عندي شعر كثيف جدا جدا في الصدر واحاب استغله وابغي رايكم يالذيابة

السلام عليكم

تقبل الله صيامكم وطاعتكم

خويكم بوعبدالله من الامارات شهر 3 سويت عملية ب جلستين في مركز ستار هير غطيت المقدمه وجزء من وسط الراس وبعد فترة بسير بكمل الباقي اذا الله اراد وعندي سؤال والي عنده خلفية بالموضوع ينورني فيه عشان استفيد انا وغيري

وسوالي عندي شعر كثيف جدا جدا في منطقة الصدر والبطن والكتف وحاب استغل هالشعر بزراعته في منطقة التاج واغطي الصلع

اي مركز يقدر ياخذ من الصدر ويزرعه في الراس

وحد من الاخوان جرب ياخذ البصيلات من الصدر

وشو بتكون النتائج من رايكم وانا عادي عندي اتكون طول الشعر قصير اهم شي تغطي الصلع بس

علما بان المنطقة المانحة عندي معقولة لا انها كثيفة ولا ضعيفة بس تعذبت في اول عملية 3 شهور كان تظهرلي حبوب يوميا في المنطقة المانحة بعد عملية مع اني كنت محافظ عالتعقيم وعدم التعرض للشمس

ادري الموضوع طويل بس تحملوني وفي انتظار رايكم يالذيابة

ممكن من الصدر اما البطن والكتف ماتوقع لان الشعرة الي بلبطن تكون ضعيفة وشعر الصدر اقوى
ستار هير يسونها لك ولاكن السوال هل تطلع ندبات في الصدر واضحة او لا؟؟
اتمنالك التووفيق

أصلع ملعلع قال:

عموما لا يغرك غزارة الصدر لأن شعر الصدر أحادي

أنقر للتوسيع...

بالنسبة لي شعر صدري أحادي وثنائي وثلاثي ورباعي بعد :d

أعتقد تختلف من شخص لآخر ولكن كثافة الصدر مهما بلغت شدتها ما تعطيك بأفضل الأحوال أكثر من 700 غرافت

بس بالفعل نقطتك مهمه أن شعر الصدر مظهره راح يكون مختلف

وأفضل مكان ممكن تزرعه فيه هو بين الشعر المزروع سابقاً يعني " تكثيف "

أما لو تم زرعه بمنطقة التاج فقط راح يبان وشكله ما راح يكون متناسق مع باقي الشعر

سمعت أن شعر الساق أكثر شعر قريب من شعر الراس بالإضافة إلى شعر اللحيه

واللة زين لو شعر السااق ممكن الاقتطاف منة كان وناسة ههههههههههههههه

فهد قال:

واللة زين لو شعر السااق ممكن الاقتطاف منة كان وناسة ههههههههههههههه

أنقر للتوسيع...

ممكن الاقتطاف من كل مناطق الجسم بما فيها الساق حتى شعر الابط والعانه اكرمكم الله

هذا سؤال لاحد الاعضاء للدكتور احمد التركي

https://www.hairarab.com/vb/showthread.php?t=4023