المنتدى العربي لزراعة الشعر وعلاج الصلع

المنتدى العربي لزراعة الشعر وعلاج الصلع (https://www.hairarab.com/vb/)
-   نتائج وتجارب زراعة الشعر لعضوات المنتدى (إناث) (https://www.hairarab.com/vb/f30.html)
-   -   اجرمت في حق نفسي بالزراعه في طهران (https://www.hairarab.com/vb/t15111.html)

نوريتا 17-08-2016 11:38 AM

اجرمت في حق نفسي بالزراعه في طهران
 
سامحوني يا جماعه ما اقدر اكتب مقدمات من شدة الالام اللي احس فيها فبكتب الموضوع بإختصار... انا واختي جينا على طهران بعد الدعايه اللي شفناها فالانستقرام لشركة تتدعي انها تقدم خدمات في اي بي و حاطين اسم دكتوره يقولون انها الوحيده تزرع بالطريقه الامريكيه الحديثه وتعطيكم كتاب ضمان اذا ما حصلتوا النتيجه المرضيه لكم الحق تستردون المبلغ كامل بالاضافه الى ادويه لمدة 6شهور و ابر بلازما... وحاطين صور مغريه لقبل وبعد الزراعه... انا اختي انغرينا وخصوصا اننا متعقدين من الجبهه .. وكنا بحاجة زراعة 1سم تقريبا .. طبعا صاحب الشركه قالنا موعدكم بعد يومين قلناله مايصير لازم استشاره قبل ..فأخذنا و ودانا عياده ودخل علينا دكتور شعره طويل ويتفلسفون علينا واحد يتكلم ايراني والثاني عأساس يترجم والله اعلم على شو كانوا يتفقون !! راوانا صور لبنات يقول هو زارعلهم وبالطريقه الحديثه الامريكيه والابره اصغر عن الابره القديمه ويمدح شغله وان مافي اي الم وبيسويلنا غرزة اطفال ولا بنحس بشي و كل وحده فينا بيكون على راسها 7مساعدات والدكتور بيحدد الرسمه وبيسوي الثقوب وبعدين المساعدات بيخلصون الزراعه وكل السالفه من4ساعات الى 5ساعات بالكثير.. دفعنا وتجهزنا اليوم الثاني رايحين مركز الزراعه والمترجم يقول انه هالمركز معروف وكل ما اسأله شو اسم الدكتور يقول الدكتور ما يشتغل باسمه يشتغل باسم المركز المعروف والمشهور عقولته..دخلنا المجزره عياده وصخه كأنها صالون نسائي وصخ بشكل الدم فكل مكان كأنها مجزره.فصلوني عن اختي وخذوا تلفوناتنا قالوا ممنوع ..والقصد معروف عشان ما نصور القرف..وكل وحده كان عندها مساعده وحده والدكتور هذاك ماشفناه وما شفنا دكتور اساسا ..يانا واحد شلع راسنا من ورا بكل وحشيه وراح وبعدين تمت المساعده هي اللي سوت كل شي..طبعا تشتغل 5دقايق وتطلع نص ساعه وتسولف ويا اللي وياها وعلى هالحاله وانا اصيح من الالم من المنطقه المانحه تألمتي بشل مب طبيعي والنزم ما يوقف كل شوي يغيرون اللي تحت راسي لين حسيت دمي تصفى .. صرت ارجف من البرد وهم ما عندهم غطا للسرير ويقولون حر بعدين ما قدرت اثبت عالسرير من كثر البرد اللي احس فيه ويابولي لحاف معفن كله شعر ودم..وعلى هالحاله من الساعه10الصبح للساعه8 ونص المساء تخيلوا وانا اتمنى الارض تنشق وتبلعني..ورطت عمري وما اعرف اختي شصاير فيها بعد..وطلعونا بعد ما لفولنا راسنا لف بسبب النزيف اللي ما يوقف .. المشكله الالم الفضيع ما اقدر اتحمله في المنطقه المانحه اخاف ما خيطوه زين والا شلعوا شي بالغلط ولا فايد لا مسكن ولا غيره..و راسي ينزف ..
فعلا لا ذمه ولا ضمير .. لو كنت اعرف ان الزراعه بتكون بهالطريقه ما زرعت والله لو باقتلي شعره وحده.. في حد صار له مثلنا ؟ والا نحن انلعب علينا ؟ تخيلوا انهم ما راووني الشكل ولا اعرف حتى شو سووا بس شفتهم حلقوا شعري من ورا وقصصوا غرتي بالمقص ..تشويه بالمختصر .. اليوم يفترض اروح يفتحون الشاش و يظربونا ابره ما اعرف شو هي وقالولنا ناخذها لين 4ايام...هالكلام صار امس وما نمت طول الليل من الالم وبروح بعد كم ساعه يفتحون الشاش والله يستر من اللي صاير ... بليز اللي عندها نصيحه تنصحني فيها راسي مفتر احس ظلمت نفسي ... ونصيحه مني لا تأمنون فالهشركات ماعندهم ضمير حتى فأرواح الناس

وداع الروح 21-08-2016 03:45 PM

رد: اجرمت في حق نفسي بالزراعه في طهران
 
الله يعينك
وش وداك ايران ؟

استغرب تصدقون الانستغرام وغيره
اذا ماشفت تجارب واضحه ومقنعه لاتغامر

يارب مااصلع 27-08-2016 05:56 PM

رد: اجرمت في حق نفسي بالزراعه في طهران
 
لاحول يعني انتي الحين سويتي زراعه علشان الجبه كبيره!! القناعه كنز!!! كان رضيتي بخلقت ربي

ولد نجد 1 27-08-2016 07:17 PM

رد: اجرمت في حق نفسي بالزراعه في طهران
 
ايران وما ادراك ما ايران لو علاج الموت عندهم مارحت لهم هذي دولة تشوف العرب والخليجيين مثل الغنم واستغرب من العرب الي يرححون لهم اكره دولة على وجه الارض حقد دفين الله يستر عليكم هذي هي معاملتهم لنا كعرب ياليت لو صار شي غير مرضي لكم ماتسكتون لهم وههددوهم برفع قضايا عليهم مع اني ادري انهم بيضحكون وماراح يلتفتون للكلام وانتي من كلامك انك انتي واختك ما اطمئنيتي لهم ليه كلمتي معهم المفروض انسحبتي وخصوصا يوم شفتوا وضع العيادة اكيد ماراح يخطفونكم ويعملوا العملية بالغصب المهم الحين ماينفع الكلام الي صار صار قدامكم حل واحد اذا ماعجبكم الوضوع بعد فتح الشاش على طول ارفعوا اصواتكم بالتهديد واطلبوا صاحب المنشأة الي تسمى عيادة وصعدوا الموضوع وشوفوا وش قولون وتواصلوا معنا بالقروب

Abdulla j 31-08-2016 02:24 PM

رد: اجرمت في حق نفسي بالزراعه في طهران
 
ايران شاطرين بالتجميل ، اما الشعر تركيا افضل بكثير

ولد نجد 1 01-09-2016 02:54 AM

رد: اجرمت في حق نفسي بالزراعه في طهران
 
لا شاطرين لا بتجميل ولا بغيرة ايران دولة متخلفة بكل شي هذا غير حقدعم علينا .. بعدين وين الاخت كتبت الموضوع واختفت ياليت تعلمنا وش صار عليهم الحين

ورده 31-01-2017 07:10 PM

رد: اجرمت في حق نفسي بالزراعه في طهران
 
طمنيني اختي وش صار عليكم
الله يعوضكم خير و ياجركم علي صار فيكم
كل بني ادم يغلط
بس ايران يمه لو يدفعون لي فلوس الدنيا كلها مارحت لهم

(عبدالعزيز) 31-01-2017 09:01 PM

رد: اجرمت في حق نفسي بالزراعه في طهران
 
ممكن اسم العيادة واسم الدكتور والمنطقة الي فيها العيادة

ابو فارس1111 31-01-2017 10:08 PM

رد: اجرمت في حق نفسي بالزراعه في طهران
 
اذا رجعت دولتك روحي على اقرب طبيب جلدية شاطر وعالجي الموضوع هذي نصيحتي ولاعاد تلغبين باي شي حاولي انك تقفلين الموضوع معاهم واشكريهم حتى وارجعي بلدك وع المستشفى يتابعون حالتك

علي الشعلان 01-02-2017 08:05 AM

رد: اجرمت في حق نفسي بالزراعه في طهران
 
الله يخارجك انتي واختك ويصلحكم ان شاء الله تشوفون نتائج مرضيه وتزين اموركم بذن الله بس الحقيقه ايران تخوف والمفروض ماسويتي العمليه الى بتركيا على الاقل تعاملهم مع العرب ممتاز بس ايران مايشوفوننا في عيونهم شيء يساعد الاسرائيلي ولى يساعد العربي من حقدهم علينا*


الساعة الآن 10:44 AM

Powered by vBulletin® Copyright ©2000 - 2018, Jelsoft Enterprises Ltd
HêĽм √ 3.2 OPS BY: ! ωαнαм ! ©, Soft