف انظني في مصر تحصلي واذا كنتي تبي نظام الجلسة وتريحي راسك سعر الجلسة 50 دينار في بنغازي لكن في طرابلس مش عارف واي خدمة حاضر خوكي البرقاوي