وداع الروح
Member
- إنضم
- 30 أكتوبر 2012
- المشاركات
- 42
- مستوى التفاعل
- 0
- النقاط
- 6
بسم الله الرحمن الرحيم
تاريخ العمليه : 2016/9/1
نوع العملية : الاقتطاف
مدة العملية : 6 ساعات مع راحه ربع ساعه تقريبا
عدد البصيلات 3700 بصيله حسب كلام المركز ويوجد شهادة من الدكتور بذلك
التكلفة : 1500 دولار شامل النتقلات والادوية والبلازما بدون اقامه لاني رحت للسياحه
مو معقول بروح تركيا فقط للزراعه استغليتها وخذت المدام والعيال التذكره مباشره على الخطوط التركيه 1200 ريال للكبار
وسكنت بمنطقة السلطان احمد جنب الترام وكل المزارات التاريخيه والحدائق قضيتها اسبوع تمشيه اسطنبول بورصا واخر 3 ايام عمليه
الأدوية المصروفة : مسكّن ومضاد حيوى وشامبو ولوشن وأسبرين
بدأت العمليه اولا بفحص عينة من الدم واخذ حبتين مهدئه تخليك تنام وتصحى وتدوخ بصراحه
ثم التخدير الموضعي (مؤلم بصراحه ) بسبب وخز الابر ومن ثم الاقتطاف وغرز البصيلات من قبل المساعدين وفتح القنوات من قبل الطبيب وغادر الى غرفه اخرى
العيوب/1 / قيامهم بعمل 4 عمليات تقريبا بنفس الوقت باربع غرف انا شاهدت بعيني 3 اشخاص معي الغرفه الرابعه ما انتبهت اذا فيها احد
2/ وانا طالع العصر شفت سعودي توه بيدا العمليه
3/ صغر المركز وعدم وجود خصوصيه يستقبلك الطبيب عن الاستقبال وعند الراحه تكون عند الاستقبال
لاحظت بنتين خليجيات شافوني وحسيت انهم محرجين
يعني معقوله 6 ساعات عمليه وبيعملون عمليه اخرى من 4 العصر الى 10 بالليل بنفس الطاقم وانا غير متاكد اذا نفس الطاقماو غيره
2/ لاحظت بعض الطواقم مكونه من بنتين وشاب
وبعضهم من شباب فقط في منهم متميز وكن لايتواجدون الثلاثه بنفس الوقت يتناوبون على الغرف ولو كانوا متواجدين مع الدكتور كان شغلهم 100% ولكن للاسف اكبر قدر ممكن باليوم من العمليات يقلل الجوده
3/ اغلب الشغل يكون من قبل شخص او شخصين الاقتطاف والزراعه
4/ لاتعطى فرصه اكبر لرسم الخط خصوصا اذا دفعت العربون
المميزات
الدكتور يرسم الخط على رقم تحفظي على رفعه عن موضعه الطبيعي
2/ سعرهم مناسب بالنسبه مقارنه بغيرهم
قبل العمليه بشهر
الحلاقه بعد رسم خط المقدمه
وهذا اول يوم وبعد اسبوع
وظهور القشور ...طبيعي
المنطقه المانحه الحمدلله تحسنت لاني استخدمت زيت بشكل يومي للترطيب واضع فوقه اللوشن بعد ماحط لوش لمدة ربع ساعه وبعده اغسله شامبو شريته منهم طبعا 15 يوم تستمر على الغسل اليومي
واللي مايبي يشتري يستخدم سيبا ميد 5.5 اوجونسون حق الاطفال لانه خفيف ويناسب
لان سعر الشامبو والزيت عندهم مبالغ فيه جدا يعرضونه عليك عن طريق سوريه اخر يوم بعد الغسيل
لا انصح بالشراء منهم واستبدله بزيت خفيف وشامبو اطفال سيبا ميد 5.5
وهذي صوره واضحه
الزراعه مو بالسهوله اللي تتصورنها اثناء وبعد
لازم بعد الزراعه ماتنام الا على ظهرك وراسك فوق بزاوية 90 لمدة معينه شان تمسك صح
واحذر يضرب راسك عند الركوب بالسياره
اللهم صل على محمد وعلى آله وصحبه أجمعين