السلام عليكم
أنشاء الله نويت اسوي عملية الزراعة من بعد قراءة العديد والعديد من التجارب عالمنتدى. من حكم قراءاتي ارتحت لدكتورين الدكتور ساركان والاخصائي محمد جوتشلو.
كنت في زيارة سياحية الاسبوع الماضي لاسطنبول وقررت ازور الدكتورين عشان اخذ رأيهم وييكشفو ع حالتي احسن من الصور بما اني وصلت تركيا.
تم التواصل مع الاخصائي محمد بصعوبة اتصلت عليه وقالي احنا بعطلة بمناسبة عيد الاضحى و رد علي المنسق سعيد عالواتساب بعد ما رديت الكويت انهم معطلين مع اني كنت كتير متشجع خصوصي بعد ما شفت نتايج عملياته.
تم التواصل مع منسق الدكتور سركان اسمه علي وكان يرد علي بسرعه صراحة الله يوفقه واتفقنا ازور الدكتور بالعيادة للكشفية. وفعلا ارسل لي سائق خاص من باب الفندق ليوصلني للعيادة وكنت مبسوط لان السايق اول واحد باسطنبول اشوفه يتكلم انجليزي ههه وضلينا نسولف ونتكلم
وفي العيادة شفت كتير عرب من الخليج عاملين العملية وجايين يغسلو او يراجعو.
دخلوني الدكتور بعد انتظار وللاسف مو الدكتور نفسه شافني كان مساعد الدكتور سركان طبيب صغير بالسن وكشف عحالتي وخبرني بالتفاصيل الغريب ما شرحلي كتير الا انا اللي كنت اسأله وهو يجاوب وحكالي رح نزرعلك بمنطقة التاج وسألته وبالنسبة للمقدمة حسيته متردد باجاباته وحكالي نعم 2 سم كمان في المقدمة ممكن نزرع. صراحة من زيارتي مو كتير متشجع خصوصي انه منطقة وسط الرأس الشعر خفيف والتاج والمقدمة فيه صلع, خبرني انه لا يجوز زراعة منطقة الشعر الخفيف لان كل شعرة وبصيلة مزروعة رح تساقط الشعر اللي حواليها ورح يعطوني دوا لتكثيف هالمنطقة وسألته شو هالدوا لاني استخدم المنكسوديل من 8 سنين وما استفدت بس بطأ التساقط جاوبني وبتردد ابر الميزو ثيرابي وهي موجودة بالكويت مكان اقامتي. انا عمري 28 سنة وبدأ التساقط من عمر 17 سنة والان مرحلة الصلع 4 حسب ما قال لي..حتى مرحلة الصلع انا اللي سألته عنها يعني هو ما عطاني معلومات ولا شرح الا لما انا اسأل... الان محتار بعد ما كنت متشجع حسيت انه مو عالمستوى المطلوب خصوصا انه بالاردن متعودين عالاطباء الأكفاء وعلى مستوى عالي ولكن بزراعة الشعر ما سمعت بكتير تجارب عنا.
أنشاء الله نويت اسوي عملية الزراعة من بعد قراءة العديد والعديد من التجارب عالمنتدى. من حكم قراءاتي ارتحت لدكتورين الدكتور ساركان والاخصائي محمد جوتشلو.
كنت في زيارة سياحية الاسبوع الماضي لاسطنبول وقررت ازور الدكتورين عشان اخذ رأيهم وييكشفو ع حالتي احسن من الصور بما اني وصلت تركيا.
تم التواصل مع الاخصائي محمد بصعوبة اتصلت عليه وقالي احنا بعطلة بمناسبة عيد الاضحى و رد علي المنسق سعيد عالواتساب بعد ما رديت الكويت انهم معطلين مع اني كنت كتير متشجع خصوصي بعد ما شفت نتايج عملياته.
تم التواصل مع منسق الدكتور سركان اسمه علي وكان يرد علي بسرعه صراحة الله يوفقه واتفقنا ازور الدكتور بالعيادة للكشفية. وفعلا ارسل لي سائق خاص من باب الفندق ليوصلني للعيادة وكنت مبسوط لان السايق اول واحد باسطنبول اشوفه يتكلم انجليزي ههه وضلينا نسولف ونتكلم
وفي العيادة شفت كتير عرب من الخليج عاملين العملية وجايين يغسلو او يراجعو.
دخلوني الدكتور بعد انتظار وللاسف مو الدكتور نفسه شافني كان مساعد الدكتور سركان طبيب صغير بالسن وكشف عحالتي وخبرني بالتفاصيل الغريب ما شرحلي كتير الا انا اللي كنت اسأله وهو يجاوب وحكالي رح نزرعلك بمنطقة التاج وسألته وبالنسبة للمقدمة حسيته متردد باجاباته وحكالي نعم 2 سم كمان في المقدمة ممكن نزرع. صراحة من زيارتي مو كتير متشجع خصوصي انه منطقة وسط الرأس الشعر خفيف والتاج والمقدمة فيه صلع, خبرني انه لا يجوز زراعة منطقة الشعر الخفيف لان كل شعرة وبصيلة مزروعة رح تساقط الشعر اللي حواليها ورح يعطوني دوا لتكثيف هالمنطقة وسألته شو هالدوا لاني استخدم المنكسوديل من 8 سنين وما استفدت بس بطأ التساقط جاوبني وبتردد ابر الميزو ثيرابي وهي موجودة بالكويت مكان اقامتي. انا عمري 28 سنة وبدأ التساقط من عمر 17 سنة والان مرحلة الصلع 4 حسب ما قال لي..حتى مرحلة الصلع انا اللي سألته عنها يعني هو ما عطاني معلومات ولا شرح الا لما انا اسأل... الان محتار بعد ما كنت متشجع حسيت انه مو عالمستوى المطلوب خصوصا انه بالاردن متعودين عالاطباء الأكفاء وعلى مستوى عالي ولكن بزراعة الشعر ما سمعت بكتير تجارب عنا.