مينوكسيديل 5% ان شاء الله ايجيب نتيجة

السلام عليكم
بعد التفكير الطويل كنت انوى ازرع شعر مع العلم انه عندى شعر بس خفيف فى منطقة التاج اى
بداية صلع والارجح انه وراتى لنه اغلب العاله من ناحية الاب والام صلع
قررت ابدا بى العلاج وهو المينوكسيديل ودهبت اليوم الى الصيداليه
والقيت نوعين صناعه سوريه وصناعة تونسيه قتله ابي فرانسيه قالي هى التونسيه نفسها فرانسيه
المهم توكلت على الله واشتريت الدواء
وهادى الصوره للعلبه
https://www.hairarab.com/up/uploads/images/www.hairarab.com79760f8d44.jpg
وان مازال لم استعمل الدواء ان شاء الله استخير الله
وابداء من غدا ان شاء الله على مرحلتين وبأدن الله يكونو بى انتظام
اريد نصيحه لمن يستخدم فى المينوكسيديل
شن ممكن اخد معه لتحسين النتيجه ؟
وطريقة الاستعمال موضحه على الورقه التابعه للعليه لاكن مع البخاخ
شرينق ابرا ورشاش اين واحد استخدمه احسن ؟
https://www.hairarab.com/up/uploads/images/www.hairarab.com00c3691090.jpg

وياريت تفيدونى اكتر على العلاج
وان شاء الله اد جاب نتائج استمر عليه لن سعره مناسب واستخدامه مو صعب
واضراره تعتبر مش كبيره
فى انتظار نصائحكم وشكرا

هل الدواء اللى اشتريته اصلى
مع العلم بنتكلفة 23 دينار ليبي
اى
17 دولار تقريبا

لو خذيت الابرة عبيها لعند رقم 1 ملل في القياس المخطط على الابرة من الخارجي مرتين يوميا صباحا ومساءا وكان خذيت البخاخ بخ على مكان التساقط عدد البخات المكتوبة في النشرة الورقية وتقدر تاخذ حبوب بروبيشا(فيناستريد1ملجمFinastride) ومرات تلقاها باسماء تانية زي بروهير (Prohair)او نوبيشيا(Nopecia) يستعمل الفيناستيريد لعلاج حالات الصلع الناتجه عن التغيرات الهرمونية عند الرجال (الصلع الجزئي)ويقلل من تركيز مشتقات هرمون تستوستيرون في كل من البلازما وفروة الرأس ,هذا التركيز المنخفض من شأنه أن يثبط التأثير السلبي على بصيلات الشعر فيساعد على نمو الشعر وظهوره مرة أخرى ويجب توخي الحذر عند استعمال هذا الدواء مع المرضى الذين يعانون من قصور في وظائف الكبد ومع العلم أن الاعضاء قالوا ن البروبيشيا عندها اثار جانبية على المدي البعيد على الخصوبة وننصحك باستشار طبيب جلدية مع تحياتي اخوك البرقاوي

البرقاوي الليبي قال:

لو خذيت الابرة عبيها لعند رقم 1 ملل في القياس المخطط على الابرة من الخارجي مرتين يوميا صباحا ومساءا وكان خذيت البخاخ بخ على مكان التساقط عدد البخات المكتوبة في النشرة الورقية وتقدر تاخذ حبوب بروبيشا(فيناستريد1ملجمfinastride) ومرات تلقاها باسماء تانية زي بروهير (prohair)او نوبيشيا(nopecia) يستعمل الفيناستيريد لعلاج حالات الصلع الناتجه عن التغيرات الهرمونية عند الرجال (الصلع الجزئي)ويقلل من تركيز مشتقات هرمون تستوستيرون في كل من البلازما وفروة الرأس ,هذا التركيز المنخفض من شأنه أن يثبط التأثير السلبي على بصيلات الشعر فيساعد على نمو الشعر وظهوره مرة أخرى ويجب توخي الحذر عند استعمال هذا الدواء مع المرضى الذين يعانون من قصور في وظائف الكبد ومع العلم أن الاعضاء قالوا ن البروبيشيا عندها اثار جانبية على المدي البعيد على الخصوبة وننصحك باستشار طبيب جلدية مع تحياتي اخوك البرقاوي

أنقر للتوسيع...

بارك الله فيك خوى البرقاوى لاكن هل الدواء هدا اصلى زى اللى قتلى عليه ولا لا ؟
وكم نقعد دايره ونغسل راسي قصدى كم ساعه

مرحب يا ولدنا انا كنت ناخذ في السوري سعته 60مل لمدة شهر ولعندك هضا سعته 120مل يسد لمدة شهرين وبلنسبة للغسل والله ماعنديش علم بزبط كنت نخلي فيه لعند ماتمصه فروة الرأس ونطمن وبعدها نغسل وانت احكم

البرقاوي الليبي قال:

مرحب يا ولدنا انا كنت ناخذ في السوري سعته 60مل لمدة شهر ولعندك هضا سعته 120مل يسد لمدة شهرين وبلنسبة للغسل والله ماعنديش علم بزبط كنت نخلي فيه لعند ماتمصه فروة الرأس ونطمن وبعدها نغسل وانت احكم

أنقر للتوسيع...

اهاا قريت فى بعظ المنتديات انه الافضل الغسل بعد 4 سعات من وضعه
باهى طمنا جاب معاك نتيجه لين كنت تستخدم فيه
وامنور واجد خوي البرقاوى

وسمعت انه فيه حبوب فيتمينات تقوى الشعر لو تعرف عليها شي ياريت تكتبلى اسمها ؟

انا ماجابش معايا نتيجة ممكن لاني نخدم في المواقع التفطية في الصحراء وانت عارف صحراء ومياه مالحه نوعا ما ونقعد فترة طويلة تصل للشهر ولكن جاري جاب معاه نتيجة وشعره ماشاءالله رجع زي ماكان وأعتقد تختلف نتائجه من شخص لاخر وبالنسبة للفيتامينات فيه كبسولات اسمهن غذاء ملكات النحل او حاجه زي هكي كويسات بكل وانزيد وانقولك راجع دكتور جلدية كويس صدقني يفيدك وأفضلك

البرقاوي الليبي قال:

انا ماجابش معايا نتيجة ممكن لاني نخدم في المواقع التفطية في الصحراء وانت عارف صحراء ومياه مالحه نوعا ما ونقعد فترة طويلة تصل للشهر ولكن جاري جاب معاه نتيجة وشعره ماشاءالله رجع زي ماكان وأعتقد تختلف نتائجه من شخص لاخر وبالنسبة للفيتامينات فيه كبسولات اسمهن غذاء ملكات النحل او حاجه زي هكي كويسات بكل وانزيد وانقولك راجع دكتور جلدية كويس صدقني يفيدك وأفضلك

أنقر للتوسيع...

امنور واجد وان شاء الله انشوف دكتور جلديه وبارك فيك والله ماقصرت

البرقاوي الليبي قال:

انا ماجابش معايا نتيجة ممكن لاني نخدم في المواقع التفطية في الصحراء وانت عارف صحراء ومياه مالحه نوعا ما ونقعد فترة طويلة تصل للشهر ولكن جاري جاب معاه نتيجة وشعره ماشاءالله رجع زي ماكان وأعتقد تختلف نتائجه من شخص لاخر وبالنسبة للفيتامينات فيه كبسولات اسمهن غذاء ملكات النحل او حاجه زي هكي كويسات بكل وانزيد وانقولك راجع دكتور جلدية كويس صدقني يفيدك وأفضلك

أنقر للتوسيع...

خوى البرقاوى معليشي استفسار
انا اليوم زرت دكتور عام المهم هدرزت معاه مالقيتش جلديه هنا
المهم قالى انا كنت نستعمل فىه لاكن مامشاش معاى مش عارف قالى اتر على شوي فى عيني وفيه حكه لاكن انت جرب مرات يمشي معاك
انا نبي نسالك بما ان جارك مش معاه دارله حساسيه ولا اى شي ولا مش جوه تمام
وكم له يستخدم فيه

انا استعملته اكثر من 6 شهور ما أثرت على عيوني مرات يسببلي قشرة وجاري ماشاءالله اموره تمام

انا رحت امريكا وقالو لي افضل نوع الريجون رغوه

هو الافضل على الاطلاق وهو اوربي لكن لاعرف من اين ربما بلجيكي او الماني

طرابلسي قال:

هل الدواء اللى اشتريته اصلى
مع العلم بنتكلفة 23 دينار ليبي
اى
17 دولار تقريبا

أنقر للتوسيع...

هدا تونسي مش أصلي.
الدوا الأصلي انجليزي أو بلجيكي سعره 70 أو 75 دينار.