الاضرار الجانبية للمينوكسيديل

السلام عليكم ورحمة الله

اخواني الله يجزاكم خير انا افكر استخدم مينوكسيديل عشان الحق على ما تبقى
من شعري
المهم سمعت ان المينوكسيديل له اضرار على الناحية الجنسية وانا لحين ما تزوجت
فاخاف يخرب مستقبلي
معرف اذا صح له تاثير او لا
ما عندي مشكلة استخدمه لفترة طويلة ولسنين لكن خايف ياثر على شي لا سمح الله
وهل اذا استخدمت مينوكسيديل 2% ما بتكون له اضرار جانبية مثل ال 5%


يا ليت تفيدوني بهالشي لان صراحة محتار جدا حاليا وخايف اندم

رد: الاضرار الجانبية للمينوكسيديل

بغيت اضيف استفسار
شعري فيه فراغات احيانا تكون واضحة لكن مو لدرجة الصلع الكبيرة
هل افضل استخدم المينوكسيديل الحين ولا انتظر اكتمال تساقط كل الشعر المعرض للتساقط
عطوني نصايحكم او تجاربكم ربي يجزاكم خير وخاصة فيما يخص الاضرار الحانبية للمينوكسيديل

رد: الاضرار الجانبية للمينوكسيديل

استخدمه الحين لكن لا توقفه أبد..الأضرار لاتوجد لكن لايلامس بشرتك

رد: الاضرار الجانبية للمينوكسيديل

والله ياخوي من ناحية اني ما اوقفه ما بوقفه باذن الله لكن خوفي من الاضرار الجانبية
انتظر اراء ثانية خاصة بخصوص اضراره

رد: الاضرار الجانبية للمينوكسيديل

السلام عليكم يا اخوان انا زرعت لحيه قبل سنه 25/1/2018 انا ابغى احلق العوارض كاملة حلقت على مكينة رقم صفر وماراح شيء ياليتكم تفيدوني الله يعطيكم العافيه

رد: الاضرار الجانبية للمينوكسيديل

لا تستخدمه لانك لو توقفت عن استخدامه سوف يسقط كل شيء مرة اخرى
لانه مش علاج دائم

رد: الاضرار الجانبية للمينوكسيديل

ورايي استشر الطبيب لكن لو توقفت عن استخدامه سوف يسبب تساقط الشعر اللي طلع ودا مش كويس

رد: الاضرار الجانبية للمينوكسيديل

حسب رأيي الشخصي الافضل الزراعه مناطق الفراغات وان كان هناك بعض الشعر الاصلي ثم تساقط لاحقا فزراعه مره أخرى أو انتظار الشعر المعرض للتساقط ليتساقط ثم الزراعه كاملا مره واحده وهو الخيار الانسب

رد: الاضرار الجانبية للمينوكسيديل

المشكلة انا زرعت قبل فترة سنة وشوي والنتيجة مو لهناك ويمكن تكون سيئة فما افكر ازرع مرة ثانية قريب يعني لاني افضل يوصل عمري ل نهاية العشرين او بداية الثلاثين بعدين ازرع
وبعد يعني ابي اوصل لوقت عرسي وما اكون خسرت كمية كبيرة من الشعر
ع الاقل احس بشبابي وانا معرس
عن نفسي ما عندي مشكلة استخدم المينوكسيديل يوميا ومرتين ف اليوم
بعتبره روتين يومي مثله مثله اي شي يومي اسويه
مشكلتي هي مع الاعراض الجانبية اللي يمكن يسببها
عشان كذا لو احد يعرف وشش من اضرار يمكن يسببها لي المينوكسيديل ياليت والله يشرحها لي

رد: الاضرار الجانبية للمينوكسيديل

شوف موضوعي https://www.hairarab.com/vb/t15030.html



انا كنت استخدم المينوكسديل للشعر فوق سنه ونصف بعدها وقفت من فتره طويله



الاعراض الوحيده الي كانت تزعجني القشور .... فقط



والحين الحمدلله زرعت

رد: الاضرار الجانبية للمينوكسيديل

الله يجزاك خير الغالي موضوعك ساعدني كثيير وتبارك الله المينوكسيديل جاب معك نتيجة زينة
بسالك الغالي واسمحلي اذا فيه ازعاج
وش السبب اللي خلاك توقف استعمال المينوكسيديل
وبعد لنفترض اني عندي العزيمة اكمل على استخدامه لفترة طوييلة لين الاقي وقت لزراعة ثانية
تنصحني من رايك ابدا استعمله ولا وش رايك
ياخي بيني وبينك زرعت قبل سنة وعمري كان ظ¢ظ، والنتيجة فشلت تقريبا فاحس ما ابي اغامر بزراعة قريبة واخرب علي المنطقة المانحة خاصة ان الشعر لازال يتساقط ويمكن احتاج عملية ثالثة ف المستقبل اذا استعجلت بالثانية وفي نفس الوقت ما اقدر انتظر تساقط كل الشعر اللي معرض للتساقط لاني ما ابي اوصل لمرحلة الصلع وانا ف منتصف عمري
وشش رايك بخصوص استخدامه فرضا اني بستمر عليه فترة طويلة
وممكن تطمني من ناحية تاثيره على الناحية الجنسية
ما ابي اعدل شعري واخرب شي اهم
ومرة ثانية مشكور على ردك

رد: الاضرار الجانبية للمينوكسيديل

السبب الي خلاني اوقفه لاني بعد سنه حسيت انه النتائج بدات تتراجع مدري شنو السبب يمكن من استخدامي



والسبب الاهم الي خلاني اتركه لاني شفت اني خسرت على المينوكسديل خلال السنه والنصف يغطي تكلفه الزراعه تقريبا




وشفت انه الزراعه احسن لي لاني اصلا كنت ابي ازيد خط المقدمه في كل الاحوال




وبحصوص الاثار الجانبيه للمينوكسديل فيه انواع موضعي الي تحطه على فروه الرأس من الخارج و الي يجيب حبوب




الحبوب الي ضعف من الناحيه الجنسيه




اما البخاخ او السائل الي ترشه على الشعر ماله دخل بس يمكن يجيك قشور مثل ما جاني لاتخاف






واذا خلاص قررت تستخدمه اهم شي انه يكون عندك ميزانيه المينوكسديل في المده الي بتستخدمها






واذا بتزرع استخير واقر كل التجارب عن العياده الي بتزرع فيها ودور على التعليقات السلبيه عشان تفيدك




وماعليك من الدعايات سواء في هذا المنتدى او غيره لانه بعض الناس مايهمهم اذا فشلت تجربتك اهم شي عندهم الفلوس