صلع وراثي ام تساقط

أنا من مدة حوالي 6 شهور بدأ شعري في التساقط بشكل كبير جداً
كشفت فالدكتور كتبلي البيشين و بانتوجار
لكن مجبوش نتيجة لمدة شهر روحتله تاني كتبلي بروهير اللي هو فيناسترايد
لكن انا لما عرفت الاثار الجانبية للفيناسترايد مخدتوش و استمريت على الالبيشين و البانتوجار
لمدة 4 شهور و كشفت عند دكتور تاني قالي ان اللي عندك ده مش صلع وراثي و مجرد تساقط
طبعاً انا مقتنعتش و قولتله ازاي قالي انت شعرك كثيف و الفراغات اللي في شعرك فراغات تساقط و مش فراغات صلع و كتبلي امبولات اكرينال مع استمرار الالبيشين
و حتى الان الشعر بيسقط لكن فعلاً انا لا يزال شعري كثيف و الفراغات قليلة و بتتمثل في فراغ مقدمة الرأس من الشمال و فراغ بسيط في المنتصف في مقدمة الشعر

من واقع خبرتي مشاكل الصلع المأخوذة من الانترنت توصلت إلى أن مفيش علاج للصلع الوراثي
غير علاج لتأخيره زي المينوكسيديل و البروبيشيا , فهل فعلاً ده تساقط و ليس وراثي أم انه تساقط وراثي

أرجو الإفادة

دام الدكتور قالك تساقط استمر على الدواء وعلى الامبولات وان شاء الله خير ولا روح مستشفى ثاني واكشف مره ثانيه اذا مب مقتنع انه تساقط

اشكرك على الرد

و أتمنى ان أحد من اهل الخبرة يقولي ازاي احدد نوع التساقط أو ينصحني بخطوة للتأكد
علشان الموضوع ده هيفرق نفسياً جداً , مش حابب اوهم نفسي انه تساقط طبيعي وهو وراثي
بالإضافة إلى أنه هيأثر في العلاج أتمنى أي نصيحة سريعاً .