قررت أترك المينوكسيديل -الافوجين بسبب !!وابغى ردودكم تكفون

انا استخدمته تقريبا شهر وجاب نتايج حلوه مرره ونبت لي شعر جديد لكن سبب لي تساقط مخيف وحكه وقشره لكن مو هذا السبب -السبب انه لاحظت شعر صغير مره بادي ينبت بالجبهه وعند الحواجب وعشان كذا تركته -- السؤال كيف اوقف التساقط اللي صار بسبب المينوكسيديل ؟
عادي اسوي حمام الزيت ولا اصبر شوي ؟
بحكم خلاص ما فيه مينوكسيديل وش تنصحوني استخدم ؟؟
وعادي استخدم اي زيت من الحين وانا ما لي غير يوم تارك المينوكسيديل ؟
الله الله بالردود تكفون

يا اخوي انصحك ماتتركه كذا فجأه حتى لا يسبب لك ضعف وتساقط شديد ويصير شعرك اخف من اول يجب ان تتركه تدريجيا او انك اذا ناوي مره ما عاد ترجع له خفف شعرك بالمكينه وحاول انك كل اسبوعين تسوي حمام زيت عند الحلاق ولكن قله لا يسوي تدليك قوي ولا يحك الجلد بألأظافير لأن اغلب الحلاقين يحك الجلد بألأظافير ويقلك عشان اشيل القشره

اخوي شهر واحد وجاب معاك نتيجه ليش ماتستمر عليه ....بس الشعر اللي طلع كان واضح ولا عباره عن زغب او لايري وان شاء الله ربنا يوفقك

شاكر لكم ردودكم اخوي مودي كيف استمر عليه وهو طلع شعر بالجبهه !! والشعر اللي طلع لا يرى ولكن طلع بظرف شهر كيف لو استمريت عليه سته اشهر اكيد راح يبان -- اخوي احمد انا قريت لك موضوع عن زيت روتاج انت من وين تشتريه وهل هو للصلع الوراثي

اخوي شهر مايجيب نتيجه يباله اقل شي 4 اشهر

لاتتتركه فجاءه نصيحه اتركه بالتدريج ولفتره طويله اشوي علشان مايصير تساقط فضيع

london قال:

اخوي شهر مايجيب نتيجه يباله اقل شي 4 اشهر

أنقر للتوسيع...

والله انه جاب معي نتيجه سريعه بس القهر الشعر اللي طلع بالجبهه لهوالله قهر مدري وش استخدم بديل له

مساء الخير صاحب المووضوع والاعضاء الكرام حبيت افيدك أنه فيه بخاخ الرغوه المنكسادول صناعه امريكيه خاص للاشخاص للي يسبب لهم ظهور الشعر بجوانب الجبين واسفله ولا يسبب القشره سعره كاان 190 ريال وألان بـ 210 ريال الله يعييينك و نتائجه نفس العادي .. تجده بصيدليه العنايه بالجلد فرع لهم بالتحليه بتجاه الغرب يجي قبل الاشارة ع اليميين والثاني بطريق الملك عبوودي الحبوب اموؤؤن بقوه مقابل الممشى الترفيهي ولك تحيه وتمر ع الجميع كلهم .

شاكر لكم ردودكم عساكم على القوه

السلام عليكم اخواني الكرام ومبارك عليكم شهر رمضان عندي استفسار هام وضروري جدا جدا جدا عن المينو كسيديل هل يؤثر على خصوبه الرجل ؟هل يحتمل يؤثر على الحيوانات المنويه؟هل يساهم في حدوث تشوهات للأجنه نتيجه تأثر السائل المنوي به ؟ انا بصراحه استخدم المنينو كسيديل من حوالي سنه ونصف والان تزوجت حديثا وخايف لا يكون يؤثر على حمل المرأه كمان كنت استخدم حبوب بروبيشا لمده سنه وتركتها خوفا من حدوث تشوهات للجنين نتيجه تشوه الحيوانات المنويه لمن يستخدمها . ارجومنكم ومن من مر بتجربتي افادتي الله يجزاه عنا وعن المسلمين خير الجزا والله اني في حيره وقبل ما اودعكم فيه سؤال صغير توه جا عند ترك حبوب بروبيشا لمده سته شهور هل تكون قد خرجت من الدم بشكل نهائي والف شكر لكم اخواني وللمنتدى على فتح واثاره هذا الموضوع الهام في انتظار ردودكم فمان الله.

اخوي خليل من خلال اطلاعي ان المينوكسديل ليس له اي تاثير ع الخصوبه اما بروبيشيا اكيد الاعضاء هنا هيفيدوك اكتر عنها لان مابعرف عنها شئ ...بس استفسار بسيط انت ليك سنه ونصف بتستعمل المينوكسديل كيف النتايج كانت ومتي ظهرت النتايج بوضوح وبتستعمله كام مره الحين وبارك الله فيك ورزقك الذريه الصالحه ان شاء الله

اخوي خليل والله ما اقدر افيدك لكن فيه حل نزل كلامك هذا كله بموضوع جديد عشان الناس تقراه لا تنسى وعسى الله يفرج همك يا رب يا كريم