bnr1 bnr1
bnr1 bnr1 bnr1 bnr1
bnr1 bnr1 bnr1 bnr1

لقيت اعلان في جريده لمركز Hair a Skin ورحت له

طلو

New Member
إنضم
30 مايو 2011
المشاركات
13
مستوى التفاعل
0
النقاط
1
يالربع انا في البدايه اشكر كل القائمين على هالموقع من ابو محمد والربع الباقين

وابو بدر لازم تمر مانستغني من تعليقاتك :)

الموضوع يالربع لقيت اعلانهم في جريده الجزيرة اتصلت وحجزت موعد

عاد موعدي اليوم وتوي جيت من الرياض مريتهم موقعهم في طريق العروبه تقاطع

العليا المهم يوم اجيهم عبيت بيانات ودخلوني على الدكتور

وعشان مااخفيكم انا ماقد دخلت مركز مختص بالشعر واللي عندي شعر خفيف من الامام وفيه صنادح ههه

الزبده شافني الدكتور وقام يستفسر ويكشف ويجيب كاميره ويشغلها فوق راسي

واطالع في الشاشه الأ البويصلات فيها قشور بيضاء لازقه بالجلد وياكثرها

مع العلم ان مامعي قشره خارجيه يعني ماشوف اي قشور وشعري دهني

الوكاد قال لي معك حاجتين انت عمرك في 32 اللي معك هرمون الذكوره كثير

قلت ايه عندي 3 حريم هههه اللهم لك الحمد لكن قال والشي الثاني عندك التهاب شديد في الجلد ؟

قلت وش الحل قال تنق 3000 الاف الحين والف كل شهر وبنحط لك خلطات وشامبوات لمده 9 شهور والصنادح انسى تطلع لكن بنكثف وبيصير لك انبات للشعر
الباقي ومن هالكلام عاد قلت اترخص منك وقبل اطلع قلت ماودك تعطيني اسم شامبو قال الفحص ببلاش تبي علاجك علاجاتنا كلها من الطبيعه قلت مشكور سلام

وانا اطلع منه

عموما هم حاطين في الجريده عرض الفحص مجاني وهالسوري الطويل متحدث ممتاز ويعرف كيف يقنع

في النهايه يااخوان وش افضل شامبو للشعر الدهني اللي فيه التهاب وقشور شديده

اتمنى تعطوني خبر وتردون علي وش الشامبو الزين

والله يعطيكم الف عافيه حبيت اسرد لكم وش اللي صار معي عسانا نفيد ونستفيد

وياحبني لهالمنتدى بديت استناتس معكم في انتظار التعليقات والتوصيات
 

مشعل 1

New Member
إنضم
16 أغسطس 2011
المشاركات
7
مستوى التفاعل
0
النقاط
1
اتوقع انا نفس الحكايه المهم شامبو الاطفال حلو بدون دمووع هههههه عموما انا رحت مكان على طريق العروبه مركز ابلو ابن سته وستين يعطيك شانبو من عندهم وكل شهر يعطونك علاجات وياخذون من ذا الفلوس انا نصيحتي لك هي كالتالي لازم تسوي بخار لشعرك بس يكون البخار بعيد شوي والحاجه التانيه هو انك تستخدم شامو حق الاطفال وكمان تكثر من الخضار والفواكه وكمان تهتم بالاكل ترى هو الشي الاساسي والله لا شنبو ولا غيره هو الاكل وبس وتحياتي لك
 

lastman

Member
إنضم
27 أبريل 2011
المشاركات
31
مستوى التفاعل
0
النقاط
6
بالنسبه للمراكز لعناية الشعر كلها حكي فاضي ونتائجها مسألت وقت بس وبعد ماتوقف وتخلص العلاج راح يرجع ويطيح مثل لم تستخدم موكسيديل 5% او مستحضر امانه كير والدعوه كلها لعب على عقول الناس
وبالنسبه للقشره انصحك استخدام شامبو نيزورال تراه طبي وفعال جدا واسأل دكتور عنه وراح يفيدك وتتأكد من صحة كلامي
وبالنسبه للشعر لا تدور وتعب حالك والحل الوحيد الزراااااااااااعه
اتمنى افدتك
تحياتي يالغالي
 

طلو

New Member
إنضم
30 مايو 2011
المشاركات
13
مستوى التفاعل
0
النقاط
1
اخوي مشعل ماقصرت ومشكور على تعليقك الجميل


لست مان كلامك في محله وفعلا صحيح الله يعين بس ويفكنا من بلاويها


عموما يا اخوان انا شريت منوكيسيل اوفوجين واول مره بستعمله اليوم والله يخارجنا

لكن سؤالي لأبو بدر والاخوان المطلعين اللي اتمنى اجد تعليقاتهم هل هالبخاخ يؤثر على الهرمونات الذكوريه يعني تحد وتحبط من الشهوه

لأن اذا كان كذا ما ابيه انا رجال متزوج وعندي حرمتين واللهم لك الحمد الشعر ان طار وراح وصرت اقرع مهوب مهم في انتظار تعليقاتكم ومرأياتكم
 
إنضم
6 يوليو 2011
المشاركات
218
مستوى التفاعل
0
النقاط
16
افضل شامبو لوريال لونه ازرق فيه للقشرة تستخدمه يوميا ما شاء الله يخلي شعرك يلق وانا ارتحت له علما بان شعري دهني واللي عنده للشعر الدهني تجده في جميع الصيدليات
 

ماجد محمد

مؤسس الموقع
إنضم
11 أبريل 2010
المشاركات
2,929
مستوى التفاعل
5
النقاط
38
اقتباس : المشاركة الأصلية كتبت بواسطة طلو [ مشاهدة المشاركة ] اخوي مشعل ماقصرت ومشكور على تعليقك الجميل


لست مان كلامك في محله وفعلا صحيح الله يعين بس ويفكنا من بلاويها


عموما يا اخوان انا شريت منوكيسيل اوفوجين واول مره بستعمله اليوم والله يخارجنا

لكن سؤالي لأبو بدر والاخوان المطلعين اللي اتمنى اجد تعليقاتهم هل هالبخاخ يؤثر على الهرمونات الذكوريه يعني تحد وتحبط من الشهوه

لأن اذا كان كذا ما ابيه انا رجال متزوج وعندي حرمتين واللهم لك الحمد الشعر ان طار وراح وصرت اقرع مهوب مهم في انتظار تعليقاتكم ومرأياتكم


اوفر على ابوبدر واخدمه
بالنسبه للبخاخ لاعلاقه له نهائيا بالقدره الجنسيه او الرغبه او الانتصاب
من اثاره الجانبيه
صداع, دوخة, دوار. تورم الإطراف, ألم بالصدر, سرعة ضربات القلب. و قد سبب إيضاً إلتهاب الجيوب الأنفية. بالنسبة للجلد قد يسبب إحمرار أو ألتهاب , هرش, جفاف فروة الرأس, أو ظهور القشرة.
يستخدم بحرص لمرضى القلب حيث أن المستحضر قد يكون خطيراً عليهم و قد يسبب لهم زيادة في سرعة ضربات القلب و إحتباس الماء بالجسم أو في حالات الإختلال في وظائف الكبد أو الكلي و المرضي أكبر من 50 عاماً و أثناء الرضاعة الطبيعية


ملاحظه: هذه الأثار لا يعاني منها كل من يستخدم الدواء و لكن يجب الحذر خاصة لمن يعاني من حالات مرضية أخري خاصة في القلب


 

ابو بدر

متميز
صاحب تجربة
إنضم
1 أبريل 2011
المشاركات
2,666
مستوى التفاعل
3
النقاط
38
يعطيك العافيه ابو محمد كفيت ووفيت
 

طلو

New Member
إنضم
30 مايو 2011
المشاركات
13
مستوى التفاعل
0
النقاط
1
مشكور اخوي ماجد على التوضيح ووالله اني ارتعت من هالاثار الله يخااارجنا منها :)

وانا قريتها لكن سؤالي للي جرب هالشي وش طلع عنده من آثار

وحياك الله يابو بدر :)
 

ماجد محمد

مؤسس الموقع
إنضم
11 أبريل 2010
المشاركات
2,929
مستوى التفاعل
5
النقاط
38
اخوي المينوكسيديل علاج لاوصفي
ويعتبر امن
بالنسبه للتاثيرات الجانبيه لو قرات اي دواء ستجد الكثير من الاثار الجانبيه حتى الباندول
وهي في الاغلب لتجنب اي دعاوى قضائيه نتيجه استخدام اي دواء وحصول تاثير له (في الغرب طبعا)
 

طلو

New Member
إنضم
30 مايو 2011
المشاركات
13
مستوى التفاعل
0
النقاط
1
الف شكر اخوي ماجد والله يسهل اليوم بدينا التجارب :)
 

طلو

New Member
إنضم
30 مايو 2011
المشاركات
13
مستوى التفاعل
0
النقاط
1
يا اخوان بعد تجربتي للبخاخ طلع فيه نفر مدري وش تسمونه انتم ؟
زي البثور في الصنادح هل هذا طبيعي ؟

وكان مافيني حكه الحين بعد البخاخ صار فيه حكه هل هذا طبيعي ؟
 
أعلى