أنا عندي 17 سنة وبعاني من مشكلة الصلع المبكر من سنة تقريبا ومن حوالي 4 شهور روحت لدكتور في مستشفى جلدية وكتبلي على شامبو AloeKita و بخاخ Bold Stop (Minixodendil 5%) وفعلا كنت مواظب عالعلاج بغسل شعري 3 مرات في الاسبوع بالشامبو وبستخدم البخاخ مرتين في اليوم المشكلة ان محصلش اي تقدم بالعكس الصلع عندي زاد وبقى ملاحظ جدا الاول مكانش حد بيلاحظو أوي مقدمة رأسي من الاجناب كدة بقيت فاضية تماما وكمان من ساعة ما بدأت استخدمه وانا شعري بيقع بغزارة رهيبة أنا شعري كان خفيف من الأول لكن حاليا خف جدا لدرجة اني بقيت بشوف الفراغات مابين شعري واسعة جدا وكل ما بلمس شعري بايدي بيقع في ايدي شعر ,, دلوقتي المشكلة ديه مدمرة نفسيتي جدا خصوصا ان شعري كان حلو جدا قبل ما ابدأ اعاني من المشكلة ديه ياريت لو حد يقدر يساعدني ايه الدواء المناسب اللي ممكن استخدمه او لو فيه اي نصايح تانية لأني لو استمريت بالمعدل ده خلال شهر او شهرين بالكتير مش هيبقى عندي شعر .