ابغى ينبت لي دقن تعقدت من شكلي بدون دقن .. وبديت استخدم افوجين

السلام عليككم ورحمة الله وبركاته .. اخواني انا بستشيركم انا عمري 23 وماطلع لي دقن والمشكله اعتقد وراثيه بعض عمامي ماطلع لهم دقن او الاغلب وانا الى الآن ماطلع لي وبديت استخدم بخاخ اڤوجين 5٪ .. هل هو مفيد ومنبت للشعر اذا ماكان فيه شعر من قب ولا للتساقط فقط ؟
واذا كان يفيد كيف طريقة استخدامه ؟ ومتى يبين المفعول ؟


وبالنسبه في حالة انه مايفيد وش الحل غير الزراعه ؟؟

رد: ابغى ينبت لي دقن تعقدت من شكلي بدون دقن .. وبديت استخدم افوجين

للرفع.............^^^^^^^^^^^
للرفع

رد: ابغى ينبت لي دقن تعقدت من شكلي بدون دقن .. وبديت استخدم افوجين

اخوي المونيكسيدل ممكن يفيدك وممكن مايفيد على حسب ماحصل لبعض الاعضاء طريقة استخدامه تضع المونيكسيدل في الدقن و اماكن الفراغات في الدقن لاتتعدى هذي المنطقة فقط الفراغات 4 اشهر رح تبين عندك النتيجة لاكن الافضل قبل هذا انك تستشير طبيب مختص لان بشرة الوجه جدا حساسة وممكن تسبب لك اثار نتيجة استخدام المونيكسيدل

رد: ابغى ينبت لي دقن تعقدت من شكلي بدون دقن .. وبديت استخدم افوجين

هذي جيناتك الوراثيه وانت بالاصل ماعندك دقن يعني مو شعر الدقن تساقط فاعتقد المنكسيديل ماراح يفيدك وياليت ماتستخدمه لانه راح يؤثر على شعر الراس عندك لانك لو تركته بتلاحظ شعر راسك يحصل له تساقط لفتره

رد: ابغى ينبت لي دقن تعقدت من شكلي بدون دقن .. وبديت استخدم افوجين

انا كنت استخدمه قبل سنتين تقريباً وكان استخدامي له غير منتظم ولمدة ماتتجاوز شهر ومن بعده نبت لي شعر في منطقة السكسوكة ولكن في مساحة صغيرة من منطقة الذقن .. وبعد ماوقفته لاحظت ان المنطقة صارت اصغر ولكن مازال في شعر في منطقة الذقن .. لكن احتمال المشكلة في فترة الإستخدام .. اللي ودي اعرفه الحين انا على قولة ولد نجد مسألتي مسألة وراثية مافي شعر في الأساس ولكن طلع لي في منطقة الدقن هل هذا يدل اني لو استخدمه لمدة أربع شهور راح تبان النتيجه ؟ وبععدين لو استخدمه في الدقن شعر الراس له علاقة ؟

رد: ابغى ينبت لي دقن تعقدت من شكلي بدون دقن .. وبديت استخدم افوجين

المونيكسيدل هو اسم بخاخ ولا ايش بالضبط ؟ لان البخاخ اللي عندي اسمه افوجين 5%
وكيف طريقة استعماله الصحيحة ؟




افوجين اسم الشركة المصنعة لمادة المونيكسيدل وهي المادة الموجودة بالافوجين وغيرها وافضل الشركات هي الروجين الامريكية يجي منها بخاخ ورغوة