ارجو الافـــــــــــــــــــــــاده ضرورى

السلام عليكم انا حبيت المنتدى جدا والاجابات القيمه من الساده الكرام ....فكان لى عندى بعض الاسئله ياريت المساعده بها ...
اولا انا عندى 33 سنه انا شعرى خف بسيط من الامام مش لدرجه انو باين غير لو جبت شعرى يمين وشمال فيظهر ذالك هو الفراغ بسيط والشعر متواجد فيه بس صغير فقلقت بعض الشئ .
ثانيا انا كنت عامل دايت بس بدون طبيب خسيت حوالى 20كيلو فى فتره اربع شهور وكنت منتظم جد عليه بخس كيلو فى الاسبوع وطبعا الرياضه كانت اهم شى فقولت يمكن الدايت هو اللى عمل كده
انامن مستخدمى الفرد والاستشوار مكنش فى اى حاجه بس قولت يمكن من ده فاحترت كثيرا
ذهبت للدكتور طلب s.feritin&cbc طلع نسبه الحديد 72 وهيا تتراوح من 22-322 وصوره الدم طبيعيه
قالى انت زاى الفل ومفيش حاجه ومتفكرش كتير فكتب لي علاج كبسول بانتوجار وشامبو هرباميكس وبيرفورما اكسترا مينوكسديل 5% وسيرم ايبافكس

المشكله بقى انا مش عايز اخد بيرفورما اكسترا مينوكسديل 5% مش مستريح ليه من الشكاوى اللى عليه حتى جبته ورميته لان خايف بصراحه منه لانه للصلع الوراثى مش محتاجه لهذا الشئ والفتره الطويله اللى بعدها وتبطيله تدريجيا وبيوقع باقى الشعر لو استعمل غلط ده مشكله

فانا بعد اذن الساده الاطباء حاجه بديله لهذا المحلول انا عايز كريم مثلا للشعر ينمو الشعر ويطوله ويتقله اى حاجه غير ده..

انا عارف انى موضوعى طويل بس بتأسف للاطاله فى الحديث ولكم جزيل الشكر.

رد: ارجو الافـــــــــــــــــــــــاده ضرورى

مفيش اي حاجه ادويه معتمده "لتبطيئ الصلع الوراثي" غير المينكسوديل او الفيناسترايد والتاني تاثيره اقوي بس مشاكله الجانبيه اكتر واصعب
المينكسوديل مشاكله الجانبيه تقريبا قليله .. اتوكل ع الله واستخدمه لان مفيش حاجه تالته

رد: ارجو الافـــــــــــــــــــــــاده ضرورى

للاسف لايوجد علاج للصلع الا المينوكسيدل والفناسترايد انصحك لا تقرب الفنايستراد راح يسببلك نقص حاد في عدد الحيوانات المنويه + نقص حاد في حركة الحيوانات المنويه + لزوجة السائل المنوي وراح يكلفك علاج الاعراض الجانبية اكثر من قيمة الزراعة واكثر من قيمة الفنسترايد اضعاف وراح تدخل دوامه نفسية ماراح تطلع منها .