انا مقبل على عملية زراعه ارجوكم ابي مساعدتكم

السلام عليكم ورحمه الله وبركاته
ياسلام اخيراً حصلت ناس مثلي كذا احس براحه هههههههههههه المهم ماودي اطيل عليكم

انا عضو جديد عندكم انا على موعد مع الدكتور احمد التركي اسبوع الجاي عمليتي واعطيتهم المبلغ وكل شىء ياشباب تكفون تنصحوني اسوي زراعة الشعر عنده ولا لا ياقلبي احس الحين في بطني من الخرعه مابي ارمي فلوس كذا هباء منثورا ونفس الوقت ابي نتيجه حلوه فمادري ايش رايكم انتم وعندي اسئله ودي تجاوبون عليها بعد العمليه بيومين لو اطلقت صلعتي في الهواء الطلق ينبان اني سويت العمليه يعني الوخزات ونقاط الحمراء تنبان ولا لا يوم قريت في المنتدى عندكم اشوف الناس تقول انتفاخات هل هي انتفاخات قويه او لا تكفون ابي واحد يعلمني حبه حبه انا بسوي العمليه 2400 بصيله ياخذون من الشعر في الخلف هل يكون الندبه في الخلف قويه ولا خفيفه وماهي اثار الجانبيه بعد العمليه لاني عندي دوامات ومرات لازم اكشف رأسي ارجو منكم المساعده

وعندي سؤال اخر هل واحد فيكم قد سو عمليه عند احمد التركي ونجحت ولا بالامانه وبكل صدق

الغريب ماحد رد علي
لكن عمليتي مع الدكتور احمد التركي يوم السبت وراح اعطيكم كل موجوز بالعمليه يارب واعطيكم الاخبار بالتفصيل الممل وراح اكون بالمنتدى هذا وراح اعطيكم كل الاخبار كل اربعة ايام مايحصل معي ابي الناس تستفيد ان شاءالله ان كان فيه خير فالله يكتبلي خيره وان فيه شر الله يبعدني عن الشر ولكم ايضاً والسلام عليكم ..

عليكم السلام حياك الله في قافله الصلعان اركب معنا خخخخخخخخخخخخخخخ

اخي الكريم اتمنى لك التوفيق واذا سويت خطوه الى الأمام لاترجع توكل على الله

بعد العمليه اذا كشفت راسك راح تنبان انك زراع اذا مااااافيه شعر في الأمام عشان كذا بعد تساقط القشور والشعر المزروع اقولك اكشف رآسك ماعندك مشكله اسبوعين تقريبا

اما الألم صفر % اما الانتفاخات مع الدكتور احمد ماراح تواجهه اي مشاكل بأذن الله بس اتبع تعليماته

موفق ان شاء الله وبانتظار تقريبا على فكره اي درجه انت ؟

حياك الله اخوي
ماقصر مشرفنا عبدالله كلامه صحيح واتفق معاه
واضيف عليه
باني انصحك ان تتصفح المنتدى وخاصه قسم تجارب الاعضاء
هنالك تقارير من الاعضاء سواء ذكور او اناث عند الدكتور احمد التركي وعند غيره من الاطباء
وعن زراعتهم وبالتفصيل وبالصور منها تجربتي
راجع قسم تجارب الاعضاء تقارير كامله وصور وتفاصيل دقيقه ومناقشات بين الاعضاء عن كل مايدور في بالك من استفسارات
تحياتي لك

تصدقون انا من اهل الشرقيه طيب كلمت سكرتيره الدكتور احمد التركي تقول ها تبي تسوي العمليه فانا بديت ارتبك بين ايه والسنه الجايه اشوف عندي شعر وبفلها ومرات اقول سالفة الغرز والانتفاخات والمشكله دواماتي فاتشكك المهم قلت تدرين كم رقم حسابكم فارسلت لي الحساب وارسلت لها المبلغ وجلست اليوم بالبيت كاني حزين اهلي يطالعون فيني مو عشان الفلوس رايح الخط لحالي ورياض ماعرف فيها احد ابدا البته وجاء الساعه 12 الليل قلت تدري مسكنا خط الرياض والعجوزه والعجوز نايمين مايدرون اني بروح الرياض رحت ليم غرفتهم < ياقليل الحياء هههههه فحبيت على روسهم فصحو قالو وش فيك قلت بروح الرياض عندي شغله وبجي وجلست امي فوق راسي تحن علي وين تبي تروح وين تبي تروح قلت ازبده يمه انا انسان بسوي زراعة الشعر فقالت انتبه على نفسك بس ها لا تقول ابوك بسالفه الشعر اخاف بينجن حتى هو الثاني يروح يلحقك هههههههه والان انا اكلمكم انا بالرياض ماعرف فيها ولا احد استاجرت شقة مفروشه صغيره قريبه من مستشفى أدمه وعسى الله يكتب مافيها الخير وراح اراسلكم بعد العمليه على طول على خشمي ومع الصور وفمان الله ادعولي بتوفيق

اما سؤال اخوي يوم قال كم درجة صلعتك قالي الدكتور احمد التركي عندك شعر فوق راس تقريبا فقط 30 بالميه وقالي سوها الحين ازين ماتسويها بعدين عشان لا ينبان العمليه عليها توكلت على الله عندي شعر خفيف بالامام مطولها ومسرحها يسار يمين عشان اخبي الصلعه وفقط

لا انشالله الله يوفقك بس كم كلفت وهل يحلق شعرك ولا تستفيد من الشعر اللي قدام
وتخفي الزراعه

انشالله الله يوفقك بس كم كلفت وهل يحلق شعرك ولا تستفيد من الشعر اللي قدام
وتخفي الزراعه



كلفتني العمليه طال عمرك 24 الف ريال وحلق شعر المانحه فقط يحلقها بشكل جميل لدرجة الواحد مايقدر يشوفك انك محلق
تقريبا البويصلات حول الفين واربع مية واربعه وسبعين ببصيله باتمام والكمام

الله يوفقك اخوي وتشوف احسن النتائج