النتيجه بعد 10 ايام

السلام عليكم ورحمة الله و بركاته

شكراً لكل القائمين على هذا المنتدى والله يجزاهم خير ..

انا احتمل ازرع شعر قريب في تركيا و عندي كم سؤال و اتمنى الاجابه عليهم ..

1- بعد الزراعه بعشر ايام كيف راح يكون الوضع ؟ اقصد هل راح يطلع شعر .. هل راح يبين للناس إني زارع ( انا ما ودي احد يلاحظ على طول ) .. هل اقدر البس طاقيه او كاب .. هل اقدر انام عادي على المخده ؟؟

2- وش افضل عياده في تركيا كــ جوده و نتيجه ؟

3- هل اقدر اتروش عادي ؟

وعليكم السلام ورحمة الله وبركاته

منور منتداك .. بالنسبة لأسئلتك

10 أيام بدري يطلع شعر يبيلك فترة طويلة فوق ال6 شهور بس اهم شي تكون ملتزم بالتعليمات

الطاقية انا انصحك بالطاقية الخفيفة نفس مالت الكاوبوي بس تكون خفيفه مو ثقيلة واتوقع يعطونك إياها هناك هم العيادة نفسها

وبالنسبة انك تتروش اخلي هالسؤال للي جربوا الزراعة

واذا تبي العيادة الأفضل .. فيه قسم تجارب الأعضاء ... فيه خوش عيادات ومميزة

الله يوفقك

ميلاني

يعطيك العافيه اخوي

انا اقصد هل يطلع شعر لو خفيف يعني اللي يشوفني يحسب محلق مكينه مثلاً

نعم يطلع شعر ولكن يبدأ بالتساقط من اليوم العاشر

اخوي تقصد يتساقط و ارجع اصلع كلياً !!

انا عندي البدايه اهم شي لآني جاي من سفر و في اول اسبوع راح اقابل اصدقاء واقارب و ما ودي احد يلاحظ على طول إني زارع شعر ..

السلام عليكم اخوي
1- الشعر المزروع راح يكون زي الدبابيس بعد الزراعة مع وجود قشور واحمرار في الفروة وراح تختفي نهائيا خلال اسبوعين الى شهر بعدها راح يبدا معاك التساقط للشعر المزروع ويرجع ينمو من جديد بعد الشهر الثالث
طبعا بعد اسبوعين من العملية تقدر تلبس الكاب اما بالنسبة للنوم فاول 4 ايام تنام على ظهرك بعد كذا تنام عادي بس تنتبه ان المنطقة المزروعة ما تحك في المخدة
2- بالنسبة لافضل عيادة فانا انصحك انك تشوف تجارب الاعضاء وتتواصل مع العيادات وتستخير بعدين تقرر
3- تقدر تتروش عادي بعد اسبوعين لكن حاول ان دفع الماء يكون خفيف اما بعد شهر فوضعك راح يكون طبيعي ومافي اي خوف ان شاء الله
اتمنى اني اكون افدتك ولو بشي بسيط بالتوفيق ان شاء الله

هلا مشرفنا ويعطيك العافيه

يعني بعد 10 ايام يكون فيه إحمرار و تبان المنطقه المانحه و تبان الزراعه ! صح هالكلام ؟

amn 2015 قال:

هلا مشرفنا ويعطيك العافيه

يعني بعد 10 ايام يكون فيه إحمرار و تبان المنطقه المانحه و تبان الزراعه ! صح هالكلام ؟

أنقر للتوسيع...

ايوة اخوي تكون باينة الزراعة اول 10 ايام لكن بعد اسبوعين يكون وضعك افضل وتقدر تلبس كاب