استفسار لذوي الخبره والتجربه

وسيط · 15 مايو 2011

السلام عليكم

اخواني حاب اعرف اذا المنطقه المانحه ضعيفه ومساحه الصلع اكبر من المنطقه المانحه

كذا مافي امل لتغطيه الصلعه وتبقى بلمعتها ورونقها للابد

علماً ان نسبة الصلع هو 8 او 9 تقريبا

وسوف اضع صور قريبا جداً تكفوووون عطوني حل

متحمسه · 15 مايو 2011

وسيط حلاة الصلعه بلمعتها ورونقها

ياليت تحط الصور ع شان الاطباء ولا الاخوان يحكمون من خلالها

وسيط · 15 مايو 2011

صحيح من سماك متحمسه ان شاء الله راح احط الصور في القريب العاجل

يآرب حقق مرآدي · 15 مايو 2011

الله كريم وتفائل بالخير تلقاه
واهل الخبره ان شاء الله بعد ماتضع صورك راح يجابون عليك
والله يسهل امرك وامر كل مسلم

وسيط · 15 مايو 2011

ان شاء الله تعالى شكراً اختي الكريمه على رفع معنوياتي

متحمسه · 15 مايو 2011

دامني متحمسه حط الصور وش تنتظر << هذي والله النشبه خخخخ
لا صدق ع شان الاجابه تجيك ع طول مع الصور مو تسذا حاط كلام بدون صوره
بيقولون لك حط صور ع شان نرد عليك

ابو بدر · 15 مايو 2011

هلابك اخ وسيط

للعلم مراحل الصلع كما حددت من قبل الاطباءوالمختصين تصل للدرجه السابعه فقط

وبالنسبه لضعف المنطقه المانحه انا هذي صارتلي ومع ذلك سويت زراعه مع العلم ان درجة الصلع عندي تصل للسابعه بالعملية اخذوا من المنطقه المانحة 1800 قرافت وسوف اكرر عملية الزراعه ومن الممكن استخراج في الزراعه الثانيه 1500 قرافت صحيح انها غير كافيه لصلع درجة ساابعه لكن تجعل الشكل مقبول عن الاول يعني بدون لمعه قويه هههههه

ومتاكد انك لو تلف المنتدى عضو عضو ماراح تلقى احد اقل مني شعر بالمنطقه المانحه يعني لاتياس يابعدي انت بس ورنا المنطقه المانحه وان شاء الله تجد من الاعضاء بالمشوره اللي تناسبك وتفيدك

موفق اخوي

وسيط · 15 مايو 2011

عطوني موقع رفع الصور

يآرب حقق مرآدي · 16 مايو 2011

وسيط قال:
عطوني موقع رفع الصور

https://www.hairarab.com/up/

وسيط · 16 مايو 2011

تعبني هالموقع مو راضي يحمل الصور

متحمسه · 16 مايو 2011

وسيط فوق بالموقع نفسه في بنر حق تحميل الصور اضغط عليه وحمل صورك
تصدق اسمك يذكرني بـ بسيط بسيط واسمه بسيط ولكنه مخلص ونشيط

يآرب حقق مرآدي · 16 مايو 2011

يبدو ان اتصالك فيه مشكله .. او الصوره كبيره بالحجم عن الطبيعي

طيب نزلها بالمرفقات

عندك الايقونه هذي الي اشرت عليها بالاحمر اضغط عليها تفتح لك صفحه
فيه زر استعراض ادخل عليه واختار الصوره من جهازك بعدين اضغط على رفع وانتظر يتحمل
واذا اكتمل اضغط على اغلق النافذه
وراح تصير الصوره موجوده باخر شي بالرد يعني بالمرفقات
جربها ..

وسيط · 16 مايو 2011

طبعا في صوره ثانيه برفعها

علماً اني سويت عملية زراعه شعر من ستة شهور طبعا لا كن الجمجوم عندي ماشاء الله عليه كبير

ابو بدر · 16 مايو 2011

اولا من خلال الصورة يتضح ان المنطقه المانحة عندك تساعد لتكرار العملية ومساحة الصلع ليست بالكبيره لكن من وجهة نظري لايمكن عمل زراعه لباقي منطقة الراس اللي هي التاج وجزء من الخلف وتحقيق الكثافه فيها لكن تجعل الشكل مقبول بحيث يكون الشعر متباعد ولكن يخفف الصلع

للعلم انا حالتي اكبر منك ومع هذا عملت زراعه لمقدمة الراس ولي الان 22 يوم تقريبا وسوف اكرر العمليه بإذن الله لباقي الراس ولكن احتمال تكون بطريقة الاقتطاف نظرا لضعف المنطقه المانحة
لكن انا حاط براسي شي اسمه قناعه فلو نظرت لنفسك وانا مثلك لوجدنا اصلا انه لايوجد عندنا شعر بلمره فاي شعر يغطي المنطقه يكون مقنع لنا حتى لو كان ليس بالكثافه اللي حنا نتمناها
ولو طلبنا باشياء مستحيله او غير منطقيه لما رضينا باي شي ولما اعجبنا اي شي
فانت حط براسك ان هذا الوضع اللي هو الزراعه نقلك على اقل تقدير من لاشي الى شي
بضربلك مثال اللي درجته سابعه مثلا هل من المعقول ان يطلب تغييره لدرجه اولى ولا ثانيه اكيد بيكون طلبه غير منطقي لكن لو قلنا ان طلبه درجه رابعه مثلا هذا طلب مقبول لكن يجيك اللي درجة الصلع عنده رابعه مثلا يطلب تغيير وضعه لدرجه ثانيه او لدرجه اولى نقول هذا طلبه منطقي جدا ومعقول

الزبده انا وياك ينطبق علينا المثل اللي يقول مد رجولك قد لحافك

واخيرا وهو الاهم نكون قنوعين راح يرضينا كل شي طبعا نرضى بناء على المتاح لنا اما لو كان هناك فرصه للافضل لطلبنا المزيد اقصد هنا عن تطور العلم اكثر ونجحت عملية استنساخ البصيله او عملنا زراعة اقتطاف من الجسم بكذا نقول نبي اكثر ولا يرضينا الا ان شعورنا توصل للركب ههههه

سؤال زراعتك باي طريقة ؟؟ وكم قرافت زرعوا لك

اسف للاطاله

بالتوفيق اخوي

يآرب حقق مرآدي · 16 مايو 2011

بالعكس شعرك يبدو انه كثيف واتوقع انك المنطقه عندك كويسه
ومتفائله بالخير ان شاء الله
تحتاج لعملتين من الامام وبعدها من الخلف
عليك باستشاره الدكتور والدخول عليه وراح يقرر حالتك وتوكل على الله
الله يوفقك

عمر · 16 مايو 2011

ان شاء الله كل شيء ممكن

متحمسه · 16 مايو 2011

بسيط
ماشاء الله عليك
عندك منطقه مانحه كبيره يعني يمديك تزرع بسهوله بأذن الله
وايضاً ماشاء الله عليها صلعتك لها بريق ولمعه
بالتوفيق يارب وعقبال ماتصورها لنا وهي تصرخ تحت الشعر ودها تطلع بالصوره

وسيط · 16 مايو 2011

الف شكر حبايبي على التشجيع اكيد راح اسوي ثانيه وثالثه اهم اختفاء الرونق واللمعان >>>>> متحمسه بس قلت اكمل سنه على العمليه الي سويت وبعدها بطير على ايران او تركيا

وسيط · 17 مايو 2011

هلا فيك ابوبدر انا سويت زراعه الشريحه و2000 قرافت بس الدكتور الي سويت عنده قالي اهم شي المقدمه وقليلا من التوزيع في الاعلى لاكن للحين حاس اني ماسويت شي ابد

ابو بدر · 17 مايو 2011

وسيط قال:
هلا فيك ابوبدر انا سويت زراعه الشريحه و2000 قرافت بس الدكتور الي سويت عنده قالي اهم شي المقدمه وقليلا من التوزيع في الاعلى لاكن للحين حاس اني ماسويت شي ابد

برايي اشوف ان مشورة الطبيب وكلامه عين العقل وهذا فعلا اللي انا بسويه ان شاء الله بتجربتي ايضا تكون الزراعة بخطوات مدروسه ومرتبه احسن من العشوائيه عشان تعطي نتائج طيبه باذن الله وحتى لو طال الوقت لايهم الاهم النتائج

بالتوفيق يارب

استفسار لذوي الخبره والتجربه

Member

عضوة متميزة

Member

متميزةصاحبة تجربة

Member

عضوة متميزة

متميزصاحب تجربة

Member

متميزةصاحبة تجربة

Member

عضوة متميزة

متميزةصاحبة تجربة

Member

المرفقات

متميزصاحب تجربة

متميزةصاحبة تجربة

Member

عضوة متميزة

Member

Member

متميزصاحب تجربة

متميزة
صاحبة تجربة

متميز
صاحب تجربة

متميزة
صاحبة تجربة

متميزة
صاحبة تجربة

متميز
صاحب تجربة

متميزة
صاحبة تجربة

متميز
صاحب تجربة