زراعة الشعر افضل طبيب زراعة شعر في تركيا hairworldistanbul زراعة الشعر في تركيا



ط²ط±ط§ط¹ط© ط§ظ„ط´ط¹ط± ظپظٹ ط§ظ„طµظٹظ†زراعة الشعر في تركيا
افضل مركز زراعة شعر
ط§ظپط¶ظ„ ط¯ظƒطھظˆط± ط²ط±ط§ط¹ط© ط´ط¹ط±مساحة إعلانية متاحة
مساحة إعلانية متاحة|زراعة الشعر في تركيا
Like Tree3Likes
إضافة رد
 
أدوات الموضوع
قديم 03-05-2015, 07:49 PM   #1
عضو مميز


الصورة الرمزية المشعلاني
المشعلاني غير متواجد حالياً

بيانات اضافيه [ + ]
 رقم العضوية : 20354
 تاريخ التسجيل :  Oct 2013
 أخر زيارة : 23-07-2019 (07:41 AM)
 المشاركات : 150 [ + ]
 التقييم :  10
Post البصيله الي طاحت! لا هذي القشره ! نصائح وتنبيهات للي بيزرع اللحيه والشارب " الدقن " من البدايه للنهايه ( تجربه شخصيه )


البصيله الي طاحت! لا هذي القشره ! نصائح وتنبيهات للي بيزرع اللحيه والشارب " الدقن " من البدايه للنهايه ( تجربه شخصيه )

بسم الله الرحمن الرحيم


السلام عليكم ورحمة الله وبركاته

اتبع تعليمات طبيبك هو ادرى بحالتك انا هنا كتبت تجربه وكل دكتور يختلف عن الدكتور الاخر بالطريقه والتنبيهات


" " البدايه _online.gif?lgfp=300


بالدايه احب اشكر اعضاء المنتدى واحد واحد خصوصا الي طرحو تجاربهم وشاركو بالنصائح



طبعا هذا الموضوع مخصوص للأشخاص الي ناوين يتوكلون على الله
ويسوون عملية زراعة الشنب واللحيه ( الدقن )



الموضوع قد يكون متشابه كثير جدا مع عمليات زراعة الشعر لكن حبيت اخص ( الدقن ) عشان اركز على موضوع واحد واكتب بتجربه مريت فيها ما اتفلسف من راسي




تبي تسوي زراعة دقن ؟ البدايه كيف ؟



" " البدايه _online.jpg?lgfp=300



اول شي، الاستخاره ثم المشوره من اصحاب التجارب عشان يدلونك على افضل المراكز

يجي دور المنسق : المنسق تتواصل معاه على الواتس اب وترسل له ٣ صور للمنطقه المانحه و ٣ صور للوجه
راح يعرضها على الدكتور ثم يرد عليك بالموافقه او لا والسعر و موعد المعمليه الي انت تبيه عشان يحجز لك
طبعا راح يستقبلك من والى المطار عائد ان شاءالله والفندق مخير انت .. لان مع الفندق راح يزيد السعر شوي

اول ما تحجز التذكره ترسل له صوره من التذكره مع موعد الوصول عشان يتم تأكيد حجزك للعمليه ويستقبلك


الحين بعد ما توصل بالسلامه ان شاءالله .. راح يستقبلك و يوديك للمقابله مع الدكتور و عمل التحاليل اللازمه
ويتحدد موعد العمليه الرسمي بأذن الله لان المواعيد في بعض المراكز لك عليها .. ثم يرجعك للفندق ترتاح

المبلغ يكون كاش في اغلب المراكز .. و تسلم جزء منه بيوم المقابله والباقي بيوم العمليه
ويفضل انك تسلمه كامل المبلغ عشان ما ينسرق منك او يضيع لا سمح الله





وقت العمليه



نجي الحين لاهم شي ( وقت العمليه ) !!!!



تروح بيوم العمليه وانت لابس قميص " ينفتح بالازرار " لا تلبس تيشيرت، عشان تقدر تلبسه بعد العمليه وما يحتك بالدقن

راح تدخل غرفة العمليه وهي بالاغلب تكون غرفه صغيره يعني عكس الي تتوقع تقريبا كأنها عيادة اسنان
راح يحلقون شعرك و يعطونك حبوب تصبرك على ال ٧ ساعات " " البدايه biggrin.gif بعض المراكز ماهو كلها


الحيين فعلن اهم نقطه وهي الفااارق جدااا وهي الي راح تحدد مدا رضاك عن العمليه والنتائج
( تحديد رسمة الدقن )

في هذي النقطه خلك " بـثـر " فيها هم راح يرسمون لك من راسهم انت لا تستحي منهم او تقول هذا شغلهم وتسكت لا ! بالنقطه هذي ( هذا وجهك انت ) انت الي تحدد الرسمه الي تجوز لك والي انت تبيها
لو تجلس ساعه عشان الرسمه ماعندك مشاكل افضل من انك تخلص العمليه ثم تندم ! لان هذي بصيلات المنطقه المانحه ! وما تتعوض ! فخلك حريص جدااا اذا ارسمو واغلطو قلهم امسحوو ! ابي كذا وابي كذا

واهم شي خل المنسق او احد يتكلم عربي معك لان بعض المراكز الطاقم ما يتكلم لا عربي ولا انجليزي فا تتوهق وعلى بالك انهم افهمو وهم مافهمو الي انت تبيه صح ! ف خل المنسق يركز على نقطه انه يجيب واحد يتكلم عربي وقت الرسمه عشان تعطيهم تنبيهاتك واماكن التكثيف الي تبيها انت وتكون النتيجه مرضيه ان شاءالله

النقطه الاخيره صور بجوالك الرسمه اذا خلصو راسمين كل شي عشان تقارن بعد العمليه اذا سووها نفس ما طلبت او لا وخلهم يشوفونك وانت اتصور .. وسم بالله وتوكل عليه وادع ان الله ينجحها
واستغل وقت ال ٧ ساعات بالاستغفار وذكر الله
( البنج موضعي ) يعني راح تكون صاحي

راح يبدون يقتطفون البصيلات مدة ساعتين تقريبا " افضل طريقة ال fue بالاقتطاف "





بعد العمليه



خلصت العمليه ؟ على البركه



طبعا الحين بعد ما تخلص العمليه اول شي بتتفاجأ منه وجهك " " البدايه eek.gif لان راح يكون متفووووخ جدا من البنج
وارح اشرح اكثر بالتفصيل بالنقاط الجايه



مابعد العمليه



اول شي انتفاخ الوجه : طبعا لا تخاف من نقطة انتفاخ الوجه بعد العمليه من اثار البنج هذا
وراح تزول الانتفاخات بأذن الله بعد ١٠ ايام الى ١٥ يوم ان شاءالله ف لا تخاف

الادويه : راح يعطونك العياده بعد العمليه ادويه تستخدمها مسكنات و مضادات حيويه تستخدمها تقريبا ٥ ايام

اليوم الاول بعد العمليه : راح يجيك سواق العياده وياخذك من الفندق ويوديك العياده يفقكون الشاش من المنطقه المانحه ويطهرونها لك ثم يرجعك للفندق

المنطقه المانحه : المنطقه المانحه راح تتعافى ان شاءالله من شهرين الى ٦ اشهر ، بعد العمليه راح يجيك الم بالمنطقه المانحه و حكه وتنمل ، لا تخاف هذا شي طبيعي وبالمسكنات راح يخف الالم ، طبعا الالم يختلف من شخص لشخص لكن حدود الالم يستمر لمدة ١٠ ايام تقريبا




طريقة الغسيل



" " البدايه _online.gif?lgfp=300


اللوشن والشمبو والبخاخ :


طبعا تبدا تستخدم اللشون والشمبو بعد ثالث يوم من العمليه ! البخاخ باليوم ال 15 من يوم العمليه

اللوشن : اول اسبوع (طبعا تبدا من اليوم الثالث من العمليه ) لمدة ٧ ايام تدهن اللوشن على المنطقه المانحه بأطراف الاصابع وتخلي اللوشن على المنطقه المانحه مدة من ساعه الى ساعتين ثم تاخذ شور

طريقة الشور والشمبو

الشمبو : تجيب غضاره او علبة ببسي عائله وتقسمها نصين طبعا غسلها كويس .. وتضيف الشمبو وحط شوية مويه ثم حركها بيدك بتتكون عندك زغوه خفيفه اذا شفت الرغوه زد عليها مويه بدفع قوي شوي عشان تكثر الرغوه .. ثم بيدك ابدا خذ من الرغوه ووزعها على المنطقه المانحه ولمنطقه المزروعه " الدقن " وخلها تقريبا دقيقتين ثم جب كاس وعبه مويه ثم ابدا برش المويه على راسك والمنطقه المزروعه " الدقن " بس بطريقه هاديه جدا

افتح الشور واسبح عادي الان بس بدون ما تلامس المويه شعرك او دقنك .. وانتبه من ان المويه يكون دفعها قوي ويجي على منطقة الدقن المنطقه المزروعه احرص طبعا يفضل ان المويه تكون فاتره

هذي الطريقه تستمر عليها ٧ ايام اول اسبوع

الحين ثاني اسبوع


نفس طريقة الاسبوع الاول .. لكن الفرق انك بالاسبوع الاول كان اللشون تحطه على المنطقه المانحه فقط
الحين بالاسبوع الثاني تحطه بالمنطقه المانحه والمنطقه المزروعه " الدقن " لكن شوي شوي بصوره هاديه حط اللوشن على المنطقه المزروعه " الدقن " عشان البصيلات ماتتحرك ، طبعا نفس المده ساعه الى ساعتين ثم خذ شور


بعد مرور الاسبوعين هذي ..



١- تقدر تستغني عن الغضاره وتبدا تستخدم الرشاش بس بدون دفع قوي خفيف يكون
٢- تبدا تسوي مساج للمنطقه المانحه و المنطقه المزروعه " الدقن "
٣- تقدر تستغني عن الشمبو الطبي وتبدا تستخدم اي شمبو ويفضل شمبو الاطفال لا دموع بعد اليوم
٤- تقدر تنشف راسك والدقن بالمنشفه لكن باللمس فقط يعني بدون ضغط او تحريك

بعد ما يمر شهر .. ترجع للحياة الطبيعيه لك من ناحية السباحه وطريقة التنشيف .. لكن يفضل انك ما تفرك المنطقه المزرعه بالفوطه مدة شهرين يعني بس باللمس


البخاخ : بعد ما يمر ١٥ يوم من العمليه تبدا تستخدم البخاخ واذا كان الاحمرار موجود يفضل انك تصبر لين يروح الاحمرار ثم تستخدم البخاخ لان البخاخ يزيد من الاحمرار شوي

طريقة استخدام البخاخ الرغوه .. اشتر قفازات طبيه .. و بأطراف الاصابع خذ من الزغوه وابدا امسح فيها الدقن بهدووء ميزة البخاخ الرغوه انه يمتصه الجلد بصوره سريعه جدا يعني اقل من ثانيه

تترك الرغوه على الدقن فتره ساعتين ثم تقدر تغسل الوجه .. تحذير طبعا ما تستخدم البخاخ اذا في بوجهك مويه ! لازم تكون ناشفه المنطقه

البخاخ تستمر عليه ٦ اشهر .. مره او مرتين باليوم ويكون الفتره بين الاولى والثانيه ١٢ ساعه على الاقل





نجي الحين للقشور وتساقط الشعر والاحمرار



طبعا من اليوم الخامس من يوم العمليه الى اليوم العشرين .. راح يتساقط الشعر المزروع مع قشور
لا تخاف اذا شفت الشعر يطيح مع القشور غالبا يكون الشعر المتساقط تكون شعرتين متلاصقه مع بعض بالقشور او شعره مع قشره ، راح يتساقط الشعر المزروع كامل بعد شهرين وتصير كأنك ما زرعة شي !

وهذي صوره توضيحيه


" " البدايه -_online.gif?lgfp=30

يبدا الشعر الجديد بالنموو ويكون خشن شوي بعد ٦ الى ١٠ شهور راح يتغير الشعر وتشوف نتايج جدا ممتازه مع كثاقه اعلى ان شاءالله و نعومه الشعر المزروع يرجع زي ما كان قبل الاقتطاف



البصيله طاحت !!؟



الحين بوريكم شكل البصيله كيف يكون .. واذا شفت شعر طاح بنفس شكلها تكون البصيله .. البصيله يكون اخر طرفها دائما زي الكوره الصغيره جدا ما تكون زي الشعر المقصوص بالمقص !

اذا شفت هذي الشعره يعني البصيله طاحت .. حافظ على التعليمات من ١٥ يوم الى شهر وان شاءالله ما تشوف البصيله طايحه .. لان بعد ١٥ يوم تكون البصيله تقريبا ثبتت ومستحيل تطيح .. واذا طاحت بتلاحظ دم طلع معها !

وهذي صوره للبصيله


" " البدايه _online.gif?lgfp=300


الاحمرار في المنطقه المزروعه " الدقن "

الاحمرار راح يخف تدريجيا ان شاءالله يعني من شهر الى شهرين تقريبا ف لاتخاف وراح ترجع البشره نفس ماكانت بأذن الله



التعليمات بعد عملية زراعة اللحيه والشارب " الدقن "


١- تجنب الاحتكاك بين الدقن والملابس خصوصا بداية الايام وانت تلبس وتفصخ التيشيرت !
عشان كذا ( لازم ) يكون عندك قميص ينفتح بالازرار عشان ما يلامس المنطقه المزروعه
حتى بيوم العمليه لازم تكون لابس القميص هذا ما تجي بتيشيرت !
وقت النوم جب فوطه ولفها وتوسد عليها برقبتك وحطها بينك وبين المخده
النوم على الظهر اول ١٠ الى ٢٠ يوم

٢- اول ١٠ ايام تقريبا ممنوع تاكل اللحم او الدجاج او اي شي قاسي .. السوائل فقط يعني شوربه او شي خفيف مثل بيض مقلي بدون الخبز طبعا يعني اي شي ما يكون قاسي او راح تظطر انك تحرك دقنك واجد ولا سمح الله ممكن تطيحح البصيله او تتحرك من مكانها

٣- اي شي سبايسي حار ممنوع منه خلال هذي الفتره من يوم العمليه ل بعد ٢٠ يوم تقريبا

٤- كثر من شرب المويه ،تجنب الاملاح

٥- حاول تخلي راسك مرفوع دايم لا تنزله خصوصا وانت تستخدم الجوال عشان ما ينزل البنج للوجه



هذي تعليمات مطبوعه من الكمبيوتر .. اسهل وتقدر تحفظها بجوالك



تعليمات بعد العمليه مباشره


" " البدايه ___copy.jpg?lgfp=300


تعليمات بعد مرور ٣ ايام من العمليه


" " البدايه _____copy.jpg?lgfp=3


وهذا كان كل ماعندي واتمنى انك استفدت



بالاخير نفس التنبيه الاول : اتبع تعليمات طبيبك هو ادرى بحالتك انا هنا كتبت تجربه وكل دكتور يختلف عن الدكتور الاخير بالطريقه والتنبيهات .. واذا حسيت في شي غلط جالس يصير لك ، تواصل مع دكتورك عن طريق المنسق وعلمه وهو راح يعطيك النصايح .. في الحالات الطارئه يفضل انك تروح لاقرب مركز في مدينتك مختص بالزراعه والتجميل

واتمنى منكم الدعاء لي ولوالدي

والسلام خير ختام
المشعلاني





 

التعديل الأخير تم بواسطة alsemiri007 ; 04-05-2015 الساعة 12:45 PM سبب آخر: بناء على طلب العضو

رد مع اقتباس
قديم 03-05-2015, 09:59 PM   #2
مدير عام


الصورة الرمزية وداد
وداد غير متواجد حالياً

بيانات اضافيه [ + ]
 رقم العضوية : 11721
 تاريخ التسجيل :  Oct 2012
 أخر زيارة : 18-02-2017 (10:59 PM)
 المشاركات : 4,216 [ + ]
 التقييم :  32
 الدولهـ
United Arab Emirates
 الجنس ~
Female
افتراضي


البصيله الي طاحت! لا هذي القشره ! نصائح وتنبيهات للي بيزرع اللحيه والشارب " الدقن " من البدايه للنهايه ( تجربه شخصيه )

أخوي المشعلاني

اولا وقبل كل شيء أشكرك كثيرا على هذا التقرير الرائع في اعداده والذي يعتبر اضافة مهمة لتجارب المنتدى

من حيث معلوماته وجميع تفاصيله

وأتمنى من كل الراغبين في زراعة الذقن او الشعر ان يطلعوا على هذه التجربة الرائعة والاستفادة منها

لانها حقا تحتوي على معلومات علمية هامة عن زراعة الشعر

بالاضافة الى أهم المراحل والاسس الخاصة بالزراعة

فعلا هذا ما كنا نحتاجه وخاصة في زراعة الذقن لقلة المعلومات عنها

ونضيف انه لابد من الرجوع الى قراءة أحكام زراعة الشعر والتأكد من ان الشخص مستوفي الشروط والاحكام

مبروك الزراعة وأتمنى لك نتائج مبهرة ان شاء الله

ونرجو الاستمرار في التواصل مع الاعضاء في هذا الموضوع للرد على اي استفسار

تم تقييم الموضوع

تحياتي ،،


 


رد مع اقتباس
قديم 03-05-2015, 10:54 PM   #3
المشرف العام


الصورة الرمزية alsemiri007
alsemiri007 غير متواجد حالياً

بيانات اضافيه [ + ]
 رقم العضوية : 7697
 تاريخ التسجيل :  Jan 2012
 أخر زيارة : 15-09-2019 (11:18 PM)
 المشاركات : 1,653 [ + ]
 التقييم :  10
افتراضي


البصيله الي طاحت! لا هذي القشره ! نصائح وتنبيهات للي بيزرع اللحيه والشارب " الدقن " من البدايه للنهايه ( تجربه شخصيه )

ما شاء الله تبارك الله تقرير جدا رائع
اتمنى ان الجميع يستفيد منه ان شاء الله


 


رد مع اقتباس
قديم 03-05-2015, 10:58 PM   #4
عضو مميز


الصورة الرمزية المشعلاني
المشعلاني غير متواجد حالياً

بيانات اضافيه [ + ]
 رقم العضوية : 20354
 تاريخ التسجيل :  Oct 2013
 أخر زيارة : 23-07-2019 (07:41 AM)
 المشاركات : 150 [ + ]
 التقييم :  10
افتراضي


البصيله الي طاحت! لا هذي القشره ! نصائح وتنبيهات للي بيزرع اللحيه والشارب " الدقن " من البدايه للنهايه ( تجربه شخصيه )

اول شي مشكوره يا وداد على هذا الاطراء
وان شاءالله يستفيدون منه اكبر عدد ممكن



واي استفسار من الاخوه انا حاظر


وهذي تجارب بعض الاعضاء في زراعة الدقن

تجربة
عبدالعزيز العزيز


https://www.hairarab.com/vb/showthre...5#.VUZt82SeDGc

تجربة
m7pq


https://www.hairarab.com/vb/showthre...5#.VUZt82SeDGc

تجربة
SOLO INTER


https://www.hairarab.com/vb/showthre...8#.VUZtzWSeDGc


والله يوفق الجميع ويشوفون افضل النتايج
المشعلاني


 


رد مع اقتباس
قديم 03-05-2015, 11:00 PM   #5
عضو مميز


الصورة الرمزية المشعلاني
المشعلاني غير متواجد حالياً

بيانات اضافيه [ + ]
 رقم العضوية : 20354
 تاريخ التسجيل :  Oct 2013
 أخر زيارة : 23-07-2019 (07:41 AM)
 المشاركات : 150 [ + ]
 التقييم :  10
افتراضي


البصيله الي طاحت! لا هذي القشره ! نصائح وتنبيهات للي بيزرع اللحيه والشارب " الدقن " من البدايه للنهايه ( تجربه شخصيه )

اقتباس:
المشاركة الأصلية كتبت بواسطة alsemiri007 مشاهدة المشاركة
ما شاء الله تبارك الله تقرير جدا رائع
اتمنى ان الجميع يستفيد منه ان شاء الله

اللهم امين ومشكور على الاطراء
المشعلاني


 


رد مع اقتباس
قديم 03-05-2015, 11:58 PM   #6
عضو جديد


الصورة الرمزية amdsn
amdsn غير متواجد حالياً

بيانات اضافيه [ + ]
 رقم العضوية : 26429
 تاريخ التسجيل :  Apr 2015
 أخر زيارة : 22-06-2015 (05:25 AM)
 المشاركات : 25 [ + ]
 التقييم :  10
افتراضي


البصيله الي طاحت! لا هذي القشره ! نصائح وتنبيهات للي بيزرع اللحيه والشارب " الدقن " من البدايه للنهايه ( تجربه شخصيه )

موضوع رائع

شكرا لك


 


رد مع اقتباس
قديم 04-05-2015, 01:42 AM   #7
عضو نشيط


الصورة الرمزية SOLO INTER
SOLO INTER غير متواجد حالياً

بيانات اضافيه [ + ]
 رقم العضوية : 25551
 تاريخ التسجيل :  Jan 2015
 أخر زيارة : 15-08-2018 (07:37 PM)
 المشاركات : 60 [ + ]
 التقييم :  10
افتراضي


البصيله الي طاحت! لا هذي القشره ! نصائح وتنبيهات للي بيزرع اللحيه والشارب " الدقن " من البدايه للنهايه ( تجربه شخصيه )

ماشاء الله تبارك الرحمن عليك اخوي المشعلاني كفيت و وفيت اتوقع هالموضوع لازم يكون مثبت فوق لانه يجاوب على كل استفسارات الاخوان اللي ناوين يزرعون او زرعوا ويبون تعليمات اكثر
طرح كافي و وافي جزاك الله خير عليه ولا عدمناك ..

الله ييسرها ان شاء الله ونشوف نتائج طيبه محتاجين دعواتكم


 


رد مع اقتباس
قديم 04-05-2015, 12:21 PM   #8
عضو جديد


الصورة الرمزية mossa433
mossa433 غير متواجد حالياً

بيانات اضافيه [ + ]
 رقم العضوية : 26054
 تاريخ التسجيل :  Mar 2015
 أخر زيارة : 24-03-2016 (12:58 PM)
 المشاركات : 20 [ + ]
 التقييم :  10
افتراضي


البصيله الي طاحت! لا هذي القشره ! نصائح وتنبيهات للي بيزرع اللحيه والشارب " الدقن " من البدايه للنهايه ( تجربه شخصيه )

احسنت المشعلاني

وانا عملت زراعة للسكوسكة
وبعض التعليمات التي كتبتها ما قالي لها
مثالا
أكل الدجاج قال عادي واللحم والحار بعد ثلاث ايام
وتحريك الذقن عادي لكن بشويش وبعد ثلاث ايام حركه عادي لان البويصلات على كلامه تثبتت

بس عند سؤال
انا لي 15 يوم من زراعته والتساقط مستمر لكن بوتيرة بطيئة

وبالنسبة لحلق قالي ممنوع لمدة شهر
وفي مراكز اخرى تقول بعد عشر ايام تحلق

وهناك سؤالين
هل في أدوية تقوي الشعر المزروع والشعر القديم الذقن والشارب ؟
وهل خقن البلازما لها اثر على زراعة الذقن ؟


 


رد مع اقتباس
قديم 04-05-2015, 03:22 PM   #9
عضو مميز


الصورة الرمزية المشعلاني
المشعلاني غير متواجد حالياً

بيانات اضافيه [ + ]
 رقم العضوية : 20354
 تاريخ التسجيل :  Oct 2013
 أخر زيارة : 23-07-2019 (07:41 AM)
 المشاركات : 150 [ + ]
 التقييم :  10
افتراضي


البصيله الي طاحت! لا هذي القشره ! نصائح وتنبيهات للي بيزرع اللحيه والشارب " الدقن " من البدايه للنهايه ( تجربه شخصيه )

اقتباس:
المشاركة الأصلية كتبت بواسطة solo inter مشاهدة المشاركة
ماشاء الله تبارك الرحمن عليك اخوي المشعلاني كفيت و وفيت اتوقع هالموضوع لازم يكون مثبت فوق لانه يجاوب على كل استفسارات الاخوان اللي ناوين يزرعون او زرعوا ويبون تعليمات اكثر
طرح كافي و وافي جزاك الله خير عليه ولا عدمناك ..

الله ييسرها ان شاء الله ونشوف نتائج طيبه محتاجين دعواتكم

مشكور ويعطيك العافيه على التعليق
وان شاءالله تكون نتايج عمليتك مرضيه لك




اقتباس:
المشاركة الأصلية كتبت بواسطة mossa433 مشاهدة المشاركة
احسنت المشعلاني

وانا عملت زراعة للسكوسكة
وبعض التعليمات التي كتبتها ما قالي لها
مثالا
أكل الدجاج قال عادي واللحم والحار بعد ثلاث ايام
وتحريك الذقن عادي لكن بشويش وبعد ثلاث ايام حركه عادي لان البويصلات على كلامه تثبتت

بس عند سؤال
انا لي 15 يوم من زراعته والتساقط مستمر لكن بوتيرة بطيئة

وبالنسبة لحلق قالي ممنوع لمدة شهر
وفي مراكز اخرى تقول بعد عشر ايام تحلق

وهناك سؤالين
هل في أدوية تقوي الشعر المزروع والشعر القديم الذقن والشارب ؟
وهل خقن البلازما لها اثر على زراعة الذقن ؟

مشكور على التعليق بدايه

وبالنسبه للتعليمات انا كتبت انها تجربه لي وكل دكتور تقريبا له طريقته
لكن منطقيا اذا بتقيسها على تعليمات عملية زراعة الشعر بتشوف ان الكلام صحيح ان غلط انك تاكل شي قاسي لان راح يجبرك تحرك دقنك بصوره اكبر وممكن يأثر على مكان البصيله او طيحتها خصوصا بالايام الاولى

هو قالك بعد ٣ ايام ممكن هو يتكلم على طريقته هو وخبرته .. لكن زيادة حرص منك انت لان هذي بصيلتك وزراعتك انت ف الحرص واجب ، البصيله اتوقع صعب نجزم انها تثبت خلال ٣ ايام ! لانها تعتمد من شخص لشخص ! وللحرص واضب على الاكل الخفيف ١٠ ايام الى ١٥ يوم .. الدقن يختلف عن الرأس من ناحية العنايه بالبصيله اول الايام .. وتجنب بعد الكلام الكثير


بالنسبه للسؤالين

الاول : انا نفسك ما تساقط الشعر بصوره سريعه وبعض التجارب تساقط بصوره اسرع ، تفرق من شخص لشخص لكن مافي خوف ان شاءالله .. من يوم العمليه ل شهر ونص تقريبا الى شهرين راح يتساقط وزي ماقلت تعتمد من شخص لشخص

وحلق الشعر ، يفضل انك تحلق عن طريق المكينه او المقص ، طبعا الموس ممنوع اول ٦ اشهر
المنطقه المانحه تحلقها مكينه بعد شهر تقدر ، المنطقه المزروعه خلها على الاقل شهر ونص الما يطيح الشعر تقريبا او يطيح اغلبه لا تستعجل عليه


السؤال الثاني : الادويه هي البخاخ ، ولا تحاول تستخدم ادويه ثانيه لان البخاخ يكفي .. وفي انواع كثيره من نفس الشركه للبخاخ هذا ، الي نستخدمه بعد الزراعه اسمه ( ري قرووث ) اعادة انبات الشعر
وبعض الدكاتره ما يحرص انك تستخدمه ، اتبع تعليمات دكتورك
والشعر المزروع من بعد الشهر السادس راح تلاحظ انه بدا ينعم ويصير نفس الشعر الطبيعي

حقن البلازما ، الي اعرفه ان بعض المراكز يقدمون لك حقن البلازما شامله سعر الزراعه يعني مجانا
وحقن البلازما تفيد اذا كانت ٤ جلسات على حسب علمي ، لكن مافيها مشكله اذا قلت لهم يعطونك حقن البلازما بالمنطقه المزروعه بوقت العمليه او بعدها ، اذا كان عندك تساقط بالرأس الحق عليه ، لان انت استخدمت كميه بصيلات من المنطقه المانحه للدقن، ف اذا تساقط شعر رأسك ممكن يكون عندك الفين الى ثلاث الاف بصيله فقط من المنطقه المانحه تقريبا تقدر تسوي فيها زراعة رأس بعدين



ومره ثانيه مشكورين على التعليقات
والله يوفق الجميع ان شاءالله

المشعلاني


 


رد مع اقتباس
قديم 04-05-2015, 03:31 PM   #10
عضو مميز


الصورة الرمزية المشعلاني
المشعلاني غير متواجد حالياً

بيانات اضافيه [ + ]
 رقم العضوية : 20354
 تاريخ التسجيل :  Oct 2013
 أخر زيارة : 23-07-2019 (07:41 AM)
 المشاركات : 150 [ + ]
 التقييم :  10
افتراضي


البصيله الي طاحت! لا هذي القشره ! نصائح وتنبيهات للي بيزرع اللحيه والشارب " الدقن " من البدايه للنهايه ( تجربه شخصيه )

تنبيه ومشكوره وداد عليه


راجع احكام زراعة الشعر وتأكد انك مستوفي الشروط والاحكام من الناحيه الشرعيه



المشعلاني


 


رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة

الانتقال السريع

المواضيع المتشابهه للموضوع: البصيله الي طاحت! لا هذي القشره ! نصائح وتنبيهات للي بيزرع اللحيه والشارب " الدقن " من البدايه للنهايه ( تجربه شخصيه )
الموضوع
"إخفاء الصلع بدون جراحه تجربة شخصية"
هل يؤثر استخدام شامبو إلبسين "ضد القشرة" في فعالية الروجين ؟
العلماء "يحلّون" لغز الإصابة بالصلع تمهيدا لعلاجه


الساعة الآن 10:10 PM

خريطة المنتدى



Powered by vBulletin® Version 3.8.11
Copyright ©2000 - 2019, vBulletin Solutions Inc.

HêĽм √ 3.2 OPS BY: ! ωαнαм ! ©, Soft
Ads Organizer 3.0.3 by Analytics - Distance Education

rss - XML - HTML