السلام عليكم ورحمة الله بركاته
اخواني بقول قصتي يختصار واتمنى تفيد الصلعان الجدد:emoji1: :emoji26: وابي شوركم
انا بدت عندي الصنادح قبل 6 سنين وعمري 19 سنه وحسيت بالتساقط زايد
طبعا انا وخالي بنفس العمر وكل شعورنا كانت مثل بعض بالصنادح والتساقط
إلا ان اخوكم قرر يسوي فيها بيلحق على الصلع وليته مالحق
استخدمت مينوكسدل 2% هير قرو واستخدمته مره باليوم لمدة سنه ونص وشعري كان احلى مايكون ماشاءالله تبارك الله
لكن اخوكم المقرود قرر يتركه بس لأنه مل من استخدامه وبعدها بأسبوع رجع التساقط واقوى من قبل
بعد شهر بدأت الفراغات من كل مكان بشعري حتى التاج اللي ماعمري عانيت منه صار فيه فراغات
عندها اكتشفت ان شعري ادمن على المينوكسديل ولازم ارجع له ولا بصلع
ورجعت له بتركيز5% هير قرو وبعد 6 شهور لحقت على شعري ولله الحمد بس طبعا الصنادح مالحقت عليها بشكل كامل
بعد استخدام 4 سنين مرتين باليوم رجع التساقط فقريت ان لازم انوع بشركة ثانيه وحولت على اوفوجين 5%
وللأسف التساقط زاد بقوة واضطريت ارجع للهيرقرو وخف شوي
المهم بعدها بسنه من استمرار التساقط
قلت يارجال مالها الا استخدام السلاح النهائي عشان اقدر اسيطر على التساقط (فينستريدي )
واخذت بروسكار واقسم الحبه 4 واكلها يوميا قبل النوم
(طبعا انا بهالمرحله كنت متيقن ان مافي حل نهائي لصلع غير الزراعه لكن هدفي كان احافظ على شعري الى عام 2020 وازرع بتقنية الاستنساخ ان شاءالله )
لكن من اول استخدام لاحظت التساقط زاد وبالذات من عند الصنادح (المهمه بالنسبه لي )
وحاليا لي 4 شهور ونص منتظم عليها مع المينوكسيديل لاحظت منطقة التاج لا بأس فيها متحسنه
لكن الصنادح لازالت تتساقط :emoji24:
ماعمر صنادحي صارت بهالكبر طول فترتي السابقه
ولازالت تتساقط فأبي شوركم يا اخوان
هل اوقف استخدام البروسكار ؟ ولا استمر ؟ ولا احول واستخدم البربيشيا ؟
اخاف اوقف ويصير شعري اسواء من قبل واخاف استمر وتستمر صنادحي بالتوسع واصير اصلع :emoji29:
فشوركم يالخبراء ؟
حاليا خالي اللي قلت لكم عنه كان مثلي بس انه ماستخدم شي
شعره احسن من شعري عنده صنادح بس اخف مني وبالتاج تقريبا مثل بعض
والسلبيات اللي جاتني شعر جسمي صار زايد شعر يدي اكثر من شعر رجوله
فا على مايبدو ان تجربتي كانت سلبيه
فنصيحتي لكل شخص مدرعم يتعوذ من ابليس ولا يتهور ويستخدم هالامور
اذا الفراغات زادت عليك بشكل كبير استخدم مينوكسديل ولا تقطعه ابد لأن اذا ادمن شعرك عليه ادمن
وخل الفينستريدي حل اخير في حالة صنادحك راحت وتبي تلحق على التاج
فمن تجربتي الفينستريدي ماينفع لصنادح
وبالنسبة لزيوت والكريمات والفيتامينات ماحس انها تنفع اذا كان وراثي