تقييم لو تكرمتم لشعرى لان قررت الزراعه ان شاء الله

السلام عليكم ورحمة الله وبركاته
انا اليوم أكملت 23 سنه الحمد لله, والحقيقه عندى تساقط شعر من حوالى 3 سنين, ومن حوالى 6 شهور بدأت استخدام المينوكسديل 5% كنت منتظم فى استخدامه اول 3 او اربع شهور وبعد كدا بقيت انسى مرات كتير انى استخدمه .. عموماً شعرى لحد الان ما زال بيتساقط يمكن عشان استخدامى للمينوكسديل اصبح غير منتظم .. الموضوع تعبنى نفسياً مش هدكب عليكم ويمكن دااللى خلانى ايأس من استخدام المينوكسديل وغير انه بيطلعلى شعر خشن لان شعرى الاصلى ناعم جداً, لكنى قررت انى ازرع فى القريب ان شاء الله. وانا ارفقت بعض الصور لشعرى ولو تتكرموا تنصحونى بايه بالنسبه للزراعه لانى مش عندى خبره خالص لكن من قرائتى لبعض تجارب الاصدقاء هنا لقيت ما شاء الله تجارب ناجحه فى زراعة الشعر ودا ادانى امل الحمد لله.. فياريت تقولوى هل شعرى كدا محتاج زرعه واحده ويكون كثيف ام انه هيحتاج ازرع وبعد كدا تكثيف؟ والاسعار حابب اعرف ايه رأيكم فى مركز دكتور ياكتين فى اسطنبول لقيت ناس بتشكر فى المركز دا وهل السعر ممكن نتفاوض فيه لان الميزانيه بالنسبه ليا مأثره شويه


بعتذر ان جودة التصوير ليست جيده, وشكراً ليكم مقدماً.

رد: تقييم لو تكرمتم لشعرى لان قررت الزراعه ان شاء الله

اخي الكريم كل سنة و انت طيب و طول العمر ليك ان شاء الله ،هل عندما كنت تستعمل الأدوية كنت تري تحسن او علي الاقل توقف للسقوط؟
اذا كان نعم ارجع للادوية فورا بالتزام حتي يمر الوقت و تري التطور بدرجة السقوط ،اذا كان لا فهذا معناه ان السقوط سريع و انصحك بعدم الأقدام علي الزراعة الا و انت تشعر انت بنفسك و ليس راي احد ان التساقط بدا يتباطيء و يهديء شوية،ساعتها يكون افضل للزراعة حتي لا تستهلك الجرافتس الان فهي لا تعوض ،و اما راي فأنا اعتقد انك شكلك ليس بالسيء أبدا ،و يمكنك عن طريق الأدوية ان تؤخر السقوط و تستفيد بتأخير للزراعة فهي تطور كل فترة و تصبح افضل ،بالتوفيق*

رد: تقييم لو تكرمتم لشعرى لان قررت الزراعه ان شاء الله

Salimoz قال:

اخي الكريم كل سنة و انت طيب و طول العمر ليك ان شاء الله ،هل عندما كنت تستعمل الأدوية كنت تري تحسن او علي الاقل توقف للسقوط؟
اذا كان نعم ارجع للادوية فورا بالتزام حتي يمر الوقت و تري التطور بدرجة السقوط ،اذا كان لا فهذا معناه ان السقوط سريع و انصحك بعدم الأقدام علي الزراعة الا و انت تشعر انت بنفسك و ليس راي احد ان التساقط بدا يتباطيء و يهديء شوية،ساعتها يكون افضل للزراعة حتي لا تستهلك الجرافتس الان فهي لا تعوض ،و اما راي فأنا اعتقد انك شكلك ليس بالسيء أبدا ،و يمكنك عن طريق الأدوية ان تؤخر السقوط و تستفيد بتأخير للزراعة فهي تطور كل فترة و تصبح افضل ،بالتوفيق*

أنقر للتوسيع...

وانت طيب, أشكرك جداً اخى على كلامك. أنا كنت بدأت باستخدام فيتامينات Hairtone و Nitora حوالى 3 شهور مع بداية استخدامى للمينوكسديل, وهو فعلاً مع انتظامى فى استخدام المينوكسديل تقريباً التساقط توقف لكنه رجع تانى للتساقط لعدم انتظامى فى استخدام المينوكسديل. لكن عندك حق فعلاً ان شاء الله هنتظر على الاقل لحد ما اشوف اخر التساقط هيبطئ امتى. أشكرك مره تانيه على نصيحتك.