أبو فرح 84
New Member
- إنضم
- 14 أكتوبر 2018
- المشاركات
- 4
- مستوى التفاعل
- 0
- النقاط
- 1
[FONT="]أسعد الله مسائكم بكل خير ..[/FONT]
* مركز فيرا كلينك
* الزراعة بتاريخ[FONT="] 20/11/2017[/FONT]
* مركز فيرا كلينك
* الزراعة بتاريخ[FONT="] 20/11/2017[/FONT]
* عدد البصيلات المزروعة 3050
* تقنية[FONT="] FUE[/FONT]
* عدد ساعات العملية 6.30
* الدكتور كوكهان
طبعا بدأت بالتفكير في زراعة الشعر بعد ما بدأ الشعر في مقدمة الرأس بالتراجع للخلف وأصبحت مساحة الشعر عندي في المنطقة الأمامية شبه معدومه ،، بدأت بالتواصل مع منسقين عيادات ومستشفيات كثر في أسطنبول وتم إختيار عيادة الطبيب يتكين باير وتم التنسيق وعثت لي الدعوة إلا أنه وبسبب ظروف العمل تم الإلغاء وبعد سنتين عدت للبحث مرة أخرى ووقع الإختيار هذه المرة على فيرا كلينك تم التواصل مع المنسقة يمامة وعرضت حالتي على الدكتور كاظم سيباهي وكان التقرير يفيد بأنني مناسب جدا لعملية الزراعة باستخدام طريقة الإقتطاف المتطورة Micro FUE ، المنطقة المانحة بحالة ممتازة يمكن الإقتطاف منها بشكل كامل وعدم ترك آثار لعملية الإقتطاف ، عدد البصيلات من 3400/3800 على الأقل ويمكن زيادة العدد في حال إحتاجت التغطية عدد أعلى من البصيلات ، نسبة التغطية 100% كاملة حيث سيتم إعادة رسم خط الجبهه الأمامي حسب توصيات منظمة زراعة الشعر العالمية وإعطائك مظهرا طبيعيا وكثافة عالية في جميع مناطق الزراعة كثافة عالية + خط جبهة جديد ، بحاجة لجلسة بلازما لتقوية بصيلات الشعر الخامده ( الضعيفة ) وتغذيتها ومنعها من التساقط .هذا كان التقرير الطبي بالتفصيل عن حالتي بعدها قرأت كويس عنهم وعن تجاربهم وتوكلت على الله وأخترت الباقة الفضية كان عليها عرض 1500 بدل 1900 ..
سافرت تركيا مع صاحبي يوم 19/11/2017 وحسنا في المطار شويه لما حصلنا اللي بيستقبلنا ورحنا الفندق أربعة نجوم وكان الإتفاق مع الأخ ياسر إني أكون جاهز على 12.30 الظهر نمنا وصحينا ثاني يوم لقيته بيتصل علي وبيقول معليش تعال بدري الدكتور يبغى يشوفك قبل 10.30 ، فطرنا ونزلنا كان فيه واحد جاي ياخذنا ورحنا المستشفى مشي يعني كان قريب من الفندق وصلنا أستقبلونا وسحبو مني عينة دم بعدين طلب مني جواز السفر بعدين رحت دفت الرسوم ووقعت على ورقة تحمل مسؤولية " إجراء روتيني " وخلال فترة الإنتطار عرفنا إنه كان فيه مريض من دوله أوروبية كان المفروض يعمل عملية زراعة بس بسبب نتيجة الدم رفضو يعملوها له والظاهر إنهم حطوني مكانه عشان كذا غيرو موعد جيتي للمستشفى وقدموها ، وبعدها جات نتيجة الدم سليمه الحمدلله ودخلت غرفة المعاينة وجا الدكتور كوكهان مو كاظم وشاف شعري ورسم خط الجبهة وقال إني أحتاج 3050 بصيلة بعدها رحت لغرفة حلاقة الشعر وبعدا لغرفة عملية الزراعة وطلبو من صاحبي المغادرة وبدأت مراحل العملية " بدأ العذاب " هههه
لبسوني اللبس الخاص بالعملية ونمت على بطني بعدين جابو حبة لونها بمبي وطلبو مني أشربها ، سألتهم عنها قالو مهدئة قلت لهم يعني منومه فضحكو المهم أخذتها وبدأت عملية التخدير أقسم بالله دخول الإبرة تحت فروة الرأس لوحده جنان ألم فضيع بعدين جابو جهاز زي مكينة حلاقة الشعر إيش وظيفته مدري حسيت إنه بيقطع في جلدة راسي أنا بيني وبين نفسي أقول يولد أستحي عيب أتحمل ههههه بعدين بدأ العذاب اللي نساني اللي فات كله " جهاز الإقتطاف " ألم مو طبيعي والله لا نفع لا حبة بمبي ولا بطيخي .. حسيت نفسي خلاص ماني قادر أتحمل قلت أنا أيش جابرني أتحمل ذا كله إشبها الصلعه والله حلللوة هههه لكن خلاص ما عاد ينفع هالكلام ، خلصو الجهة اليمين وبدأو باليسار طبعا كان فيه فرق مافي ألم زي الجههة الأولى شكله التخدير ما كان موزع بشكل جيد .. المهم ثلاث ساعات إقتطاف و بعدها راحة تقريبا ربع ساعه جابو فيها وجبة تمغص البطن وما شفت البصيلات المقتطفة ولا كم عددها وبعدها بدأت عملية زرع البصيلات كمان ثلاث ساعات أعتقد إنه الدكتور دخل بس فتح القنوات وخرج وخلال هذه المده أعطوني إبرة البلازما .. بس فعلا عذاااااب والله لو عندي خلفية إنها كذا ما سويتها ، خرجت دايخ نفس الشخص اللي وصلني لقيته بالخارج معاه الدوا والطاقية وصف لي العلاج وطريقته وبعدين وصلني للفندق .. طبعا أنا هنا كرهتهم أنا ست ساعات ونصف عملية والشغل كله في راسك يعني داااايخ صح والجو كان بارد جدا وكان مطر وترجعوني للفندق مشي حاجه زبالة الصراحة ،، المهم جينا للمصية الأكبر ذحين وهي النوم يعني تعبان ومنتهي من الألم وفي حياتي كلها ما نمت ولا أعرف أنام على ظهري طيب كيييييف والله تعذبت واتبهدلت في النوم بهدله وعذاب ما لها لا أول ولا آخر ،، حتى الصلاة ممنوع تسجد لمدة أسبوع وفي اللبس بهدلة لازم تنتبه ما تلمس المنطقة المزروعة وحالة المهم رحنا ثاني يوم عشان يشوفني الدكتور و يتطمن على العملية ويعملو الغسيل لما رحت قابلني الدكتور كاظم وتطمن علي وعرض علي الأخ علي كورس الشامبو والفيتامينات و الأمبولات قلت له خير إن شاء الله إذا جيت مروح آخذها مع إنه سعرها غالي مهي رخيصة .. قضينا بعد العملية أربعة أيام يعني أستمتعت وما أستمتعت فيها ألم ألم هذا غير شعور الحكة اللي يجيك في المنطقة المانحة وطبعا ممنوع تلمسها أو تحكها .. طبعا أنا مع اللي شفته في العملية نسيت ليش اللي سواها كوكهان مو كاظم نسيت إنهم كانو قالو لي البصيلات من 3400/3800 على الأقل مش 3050 حتى إنه بعد كم يوم من الزراعة لاحظت في الجبهة تحت الخط الجديد بعض التشطيبات الخفيفة بس ما جا في بالي وقتها أي شي ..
قبل ما نروح نسقت مع الأخ ياسر على الكورس وحولت له المبلغ 2100 ريال وجابهم مع الإيصال على الفندق اللي غادرنا منه للمطار مع نفس السائق والسيارة اللي وصلتنا ..
رجعت السعودية طبعا مبسوط من العملية اللي سويتها لكن بعد أنتهت العشرة الأيام اللي تستخدم فيها الرغوة وراحت القشور وشفت شكل الزراعة تمام حسيت في حاجة مهي مزبوطة واللي ضايقني كثير خط الجبهه وبالذات من الجوانب داخله كثير وبدأت أرجع أدقق الدكتور اللي تغير عدد البصيلات اللي أختلف التشطيبات اللي شفتها تحت خط الجبهه تقديم موعد العملية كلها جمعتها مع بعض فما أرتحت الصراحة وكلمت المنسقة طبعا اتججت أني أنا ما أشترطت إنه اللي يعمل العملية كاظم !! طيب التقرير كان بإسم كاظم يعني ملفي عنده قالت لا لازم تشترط ؟ وإنه الكثافة عندك عالية جدا ولو أحتجنا عدد بصيلات أكثر كان أخذنا وبكره بس تطلع نتيجتك بذكرك .. هههه طبعا خلاص مافي قدامي حل إلا إني أنتظر النتيجة فصارت كل نهاية شهر ترسل لي تطلب الصور عشان تتابع الحالة وكنت أرسل لها وتقول لي الوضع ممتاز إلى ما قبل شهرين ما صارت ترسل فأرسلت أنا فمن طريقة ردها شكيت أنها ما تعرفني قفلت لها إنتي مو يمامة قالت لا أنا غالية قلت لها طيب ما رديتي على صوري ولأول مره يكون الرد إنتظر لما الدكتور يشوف الصور وأبلغك ،، تواصلت معاي ثاني يوم وقالت حيتواصل معك المسؤول عن ملفك وهو حيجاوب على جميع إستفساراتك ،، تواصل معاي الأخ عامر مدير قسم الجوده والمتابعة طلب مره ثانية الصور وأرسلتها له رد علي ثاني يوم وقال إنه الدكتور بيقول وضعي الحالي جيد جدا ما عليه أي مشاكل بس الفراغات الموجوده حاليا بسبب أنه الشعر الأصلي اللي كان عندي قبل العملية يتساقط حاليا ويجب دعمه وأن الشعر المزروع بيطلع والأساسي بيطيح وأنه الدكتور وصف لي بخاخ minoxil و حبوب propecia ولازم أستخدمهم لستة أشهر عشان آخذ نتيجة حلوة ..
الصراحة أنا ندمت إني زرعت عندهم والأدوية اللي وصفوها ما دخلت مخي البخاخ قرأت عنه أني إذا أستخدمته فلازم يكون الإستخدام طيلة العمر لأنه بمجرد تركه حيرجع يطيح الشعر اللي طلع بسبب إستخدام البخاخ ..
الحبوب هذه مضره جنسيا وكثير أطباء ينصحو بعدم إستخدامها ..
المصيبة إنه هذه الأدوية يتم وصفها للأشخاص اللي ما زروعو عشان ممكن تجيب معاهم نتيجة ،، طيب أنا ما رحت زرعت عشان آخذها في النهاية !!
هل من الممكن أن تكون الأمبولات عملت عمل سلبي لأنه طلبو مني أستخدمها بعد أسبوعين من العملية وفي نفس الوقت لما رجعت لتعليمات ما بعد العملية حصلت إنه ممنوع أستخدام أي صبغة أو زيتية إلا بعد مرور شهر !
أنا حتى أشك أنهم زرعو 3050 بصيلة .. عندي فراغات كثير .. كانو قالو أنه في كل سم 50 بصيلة !!
أنا الصراحة حابب أشوف آرائكم يمكن يكون بتهيأ لي ،، يمكن لسه النتيجة ما أكتملت ،، يمكن ضروري آخذ العلاج ،، ماااا أعرف .. أنا عن نفسي إلى يومنا هذا حكمل 11 شهر إلا أسبوع والنتيجة مره ماني راضي عنها ولا حتى مقتنع فيها ..
آسف للإطالة
