bnr1 bnr1
bnr1 bnr1 bnr1 bnr1
bnr1 bnr1 bnr1 bnr1

تجربتي مع دكتور بسام جباعي

N-1

New Member
إنضم
24 مايو 2013
المشاركات
20
مستوى التفاعل
0
النقاط
1





السلام عليكم ورحمة الله وبركاته

مشكلتي مثل الأغلبية هنا جبهتي كبيرة :d
الموضع موب صلع فجأة بس من انولدت وانا كذا بس ما قد حسيت ان جبهتي كبيره
رغم ان صوري وانا صغيره نص وجهي عبارة عن جبهه ماشاء الله وعااادي :d
لين مره وانا في المتوسط رحت مشغل وقالت جبينها كبير لازم غره وحقدت عليها! ههههه
وهذا حالي بفضلها من المتوسط وانا حاطه غره على جنب
وكنت لما ارفع شعري عند اهلي واقولهم جبهتي كبيره يقولون تبالغين ومافيها فكره
هذا كله وانا ما ادري اصلا انه فيه زراعة للمقدمة .. كنت احسب زراعة الشعر مع ورا أو داخل الشعر
أول استشارة لي كانت مع دكتور وليد الغالمدي في ادمه .. اسلوبه جميل ومحترم بس احبطني شوي لما قال احتمال كبير انها ماتضبط وارجع اسويها لك مره ثانيه وكرر جملته مرتين
طلعت من عنده وانا ما ارتحت أو ما حسيت بأي شي بمعنى اصح .. بس فجأة بعدها بفتره قلت بسويها ودقيت قالوا لي في اجازه وشلت الفكره من راسي كم شهر لما سمعت عن دكتور بسام
اخذت عنده موعد في شعبان واول ما رفعت الغره قال "اوف!" :d حسيت كأنه معطيني كف على وجهي :d
كنت متخوفة من سالفة البصيلات ومنظرها لأن اللي كان في بالي انها بتستمر ثلاث شهور .. بس قال كلها 10 ايام وما كأنك مسوية شي

قبل يومين تيسر امر هالعملية وجتني الشجاعة اسويها
رحت الساعة 9 قاسوا ضغطي ووزني وغيرت ملابس ودخلت
تعامل الدكتور مريح جدا ويطمن .. كل شوي يسأل ويسولف ويقولي بتحسين بشوية الم معليش وخبريني لو زاد
واذا بغيتي شي علميني لا تستحين .. والصراحة كل اللي معه كانوا كويسين
كنت متخيلة الالم بيكون كبير وقت العملية بس طلع اهون من اللي في بالي .. فيه الم بس عبارة عن وخزات
المزعج بالموضوع كانت الاصوات اللي اسمعها .. يعني الالم نفسي اكثر
خلصنا على الساعة 5 بالضبط
عطاني بنادول وبريدنيزولون وروكسل

الم الراس بعد العملية قوي .. ماقدت انام في الليل خايفة من الاحتكاك ومن كثر الشد ما قدرت
اشوف كثير معطينهم وسايد خاصه بس ما قالي عنها شي ولا عطاني
حذرني من اني انزل راسي لاي سبب وقالي راح يسبب لك انتفاخ .. وتشوفوني في البيت مشبصه كأني مسويه تسريحة وخايفه تخرب :d
اثناء العملية عطاني ابرتين وحده عشان الانتفاخ والثانيه ما ادري حقت وشو
الرسمة ماكانت مرضية بالنسبة لي بس نفس كلامه المعتادة عشان يبين طبيعي ولا تحكمين الحين اصبري

خلصنا العملية الحمدلله .. حسيت بدوخة خفيفة بعدها
ومن بكرا رحت غسلت شعري عندهم وعلمتني كيف امشطه واغسله
بس الغريب قالت حطي شعرك على ورى ولما سألتها ما اقدر انزل الغره قالت لا!

طيب كيف اروح للناس كذا؟ والى متى الاحمرار والشعيرات بتكون موجوده؟
بتطيح هالفتره والا تطول؟
ومتى اقدر انزل غرتي لأن ما كنت اقدر اعيش بدونها قبل الزراعة كيف بعدها ههههه :(
وهل الالم بيخف هاليومين والا اذا شلت الغرز؟ لأني باختصار ما انام ابدا من الالم !
وبالنسبة لغسيل البصيلات .. قريت انه فيه ناس تزيد الفرك كل يوم بس ماذكرت لي هالشي .. هل اغسله عادي والا ازيد القوه كل يوم؟

خوفتني يوم قالت الممرضه بتفك الغرز لأن الدكتور عنده مؤتمر .. عادي ؟ طمنوني :(

ادري اسئلتي كثيره بس متوتره وعلى اني قريت كثير احس فجأة ما اعرف شي
شكرا مقدما وادعولي :(
وأي سؤال عن العملية أنا حاضرة



 

وداد

مدير عام
إنضم
15 أكتوبر 2012
المشاركات
4,216
مستوى التفاعل
4
النقاط
38



أهلا أختي

الحمد لله على سلامتك والف مبروك الزراعة ،،


أختي بالنسبة للدكتور وليد الغامدي فكلامه صحيح وليس محبط لان غالبا جلسة وحدة غير كافية للحصول على الكثافة المطلوبة ،،

وعادة نحن البنات نتثاقل هذا الامر ونتمنى الحصول على الكثافة من أول جلسة لكي نرتاح ،، ولكن بعد مرور 8 أشهر تستطيعين تحديد اذا كنتي بحاجة الى جلسة أخرى كما قال لك الدكتور وليد أم لا ،،


بس الغريب قالت حطي شعرك على ورى ولما سألتها ما اقدر انزل الغره قالت لا!

أختي هناك بعض العيادات يحتاطون أكثر من اللازم لمصلحة الشخص الزارع ويعطونك النصائح بشكل رسمي كي يتجنبوا أي مشكلة ،، ولكن اذا نزلتي الغرة على الشعر المزروع ليس هناك أي مشكلة وانا شخصيا فعلتها في أول يوم من زراعتي ،، ولكن ضعي الغرة بحذر شديد وبدون ان تحتك بالبصيلات المزروعة ،، ولا تحاولي تمشيط الغرة وهي على الشعر المزروع كي لا تنزعي البصيلات بالخطأ ،،


طيب كيف اروح للناس كذا؟ والى متى الاحمرار والشعيرات بتكون موجوده؟
بتطيح هالفتره والا تطول؟

عزيزتي الفترة لن تطول بإذن الله ،، فالشعر المزروع سيسقط أغلبه في الشهر الاول والجزء الاخر في الشهر الثاني ،، أما بالنسبة للاحمرار فسيزول تدريجيا وبعض الزارعين يخف الاحمرار لديهم من الشهر الاول والبعض يستمر الى أكثر من ذلك ،، ولكن للامانة اللوشن المرطب الذي يتم وضعه على البصيلات المزروعة قبل الاستحمام بساعة يساعد كثيرا في تساقط القشور وتخفيف الاحمرار ،،


ومتى اقدر انزل غرتي لأن ما كنت اقدر اعيش بدونها قبل الزراعة كيف بعدها ههههه :(

أخبرتك تستطيعين تنزيلها ولكن بحذر شديد ،،

وهل الالم بيخف هاليومين والا اذا شلت الغرز؟ لأني باختصار ما انام ابدا من الالم !

بعد إزالة الغرز سيخف الالم قليلا ولكن سيخف أكثر بعد مرور شهر تقريبا ،،

وبالنسبة لغسيل البصيلات .. قريت انه فيه ناس تزيد الفرك كل يوم بس ماذكرت لي هالشي .. هل اغسله عادي والا ازيد القوه كل يوم؟

أختي بالنسبة للغسيل فيفترض عند غسيل الشعر بالشامبو وعمل الرغوة أن تأخذي من الرغوة وتغسلي بها البصيلات المزروعة بعمل مساج خفيف أو متوسط ولكن لا تفركي بشدة واستمري على ذلك كل يوم الى أن تزول جميع القشور ،،

خوفتني يوم قالت الممرضه بتفك الغرز لأن الدكتور عنده مؤتمر .. عادي ؟ طمنوني :(

ماداموا الممرضات سيفكون الغرز فهم بالتأكيد مؤهلين لذلك من قبل الطبيب فلا تقلقي ،، فإزالة الغرز أهون بكثير من العملية نفسها ،،

ادري اسئلتي كثيره بس متوتره وعلى اني قريت كثير احس فجأة ما اعرف شي
شكرا مقدما وادعولي :(

لا عادي خذي راحتك أختي وان شاء الله تشوفين نتائج طيبة ،،


وأي سؤال عن العملية أنا حاضرة

نرجو ذكر عدد البصيلات المزروعة ونتمنى تحديث الموضوع للاستفادة ،،

تحياتي ،،


 

N-1

New Member
إنضم
24 مايو 2013
المشاركات
20
مستوى التفاعل
0
النقاط
1


شكرا وداد ريحني كلامك
بالنسبة لعدد البصيلات أعتقد الفين
الكريم اللي قبل الشاور ممكن اسمه ؟ بدق استفسر من الدكتور اذا بيسمح اخذه والا لا

ألف شكر مره ثانيه الله يسعدك
 

أصلع ملعلع

متميز
صاحب تجربة
إنضم
18 مايو 2011
المشاركات
2,574
مستوى التفاعل
1
النقاط
36
مبروك أختي الكريمه
وانشاء الله تشوفين النتائج اللي ترضيك

أولا لاتشيلين هم الغرز لأن أصلا ما يشيلها الا الممرضات
قص العقده من فوق وسحب الخيط ما يبيلها شي

والغسيل أحرصي عدم الفرك بقوه دأئما خليه خفيف الين تثبت البصيلات

أما الآثار تختلف من شخص لآخر
وانتي انشاء الله بعد تجاوز العشرة ايام الأولى وبداية تساقط الشعر المزروع راح
تعملين غرة باستمرار للأمام يعني ماراح أحد يشوف شي
تمنياتي لك بالتوفيق
 

N-1

New Member
إنضم
24 مايو 2013
المشاركات
20
مستوى التفاعل
0
النقاط
1
مبروك أختي الكريمه
وانشاء الله تشوفين النتائج اللي ترضيك

أولا لاتشيلين هم الغرز لأن أصلا ما يشيلها الا الممرضات
قص العقده من فوق وسحب الخيط ما يبيلها شي

والغسيل أحرصي عدم الفرك بقوه دأئما خليه خفيف الين تثبت البصيلات

أما الآثار تختلف من شخص لآخر
وانتي انشاء الله بعد تجاوز العشرة ايام الأولى وبداية تساقط الشعر المزروع راح
تعملين غرة باستمرار للأمام يعني ماراح أحد يشوف شي
تمنياتي لك بالتوفيق



الله يبارك فيك ويسمع منك يارب
طمتني والله كنت شايله هم الغرز

البصيلات تقريبًا كم يبيلها من يوم عشان تثبت ؟
شكرًا لكلامك والنصيحه الله يسعدك


 

وداد

مدير عام
إنضم
15 أكتوبر 2012
المشاركات
4,216
مستوى التفاعل
4
النقاط
38
بالنسبة للوشن الذي يتم وضعه قبل الاستحمام بساعة فأنا لاحظت بأن العيادات التركية توصي به بعد الزراعة بينما العيادات الاخرى لا توصي به أو لا تذكر أهميته ،،

ولكن من واقع تجربة فاللوشن الطبي يخفف كثيرا من الاحمرار ويساعد على ازالة القشور بسرعة وتعافي المنطقة المزورعة ،،

فلو اردتي استخدامه فيوجد منه أنواع كثيرة كالبانثينول، وسيتافيل، وبيبانثين او أي لوشن طبي للجسم خالي من العطور والكحول وللبشرة الحساسة ،،

وبشأن ثبات البصيلات فبمجرد تساقط القشور من 10 الى 14 يوم تكون البصيلات قد استقرت ان شاء الله ،،

تحياتي ،،
 

N-1

New Member
إنضم
24 مايو 2013
المشاركات
20
مستوى التفاعل
0
النقاط
1
بالنسبة للوشن الذي يتم وضعه قبل الاستحمام بساعة فأنا لاحظت بأن العيادات التركية توصي به بعد الزراعة بينما العيادات الاخرى لا توصي به أو لا تذكر أهميته ،،

ولكن من واقع تجربة فاللوشن الطبي يخفف كثيرا من الاحمرار ويساعد على ازالة القشور بسرعة وتعافي المنطقة المزورعة ،،

فلو اردتي استخدامه فيوجد منه أنواع كثيرة كالبانثينول، وسيتافيل، وبيبانثين او أي لوشن طبي للجسم خالي من العطور والكحول وللبشرة الحساسة ،،

وبشأن ثبات البصيلات فبمجرد تساقط القشور من 10 الى 14 يوم تكون البصيلات قد استقرت ان شاء الله ،،

تحياتي ،،


بحاول اتصل على دكتور بسام واستفسفر منه
مع اني اعتقد ان اجازتهم تبدا بكرا
عموما مشكوره ما قصرتي




لاحظت ان جبهتي بدت تنتفخ والله يستر ما يزيد الانتفاخ أكثر من كذا
والمنطقة الخلفية مازالت مشدودة وتعور
الله كريم ويارب يتمم على خير ..



 

روعة الامل

متميز
صاحب تجربة
إنضم
18 يوليو 2012
المشاركات
293
مستوى التفاعل
0
النقاط
16


بحاول اتصل على دكتور بسام واستفسفر منه
مع اني اعتقد ان اجازتهم تبدا بكرا
عموما مشكوره ما قصرتي




لاحظت ان جبهتي بدت تنتفخ والله يستر ما يزيد الانتفاخ أكثر من كذا
والمنطقة الخلفية مازالت مشدودة وتعور
الله كريم ويارب يتمم على خير ..




الانتفاخ بسبب البنج وهذا طبيعي جداااااااااا ..

والشد الحاصل معناته ان الجرح بدا يلتئم ..

وبالنسبة للبصيلات من الاحتياط حطي في بالك من اسبوع الى 10 ايام حتى تثبت مع انه علميا يكفي خمس ايام

امورك مرة في السليم اختي والف مبروك نجاح العملية وعقبال النتايج المرضية والحلوة

 

جبهة حرب

متميزة
صاحبة تجربة
إنضم
26 أكتوبر 2011
المشاركات
614
مستوى التفاعل
1
النقاط
18
الإقامة
المملكه العربيه السعودية , الرياض
هلا أختي

كأنك تتكلمين عني بالضبط

ونفس الكلام اللي قاله لك قاله لي ... أحس كأني انا إللي كاتبه التقرير هههههههههههههههههههه


ماقصرت أخت وداد وأخ أصلع ملعلع جابوا على كل شي

بالنسبة للغرة أسألي الدكتور ماعليك من الممرضات

انا قالي عادي حطي الغره فوق الشعر بس طبعاً امشطها بعيد عن البصيلات

واحطها كأني أحط الشيلة إن شاء الله تكوني فهمتيني

بالنسبة للأنتفاخ عادي ممكن يكون فيه شوي أنتفاخ بالجبهه بس مو لاحظ مجرد ماترجعين راسك ورا وتسترخين يخف

ويمكن تلاحظين هذا إذا نمتي وصحيتي تلقين الأنتفاخ خف

أما الفرك أنصحك لا تفركين لين تطلع القشور

حطي بس الرغوه على الشعر المزروع بخفه يعني بس الرغوة هي اللي تلامس الشعيرات المزروعه


والممرضات هم دايم اللي يفكون الغرز


وإن شاء الله تشوفين النتايج اللي ترضيك يااااااااارب


كم كلفتك العملية ؟

تحياتي
 

N-1

New Member
إنضم
24 مايو 2013
المشاركات
20
مستوى التفاعل
0
النقاط
1
الانتفاخ بسبب البنج وهذا طبيعي جداااااااااا ..

والشد الحاصل معناته ان الجرح بدا يلتئم ..

وبالنسبة للبصيلات من الاحتياط حطي في بالك من اسبوع الى 10 ايام حتى تثبت مع انه علميا يكفي خمس ايام

امورك مرة في السليم اختي والف مبروك نجاح العملية وعقبال النتايج المرضية والحلوة


الله يبارك فيك وان شاء الله يارب تكون النتيجة سريعة ومرضية
وانا هذا اللي سمعته انه يحتاج خمس ايام .. بس اللي يخوف شوي سالفة الغسيل اخاف اجيب العيد
الله يسهل ان شاء الله .. شكرا جزيلا

 

N-1

New Member
إنضم
24 مايو 2013
المشاركات
20
مستوى التفاعل
0
النقاط
1
هلا أختي

كأنك تتكلمين عني بالضبط

ونفس الكلام اللي قاله لك قاله لي ... أحس كأني انا إللي كاتبه التقرير هههههههههههههههههههه


ماقصرت أخت وداد وأخ أصلع ملعلع جابوا على كل شي

بالنسبة للغرة أسألي الدكتور ماعليك من الممرضات

انا قالي عادي حطي الغره فوق الشعر بس طبعاً امشطها بعيد عن البصيلات

واحطها كأني أحط الشيلة إن شاء الله تكوني فهمتيني

بالنسبة للأنتفاخ عادي ممكن يكون فيه شوي أنتفاخ بالجبهه بس مو لاحظ مجرد ماترجعين راسك ورا وتسترخين يخف

ويمكن تلاحظين هذا إذا نمتي وصحيتي تلقين الأنتفاخ خف

أما الفرك أنصحك لا تفركين لين تطلع القشور

حطي بس الرغوه على الشعر المزروع بخفه يعني بس الرغوة هي اللي تلامس الشعيرات المزروعه


والممرضات هم دايم اللي يفكون الغرز


وإن شاء الله تشوفين النتايج اللي ترضيك يااااااااارب


كم كلفتك العملية ؟

تحياتي



حاسه فيني يعني ههههههههههه
انا الغره ماعندي مشاكل معها هاليومين عادي بخلي شعري على ورا .. بس اذا بدت الدوامات مضطره ارجعها

بالنسبة للقشور موجوده بس خفيفه .. بحاول اتبع نصيحتك وان شاء الله خير
والعملية كلفتني 20 الف الا شوي بعد التخفيض
ويارب الله يسمع منك في هالليلة الفضيلة وتطلع النتيجة مرضية واقدر البس طوق وربطة هههههه

الله يسعدك يارب مشكوره


 

N-1

New Member
إنضم
24 مايو 2013
المشاركات
20
مستوى التفاعل
0
النقاط
1


لو سمحتوا عندي استفسار
الشعر المزروع متى يبدا يتساقط ؟
اليوم أصبحت على اليوم الخامس ولاحظت خط صغير طاح منه الشعر
طبيعي كذا ؟



 

جبهة حرب

متميزة
صاحبة تجربة
إنضم
26 أكتوبر 2011
المشاركات
614
مستوى التفاعل
1
النقاط
18
الإقامة
المملكه العربيه السعودية , الرياض


لو سمحتوا عندي استفسار
الشعر المزروع متى يبدا يتساقط ؟
اليوم أصبحت على اليوم الخامس ولاحظت خط صغير طاح منه الشعر
طبيعي كذا ؟





اختي إذا كانت الشعرات اللي طاحت تحسيها مقصوصه من الجهتين فلا تقلقي


تحياتي
 

وداد

مدير عام
إنضم
15 أكتوبر 2012
المشاركات
4,216
مستوى التفاعل
4
النقاط
38


لو سمحتوا عندي استفسار
الشعر المزروع متى يبدا يتساقط ؟
اليوم أصبحت على اليوم الخامس ولاحظت خط صغير طاح منه الشعر
طبيعي كذا ؟




نعم طبيعي ولا تقلقي فجميع الشعر المزروع يفترض ان يتساقط وكلما تساقط اسرع كان افضل لكي يظهر الشعر الجديد المزروع ،،

دعيه يتساقط وانتي متفائلة ،،
 

جبهة حرب

متميزة
صاحبة تجربة
إنضم
26 أكتوبر 2011
المشاركات
614
مستوى التفاعل
1
النقاط
18
الإقامة
المملكه العربيه السعودية , الرياض

معليش بس ما فهمت مقصدك :(
كيف مقصوصه من الجهتين ؟


يعني يكون طرفي الشعره مقصوصه يعني مافيها جزء منتفخ

وحتى لو كان فيه جزء منتفخ فلاتقلقي ايضاً لإن ذلك حدث لي والحمدلله ماتأثرت النتيجة :)


تحياتي
 

N-1

New Member
إنضم
24 مايو 2013
المشاركات
20
مستوى التفاعل
0
النقاط
1


وداد وجبهة حرب
مشكورين الله يسعدكم 3>




اليوم كملت 18 يوم تقريبا
بدا الشعر المزروع يتساقط بس احسه طول
لأن الموجود أكثر من اللي طاح :(
يارب يطيح وينتب الشعر الجديد بسرعه .. متحمسه ادعولي :d
 

جبهة حرب

متميزة
صاحبة تجربة
إنضم
26 أكتوبر 2011
المشاركات
614
مستوى التفاعل
1
النقاط
18
الإقامة
المملكه العربيه السعودية , الرياض


وداد وجبهة حرب
مشكورين الله يسعدكم 3>




اليوم كملت 18 يوم تقريبا
بدا الشعر المزروع يتساقط بس احسه طول
لأن الموجود أكثر من اللي طاح :(
يارب يطيح وينتب الشعر الجديد بسرعه .. متحمسه ادعولي :d



مرحبا اختي

قدامك تقريباً اكثر من شهر عشان يتساقط اغلب الشعر

ولا تقلقي من بقاء بعض الشعر ونموه فهذا أمر طبيعي

أصعب مرحله في الزراعه هي الأنتــــظـــــار

فصبرٌ جميل والله المستعان


تمنياتي لك بالتوفيق

تحياتي
 

سوسو خانوم

New Member
إنضم
18 فبراير 2013
المشاركات
8
مستوى التفاعل
0
النقاط
1
الله يسعدكم ويفرحكم بالنتيجة
مثلا لوزرعت كم يوم اجلس عشان يصير الشعر بالجبهه كأنه شعر نابت عادي ؟
يعني اقدر ارفع غرتي ؟ واقابل الناس؟؟
 

جبهة حرب

متميزة
صاحبة تجربة
إنضم
26 أكتوبر 2011
المشاركات
614
مستوى التفاعل
1
النقاط
18
الإقامة
المملكه العربيه السعودية , الرياض
الله يسعدكم ويفرحكم بالنتيجة
مثلا لوزرعت كم يوم اجلس عشان يصير الشعر بالجبهه كأنه شعر نابت عادي ؟
يعني اقدر ارفع غرتي ؟ واقابل الناس؟؟



الشعر يبدأ بالظهور بعد الشهر الثالث لكن غير واضح

بعد الشهر السادس ممكن يظهر للناس كأنه (بيبي هير)


وإذا رغبتي يا أختي سوسو بأي سؤال اطرحيه في قسم أسئلة وأجوبة عن زراعة الشعر


تحياتي
 
أعلى