bnr1 bnr1
bnr1 bnr1 bnr1 bnr1
bnr1 bnr1 bnr1 bnr1

زراعه الشعر في عيادة انفينيتي هير وهذي تجربتي لتستفيدوا منها

فيض الحنان

New Member
إنضم
15 يونيو 2017
المشاركات
2
مستوى التفاعل
0
النقاط
1
السلام عليكم
استفدت من هذا المنتدى وردا للجميل سوف انقل لكم تجربتي مع عيادة اسمها انفنتي هير

بسم الله نبدا

اولا توي راجع من تركيا من يومين وتوي زارع مقدمه الراس

ثانيا كلمت المنسق واتفقت معهم على السعر 4100 بصيله بــ 1450 دولار طبعا قالوا شامل كل شي الاستقبال من المطار والسكن في فندق 4 نجوم ورحله ادخل اسطنبول وحقيبه ادويه وخدمات كثيره .

المهم انهم ما سووا من هالكلام الا الاستقبل من المطار والفندق عادي جدا وسط تقسيم واتوقع انه ماهو 4 نجوم لانه الصراحه اقل من العادي والرحله راحت مافيه رحله ولا شي
المهم وصلت اول يوم ولقيت السواق في الاستقبل من المطار ركبنا ورحنا للفندق ريحت لي ساعتين وبعدها على المستشفى وصلنا وجلست مع الدكتوره وشرحت لي الوضع واخذوا التحاليل وبدات في العمليه استغرقت العمليه 6 ساعات الم الابر حقت التخدير كان مؤلم جدا لكن الحمدالله عدت على خير وبعد ما انتهيت من الزراعه انا مختار تقنية اسمها البيروكتان والصدق والله اني ما ادري هم صادقين او لا هل سووا البيروكتان او لا لاني ابي اخلص بس وانتهي بس اخذت لمحه سريعه على الادوات ما شفت ابر البيروكتان الي شفته هو مشرط واقول الله يستر بس عاد في ذمتهم .
المستشفى كان نضيف والتعقيم كان ممتاز حقيقه التعامل برضوا حلو وراقي ثاني يوم ريحت في الفندق ولا احد جاني علشان الرحله ههههههههههه اصلا هذا الي قاهرني لانهم واعديني برحله وسحبوا علي اليوم الثالث جاني واخذني للمتشفى وسوو الغسيل وعلى طول من المستشفى للمطار مباشره .

حقيبه الادويه عطوني لوشن وشامبوا طبي ومضاد حيوي ومسكن وكريم للمنطقه المانحه والله فيها الم الحين بس الله يسهلها
وقالوا فيه كورس الافضل تاخذه ومدري ايش المهم اني طاوعتهم وشريت الكورس حق شهرين ب 750 ريال وهو عباره عن شامبو طبي وبخاخ وكبسولات فيتامينات مالتي فيتامين .

وسلامتكم
كتب هالموضوع على سرعه وراح اتابع معكم اول باول

هذي صور وعساه تطلع لاني ما اعرف احمل الصور
 

المرفقات

  • زراعه الشعر 1.jpg
    زراعه الشعر 1.jpg
    316.9 KB · المشاهدات: 613
  • زراعه الشعر 2.jpg
    زراعه الشعر 2.jpg
    345.2 KB · المشاهدات: 649

Arsenal92

New Member
إنضم
1 يونيو 2017
المشاركات
10
مستوى التفاعل
0
النقاط
1
رد: زراعه الشعر في عيادة انفينيتي هير وهذي تجربتي لتستفيدوا منها

أتمنى لك التوفيق ونجاح العملية بس نتمنى لو تدرج صور قبل العملية ، ولا تنسىانا أتمنى تحدث كل فترة
 

فيض الحنان

New Member
إنضم
15 يونيو 2017
المشاركات
2
مستوى التفاعل
0
النقاط
1
رد: زراعه الشعر في عيادة انفينيتي هير وهذي تجربتي لتستفيدوا منها

باذن الله راحت اتابع معكم بس صور قبل العمليه والله ما عندي
 

alsemiri007

المشرف العام
إنضم
19 يناير 2012
المشاركات
1,653
مستوى التفاعل
0
النقاط
36
رد: زراعه الشعر في عيادة انفينيتي هير وهذي تجربتي لتستفيدوا منها

بالتوفيق اخوي ان شاء الله ولا تحرمنا من التحديثات
 

لين بسام

New Member
إنضم
17 يوليو 2017
المشاركات
1
مستوى التفاعل
0
النقاط
1
رد: زراعه الشعر في عيادة انفينيتي هير وهذي تجربتي لتستفيدوا منها

سلام اخي :emoji2: انا رح اعمل العمليه خلال هذول الاسبوعين بتقنية ال dhi ومحتاره كثير ومش عارفه اخذ قرار واخترت مركز انفينتي وهل بتنصحني بهذا المركز او لا وكيف النتائج حاليا معك ؟
 

ابونواف 2017

New Member
إنضم
15 يوليو 2017
المشاركات
8
مستوى التفاعل
0
النقاط
1
رد: زراعه الشعر في عيادة انفينيتي هير وهذي تجربتي لتستفيدوا منها

مرحبا
هل تنصح فيه
 

Lnya

موقوف
إنضم
21 يونيو 2017
المشاركات
58
مستوى التفاعل
0
النقاط
6
رد: زراعه الشعر في عيادة انفينيتي هير وهذي تجربتي لتستفيدوا منها

الف مبرووووك
 

q8withlove

Member
إنضم
17 ديسمبر 2021
المشاركات
40
مستوى التفاعل
2
النقاط
6
رد: زراعه الشعر في عيادة انفينيتي هير وهذي تجربتي لتستفيدوا منها

ديروا بالكم من المركز هذا سويت عندهم والمنطقة المانحة فيها فراغات كانها ثعلبة، حسبي الله عليهم ماعندهم مصداقية وقبل العملية كل المراكز يشرحون السلبيات والايجابيات اهم ماقالوا لي الا ان شعرك راح يصير كثيف وكله جذب، الزلمات اللي عندهم مو شايفين خير ولا يخافون الله بس يبون فلوس.. ديروا بالكم منهم عصابة… ويعدمون المنطقة المانحة*
 

q8withlove

Member
إنضم
17 ديسمبر 2021
المشاركات
40
مستوى التفاعل
2
النقاط
6
رد: زراعه الشعر في عيادة انفينيتي هير وهذي تجربتي لتستفيدوا منها

اكملكم سالفة هالمركز … مركز انفينيتي اللي اتمنى انه يسكر بالمستقبل من كثر ماهو فاشل .. المترجم النصاب محمد لما قلت له ليش ماتعلمون الناس الشعر المقتطف مايرجع في المنطقة المانحة مثل باقي المراكز يكون في شرح تفصيلي قبل العملية يقول الحقير بكل ثقة في شي مو عاجبك قدمي شكوى.. قدمت شكوى عند المركز عليه وعلى معلوماته اللي كلها تظليل وكذب.. ماردوا علي المركز.. باختصار كلهم لاعبينها صح ومتفقين مع بعض.. ديروا بالكم منهم.. ترى بس ينصبون عليكم ويسوون لكم عملية فاشلة وبعدها مالهم شغل فيكم يعني في ستين داهية اهم شي عندهم المصاري.. شحاذيين ومو احترافيين مو professional
 

q8withlove

Member
إنضم
17 ديسمبر 2021
المشاركات
40
مستوى التفاعل
2
النقاط
6
السلام عليكم… انا سويت عند هالعيادة زراعة شعر تصغير جبهة للاسف من أسوأ المراكز اللي ممكن الواحد يروح لها والسبب ان المصداقية عندهم صفر + عملياتهم فاشلة.. انا سالتهم عن زراعة الشعر،عندهم منسقة نصابة اسمها هاجر دزت لي مسج وكان فيه مكتوب نحن لانضر المنطقة المانحة، ولما قريت عن العملية بقوقل مامرت علي معلومة ان الشعر المقتطف من المنطقة المانحة مايرجع.. المركز هذا مكتم على هالموضوع.. بامريكا في عيادات كثيرة يقولون من نقول للناس ونشرح لهم قبل العملية ان الشعر المقتطف من المنطقة المانحة مايرجع، يقولون نسبة كبيرة ترفض هالعملية..
عشان جذي مركز انفينيتي الفاشل كانوا مايعلمون الناس اللي مثلي اللي مايدرون حسبي الله عليهم ونعم الوكيل.. طريقتهم اللي يدري يدري واللي مايدري طز..

طبعاً الكلام المعسول "تكرم عينك أهلا وسهلا".. بعدوا عن هالمراكز واللي يعافيكم بياعين كلام ونصابين وتفكيرهم "مصاري" بس.. لما رحت المستشفى نادوني قبل العملية ورسمت الدكتورة مادري اذا اهي صج دكتورة والاشارية شهادتها رسمت خط على الجبهة.. وقال المترجم النصاب محمد شعرك بعد العملية راح يصير كثيف كان يحرك ايده على شعره من كل صوب مثل حركات النسوان.. بس نادوني عشان يرسمون خط ويقولون شعرك راح يصير كثيف دعاية مو عملية! ومافي شرح ولا شي عن العملية ولا عن زراعة الشعر! مركز مسخرة.. سالته عن عيوب زراعة الشعر يقول شعرك الطبيعي مثل شعرك مالها عيوب.. نصاب حسبي الله عليه..

المهم لما طلعت من العملية عطوني مضادات وكريمات حق المنطقة المانحة وقال المترجم محمد النصاب هالكريم حطيه والشعر اللي ورا في المنطقة المانحة بسرعة راح يطلع، تخيلوا ماقال المقتطف ماراح يطلع! هذا الموضوع مايجيبون طاريه نهائياً عارفين شغلهم في النصب.. المهم رجعت الكويت واكتشفت هالكلام من دكتور ان عملية الاقتطاف مايرجع الشعر المقتطف في المنطقة المانحة يعني تقل كثافة الشعر.. انا انهرت نفسياً وحتى أهلي تعبت نفسيتهم معاي لما شافوا حالتي.. كلمت المترجم النصاب محمد قلت له ليش ماقلت الشعر المقتطف مايرجع في المنطقة المانحة يقول ببرود "معروووووف معرووووف الشعر المقتطف مابيرجع" اقوله شلون معروف أشتغل انا بالزراعة تقول لي معروف! انزين ليش ماقلت وانت تقول شعرك راح يصير كثيف! يقول "انا اقصدالشعر المزروع" النصاب كان يحرك ايده على كل صوب من شعره واهو يقول شعرك راح يصير كثيف.. قلت له كمل الجملة وقول "وتقل كثافة شعركم من ورا".. يقول "مافي حدا مابيعرف هالشي حضرتك جاية تعملي عملية مو عارفة شو هي لومي نفسك لا تلوميني انا فقط مترجم هون وكل اللي بيجوا عارفين شو بيعملوا اول مرة حدامابيعرف".. حسبي الله عليه ماعنده ضمير! عديم الرجولة والمروءة والحياء.. بعدين عارف يطلع عمره من الموضوع انا فقط مترجم هون!! والنصاب يقول اول مرة حدا مابيعرف! كل واحد يجيهم يقولون أول مرة!.. كلمت النصابة الثانية هاجر قلت لها ليش ماتقولون ان الشعر المقتطف من المنطقة المانحة مايرجع وانتوا تدزون مسجات وتكتبون "نحن لا نضر المنطقة المانحة" قالت "معروووف معرووووف" اقولكم ترى هذيلا حافظين الدرس كلهم مثل الكلام موصحيح هالشي معروف!.. اهما يستخدمون ال
dumb strategy
يستهبلون والله يعطونكم شعور أمبيييه معروف منو مايعرف! جذي طريقتهم حسبي الله عليهم… وبعدين تقول النصابة هاجر لو سالتيني كنت بخبرك.. في أحد يسأل عن شي مايدري عنه! المفروض تعلمون الناس من غير مايسألون.. حسبي الله ونعم الوكيل بعدين مو صحيح كلامهم النصابين انه "معروووووف معرووووف" كلمت صيادلة ودكاترة مو متخصصين بالزراعة يقولون لا مو معروف احنا مانعرف بالمعلومة هاذي وهذا المركز لو قوي يعلمج.. وفعلاً كلامهم لانه مركز فاشل يغبي عالناس ولان أهم شي عندهم
business is business ..
وبعدين مو صحيح الشعر المزروع يكون كثيف مستحيل كله فراغات مو مثل الشعر الطبيعي.. المهم كملت كلامها النصابة هاجر تقول "انتي سالتي عن العملية جاوبتك انا عطيتك معلومات فقط ومحد غصبك عقلك براسك".. عمركم شفتوا مركز جذي؟! بعدين عارفين شلون يطلعون عمرهم من الموضوع .. محمد النصاب يقول انا مالي علاقة انا فقط مترجم هون وهاجر النصابة تقول انا بس اعطي معلومات.. يعني مادري منو اللي له علاقة وشغل بالموضوع؟! جدتي مثلاً؟! وهاجر النصابة تقول انا اعطي معلومات، معلوماتها كلها تظليل الخسيسة..

كان عندي من علبة العلاج اللي عطوني ديرما رولر ومعاه انبولات ماعرفت استخدمهم سالت المترجم النصاب محمد قلت له شلون استخدمهم؟ قال تحركين الديرما رولر على المنطقة المانحة وتحطين نص الانبولة على المنطقة المانحة ونص الثاني على باقي الشعر بيساعد الشعر في المنطقة المانحة يطلع ولكن المقتطف ماراح يطلع.. لاحظوا تو يعترف ان الشعر المقتطف من المنطقة المانحة ماراح يطلع لاني عرفت بالمعلومة وقبل لما كنت في اسطنبول وعطاني الكريم المضاد الحيوي قال حطيه على المنطقة المانحة والشعر في المنطقة المانحة راح يطلع بسرعة من غير ذكر ان الشعر المقتطف ماراح يطلع لان في ذاك الوقت ماكنت اعرف! عشان تدرون ان هذا مركز ابن كلب، واللي فيه كلاب ومجرمين حسبي الله عليهم…

المهم اللي باط جبدي وقاهرني أكثر كل الدكاترة اللي شافوا عمليتي يقولون مسوين لج خط مستقيم
straight hairline
وهاجر النصابة بالتلفون كانت تقول عن خط الجبهة
احنا بنعمل zigzag
مابنعمل خط!…
قلتلها مرة ثانية اي احد يتصل عليج قولي بنعمل خط مستقيم مو تقولين احنا مابنعمل خط بنعملzigzag سكتت ماردت الحقيرة!.. المهم مايحتاج الدكاترة يقولون لي انا اشوف واعرف وحتى اهلي ورفيجاتي قالوا نفس الكلام مسوين لج خط مستقيم.. وتخيلوا التكنيك مالهم فاشل في دكتور قال لي هاذي اللي عاملة لك العملية حافظة مش فاهمة شلون تبدا مقدمة الشعر بشعرتين التكنيك شعرة شعرة مثل ال
baby hair
بعدين تزيد الكثافة عشان يصير شكله طبيعي.. وصح كلامه لان انا لما اشوف من بعيد مبين انه مثل الباربي مثل ال baby doll شعر اسود ثقيل من البداية لي النهاية مافي قذلة (غرة) جذي!..

كلمت المنسقة النصابة هاجر عن كلام الدكاترة بالكويت تقول طبيعي بيقولون لك هيك حتى يستفادوا منك.. لاحظوا "يستفادوا" والله العظيم كل من يرى الناس بعين طبعه حسبالها كل المراكز مثل مركزهم! قلت لها الدكتور ماقال بزرع لج! وبعدين احنا مو أطفال او أغبياء مايحتاج احنا بعد نميز اذا الشكل طبيعي والا عملية فاشلة وشكله جنه باروكة.. المهم النصابة هاجر ردت قالت" كل اللي بيجوا عنا يكونون راضيين ومبسوطين، انتي اول وحدة تقول هيك" جذابين واغبياء كل شي عندهم اول وحدة اول مرة يمر علينا هيك مابيعرف عن العملية.. لاحظوهم كله يستخدمون هالجمل! قلت لها شوفي السعوديين بمنتدى زراعة الشعر كلهم يسبون مركزكم ويقولون المصداقية صفر والعمليات فاشلة و وريتها رابط كذا موضوع كلهم يسبونهم.. تقول هاجر النصابة" شوالدليل انهم عملوا عنا".. يعني الناس شنو يبون يتبلون عليكم! قلت مايحتاج دليل انا دليل كافي ان عمليتي فاشلة تقول لسة ماصار لك سنة، وقبل تقول ست شهور يبين معك ولما مرت ست شهور تقول سنة! باجر اربع سنين.. قلت لها ست شهور او سنة او سنين التكنيك غلط خط وشعرتين مافي
baby hair! ..

المهم ماخذين مني 2000 بصيلة وشي وأحسهم ماخذين 5000 بصيلة ويمكن أكثر! انا قرعت من ورا شعري كله فراغات مثل الثعلبة شعري مو كثيف نفس أول حسبي الله عليهم ونعم الوكيل والمنطقة المانحة اعدموها شوهوها يعني ماقدر حتى اسوي تسريحات بشعري اظل طول عمري اغطي شعري واخليه مفلول بس.. رجعت كلمت كذا مركز بتركيا يشتغلون فيه عرب قلت لهم المركز اللي سويت عندهم ماقالوا لي ان الشعر المقتطف مايرجع قالوا حسبي الله ونعم الوكيل



.. قلت انتوا تقولون؟! قالوا اي في شرح قبل العملية نذكر مساويء ومحاسن العملية قلت المركز يقولون مشكلتج ماتعرفين شي عن العملية وجاية تسوينها لومي نفسك! قالوا لا هذا مركز غريب! انتي العميلة المفروض يشرحون لك من الالف الى الياء.. كلمت دكتور زراعة شعر بالسعودية قال ماعرف عن مراكزهم بس المفروض في شرح تفصيلي قبل العملية.. ونفس الشي بالكويت يقولون احنا نعلم شفهي وفي شرح قبل العملية.. المهم كذا مركز دقيت عليهم بتركيا اقولهم سالفة هالمركز التعبان كلهم يتحسبون عليهم وواحد منهم قال لي انتي شوداج للمركز هذا! هذا معروف مركز تجاري بحت.. وفي واحد بمركز ثاني بتركيا قال اللي سووه يعتبر "جريمة" بس عارفين شلون يطلعون عمرهم لان وقعوج على الاوراق يعني انتي مسلمتهم الخيط والمخيط قلت له تدري الاوراق المترجم محمد النصاب ماخلاني اقراها! يقول مافي شي بس اجراءات سلامة بسرعة بسرعة وقعي حتى مادري الكلام مكتوب بالتركي والا بالانجليزي! قال لا ممنوع احنا نعطيهم الاوراق ونقولهم اقروا.. ولما رجعت كلمت المترجم النصاب محمد قال اكيد اي مركز بتكلميه بيقولك هيك.. حسبي الله عليه حسباله الناس مثله تستشرف وتمثل وتنصب على الناس.. حسبالهم كل الناس مثل مركزهم مايدري ان في مراكز محترمة وزينة.. ولاحظوا مايعترفون انهم غلط..

ومحمد المترجم الحقير قال بكل ثقة قدمي شكوى عند المركز اذا في شي مو عاجبك قدمت شكوى عليه وعلى النصابة هاجر عند مركزهم ماردوا علي!.. هاذي المراكز النصابة دايماً يكون في اتفاق بينهم وبين النصابين المنسقين .. باختصار ينصبون عليكم ويسوون لكم عملية فاشلة وبعدها مالهم شغل فيكم في ستين داهية أهم شي عندهم"المصاري"..

المهم يابنات ويا شباب انا مااتمنى اي انسان يصيرله الشي اللي صارلي ولا اي انسان يخاف من الله وعنده انسانية يرضى بالشي هذا لغيره.. مايرضى بالشي هذا الا الانسان المجرم المجرد من كل مشاعر الانسانية والرحمة.. اللي يشتغلون بالمركز هذا ناس مايخافون الله اقسم بالله تسلمونهم راسكم يعدمون المنطقة المانحة ويسوون لكم عملية فاشلة ويجرمون فيكم نفسياً ومعنوياً.. بعدوا عن المراكز هاذي.. واقول للخليجيين سووا عند عيال ديرتكم دكاترة شايفين خير متخرجين من ديرتكم والا من امريكا أو اوربا وارقى الجامعات يعلمونكم ينصحونكم حتى.... ولا تروحون المراكز هاذي التعبانة ناس فقراء مشردين وشحاذين ونفوسهم دنيئة عشان جذي مايخافون الله يبون بس يعيشون.. روحوا امريكا والا اوروبا روحوا دول متقدمة .. ونصيحة ثانية لاتغركم الصور اللي تشوفونها بالمراكز والدعايات خداعة شوفوا ناس جدامكم ومجربين أحسن.. وبعدوا عن المراكز روحوا على سمعة دكاترة حاصلين على شهادات معتمدة ومسجلين في نخبة الاطباء العالميين.. وقبل اي عملية تسوونها روحوا مليون استشارة عند دكتور واستشاري بنفس الوقت مو بس دكتور! دكتور ومستشار وسجلوا بالاوراق العيوب والمميزات عشان لاتطيحون بعمليات نصب واحتيال مثل ماصار معاي.. وانا بعد تجربتي بشكل عام ماانصح بالزراعة... المهم انا حذرتكم من مركز انفينيتي.... ديروا بالكم..

وبعدين في واحد يشتغل عربي مع مركز انفينيتي قال لي احنا مسوين لج العملية بسعر رخيص 300 دولار شنو مصلحتنا اللي يبوق يبوق اكثر! طبعاً من وجهة نظري المراكز اللي تسوي سعر اغلى وتكون مراكز قوية ويعلمون الناس وفي ناس ترفض اعتقد ربحهم اقل من المراكز اللي تسوي رخيص وتنصب لان انا 300 وغيري300 يتراكم المبلغ ويصير ملايين.. والشغلة الثانية اهم يتفاخرون بموقعهم يكتبون احنا سوينا 22,000 عملية ويبون خبرات ومصاري هذا هدفهم على حساب تعاسة البشر.. اخرتكم ترى خسارة فلوس ونفسية تعبانة.. واتمنى كل شخص يقرا هالموضوع يدعي عليهم ويتحسب عليهم وعلى عيادتهم الفاشلة
 
التعديل الأخير:
أعلى