غسيل المنطقة المانحة

السلام عليكم ورحمة الله لو سمحتوا انا لي من زرعت 9ايام واليوم هو العاشر
نفسيتي للأسف متدمرة وأحس الموضوع مو بسيط أبداً وخوفوني وقت الزراعة حلقولي زياده من ورا في مكان فوق الاذن بحجة انه البصيلات لم تكفي (3000) بعدين سمعتهم الاخصائي يلومهم انه تعبوه وحلق شعري وشكلهم غلطوا بالعد اعتقدوا انه ناقص بعدين طلع مو ناقص مع كذا استمر بالاقتطاف وقالولي 3500 بعدين سألت المنسق وقال لي انتي تحتاجي اكثر علشان كذا سوينا كذا..خفت وجلس الموضوع ببالي وشألته يوم العملية وحكيته باللي صار انه الممرضين واخصائي الاقتطاف تكلموا وصار بينهم جدال وراح وسأل ورجعلي قال تم اقتطاف 3000 وأمنته وقال لي هذا اللي صار تطمني
المهم رجعنا السعودية والألم بالمنطقة المانحة زاد ووأنا مااخذت الا شامبوو ولوشن للأيام الأولى فقط بدأت أغسل مثل ماطلبوا مني بس باليوم التاسع لاحظت تساقط كم شعره مع مادة بيضاء مصفرة كأنها قشر وفيه وحده مع دم مااعرف هل هالدم من الدم المتجمع او بصيلة طاحت.. المنطقة المانحة اسلتها بشامبو سيباميد اصلاح الشعر لأن الشامبو حق المركز ماحسيته ينظف تمام من ورا لكن بعدين حسيت حرقان مثل ماتحط ملح عالجرح ونمت وصحيت وهو يحرقني وحطيت زيت زيتون وخف شوي ورجعت بالليل غسلت المنطقة المانحة بشامبو المركز ولازال الحرقان موجود..


سؤالي هل يجب غسل المنطقة المانحة يوميا؟ كيف اخلي الجروح تلتئم بسرعه وكم المدة اللي يطول فيها شعر المنطقة المانحة؟ ابغى شعري مثل قبل احسه صار حبتين بعد الحلاقة.. هل طبيعي تساقط الشعر المزروع هالفترة؟ اللوشن لما احطه مايطلع بسهولة هل لازم اغسله تمام قبل احط الشامبو؟


اعتذر عن الاطالة بس مشاعري مختلطة وخايفه وزواجي قريب بعد اربع شهور او شيء..وانا انحرجت اقول لزوجي عالزراعة بعدين ندمت اني ماقلتله وخبرته وزعل.. مو عارفه ايش اقرر والا كيف اتصرف

رد: غسيل المنطقة المانحة

أولا الحمد لله على السلامة وتجربة وراح تعدي باذن الله بس تحتاج وقت ووصبر وطولة بال …المهم بالنسبة للوشن فنعم يحتاج انه يروح من فروة الشعر واتوقع طول الفترة هي السبب فخلينه فترة 25 دق تراها كافيه ما لازم 30 او 40 دقيقة وبسكب الماء بشويش وخفه راح يختفي ويروح ومن بعدها الغسيل بالشامبو ..
بالنسبة للمنطقة المانحة فالألم والشد والوضع المزعج لما نحط راسنا على المخدة مثلا فراح يبقى مدة شهر الى شهرين على حسب طبيعة الشعر ولكنه للامانة يخف تدريجيا وبعد الشهر عموما راح يكون الوضع افضل بكثير باذن الله .. وطبيعي يكون خفيف لانه مثل ما يقولون يتعرض لصدمة ومن بعدها راح يرجع افضل وافضل وراح تتغطى المساحات الفارغة في المنطقة المانحة واكيد تحتاج لغسيل يومي
وربي يتمم لك زواجك على خير وحياتك عموما الى خير
——————
في نفس الموضوع يا ريت لو تذكرين المركز حتى يتحذرون منه الاخوة والاخوات وربي يوفقك

رد: غسيل المنطقة المانحة

تدرين اول الوقت من كثر ماكنت اتخيل ان المنطقه المانحه راح تخف او فراغات او او او كنت احس بأحباط ونسيت الجهه المزروعه وقمت افكر بالجهه المانحه لان كنت اشوف فيها فراغات بس والله بعد ماعديتبعد اتمام شهرين نسيت المنطقه المانحه وقمت اركز بالمنطقه المزروعه بسبب ان المنطقه المانحه صارت جني مو ساحب منها شي ولله الحمد

حتى اني بأول الوقت ازعجت ام المركز على المنطقه المانحه مع اشوية ندم ان استهلكت شعر من المنطقه المانحه ومو فارقه معاي الفلوس نهائيا بس اني خذيت من الاحتياطي وشوهته


بيني وبينج شخطت بالمركز وبعدها اعتذرت


عالعموم انا تقريبا مثل العدد الماخوذ منج ف لا تقلقي