bnr1 bnr1
bnr1 bnr1 bnr1 bnr1
bnr1 bnr1 bnr1 bnr1

تعالوا شوفوا جبهتي وش صار عليها (تحديث بعد سنه)

جبهة حرب

متميزة
صاحبة تجربة
إنضم
26 أكتوبر 2011
المشاركات
614
مستوى التفاعل
1
النقاط
18
الإقامة
المملكه العربيه السعودية , الرياض

السلام عليكم ورحمة الله وبركاته

اسعد الله أوقاتكم بكل خير

اخواتي واخواني الفاضلات والفاضلين ...


حبيت أطرح لكم مشكلتي .. نبدأ بسم الله

اول شي من اسمي (جبهة حرب) تبدأ المعاناه

انا شعري ولله الحمد عادي مو خفيف ولا كثير رغم إنه يتساقط ويميل للقلة لكن ولله الحمد إن مافيه فراغات باينه بالشعر ..

مشكلتي كلها في مقدمة الراس منطقة الجبين .. (الجبهه)

جبهتي كبيره مو بس واسعه كبيره ومشوهه لي والشعر في المقدمه خفيف ... كانوا يقنعوني ويقولون وسع الجبهه علامة من علامات الجمال (ايه هين ما أبي هالجمال :(:() واللي يقولك ذكاء :confused:


المهم لما كنت طفله ماكنت حاسه وعادي وألعب مع الاطفال انا وجبهتي ...

بدأت معاناتي مع بدايات مرحلة المراهقه .. لما بدوا الاطفال يعيروني في جبهتي ويناظرون لها والامهات يخطفون ابصارهم خلسه ويقارنون جبهتي بجباه اطفالهم وتعليقات خواتي والابتسامات الخفيه ..

وفي أيام الأزمه رغم إني كنت صغيرة السن لكن مدركه كانوا كل مايقولون جبهة حرب أحسهم يقصدوني وأبدأ اتحسس جبهتي :D:D

والأولاد الأشرار كانوا يسمون جبهتي مطبات :(:(

بعدها بديت أخبي شعري بقذله وبقصة شعر وبشباصات وتسريحات ومشت الامور وكانت كويس بس انا من داخلي مو مقتنعه نفسي ارفع شعري والمه فوق احسه يطلع حلو علي لكن مقدر

مره تجرأت وسويتها صاروا البنات يسولفون معي ويناظرون في جبهتي :eek::eek:

ماكررتها

كل يوم اعاني امام المراه واحاول اخبي جبهتي واجيب شعر من ورا ومن قدام ومن على جنب ويمين ويسار لين تضبط الامور ...


قررت ازرع وبديت ابحث بالنت هل ممكن ازرع الجبهه لإن مافيها بصيلات .. وعرفت انه ممكن :) :)

رحت للدكتور جمال جمعه بحكم إني أثق بالكوادر السعوديه وقالي جبهتك منوره بزيادة :confused:

وقاس انفي وحنكي وقارنه بالجبين وطلعوا اصغر :D:D

قالي تحتاجين جلستين الاولى تحديد خط مقدمة الجبهه والثانيه تكثيف ... وكل جلسه بـــ 12ألف يعني 24 ألف

صراحه كثير وكنت وقتها ابي سياره (حسيت كأني ابو الشباب :D ) قلت أولى هذا المبلغ اوفره وازيده واشتري سياره صاحيه .. شريت السياره وتفرغت لجبهتي :D:D:D


بعد بحث بالنت مطول لقيت الكثير يمدح د.بســــام جــــباعـــــي

واللي شجعني برضو اسعاره اشوفها كويسه مقارنة بغيره

جيت عنده زيارة اولى ولما شاف جبيني سألني عن هرمون الذكوره

كل هالانوثة يادكتور وتقولي هرمون ذكوره :(

بعد التحري والأسئلة أستبعد إنه يكون عندي ..سألني عن الوالدة قلت له الوالده جبهتها تهبل إن ماكانت صغيره .. بس الوالد أصلع لين الآذان

تقول أمي من أخذت ابوك وهو أصلع .. ولما شفته ليلة الزواج ارتعت منه ..

لكن الوالد ماشاء الله ثقة عاليه بالنفس يتمشى بصلعته في البيت ومهويها ...

يعني لو كنت محتاج مراية سلم بس على راس الوالد ههههههههههههههههههههههه

قالي الوالد ماله دخل .. أجل من وين جتنا الجبهه ياناس :confused::confused:

بدا يقيس لي ويرسم لي حدود الجبين الجديد
قلت له مازال يادكتور كبيره... قالي لو ننزل اكثر بيبان غير طبيعي ومو حلو ... قلت انت أدرى يادكتور

قالي بناخذ 2700 قرافت تقريباً والتكلفه بعد خصم الاستشارة وبعد خصم إني موظفة حكومه طلعت علي بـــ 17400 ريال وقالي ماتحتاجين جلستين ليش أعرضك لمخاطر والالام ... نعملها جلسه وحده تحديد مقدمة الراس وتكثيف

قلت خلاص توكلنا ع الله

ومن كثر ماني مستعجله قلت دقوا علي أي وقت .. لو مريض كنسل او شي انا جاهزه


وجــــــــــــــاء مـــــــــــــــــــوعــــــــــــــــــــد العمـــــــــــــــــــــليــــــــــــــــــــة :eek:

للحديث بقية


تحياتي
 

abomaaashy

New Member
إنضم
14 أكتوبر 2011
المشاركات
5
مستوى التفاعل
0
النقاط
1
أختي جبهة حرب يكفي روحك الحلوه وحسك الفكاهي في تزيينك واخفاء أي عيب قد يراه الناس عيبا ولو أني حاسس بمعاناتك كوننا من نفس الجيهه والخطوط الاماميه :)
لكن ان شاء الله تنجح العمليه وتكون النتيجه اللي تتمنيها
 

جبهة حرب

متميزة
صاحبة تجربة
إنضم
26 أكتوبر 2011
المشاركات
614
مستوى التفاعل
1
النقاط
18
الإقامة
المملكه العربيه السعودية , الرياض


اشكر لكم ردودكم ... ودعاؤكم لي .. يااااارب تطلع النتايج زينه إن شاء الله


نكمل الموضوع

حجزت موعد للعملية وضبطت اموري واخذت اضطراري لذلك اليوم

وسبحان الله دقوا علي وكنسلوا الموعد لظروف خارجة عن إرادة الدكتور وقالوا لي راح نحدد لك أقرب موعد .. ونعمل لك تخفيض إن شاء الله

بيني وبينكم تضيقت وقلت يمكن خيره من ربي يمكن ماتصلح لي

بعده بأسبوع دقوا علي قالوا بكره فيه إمكانية ممكن ؟

قلت آييييييييييييييييه ممكنننننننننننن :d:d:d

ليلة العملية رحت انا واختي نتعشى في مطعم بحريات عشان الزنك مفيد للشعر ههههههههههههه :d

واخذت دش ونمت ع الساعه 1 ونص والحمدلله نمت زين لإني كنت صاحيه من بدري وقعدت ادعي ربي قبل النوم

صحيت الصبح أفطرت زيييين ورحت لهم وصلت العياده وعلموا لي خصم الف ريال عشانهم كنسلوا العمليه :d

يعني طلعت علي بــ 16400 ريال ولله الحمد كل تأخيره فيها خيره

فحصوا ضغطي قالت ممتاز وعطتني حبه شافوا شعري قالوا نظيف

وبدا الدكتور وربطوا شعري ... كأنها تسريحة صينيه

حط كريم مخدر بعدها بدا يحلق ويقص ... انا قلبي عورني اول مره اسمع صوت مكينه بالشعر :(:(

بعدها بدا شك الأبر هي مو مؤلمة ممكن الواحد يتحملها بس الصوت مزعج

ويسألني نكمل ؟ كل شي تمام وانا اقول ايه كمل

وخلص الشريحه.. وبدا يغز بالجبهه

صراحه الابر اللي من ناحية الاذن او الصنادح اللي على قولتهم اكثر شي ضايقتني

المشكله كل ما أقول خلاص رجع زاااد .... مو مؤلمه بس تحس كأن فيه سائل يملأ راسك ويشد وفيه ألم

بس انا الحمدلله صبوره واعمل إيحاء لنفسي أقول هذا مو ألم هذا دغدغه :d

ويسألني اكمل وانا اقول ايه .... يسألوني شاي قهوه أقول لا أبد كملوا بس

خلص وبدا يشقشق بجبهتي وانتهىى ولله الحمد

جابوا لي غدا وتغديت وصليت بدون انحناء طبعاً

والممرضات تقريباً 5 يفصلون بشعري

بعدين بدوا يزرعون الشعر بالجبهه

صراحه الوقت طوييييل وانا أغفي وانام لحظات واقوم واطالع والقى هالفلبينيات ع راسي وقرق

وحده صراحه طفشتني كل شوي تقول اوووووووووف اوووووووووووف بغيت اتكلم عليها اقول لها مالك خلق لاتشتغلين

خلصوا تقريباً 5 العصر

وانا ما أخذت ألا بريك للغدا والصلاه فقطططططط ....كل شوي يسألوني تبين ترتاحين .. دايخه وانا اقول لأ وانا فعلاً ولله الحمد كانت معنوياتي عال العال

وخلصنا وصليت العصر وجاني الدكتور عطاني الادويه

اللي هي المضاد والكرتزون والتعليمات

ورجعت البيت وامي ماتدري إني مسويتها

تخبيت بالغرفه وقعدت بشرشف الصلاه طول اليوم خخخخخخخخ :d:d

لأن امي رافضه اسويها وقالت لي مره إذا سويتيها لاتعلميني

وتجي امي تطل علي تقولي انتي فيك شي (سبحان الله أحساس الأم )

وانا انكر واقول مافيني شي

لما جيت انام جتني اختي تسألني عن المغامره مادرينا إلا وامي طابه وجبهتي وزرعاتي طالعين هههههههههههه

امي ما أنتبهت بس كانت قلقانه تقولي اختك فلانه فيها شي ولدها فيه شي .... عيال خواتك فيهم شي اخوانك فيهم شي عيالهم صاير عليهم شي ..

ياعمري امي شايله هم تظن فيه موضوع سئ مخبينه عليها

قلت لألألألألألأ بقولك بس ماتزعلين قالت قولي : قلت لها زرعت جبهتي

قالت أشوى الحمدلله:d:d تقبلت الموضوع

وانبسطت انا وكأني طلعت من السجن الانفرادي وطار مني النوم

بعدها نمت على 1 كذا ما أخفي عليكم واجهت صعوبه

حطيت اربع مخاد .. الالم كان فقط في المنطقة المانحه مو ألم شديد بس شدددد واخذ بنادول وانام ساعتين والحمدلله

واليوم الثاني رحت لغسيل الشعر

اثناء الغسيل يفركون بقوه كان مزعج وشوي ألم لكن بعد ما خلصوا حسيت براااااحه قالي الدكتور عشان مساج

الايام اللي بعدها

مالحظت انتفاخ بالجبهه ولاشي بس كأن فيه شووووي انتفاخ غير ملاحظ يختفي إذا انسدحت غير ملاحظ مره كأني عامله بوتيسك انبسطت هههههههههههه :d:d

اللحين الحمدلله مافيه أي شي طبيعي جداً حتى زرعاتي اخبيهم بشعري زي اول

فيه احساس بشد بالمنطقه المانحه ومنطقة الزراعه فقط لكن مو مؤلم ابد

إن شاء الله لما أفك الغرز يختفي هالاحساس زي مافهمت من الاخوات والاخوان

دعواتكم لي بالتوفيق
 

جبهة حرب

متميزة
صاحبة تجربة
إنضم
26 أكتوبر 2011
المشاركات
614
مستوى التفاعل
1
النقاط
18
الإقامة
المملكه العربيه السعودية , الرياض
ايه نسيت اقولكم يوم خلصوا الممرضات

جابوا لي شعري اللي قصوه :(

قالوا تبينه تستخدمينه كأكستنشن قلت لا الله لايحوجني

بس عورني قلبي يوم جابوه لي كذا مربوط كأنه ذيل هههههههههههههه

الله يعوضني بجبهتي ياااااااااارب ولايخسرنااااااااا


تحياتي
 

_ ok _

متميز
صاحب تجربة
إنضم
13 فبراير 2011
المشاركات
317
مستوى التفاعل
0
النقاط
16
الف الحمدلله على سلامتك


يالله عقبال النتايج اللي تسرك



ماشاء الله روحك المعنويه مرتفعه مع انك جبهتك كبيره :p






طبعا مع فك الغرز راح تحسين انك ما سويتي عمليه
كلها 10 ايام وترتاحين


موفقه ان شاء الله
 
إنضم
26 يناير 2011
المشاركات
74
مستوى التفاعل
0
النقاط
6
مشاء الله عليكي اختي جبهة حرب روح وخفه دم رغم كبر الجبه وهذا يدل على ان الجمال جمال الروح:p

والحمدلله على سلامتك وعمليه ناجحه بأذن الله
 

لين

Member
إنضم
8 يوليو 2011
المشاركات
52
مستوى التفاعل
0
النقاط
6
مبروك الف مبرووووووووووووووووووووك
حمدالله على سلامتك اختي
ورينا يكتبلك نجاح هالعملية وان شاءالله كل شعرة زرعتيها تطلع :)
 

صنيدح

Member
إنضم
7 مارس 2011
المشاركات
136
مستوى التفاعل
0
النقاط
16
ذيــل آجل ههههههه .. الله عطآك كبر جبه لاكن عوضك بخفة دم


ألف ألف ألـــف مبروؤوكـ

و الحمممد لله ع السسلآمـهـ .
عقبآإل النتآإئج الي تسسعــدك وتسسرك وتغدي الجبهـ وش ززينه :D
والله تقريبآ جبهتي حووول جبهتك وآلعن يمكن هــع . ونفس البربسه بس انا آغطيها بالشمآإغ مو بالقصه المغشوشه :p
تهقين لو آروح للدكتور يزرع لي الجبةة بالعآإدهـ يرفضون . بس شكلي بقوله عن طريقك ;):D ..


بالتووفيق يآخييه .
 

جبهة حرب

متميزة
صاحبة تجربة
إنضم
26 أكتوبر 2011
المشاركات
614
مستوى التفاعل
1
النقاط
18
الإقامة
المملكه العربيه السعودية , الرياض


تتريقون على جبهتي :mad:

إن شاء الله كلها شهور واجي اقهركم بجبهتي واشتري طوق ---------> حلمها تلبس طوق

اشكر كل من رد علي ... وإن شاء الله يارب تكون النتايج مرضيه

اخ م.احمد صالح ..

اللي اعرفه بالعكس المفروض تكون المنطقه ناشفه لأنه جرح والرطوبه مو كويسه عشانها
والله يستر انا اعمل لها مساج من فتره لأخرى :confused: :confused: على بالي احسن

اخ صنيدح

ليش ماتصلح ؟؟

انا قلت لهم فيه امكانية لزراعة الجبهه بحكم إن مافيها بصيلات وقالوا ايه عاااادي جداً
بس يمكن انت المنطقه المانحه ماتساعد مدري .. قلنا وش السبب


تحياتي
 
إنضم
11 يناير 2011
المشاركات
81
مستوى التفاعل
0
النقاط
6
الف حمد الله على السلامه ياجبهة حرب

وانشاء الله ان عمليتك ناجحه عشان تفائلك وروحك الحلوه
 

ابو الوليد

New Member
إنضم
4 يوليو 2011
المشاركات
9
مستوى التفاعل
0
النقاط
1
الف مبروك والحمدلله على السلامة
والله يتمم عليك وتشوفي النتايج اللي ترضيك
 

uri

Member
إنضم
19 يوليو 2011
المشاركات
56
مستوى التفاعل
0
النقاط
6
الف مبروك وعقبال النتايج اللي تسرك وان شالله تغيرين النك من جبهة حرب الى ام غره ......... اهنيكي الصراحه على روحك المرحه موضوع مسلي ومشوق جداااا.
بالتوفيق
 

Tetralove

متميز
صاحب تجربة
إنضم
7 أغسطس 2011
المشاركات
61
مستوى التفاعل
0
النقاط
6
الف الحمد لله على سلامتك اختي

لا لا مانبي نتريق على جبهتك بس نفسي اتزلج على جبهه ههههههههههههههه

تحياتي لك وان شاء لله النتائج الطيبه
 

صنيدح

Member
إنضم
7 مارس 2011
المشاركات
136
مستوى التفاعل
0
النقاط
16


اخ صنيدح

ليش ماتصلح ؟؟

انا قلت لهم فيه امكانية لزراعة الجبهه بحكم إن مافيها بصيلات وقالوا ايه عاااادي جداً
بس يمكن انت المنطقه المانحه ماتساعد مدري .. قلنا وش السبب





السبب قآإلي دكتور : آنو مآإيجووز ششرعـآإ نزرع مكان من الأصل مانبت فيه شعر مثل الجبهه :confused::eek:
 
إنضم
31 أكتوبر 2011
المشاركات
45
مستوى التفاعل
0
النقاط
6
اسلوب رائع ولطيف
ومن جد اضحك من قلب على بعض العبارات خاصة يوم تقولوين ربطو شعري طلعت كأني صينية ,
احس ان عيونك طلعت

ويارب تكون النتائج على خير ماتحبين
 

جبهة حرب

متميزة
صاحبة تجربة
إنضم
26 أكتوبر 2011
المشاركات
614
مستوى التفاعل
1
النقاط
18
الإقامة
المملكه العربيه السعودية , الرياض

uri

الله يسمع مننننننننننك يااااااااااااااارب واغير النك ويصير ام غرة طايحه على عيونها ههههههههههههههههههه :cool:

tetralove
زحلقوك في ملعب صابوني قال آمين .. اللي يسمع يقول شعرك طايح على خشمك ماسجلت بهالموقع ألا وانت محسوب على الصلعان صلعة لماعه بعد خخخخخخخخخخخخخ :D:D

الاخ صنيدح

والله غريبه دكتور مطوع الله يجزاه خير ... تصدق عاد انا فكرت كثير من جهة الحرام لكن لما شفت انها تشوهني وكثير من الناس ماعارضوا لما قلت لهم بزرع ... والمشايخ يقولون بالنسبه للنساء إذا اجتمعت 4 نساء عاقلات أن الشي مشوه جاز تغييره وانا اجتمعوا اكثر :D:D
الله يستر يارب ماودي ادخل بتغير خلق الله :( ... لكني استخرت الله كثير قبل العمليه والحمدلله صارت .. قلت بنفسي لو إن ربي ما أراد أو لو إنها حرام ماسهلها ربي لي ..
ع العموم جزاك الله خير على تقواك .. من ترك شيئاً لله عوضه الله خيراً منه


منخفض جوي
هههههههههههههه ايه فعلاً طلعت عيوني تخيل شعر وملزقينه بلزاق :confused:


تحياتي
 

upperlight

متميز
صاحب تجربة
إنضم
21 أغسطس 2011
المشاركات
41
مستوى التفاعل
0
النقاط
6
ههههههههه

الحمد لله على السلامة.

اتمنى لك التوفيق.
 
أعلى