bnr1 bnr1
bnr1 bnr1 bnr1 bnr1
bnr1 bnr1 bnr1 bnr1

شرايكم ب infinity hair

بوالوليد

New Member
إنضم
27 أبريل 2016
المشاركات
2
مستوى التفاعل
0
النقاط
1
السلام عليكم ..، انا احترت وبحثت عن افضل مركز لزراعة الشعر ... وتواصلت مع مركزين

رويال هير وقال لي را تكلفك 2400 دولار

انفنيتي هير تكلفتعا 1500 دولار

مدري في احد جرب انفنيتي هير ؟

 

بوالوليد

New Member
إنضم
27 أبريل 2016
المشاركات
2
مستوى التفاعل
0
النقاط
1
رد: شرايكم ب infinity hair

شكرا اخي من جد انا يوم شفت سعرهم شكيت في الوضع ولا ارتحت لهم وبحثت عن تجارب ماحصلت
 

ولد نجد 1

Active Member
إنضم
27 أغسطس 2014
المشاركات
2,704
مستوى التفاعل
0
النقاط
36
رد: شرايكم ب infinity hair

المهم انتبه ولازم تنبه اي واحد بيزرع شعره يراسل المستشفى الي بيزرع عندهم ويسالهم عن موضوع تخثر الدم والجروح الي تصير بالراس بعد الزراعة لازم تستفسر عن هالموضوع لانه تكرر هنا فيه خمس حالات زرعوا وصار لهم تخثر وجروح بفروة الراس واخرتها المركز يتنصل من المسؤلية احسن شي يكون الاتفاق قبل العملية وقبل السفر لهم وترسل لهم صورة لموضوع الجروح والتخثر وتقول قبل العملية هل من المحتمل يكون معي مثل هذا ؟؟ واذا صار معي لو قدر الله كيف اقدر اخذ حقي ؟؟؟ ياناااس خلوكم ذئاب شكل الزراعة صارت تجارة صارت تخووف
 

q8withlove

Member
إنضم
17 ديسمبر 2021
المشاركات
40
مستوى التفاعل
2
النقاط
6
رد: شرايكم ب infinity hair

هذا من اسوا المراكز في العالم يقولون ماخذين مني 2000 بصيلة والنتيجة زفت.. احس ماخذين 5000 الاف بصيلة ويمكن اكثر انا قرعت من ورا وفيني مثل الثعلبة كله فراغات.. ديروا بالكم منهم حسبي الله عليهم ونعم الوكيل.. عندهم منسقة اسمها هاجر حسبي الله عليها ونعم الوكيل تدز من المسجات تكتب نحن لا نضر المنطقة المانحة وفي مترجم بعد اسمه محمد حسبي الله عليه سالته شنو عيوب الزراعة لما رحت المركز يقول مالها عيوب.. ترى المركز هذا يكتم على موضوع ان الشعر من المنطقة المانحة *مايرجع حسبي الله عليهم.. كل المراكز تقول الا اهم.. وبعدين المترجم اللي اسمه محمد مايترجم للناس شنو مكتوب بالعقد يقول بس انكم موافقين على العملية.. والعقد يمكن مكتوب فيه التفاصيل.. حسبي الله عليهم ناس مادية وماتخاف الله *.. ولما سالتهم قلت لهم ليش ماتعلمون ان الشعر المقتطف من المنطقة المانحة مايرجع.. هاجر ومحمد اثنيناتهم يقولون "معروف معروف" ترى حافظين الدرس اقول شلون معروف هاجر تقول لو تسالون نعلمكم.. شلون احد يسال عن شي مايدري عنه! حسبي الله عليهم.. ومحمد النصاب يقول مشكلتج جاية تسوين عملية ماتعرفين عنها لومي نفسك.. حسبي الله عليه .. عمركم شفتوا مركز جذي؟! كل المراكز اللي اقولهم سالفتهم يتحسبون عليهم ويقولون شنو هالمركز الغريب انتي اللي جاية المفروض يزودونج بالبيانات.. ديروا بالكم من هالمركز ناس ماتخاف الله والمصداقية عندهم صفر وخصوصاً هذا اللي اسمه محمد اي وحدة او واحد يجيه يقولكم شعركم راح يصير كثيف وكله جذب عمر الزراعة ماتكون كثيفه يكون فيها فراغات.. ديروا بالكم منهم ناس ماتخاف الله حسبي الله عليهم..* اقول للخليجيين سووا بديرتكم ترى عيال ديرتكم احسن على الاقل دكاترة متخرجين من لندن وامريكا وناس شايفة خير ويقولون لكم التفاصيل ويقولون لكم المنطقة المانحة ماترجع.. اما اللي يشتغلون بمثل هالمراكز التعبانة دايماً يكونون فقراء وشحاذين ونفوسهم دنيئة ومشردين عشان جذي مايخافون الله ويبون فلوس بس..*
 

q8withlove

Member
إنضم
17 ديسمبر 2021
المشاركات
40
مستوى التفاعل
2
النقاط
6
رد: شرايكم ب infinity hair

اكملكم سالفة هالمركز … مركز انفينيتي اللي اتمنى انه يسكر بالمستقبل من كثر ماهو فاشل .. المترجم النصاب محمد لما قلت له ليش ماتعلمون الناس الشعر المقتطف مايرجع في المنطقة المانحة مثل باقي المراكز يكون في شرح تفصيلي قبل العملية يقول الحقير بكل ثقة في شي مو عاجبك قدمي شكوى.. قدمت شكوى عند المركز عليه وعلى معلوماته اللي كلها تظليل وكذب.. ماردوا علي المركز.. باختصار كلهم لاعبينها صح ومتفقين مع بعض.. ديروا بالكم منهم.. ترى بس ينصبون عليكم ويسوون لكم عملية فاشلة وبعدها مالهم شغل فيكم يعني في ستين داهية اهم شي عندهم المصاري.. شحاذيين ومو احترافيين مو professional
 

q8withlove

Member
إنضم
17 ديسمبر 2021
المشاركات
40
مستوى التفاعل
2
النقاط
6
السلام عليكم… انا سويت عند هالعيادة زراعة شعر تصغير جبهة للاسف من أسوأ المراكز اللي ممكن الواحد يروح لها والسبب ان المصداقية عندهم صفر + عملياتهم فاشلة.. انا سالتهم عن زراعة الشعر،عندهم منسقة نصابة اسمها هاجر دزت لي مسج وكان فيه مكتوب نحن لانضر المنطقة المانحة، ولما قريت عن العملية بقوقل مامرت علي معلومة ان الشعر المقتطف من المنطقة المانحة مايرجع.. المركز هذا مكتم على هالموضوع.. بامريكا في عيادات كثيرة يقولون من نقول للناس ونشرح لهم قبل العملية ان الشعر المقتطف من المنطقة المانحة مايرجع، يقولون نسبة كبيرة ترفض هالعملية..
عشان جذي مركز انفينيتي الفاشل كانوا مايعلمون الناس اللي مثلي اللي مايدرون حسبي الله عليهم ونعم الوكيل.. طريقتهم اللي يدري يدري واللي مايدري طز..

طبعاً الكلام المعسول "تكرم عينك أهلا وسهلا".. بعدوا عن هالمراكز واللي يعافيكم بياعين كلام ونصابين وتفكيرهم "مصاري" بس.. لما رحت المستشفى نادوني قبل العملية ورسمت الدكتورة مادري اذا اهي صج دكتورة والاشارية شهادتها رسمت خط على الجبهة.. وقال المترجم النصاب محمد شعرك بعد العملية راح يصير كثيف كان يحرك ايده على شعره من كل صوب مثل حركات النسوان.. بس نادوني عشان يرسمون خط ويقولون شعرك راح يصير كثيف دعاية مو عملية! ومافي شرح ولا شي عن العملية ولا عن زراعة الشعر! مركز مسخرة.. سالته عن عيوب زراعة الشعر يقول شعرك الطبيعي مثل شعرك مالها عيوب.. نصاب حسبي الله عليه..

المهم لما طلعت من العملية عطوني مضادات وكريمات حق المنطقة المانحة وقال المترجم محمد النصاب هالكريم حطيه والشعر اللي ورا في المنطقة المانحة بسرعة راح يطلع، تخيلوا ماقال المقتطف ماراح يطلع! هذا الموضوع مايجيبون طاريه نهائياً عارفين شغلهم في النصب.. المهم رجعت الكويت واكتشفت هالكلام من دكتور ان عملية الاقتطاف مايرجع الشعر المقتطف في المنطقة المانحة يعني تقل كثافة الشعر.. انا انهرت نفسياً وحتى أهلي تعبت نفسيتهم معاي لما شافوا حالتي.. كلمت المترجم النصاب محمد قلت له ليش ماقلت الشعر المقتطف مايرجع في المنطقة المانحة يقول ببرود "معروووووف معرووووف الشعر المقتطف مابيرجع" اقوله شلون معروف أشتغل انا بالزراعة تقول لي معروف! انزين ليش ماقلت وانت تقول شعرك راح يصير كثيف! يقول "انا اقصدالشعر المزروع" النصاب كان يحرك ايده على كل صوب من شعره واهو يقول شعرك راح يصير كثيف.. قلت له كمل الجملة وقول "وتقل كثافة شعركم من ورا".. يقول "مافي حدا مابيعرف هالشي حضرتك جاية تعملي عملية مو عارفة شو هي لومي نفسك لا تلوميني انا فقط مترجم هون وكل اللي بيجوا عارفين شو بيعملوا اول مرة حدامابيعرف".. حسبي الله عليه ماعنده ضمير! عديم الرجولة والمروءة والحياء.. بعدين عارف يطلع عمره من الموضوع انا فقط مترجم هون!! والنصاب يقول اول مرة حدا مابيعرف! كل واحد يجيهم يقولون أول مرة!.. كلمت النصابة الثانية هاجر قلت لها ليش ماتقولون ان الشعر المقتطف من المنطقة المانحة مايرجع وانتوا تدزون مسجات وتكتبون "نحن لا نضر المنطقة المانحة" قالت "معروووف معرووووف" اقولكم ترى هذيلا حافظين الدرس كلهم مثل الكلام موصحيح هالشي معروف!.. اهما يستخدمون ال
dumb strategy
يستهبلون والله يعطونكم شعور أمبيييه معروف منو مايعرف! جذي طريقتهم حسبي الله عليهم… وبعدين تقول النصابة هاجر لو سالتيني كنت بخبرك.. في أحد يسأل عن شي مايدري عنه! المفروض تعلمون الناس من غير مايسألون.. حسبي الله ونعم الوكيل بعدين مو صحيح كلامهم النصابين انه "معروووووف معرووووف" كلمت صيادلة ودكاترة مو متخصصين بالزراعة يقولون لا مو معروف احنا مانعرف بالمعلومة هاذي وهذا المركز لو قوي يعلمج.. وفعلاً كلامهم لانه مركز فاشل يغبي عالناس ولان أهم شي عندهم
business is business ..
وبعدين مو صحيح الشعر المزروع يكون كثيف مستحيل كله فراغات مو مثل الشعر الطبيعي.. المهم كملت كلامها النصابة هاجر تقول "انتي سالتي عن العملية جاوبتك انا عطيتك معلومات فقط ومحد غصبك عقلك براسك".. عمركم شفتوا مركز جذي؟! بعدين عارفين شلون يطلعون عمرهم من الموضوع .. محمد النصاب يقول انا مالي علاقة انا فقط مترجم هون وهاجر النصابة تقول انا بس اعطي معلومات.. يعني مادري منو اللي له علاقة وشغل بالموضوع؟! جدتي مثلاً؟! وهاجر النصابة تقول انا اعطي معلومات، معلوماتها كلها تظليل الخسيسة..

كان عندي من علبة العلاج اللي عطوني ديرما رولر ومعاه انبولات ماعرفت استخدمهم سالت المترجم النصاب محمد قلت له شلون استخدمهم؟ قال تحركين الديرما رولر على المنطقة المانحة وتحطين نص الانبولة على المنطقة المانحة ونص الثاني على باقي الشعر بيساعد الشعر في المنطقة المانحة يطلع ولكن المقتطف ماراح يطلع.. لاحظوا تو يعترف ان الشعر المقتطف من المنطقة المانحة ماراح يطلع لاني عرفت بالمعلومة وقبل لما كنت في اسطنبول وعطاني الكريم المضاد الحيوي قال حطيه على المنطقة المانحة والشعر في المنطقة المانحة راح يطلع بسرعة من غير ذكر ان الشعر المقتطف ماراح يطلع لان في ذاك الوقت ماكنت اعرف! عشان تدرون ان هذا مركز ابن كلب، واللي فيه كلاب ومجرمين حسبي الله عليهم…

المهم اللي باط جبدي وقاهرني أكثر كل الدكاترة اللي شافوا عمليتي يقولون مسوين لج خط مستقيم
straight hairline
وهاجر النصابة بالتلفون كانت تقول عن خط الجبهة احنا بنعمل zigzag
مابنعمل خط!…
قلتلها مرة ثانية اي احد يتصل عليج قولي بنعمل خط مستقيم مو تقولين احنا مابنعمل خط بنعملzigzag سكتت ماردت الحقيرة!.. المهم مايحتاج الدكاترة يقولون لي انا اشوف واعرف وحتى اهلي ورفيجاتي قالوا نفس الكلام مسوين لج خط مستقيم.. وتخيلوا التكنيك مالهم فاشل في دكتور قال لي هاذي اللي عاملة لك العملية حافظة مش فاهمة شلون تبدا مقدمة الشعر بشعرتين التكنيك شعرة شعرة مثل ال
baby hair
بعدين تزيد الكثافة عشان يصير شكله طبيعي.. وصح كلامه لان انا لما اشوف من بعيد مبين انه مثل الباربي مثل ال baby doll شعر اسود ثقيل من البداية لي النهاية مافي قذلة (غرة) جذي!..

كلمت المنسقة النصابة هاجر عن كلام الدكاترة بالكويت تقول طبيعي بيقولون لك هيك حتى يستفادوا منك.. لاحظوا "يستفادوا" والله العظيم كل من يرى الناس بعين طبعه حسبالها كل المراكز مثل مركزهم! قلت لها الدكتور ماقال بزرع لج! وبعدين احنا مو أطفال او أغبياء مايحتاج احنا بعد نميز اذا الشكل طبيعي والا عملية فاشلة وشكله جنه باروكة.. المهم النصابة هاجر ردت قالت" كل اللي بيجوا عنا يكونون راضيين ومبسوطين، انتي اول وحدة تقول هيك" جذابين واغبياء كل شي عندهم اول وحدة اول مرة يمر علينا هيك مابيعرف عن العملية.. لاحظوهم كله يستخدمون هالجمل! قلت لها شوفي السعوديين بمنتدى زراعة الشعر كلهم يسبون مركزكم ويقولون المصداقية صفر والعمليات فاشلة و وريتها رابط كذا موضوع كلهم يسبونهم.. تقول هاجر النصابة" شوالدليل انهم عملوا عنا".. يعني الناس شنو يبون يتبلون عليكم! قلت مايحتاج دليل انا دليل كافي ان عمليتي فاشلة تقول لسة ماصار لك سنة، وقبل تقول ست شهور يبين معك ولما مرت ست شهور تقول سنة! باجر اربع سنين.. قلت لها ست شهور او سنة او سنين التكنيك غلط خط وشعرتين مافي
baby hair! ..

المهم ماخذين مني 2000 بصيلة وشي وأحسهم ماخذين 5000 بصيلة ويمكن أكثر! انا قرعت من ورا شعري كله فراغات مثل الثعلبة شعري مو كثيف نفس أول حسبي الله عليهم ونعم الوكيل والمنطقة المانحة اعدموها شوهوها يعني ماقدر حتى اسوي تسريحات بشعري اظل طول عمري اغطي شعري واخليه مفلول بس.. رجعت كلمت كذا مركز بتركيا يشتغلون فيه عرب قلت لهم المركز اللي سويت عندهم ماقالوا لي ان الشعر المقتطف مايرجع قالوا حسبي الله ونعم الوكيل



.. قلت انتوا تقولون؟! قالوا اي في شرح قبل العملية نذكر مساويء ومحاسن العملية قلت المركز يقولون مشكلتج ماتعرفين شي عن العملية وجاية تسوينها لومي نفسك! قالوا لا هذا مركز غريب! انتي العميلة المفروض يشرحون لك من الالف الى الياء.. كلمت دكتور زراعة شعر بالسعودية قال ماعرف عن مراكزهم بس المفروض في شرح تفصيلي قبل العملية.. ونفس الشي بالكويت يقولون احنا نعلم شفهي وفي شرح قبل العملية.. المهم كذا مركز دقيت عليهم بتركيا اقولهم سالفة هالمركز التعبان كلهم يتحسبون عليهم وواحد منهم قال لي انتي شوداج للمركز هذا! هذا معروف مركز تجاري بحت.. وفي واحد بمركز ثاني بتركيا قال اللي سووه يعتبر "جريمة" بس عارفين شلون يطلعون عمرهم لان وقعوج على الاوراق يعني انتي مسلمتهم الخيط والمخيط قلت له تدري الاوراق المترجم محمد النصاب ماخلاني اقراها! يقول مافي شي بس اجراءات سلامة بسرعة بسرعة وقعي حتى مادري الكلام مكتوب بالتركي والا بالانجليزي! قال لا ممنوع احنا نعطيهم الاوراق ونقولهم اقروا.. ولما رجعت كلمت المترجم النصاب محمد قال اكيد اي مركز بتكلميه بيقولك هيك.. حسبي الله عليه حسباله الناس مثله تستشرف وتمثل وتنصب على الناس.. حسبالهم كل الناس مثل مركزهم مايدري ان في مراكز محترمة وزينة.. ولاحظوا مايعترفون انهم غلط..

ومحمد المترجم الحقير قال بكل ثقة قدمي شكوى عند المركز اذا في شي مو عاجبك قدمت شكوى عليه وعلى النصابة هاجر عند مركزهم ماردوا علي!.. هاذي المراكز النصابة دايماً يكون في اتفاق بينهم وبين النصابين المنسقين .. باختصار ينصبون عليكم ويسوون لكم عملية فاشلة وبعدها مالهم شغل فيكم في ستين داهية أهم شي عندهم"المصاري"..

المهم يابنات ويا شباب انا مااتمنى اي انسان يصيرله الشي اللي صارلي ولا اي انسان يخاف من الله وعنده انسانية يرضى بالشي هذا لغيره.. مايرضى بالشي هذا الا الانسان المجرم المجرد من كل مشاعر الانسانية والرحمة.. اللي يشتغلون بالمركز هذا ناس مايخافون الله اقسم بالله تسلمونهم راسكم يعدمون المنطقة المانحة ويسوون لكم عملية فاشلة ويجرمون فيكم نفسياً ومعنوياً.. بعدوا عن المراكز هاذي.. واقول للخليجيين سووا عند عيال ديرتكم دكاترة شايفين خير متخرجين من ديرتكم والا من امريكا أو اوربا وارقى الجامعات يعلمونكم ينصحونكم حتى.... ولا تروحون المراكز هاذي التعبانة ناس فقراء مشردين وشحاذين ونفوسهم دنيئة عشان جذي مايخافون الله يبون بس يعيشون.. روحوا امريكا والا اوروبا روحوا دول متقدمة .. ونصيحة ثانية لاتغركم الصور اللي تشوفونها بالمراكز والدعايات خداعة شوفوا ناس جدامكم ومجربين أحسن.. وبعدوا عن المراكز روحوا على سمعة دكاترة حاصلين على شهادات معتمدة ومسجلين في نخبة الاطباء العالميين.. وقبل اي عملية تسوونها روحوا مليون استشارة عند دكتور واستشاري بنفس الوقت مو بس دكتور! دكتور ومستشار وسجلوا بالاوراق العيوب والمميزات عشان لاتطيحون بعمليات نصب واحتيال مثل ماصار معاي.. وانا بعد تجربتي بشكل عام ماانصح بالزراعة... المهم انا حذرتكم من مركز انفينيتي.... ديروا بالكم..

وبعدين في واحد يشتغل عربي مع مركز انفينيتي قال لي احنا مسوين لج العملية بسعر رخيص 300 دولار شنو مصلحتنا اللي يبوق يبوق اكثر! طبعاً من وجهة نظري المراكز اللي تسوي سعر اغلى وتكون مراكز قوية ويعلمون الناس وفي ناس ترفض اعتقد ربحهم اقل من المراكز اللي تسوي رخيص وتنصب لان انا 300 وغيري300 يتراكم المبلغ ويصير ملايين.. والشغلة الثانية اهم يتفاخرون بموقعهم يكتبون احنا سوينا 22,000 عملية ويبون خبرات ومصاري هذا هدفهم على حساب تعاسة البشر.. اخرتكم ترى خسارة فلوس ونفسية تعبانة.. واتمنى كل شخص يقرا هالموضوع يدعي عليهم ويتحسب عليهم وعلى عيادتهم الفاشلة
 
التعديل الأخير:

M_297

New Member
إنضم
7 أبريل 2022
المشاركات
1
مستوى التفاعل
0
النقاط
1
العمر
27
انا عملت بلازما عند مركز انفينيتي في اسطنبول في مترجم اسمه محمد يشتغل في المركز يقول انه تركماني مع ان لهجته واللكنة سورية كلامه سوري! وانا اسوي بلازما دخل وانا مو لابسة حجاب وبدون استئذان قليل الادب وقال بعد ماخلصت البلازما اذا راح تزوري اسطنبول مرة ثانية وحابة تعملي بلازما تعالي عند مركزنا، وحاول يضيفني بالسناب اكثر من مرة عن طريق رقم الهاتف، بصراحة انا انزعجت منه، انسان بالغ وتصرفاته تصرفات مراهقين طايشين، افتقار الادب في المهنية يخسركم زباين، لا يراعون بنت متزوجة او غير متزوجة، يعني المتزوجة شنو يكون موقفها عند زوجها اسم غريب كل شوي يضيفها بالسناب؟!
اسمه بالسناب
mhmdkydtrkmny

أرفقت الصورة من كثر ماازعجني، يعني عيب بصراحة يضيف الناس اكثر من مرة وانا أحط رفض، شوية كرامة! اي بنت ماراح تفكر تزور المركز هذا مرة ثانية، هذا انسان طايش، احترامك يجيب لك زباين ويخلي زباينك كمان يحترمونك، شالحل تعتقدون مع هالاشكال؟!
 

المرفقات

  • E2F7700E-A5F0-4A2F-B0FD-300387CA5EFA.jpeg
    E2F7700E-A5F0-4A2F-B0FD-300387CA5EFA.jpeg
    391.1 KB · المشاهدات: 34
التعديل الأخير:
أعلى