bnr1 bnr1
bnr1 bnr1 bnr1 bnr1
bnr1 bnr1 bnr1 bnr1

قررت اترك بخاخ المينوكسديل

مهمووم

Member
إنضم
17 أبريل 2011
المشاركات
120
مستوى التفاعل
0
النقاط
16
السلام عليكم ورحمة الله وبركاته...اخواني اخواتي ابي اسردلكم قصتي وياليت تفيدوني...

انا عمري 22 سنه وعندي الشعر ضعيف شوي وفيه فراغات فروة الراس..رحت للدكتور احمد التركي

وقالي لازم تستخدم بخاخ المينوكسديل 5 % ولا قالي ترا شعرك بيروح كله ولازم تستخدمه طول العمر

كنت متحمس شوي وقلت ان اشاءالله...المهم اخذت البخاخ واستخدمته لمدة 25 يوم وبدا التساقط وقفته

لاني والله ماكنت عارف ان بدايته راح يتساقط وراح يرجع زي اول لكن تحطمت بشي ثاني اني استخدمه

طول عمري وكل يوم وانا والله عارف نفسي ماراح استمر عليه وانا بأول عمري والاعمار بيد الله ولازم استخدم المينوكسديل حق ادمه وانا بعيد عنهم بالمره لان شعري راح يتعود ع

البخاخ حقهم...المهم

جتني حاله نفسيه حتى الازمه هذي والله اثرت فيني بأختباراتي ماكنت اذاكر زين وكنت ناقل الهم...

فقررت اروح لحلاق عندنا بالديره يعالج شعبي ويعرف بالجلديه قلت له موضوعي وقالي نصيحه ارمي البخاخ

وامشي على الي اقولك عليه قلت والله انا متورط حاليا راح امشي بالي تقولي عليه قال جيب زيت زيتون

لازم يكون من الاصلي وحطه بفنجان بمقدار الي بتحطه براسك واعصر عليه عصرتين ليمون وابدا حطه براسك وغطه بكيس لمدة اقل شي ساعتين بعدها اغسله...


لمدة 4 شهور مره وحده بالاسبوع وقالي والله فيه واحد جرب هذي وررجع شعره احسن من الاول قوي

وقالي طبعآ لمدة اربع اشهر رراح يتساقط معك وهذا شي طبيعي قلت ان شاءالله بمشي عليه وامري لله..

وقالي حاجه مهمه لازم تدلك شعرك كلما هذا تدليك كامل...

طبعآ الحلاق هذا معروف بسمعته انه انسان صادق من ناس تعالجوا بحاجات ثانيه عنده ويوقولون ماشاءالله عليه

فاهم...طبعآ ابن الحلال لو قصده ماده كان اخترع لي علاج ودفعت له فلوس لكن قالي تعال بعد اربع شهور

وشوف شعرك ان شاءالله بيرجع مثل اول واحسن قلت ان شاءالله...

والله يـ اخواني من بداية التساقط لساعتكم هذي وانا والله مهموووم حتى والله هالمشكله اثرت فيني وانا

اختبر بس افكرررر واقول الحين اذا مازبط العلاج السنه الجايه مثل هالوقت اصلع ومابي شعر وانا بأول عمري..

واقول الحين يمكن ماراح يفيد الزيت الزيتون لاني تركت البخاخ ومازال تاثيره موجود واني كذا صرت اخلط طبعآ الحين لي اسبوعين وانا استخدم زيت الزيتون وتارك البخاخ...

والتساقط مازال مستمر طبعآ اذكركم ان البخاخ ماستخدمته الا 25 يوم بس... فياليت يأخواني للي جرب مثل حالتي ولا بخبرتكم تفيدوووني لاني يوم عن يوم

احسني ابي امووت والله...الله يوفقكم ويجزاكم خير فيدوني....
 

ابو بدر

متميز
صاحب تجربة
إنضم
1 أبريل 2011
المشاركات
2,666
مستوى التفاعل
3
النقاط
38
تحس انك بتموت ليه ؟ كلنا مر علينا هالشي ولا متنا الحمدلله وبعدين احمد ربك انت بوقت تقدر تبحث وتسأل مو مثل اول ماكان الواحد يعرف شي عن العلاجات ولا الزراعه يارجال ريح نفسك هالاسبوعين عشان ماياثر على مذاكرتك وذا خلصت بإذن الله تنحل مشكلتك أنا فقدت شعري يوم كان عمري اعتقد 20 او اقل شوي عقب ماكان طويل وناعم ولو كنت وقتها افكر بتفكيرك كان الحين ماتشوفني بالمنتدى <<<< يعني ميت قهر هههههه* *
 

مهمووم

Member
إنضم
17 أبريل 2011
المشاركات
120
مستوى التفاعل
0
النقاط
16
لاني انا بنفسي تلقفت واخذت البخاخ كان المفروض اسال عنه بـالاول وش تأثيره ونتايجه بأول شي لكن الدكتور الله يهديه

ماعلمني ان اوله تساقط....انا الحمدلله خلصت اختباراتي...التساقط مازال موجود وانا مادري هو بسبب البخاخ او الزيت

الزيتون يعني الي بسأله هل يأثر البخاخ دامني استعملته 25 يوم او لا....؟؟؟؟

واي احد جرب الزيت الزيتون بنفس طريقتي هذي.,..؟


مشكور ابو بدر ع مداخلتك...لكن استغربت من شي 52 مشاهده ورد واحد بس....!
 

ابو بدر

متميز
صاحب تجربة
إنضم
1 أبريل 2011
المشاركات
2,666
مستوى التفاعل
3
النقاط
38
اهم شي ريح نفسك وقلل التفكير لانه يسبب لك قلق والعوامل النفسية لها دور بتسريع تساقط الشعر وان شاء الله يجي احد مجرب ويفيدك بالتوفيق اخوي
 

SkoOoN AlGaR7

Member
إنضم
20 مايو 2010
المشاركات
279
مستوى التفاعل
0
النقاط
16
اخوي مهموم كلنـا مرينـا بنفس تجربتك بالضبط

والله يلوم اللي يلومك الصلع بعز شبابك ( مصيبه ) ويأثر بنفسيه الشخص كثير

لكن الآن تغير الوضع والطب تطور ,, واعتقد انت الآن ببدايه الصلع وممكن ماتعديت المرحله الثانيه

عشـان كذا لازم تحافظ ع شعرك بأي وسيله مثل ماقالك الدكتور والا بيروح شعرك

اخوي اذا الصلع وراثي ,, مع الاسف ماينفع لا زيت ولا غيره ,, اعتقد مافيه زيت بالعالم ماجربته زيت حشيش
زيت كابور ,, زيت الجرجير كل شي جربته مافادني بشي ,, كله كلام فاضي

وبالنسبه للمينو كسيديل انا جربته اربع سنوات بفترات متقطعه وهو ممتاز

لكن بشرط ( انك تستمر عليه طول العمر )

واتوقع انك فاهم المسأله هاذي غلط ,, الدكتور قال تستخدمـه طول العمر صحيح ؟

لكن ماقال انك تواصل على نفس الجرعه طول العمر ,, يعني اول سته شهور تستخدمه مرتين باليوم

وبعدهـا تبدأ تخفف الجرعه تدريجيا لمره باليوم ,, وبعد سنه بعض الدكاتره يقول عادي تستخدمه مرتين بالاسبوع عشـان تحافظ على الشعر ,, ولو تسأل الدكتور ممكن يوضح لك اكثر طريقه الاستعمال

وفي حاجه مهمه اذا تركت المينو كسيديل ,, يرجع شعرك مثل ماكان ويستمر التساقط

وبما انك ببدايه التساقط حاول تحافظ ع شعرك حتى لو تستمر ع المينوكسيديل طول العمر .. ؟

ان شاء الله اكون افدتك وبالتوفيق اخوي ,,,
 

مهمووم

Member
إنضم
17 أبريل 2011
المشاركات
120
مستوى التفاعل
0
النقاط
16
اخوي انا بالبدايه كان شعري مافيه تساقط...لكن بعد ماستخدمت البخاخ صار التساقط....وانا لما جيت للدكتور احم جيته

يزرع لي شعر بمكان ندبه عندي وسويت زراعه...لكن لما شاف شعري قال هالكلام...!
 
إنضم
20 مايو 2010
المشاركات
75
مستوى التفاعل
0
النقاط
6
قال وش حدك على المر .. قال اللي امر منه

هذا الكلام ينطبق على المينوكسيديل

تستخدمه اذا ماتبغا يطيح الشعر المتبقي عندك

لكن عذاااااب مع الوقت تعيف حياتك كلها

انا استخدمته 3 شهور مع البروبيشيا لما عيا يزرع لي الجباعي

بداية استخدامه يزيد التساقط بشكل مخيف

وبعد 3 اسابيع الى شهر تلاحظ يوقف التساقط

ويكثف شويه من الشعر لكن بلاويه بلوه

قشره + حكه + خشونه + تجعد الشعر وغيرها

وبالأخير توقف عنه يرجع شعرك يتساقط بكثررره

يعني كنك يا تيتي ماغزيتي < انشاءالله كذا المثل

الحمدلله وقفت البروبيشيا والمينوكسيديل من 5 شهور

وتساقط شعرررري بشكل مخيف جداً

وراجعت اخصائي جلديه وصف لي حبوب فيتامين هيردال

ولي اكثر من شهرين استخدمه والتساقط وقف 90%

وآخذ حمام زيت كل شهر والحمدلله الأمور جداً ممتازه

نصيحتي لك ابعد عن المينوكسيديل وراجع اخصائي جلديه

يكتب لك العلاج المناسب ممكن عندك نقص بالفيتامين

أو سوي تحلليل للدم ممكن فيه مشاكل بالغده الدرقيه

ترى هذي والله العظيم اكبر سبب لسقوط الشعر

واسئل مجرب
 

مهمووم

Member
إنضم
17 أبريل 2011
المشاركات
120
مستوى التفاعل
0
النقاط
16
والله انا عندي نقص بالفيتامين..لكن الي بسأله الحبوب الي اخذتها لها تأثير خارجي يعني هي فيتامينات ولا ايش انا لي

الحين 20 يوم تارك البخاخ مازال التساقط...!وبسألك كم قعد معاك وقف التساقط....؟ ويصلح استخدم نفس الحبوب الي

انت استخدمتها......؟
 
إنضم
20 مايو 2010
المشاركات
75
مستوى التفاعل
0
النقاط
6
مادام التساقط موب وراثي وعندك نقص بالفيتامين

أنا متأكد 100 % انو سبب التساقط من نقص الفيتامينات

حبيبي انا تركت المينوكسيديل والبروبيشيا من 5 شهور

وتساقط شعري مثل أول واسوأ بعد

ولما جيت اخصائي جلديه حصل عندي نقص بالفيتامينات

وكتب لي فيتامين هيردال والحين لي فوق شهرين استخدمها

والحمدلله يارب وقف الستاقط 90 % والشعر تغير كثيييير

ونعم حبوب هيردال فيتامين وافضل انواع الفيتامين

لأنه يحتوي على زنك + بيوتين + حديد بنسب جميله جداً

وميزة الهيردال ماله مضاعفات جانبيه وهذا كلام الدكتور والصيدلي

أما تناسبك ماتناسبك مدري روح لـ دكتور أو صيدلي واسئل عنها

لكن المعروف ان الفيتامينات ماتضر بل العكس فهي مفيده جداً

ونقصها يسبب تساقط الشعر بشكل فضييع :eek:
 

ابو بدر

متميز
صاحب تجربة
إنضم
1 أبريل 2011
المشاركات
2,666
مستوى التفاعل
3
النقاط
38
مهموم انت عندك ندبه اللي هي جرح بالراس من حادث سيارةوماعندك صلع وراثي !! ياريت تفيدني معلومتي عن حالتك صح او غلط ؟؟
السؤال ليه استخدمت المينوكسيديل ؟؟ ومين شار عليك بهالشي ؟؟
 

مهمووم

Member
إنضم
17 أبريل 2011
المشاركات
120
مستوى التفاعل
0
النقاط
16
مادام التساقط موب وراثي وعندك نقص بالفيتامين

أنا متأكد 100 % انو سبب التساقط من نقص الفيتامينات

حبيبي انا تركت المينوكسيديل والبروبيشيا من 5 شهور

وتساقط شعري مثل أول واسوأ بعد

ولما جيت اخصائي جلديه حصل عندي نقص بالفيتامينات

وكتب لي فيتامين هيردال والحين لي فوق شهرين استخدمها

والحمدلله يارب وقف الستاقط 90 % والشعر تغير كثيييير

ونعم حبوب هيردال فيتامين وافضل انواع الفيتامين

لأنه يحتوي على زنك + بيوتين + حديد بنسب جميله جداً

وميزة الهيردال ماله مضاعفات جانبيه وهذا كلام الدكتور والصيدلي

أما تناسبك ماتناسبك مدري روح لـ دكتور أو صيدلي واسئل عنها

لكن المعروف ان الفيتامينات ماتضر بل العكس فهي مفيده جداً

ونقصها يسبب تساقط الشعر بشكل فضييع :eek:


التساقط الي صار عندي من سبب البخاخ...ان شاءالله براجع اخصائي الجلديه وبشوف...لكن انا زي ماذكرت لكم اني راجعت واحد يعالج شعبي وشاف البخاخ وقالي ارميه وقل حط زيت زيتون يوم واحد بـ الاسبوع
لمدة اربع شهور وقالي لا تتفاجأ راح يصير معك تساقط رهيب لكن بعد الاربع شهور شوف شعرك يقولي فيه
واحد مجربها
 

مهمووم

Member
إنضم
17 أبريل 2011
المشاركات
120
مستوى التفاعل
0
النقاط
16
مهموم انت عندك ندبه اللي هي جرح بالراس من حادث سيارةوماعندك صلع وراثي !! ياريت تفيدني معلومتي عن حالتك صح او غلط ؟؟
السؤال ليه استخدمت المينوكسيديل ؟؟ ومين شار عليك بهالشي ؟؟

هلا بالغالي ابو بدر ...صح كلامك وسويت عملية زراعة بطريقة الاقتطاف عند الدكتور احمد التركي من شهرين
طبعآ قالي نسوي الزراعه على مرحلتين الحين زرع لي الندبه بنسبة 45 % والباقي يقول بعد ست شهور
لكن لحد الحين مابين معي شعر وع قولتهم ماراح ينبت الا بعد اربع شهور طبعآ قالي استخدم البخاخ يوميآ
بالمنطقه المزروعه...

طبعآ شاف شعري فروة الراس وقال لازم تستخدم بخاخ المينوكسديل 5% ولا شعرك كله بيروح هو مشكلته الدكتور بالمرررره مستعجل مدري ليش وخذيت ع كلامه وصرت كل يوم ابخ المنطقة المزروعه وفروة الراس لكن والله مادريت ان بدايتها تساقط ولا كان والله ماستعمله...ع فكره ترا فيه فراغات بشعري بفروة الراس يمكن عشان كذا قالي استخدم البخاخ وزي مانت شايف يابوبدر كنت والله ان اول بلشان بالندبه الحين صرت بلشان بالثنتين والله مدري وش اسووي................؟؟؟؟
 

mo7ammmad

New Member
إنضم
9 نوفمبر 2010
المشاركات
16
مستوى التفاعل
0
النقاط
1
السلام عليكم
اخوي انا مثلك اول شي شريت البخاخ 3 او 4 مرات استخدمه اسبوعين ثلاثة
وبعدين اتركة وكان وقتها شعري في كثافة شوي وكان تدريجيا يتساقط
ولكن بعد ما وصلت الى وضع لا يمكن السكوت عليه ما باقي الا شعرتين واكون اصلع
زرت دكتور بسام وقالي انت من الدرجة الخامسة داخل على السادسة
ولا زم تزرع قلت له مافيه حل غير الزراعة قال مينوكسيديل وبروبيشيا
ومنها وانا استخدم البخاخ مينوكسيديل يوميا مره وحداه فقط بدون حبوب بروبيشيا
الى الان 7 شهور والنتيجة حقيقة ما توقعت اني استفيد منه ولكن حسيت بتغير
الى الاحسن نتيجة يعني تصل الى 30 %
الحقيقة اني واجهت نفسي واقنعتها ان الشعر سوف يتساقط استخدمت ام لم تستخدم
البخاخ فقلت ايش اخسر خليني استخدم
والى الان استخدمه وما شاء الله ماشي معاي وشعر احس انه يتحسن كل شهر بس في الشهور
الاولى عانيت من القشرة والحكة ولكن توقفت القشرة والحكة بعد ما صرت استخدمه بالطريقة الصحيحية
لاني كنت بالاول استخدمه بطريقة خطأ
 

مهمووم

Member
إنضم
17 أبريل 2011
المشاركات
120
مستوى التفاعل
0
النقاط
16
اخوي محمد مشكلة المينوكسديل تستخدمه طول العمر لا وبعد يوميآ.....!!


والله مدري وش السواه زرت اليوم حق جلديه وقال ابوك عنده صلع قلت ايه نعم...قالك رايي انك تستمر على المينوكسديل

احسن لك وصف لي بخاخ ثاني وحبوب بس لسا ماخذتها...

والله كنت ناوي اخذ الحبوب هيردال واستمر عليها لما الله يفرجها...بصرآحه منطقتنا منطقه نائيه مافيها ناس على مستوى

فاهمه ليتني بالرباض ...الله يعين بس
 

ابو بدر

متميز
صاحب تجربة
إنضم
1 أبريل 2011
المشاركات
2,666
مستوى التفاعل
3
النقاط
38
مهموم لاتبلش ولا تضيق صدرك ونا اخوك دام شعرك حسب كلامك فيه فراغات وتساقط مشورة الطبيب باستخدام المينوكسيديل أكيد صحيحه للمحافظة على الشعر أنا احسب شعرك سليم ومافيه تساقط او فراغات قلت ليه تستخدم بخاخ أنا مثلك زرعت والحين صار لي تقريبا اسبوع استخدم بخاخ مينوكسيديل وشعري لسه مانبت المهم وسع صدرك الامر طبيعي واللي كاتبه لك الله بيصير *
 

mmsmam

New Member
إنضم
30 مارس 2013
المشاركات
1
مستوى التفاعل
0
النقاط
1
بسم الله والصلاة والسلام على رسول الله وجميع اخوانه من الانبياء والمرسلين وجميع الصالحين
بص الناس بتقول تساقط الشعر فى البداية دليل على ان الدوا بيشتغل لانه بيسقط الشعر ويطلع بداله شعر كثيف قوى وتستمر مدة التساقط من شهرين لثلاثة اشهر ولاتظهر اى نتائج غير بعد 6 شهور لسنة
ولابد تستمر لان النتائج دى هتروح
وموضوع التساقط موجود فى النشرة
بتاعة الدوا وعتابى على الدكاترة اللى مش بتفهم الناس
توكل على الله واستمر
عموما انا مستخدم جديد وده اللى قريته
طبعا خلى بالك من الاعراض الجانبية انا عن نفسى مستعد اخاطر
 
إنضم
1 فبراير 2013
المشاركات
23
مستوى التفاعل
0
النقاط
1





انا سمعت ان المينوكسيديل ممتاز انت الان خنقتني منه
من استخدامه...لكن الله يسهلك امرك..
 

سامي جميل

New Member
إنضم
15 فبراير 2016
المشاركات
2
مستوى التفاعل
0
النقاط
1
رد: قررت اترك بخاخ المينوكسديل

والله مريت في حالة اصعب منك بس كنت اسمع عن زيت الحشيش الافغاني وشريته من شركة اسمها اشراقة او المستشرق ووالله الذي لا اله الا هو اعطاني نتائج مجنونه مع اني كنت استعمل المينوكسديل 5%
ولحمد لله بعد 5 اشهر تقريبا من استعمالي زيت الحشيش رجع شعري افضل بكثير من اول مع اني شايف ناس اعرفهم من اقاربي سوو زراعة لكن اقسم بالله اللي مر عليه سنة بعد الزراعة ان النتائج تفشل وماغير خسارة وسفريات على الفاضي اذا باقي ماسويت زراعة لحق نفسك واستعمل زيت الحشيش وادعي لي وانتبه من الزيت التجاري لانه منتشر بكثر موفق
 
إنضم
17 ديسمبر 2015
المشاركات
35
مستوى التفاعل
0
النقاط
6
رد: قررت اترك بخاخ المينوكسديل

والله مريت في حالة اصعب منك بس كنت اسمع عن زيت الحشيش الافغاني وشريته من شركة اسمها اشراقة او المستشرق ووالله الذي لا اله الا هو اعطاني نتائج مجنونه مع اني كنت استعمل المينوكسديل 5%
ولحمد لله بعد 5 اشهر تقريبا من استعمالي زيت الحشيش رجع شعري افضل بكثير من اول مع اني شايف ناس اعرفهم من اقاربي سوو زراعة لكن اقسم بالله اللي مر عليه سنة بعد الزراعة ان النتائج تفشل وماغير خسارة وسفريات على الفاضي اذا باقي ماسويت زراعة لحق نفسك واستعمل زيت الحشيش وادعي لي وانتبه من الزيت التجاري لانه منتشر بكثر موفق

ممكن تشرح لنا طريقة استعمال زيت الحشيش الافغاني
 
أعلى