الشكر الجزيل لهذا المنتدى والقائمين عليه واعضائه ..
فقد احيوا فينا الامل بعد الياس .
قصتي مع الصلع
فقد احيوا فينا الامل بعد الياس .
قصتي مع الصلع
انا عمري ليس بالصغير .. ولاني بقايل لكم .. بس مانا بعيد عن السن اللي يتقاعد فيه الموظفين .. بدأت قصتي من عشرين سنه تقريبا ثعلبه في الراس ولا اهتميت بها في حينه .. خليتها تسرح وتمرح لين عاثت في شعر الرأس فساداً ..
بعد حوالي عشر سنوات حسيت بالمشكله وبديت ابحث عن حل ..
قصتي مع محاولات العلاج
بعدما ماحسيت بالمشكله وصار راسي مثل الصور اللي ينشرونها لسطح القمر ملئ بالفجوات .. لان المشكله ماهي صلعه في اعلى الراس لكن حفر على الجوانب وبقع .. وصرت ما اقدر اكشف عن راسي .. حتى مع زوجتي ما اشيل الغتره في غرفة النوم الا بعد ماتطفي النور .. امزح ..
بدأت ابحث عن علاج حيث كانت الخطوات كالتالي :
1. اخذت من صيدليه الزحيفي علاجات كانوا يروجون لها لانبات الشعر وكانوا يرسلونها بالبريد بعد ماتحول لهم الفلوس .. ولكن ماجابت فايده .
2. رحت لعيادات ديرما بالرياض وكانت وقتها ماهي بنفس حجمها الكبير اليوم .. واعطوني علاجات وكان منها (كورتيزون) ولكن هذا العلاج سبب لي مشكله فتوقفت عن استخدامه وقلت الصلعه ارحم .
3. بعدها راجعت عيادات (اوباجي) بالرياض يمكن قبل حوالي سبع سنوات وقالوا نقص شريط من فروه الراس من الاعلى من اول الجبهه باتجاه الخلف ، ثم نسحب الجلد من الجهتين ونقرب المنطقه اللي فيها الشعر لوسط الراس .. وانحشت من عندهم وماعاد رجعت لهم ..
4. بعدها سمعت عن المركز رقم (101) في العليا ورحت لهم واعطوني من هالدهون وعلاج طبيعي ويجلسون يخبطون على الراس كل موعد حوالي ساعه .. واستمريت معهم حوالي اربعه أشهر .. واتضح ان ماعندهم سالفه .
5. بعدها رحت لـ(بولو) وقلت ياجماعه اعطونا شئ يستر هالصلعه الله يستركم بالدنيا والاخره .. ماقصروا عملوا لي باروكه بكلبسات .. استخدمها فقط اذا سافرت خارج المملكه لان اسفاري كثيره .. وكنها رفعت معنوياتي شويه وسرت اتمختر ولا علي في احد .. بس ان مشكلتي ما اقدر البسها داخل المملكه لان الكل يعرف الصلعه وبيعرفون انها باروكه ثم اصير اضحوكه .
6. في رمضان الماضي 1431هـ دخلت على الجوجل وبحثت عن زراعة الشعر والقى منتداكم المبارك اللي طمنّي كثير وسهل الامر وكمان شفت مقابلة الدكتوربسام الجباعي في اليوتيوب .. وقلت ياشيخ الحق عمرك .. سويت موعد يوم 14 شوال 1431هـ .. وقابلت الدكتور الجباعي وكان الانطباع الاولي مريح .. وهذا نصف العلاج .. اعطيته قصة حياتي مع الصلع .. وبعد الكشف قال والله حالتك صعبه .. وتصنيفك في المرحلة السابعه .. ولو فيه اكثر من هالتصنيف حطيناك فيه .. لكن خليني احولك على الدكتور ( عبدالله الخليفه ) في نفس العياده يداوم فقط كل يوم اثنين ويشوف حالتك يمكن عنده حل .. واذا ماعنده حل ممكن اشوفك ثاني مره وابداء بالبقع اللي على جوانب الراس .. ونواصل لين نحاول نعدل بعض الشئ .. سألته اذا كان فيه حالات مشابهه لي .. قال فيه حاله واحده عنده .. وخلاني اشوف صور تلك الحاله قبل وبعد .. والله كانت مشجعه .. طبعا لم نتطرق الى السعر لان الوضع ماهو واضح .
حجزوا لي موعد يوم 4 اكتوبر القادم عند الدكتور (الخليفه ) بانتضار مايقرر ..
حبيت احطكم في الصوره كرد جميل لهذا المنتدى المتميز .. وسوف اوافيكم بما يستجد لاحقا .. تحياتي للجميع .. وتمنياتي بشعر منسدل على الاكتاف لكل المصلعين .
